पाककृती
बरटा
Primary tabs
हे एक उपवासाला चालणारे लिंबाचे झटपट लोणचे आहे. माझी आई हे लोणचे छान करते.
साहित्यः एक लिंबू, गूळ, लाल तिखट, मीठ, भाजून केलेली जिरेपूड, आवडत असल्यास दाण्याचे कूट.
कृती: लिंबू चिरून कुकरमध्ये उकडून घ्यावे. उकडताना दोन चमचे पाणी घालावे (जास्त नको). उकडलेल्या लिंबाच्या बिया काढून हाताने कुस्करून घ्यावे. त्यात आवडीप्रमाणे व चवीप्रमाणे गूळ, मीठ, लाल तिखट, जिरेपूड घालून कालवावे. लिंबू उकडल्यावरही त्यात थोडा कडसरपणा असतोच, तो ज्याना आवडत नसेल त्यांनी छोटा चमचा दाण्याचे कूट घालावे.
साबूदाण्याची खिचडी / वडे, वर्याचे तांदूळ याबरोबर बरटा चांगला लागतो. एरवी पोळी किंवा ब्रेडबरोबरही छान तोंडीलावणे आहे.
(अवांतर - ताजा केलेला बरटा आत्ताच संपल्याने चित्र चढवू शकत नाही त्याबद्दल क्षमस्व! पुढच्या वेळी आठवणीने चित्र देईन.)
रेवती
पाककृती छान आहे.
पण अगदी एकाच लिंबाची असल्यामुळे 'चेटूक' केल्यासारखी वाटतेय.
वेगळीच आहे पाकृ. करुन बघते. साल तशीच ठेवायची का लिंबाची??
धन्यवाद पेठकरकाका,
माझ्या जवळच्या ग्रोसरी दुकानात मोठ्ठी लिंबे मिळतात. एका लिंबाचा एक वाटी बरटा होतो व जेमतेम दिड दिवस पुरतो. ताजा असताना लिंबाचा स्वाद असतो जो दुसर्या दिवशी कमी होतो म्हणून एका लिंबाचा करते.
यशोधरा,
जरूर करून बघ. उपवास वगैरे नसताना मी डाळ तांदुळाबरोबरच लिंबू वेगळ्या भांड्यात शिजवून घेते म्हणजे फक्त लिंबासाठी कुकर लावायला नको. लिंबाची साल असणे महत्वाचे आहे. त्याचा उग्र वास शिजवल्यावर बराच कमी होतो व साल हाताने कुस्करता येते.
रेवती
वा! बरटा सह्हीच! :)
लिंबाच्या कुठल्याही लोणच्याचे नाव ऐकल्यावर माझ्या तोंडाला पाणी सुटते.
कडसर, आंबट, तिखट + झटपट! पाकृ आवडली.
पा कॄ आवड्ली
बरट्याची चव घेणार्या सर्व खवय्यांचे आभार!
रेवती
रेवती
मी हि रेसिपी लगेच केली
माझ्या मिस्टरा ना आवडली
रेसिपी आवडली. याला बरटा हे नाव नवीन ऐकले.
चकली
http://chakali.blogspot.com
किर्ती व चकली,
पाककृती आवडल्याचे कळवल्याबद्दल आभार!
किर्ती, आपण बर्याच उत्साही दिसता. लगेच करूनही बघीतलीत पाकृ!
रेवती
हे लोणचे करून पाहिनच,एकाच लिंबाचे करता येते हे आणि उत्तम!
बरटा हे नाव प्रथमच ऐकले ,:)
स्वाती
:H छान आहे ! करुन पहिली आवडलि !