१. केनिया असो अथवा ब्राझिल अथवा या प्रुथ्वी तला वरील कोणताही देश.. तो भारतापेक्षा नक्कीच सुखावह असतो.. २. शक्यतो अमेरिका. युरोप , न्युझीलंड आणि ऑस्ट्रेलिया शिवाय इतर देशात १ ते २ वर्षांसाठी फॅमिली न नेणे चांगले. सेव्हिंग जास्त होते. ३. खालील साईट वर जा.. http://www.expatriates.com/ मी सौदीला असतांना ह्याच साईटचा वापर करून घर मिळवले होते.कुणालाही एक नवा पैसा पण न देता.फुकट आणि भरवशाची साईट आहे. ४. परदेश प्रवास जेव्हढा बिंधास्त पणे करता येईल तेवढा करा.जास्त सामान नेवू नका.भारतीय वस्तू मिळणारी दुकाने (अगदी नारळा पासून ते चिंचे पर्यंत आणि पोळ्पाटा पासून ते पाटा वरवंट्या पर्यंत) सगळ्या मोठ्या शहरांत असतात. केनिया आणि ब्राझिल मध्ये गुज्जू वस्ती बर्‍यापैकी असल्याने खाण्याचा प्रॉब्लेम यायचे शक्यता कमी आहे. ५. जातांना कमीत कमी सामान नेणे. तर येतांना काहीच न आणणे हा प्रवासाचा मुलमंत्र आहे.. पुण्यात आणि मुंबईला जर एखादी गोष्ट मिळत नसेल तर ती जगांत कुठेही मिळत नाही ह्यावर माझा तरी ठाम विश्वास आहे..

ज्येष्ठ मिपाकर विलासराव यांनी त्यांच्या ब्राझिल भेटीबाबत १० भागांची लेखमालिका लिहिली आहे. ती अवश्य वाचा. http://www.misalpav.com/node/13708 एक सूचना - शीर्षक अधिक स्पष्ट हवे, माहिती केनिया / ब्राझिल येथे नव्याने वास्तव्य करण्यासाठी हवी आहे असे दिसते. शुभेच्छा!!

तुम्हाला कदाचित या गोष्टी ठाऊकच असतील, तरी लिहितो आहे: १. कोणतीही बॅग बाहेरून चेनचे कप्पे/खिसे असतील अशी घेऊन नका. (तुमच्या नकळत कोणी ड्रग्स वगैरे ठेवू नयेत म्हणून). शिवाय एयरपोर्टवर बॅगांना संपूर्णपणे प्लास्टिकने सीलबंद करण्याची सोय असते ते करून घ्या. २. खसखस वा खसखस लावलेले पदार्थ ( अनारसे इ.) नेऊ नका. खसखस म्हणजे अफूच्या बिया असल्याने कित्येक देशात त्यावर बंदी असून कडक शिक्षा असते. ३. एयरपोर्टवर खरेदी केलेल्या प्रत्येक वस्तूची पावती सांभाळून ठेवा. मुख्य म्हणजे अशी खरेदी करण्याच्या जागी कुणी लहान मुलाला चॉकलेट वगैरे, वा अन्य अगदी किरकोळ वस्तु जरी 'फ्री गिफ्ट' म्हणून दिली, तर अजिबात घेऊ नका. काही देशात हे एक फार भयंकर जाळे आहे, त्यात सहजपणे लोक अडकतात. ४. खरेदी करताना तुम्ही पेमेंट करत असताना कुणी घाईघाईत येऊन काही विनंती वगैरे केली तर सावध रहा. त्यांना मदत करण्याच्या भानगडीत पडू नका. तुमचा पासपोर्ट दाखवून अन्य कुणाला काही खरेदी करून देऊ नका.