Welcome to misalpav.com
लेखक: विजुभाऊ | प्रसिद्ध:

प्रतिक्रिया

दगडुशेठ हलवाई गणपती म्हणत असतील ते. सारस्बाग, चतु:श्रुंगी पण दाखवु शकता. आगाखान पॅलेस कात्रज सर्पोद्यान आणि तेथील प्राणी संग्रहालय दर्दी अजुन भर घालतीलच ;)

कोल्हापुरात रंकाळा , भवानी मंडप , जुना राजवाडा , शालीनी पॅलेस , कनेरी मठ अशी ठीकाणे दाखवता येतात. टेंबला‌ई टेकडीवरील टेंबला‌ई देवीचे देवालय तसेच ऐतिहासिक नसले तरी चंद्रकांत मांढरे यांचे कलादालन पाहण्यासारखे आहे.जवळच पन्हाळा आणि ज्योतिबाला सुद्धा जाउन येता येते.

१. पाताळेश्वरः ८/९ व्या शतकात राष्ट्रकूट कालखंडात एका पाषाणात तेही जमिनीवरून खालच्या पातळीत खोदले गेलेले देखणे लेणे २. भारत इतिहास संशोधक मंडळः इथले ऐतिहासिक वस्तूंचे संग्रहालय अतिशय जबरदस्त. वीरगळ, गधेगाळ, जुन्या मंदिरांचे अवषेश, दुमिळ मूर्ती, शिलाहारकालीन, यादवकालीन अस्सल ताम्रपट, शिवकालीन, पेशवेकालीन कागदपत्रे, औरंगजेबाच्या पंजाची मुहर असलेले अस्सल फर्माने, जुन्या काळातले दुर्मिळ नकाशे, चित्रशाळेतील जुनी चित्रे सारेच कसे अगदी बघण्यासारखे. मात्र हे बघायला सकाळी ९ च्या दरम्यान जावे लागते आणि कमीत कमी ७/८ माणसे असल्याशिवाय संग्रहालय दाखवीत नाहीत. स. ११.३० पर्यंत खुले असते. ३. त्रिशुंड गणपती मंदिरः मंगळवार पेठेत असलेले हे कोरीव शिल्पकामाने नटलेले शिल्पसमृद्ध मंदिर. ४. शेलारवाडीची लेणी (घोरावडेश्वरः) देहूरोडजवळ असलेली ही बौद्धकालीन लेणी

केळकर म्युझियम कुठे आहे. पूर्वी ते आप्पा बळवन्त चौकापासून चालत जाण्याच्या अंतरावर होते . तेथून ते कोठे हलवले ते माहीत नाही. भारत इतिहास संशोधम मंडळ /पाताळेश्वर हे नक्की कुठे आहेत ते साम्गावे. रीक्षावाल्याला पत्ता सांगता येइल असे.

केळकर संग्रहालय नातूबागेच्या जवळच्या गल्लीत अगदी बाजीराव रोडला लागूनच आहे. भारत इतिहास संशोधक मंडळ पेरूगेट भावे स्कूलच्या जवळ आणि भरत नाट्य मंदिराच्या शेजारीच आहे. पाताळेश्वर तर ऐन जंगली महाराज रोडलाच जंगली महाराज मंदिराला खेटून आहे. बाकी माझा वरचा प्रतिसाद अपडेट करून त्यात आधीच्या लेखांच्या लिंका दिल्यात.

बाजीराव रोड वर ची गोखले मांडववालेंची पाटी ज्या गल्लीच्या टोकाशी आहे त्या गल्लीतच केळकर संग्रहालय आहे. 'गोखले' च्या समोरच साठे बिस्कीटस च्या जवळ पुण्यात जगप्रसिद्ध असलेले व्याडेश्वर भुवन आहे. तिथली इडली खाल्ली की तुम्हाला पुणे दर्शनाची खरी चव कळेल. आणि रस्त्यांवर कसरत करत जाणारे दुचाकीस्वार अगदी 'पहाणेबल' बर्का ! आजकाल काही चारचाकीस्वार पण ही कला जोपासतात असे ऐकून आहे . (सध्या अनिवासी पुणेकर असल्याने परिस्थितीची नेमकी कल्पना नाही.)

घोले रोड वर (बालगंधर्व रंगमंदिराच्या जवळ ) आहे एक संग्रहालय . नाव नीटसं आठवत नाहीये आता

द बेस्ट आणि ओशो कम्युन द अल्टीमेट (ते तुम्हाला सगळं पाहायला मिळणार नाही, बट स्टील!) कम्युनच्या मागे असलेलं ओशो पार्क अफलातून (सकाळी सहा ते दहा आणि संध्याकाळी चार ते सहा)

बर्‍याच दिवसांनी विजुभाऊंना टीआरपीची गरज भासलेली दिसते. हुकमी शतक ठोकणार्‍या विषयावर धागा काढलाय.

तर तर..... तुम्हाला खात्री आहे. मी पुणे ३० म्हणणार होतो. पण म्हंटलं नको उगाच. लोक पेरू गेटजवळचा अनपटवाडा वगैरे स्थळे किंवा मग ज्ञाप्रबोधिनीसमोरचा अनरसे सामोसेवालेंचा स्टॉल ( तेच ते जिवाल खा जीवाला खा जीवाला खा अनरसे सामोसे वाले. पाटी लावणारे) किंवा बादशाही मधल्या पाट्या हे सगळे प्रेक्षणीय ऐतीहासीक स्थले म्हणून आले असते.

