मला वाटतेय तुमचा काहीतरी गैरसमज होतोय... परत एकदा सलग खुलासा करतो... १. मनमोहन सिंग आणि अडवाणी या दोघांचा जन्म १९४७ सालापूर्वी म्हणजे पाकिस्तानात झाला नाही तर ब्रिटीश ईंडीयात झाला. आजच्या त्यांच्या पदांवरून त्या दोघांकडे भारतीय पासपोर्ट आहे असे खात्रीने समजायला हरकत नाही. म्हणजे ते दोघे कधिही पाकिस्तानी नव्हते आणि आता नक्कीच भारतीय आहेत. २. केवळ जन्मस्थानाच्या आधारावर पाकिस्तानी नागरिकत्व ठरवायचे झाल्यास, १४ ऑगस्ट १९४७ ह्या तारखेनंतर पाकिस्तानी भूमीवर जन्मलेली व्यक्ती (जर त्या व्यक्तीचा पिता पाकिस्तानचा शत्रू म्हणून घोषित झाला नसेल तरच) पाकिस्तानी नागरिकत्वासाठी पात्र असते. या नियमानेही ते दोघेही पाकिस्तानी होऊ शकत नाहीत. अजून थोडे, धाग्याच्या संदर्भाने... ३. भारतीय नागरिकाशी विवाह केलेली आणि भारतात ७ किंवा जास्त वर्षे वास्तव्य असलेली व्यक्ती भारतीय नागरिकत्वास अर्ज करण्यस पात्र ठरू शकते. यासाठी त्या व्यक्तिचा पूर्वीचा नागरिकत्वाचा देश कोणता असावा यावर कोणतेही बंधन नाही. हा मार्ग पकडून एखादी पाकिस्तानी असलेली व्यक्ती भारतीय नागरीक बनून नंतर भारतातील वैधानिक पद ग्रहण करू शकते... कारण भारतीय वैधानिक पदांच्या (निदान पंतप्रधान व राष्ट्रपती पदांबाबतच्या) नियमांत जन्मस्थळाचा संदर्भ गृहित धरलेला नाही. मी वैधानीक बाबतीत तज्ञ नाही. माझ्या सर्वसामान्य ज्ञानाप्रमाणे इतकेच. याबाबतीतले तज्ञ अजून भर टाकतीलच.