हडपसर गाडीतळाजवळचे ग्लायडिंग सेंटर लै जबरी आहे. उन्हाळ्याच्या दिवसांत प्रतिमाणशी वट्ट रु. १८७/- (होय, सर्कारी असल्याने कमी रक्कम अन ऑड फिगर येणे मस्ट) इतक्या दराने ३-४ मिनिटे आकाशात हजारेक फूट वर जाऊन सगळे पाहता येते. फातिमा नगर इथलेच बोटॅनिकल गार्डनही मस्त आहे. आप्पा बळवंत चौकापासून जवळच केसरीवाडा आहे जिथे लोकमान्य टिळकांचे राहते घर आहे. त्यांच्याशी संबंधित बर्‍याच वस्तूंचे उत्तम संग्रहालय आहे. घोले रोड येथेही एक चांगले संग्रहालय आहे-महात्मा फुल्यांशी संबंधित. तिकडे मात्र अजून जाणे झाले नाही :( खडकी इथे दुसर्‍या महायुद्धात मरण पावलेल्या ब्रिटिश आर्मीतील काही सैनिकांची थडगी आहेत. अतिशय सुंदरपणे व्यवस्था राखली आहे. भारत इतिहास संशोधन मंडळाचे संग्रहालयही पाहता येईल. शक्यतो शनिवार-रविवारी सकाळी ११ च्या आत जावे. एंट्री फी १०/- फक्त. ४-५ जण बरोबर असतील तर अजून बरे. बर्‍याचदा कोणी दाखवायला नसतो तिथे, पण संग्रहालय अप्रतिम आहे. दादोजी कोंडदेव, शहाजीराजे, औरंगजेब, मलिक अंबर, शाहू महाराज (सातार्‍याचे), छत्रपती राजाराम, इ.इ. व्यक्तींची अस्सल पत्रे, जुने शिलालेख, अनेक मोठमोठे जुन्या पद्धतीचे नकाशे, मराठी आरमाराशी संबंधित जहाजांची चित्रे, अप्रतिम देखण्या हस्ताक्षरांतील हस्तलिखिते, असे अनेक काही सापडेल तिथे. व्हेरिटेबल गोल्डमाईन. कोथरूडमधले रेल्वे म्यूझियम अन कँपातले ट्रायबल म्यूझियमही पाहण्यासारखे आहे असे रिपोर्ट्स ऐकलेत. प्रत्यक्ष जाणे बाकीये अजून. वाडे इ. पहायचे असतील तर विश्रामबागवाडा पहावा. उत्तम स्थितीत राखला असून आत संग्रहालयही आहे. सध्या इतकेच आठवते.

महादजी शिंद्यांची छत्री ( दादोजी कोंड्देवांचा पुतळा नसलेला ) लाल महाल कसबा गणपती डेक्कन वरचा संभाजी महाराज पुतळा फर्ग्युसन महाविड्यालय , त्यातील वसतिगृहातील स्वा. सावरकारांची खोली हनुमान टेकडी . वेताळ टेकडी

लेखाचे नाव 'पुणे' आणि लेखक 'विजुभाऊ' बघून बर्‍याच काड्या-सर्पण-समिधा असतील अशा आशेने धागा उघडला होता. पण घोर अपेक्षाभंग झाला.

"पुणे - ३०" असा उल्लेख केला असता तर गोष्ट वेगळी होती. उर्वरीत पुणे आणि पुणे-३० ह्या दोन वेगळ्या=वेगळ्या संस्क्रुत्या आहेत. इति माझे पुण्यातील असंख्य नातेवाईक. बाकी सगळे सारखे असले तरी मुद्दलात थोडा फार फरक करुन आपापली संस्क्रुती जपली जाते. उदा. पुणे-३० मध्ये नुसता सुधारस मिळतो. कोथरूड-बिबवेवाडी इ. भागात सुधारसात चारोळी असते. औंध भागात सुधारसात चारोळी अधिक केशर आणि १/२ केळीच्या चकत्या असतात. पाकातील घट्तपणा पण असाच वेगळ्या वेगळ्या पातळ्या दाखवतो..

लेखाचे नाव 'पुणे' आणि लेखक 'विजुभाऊ' बघून बर्‍याच काड्या-सर्पण-समिधा असतील अशा आशेने धागा उघडला होता. पण घोर अपेक्षाभंग झाला.
छ्या.... संपादीका महोदया........ अगोदरच माझ्यावर पुणेद्वेष्टेपणाचा आरोप केला जातो. लोकांचे मत चांगले करता यावे म्हणून थोडा प्रयत्न करतोय........ तेवढा तरी मला चांगुलपणा सिद्ध करु द्या की.

तेवढा तरी मला चांगुलपणा सिद्ध करु द्या की.
घोर कलियुग ... आजकाल लोकांना चांगुलपणा सिद्ध करावा लागतोय .. (मग तो असो अथवा नसो) पूर्वी चांगुलपणा असायचा हो.. आणि तो वागण्यात आणि बोलण्यात दिसायचा. :)

काही ठिकाणं ज्या बद्दल अजून उल्लेख झालेला नाही : १. तळजई/तळजाई २. मोराची चिंचोली ३. खडकवासला/पानशेत ४. ताम्हणी घाट (सिजनल) ५. कानिफनाथ मंदिर (मंदिराच्या अजुबाजुचा परिसर आणि वातावरण अप्रतिम असतं.. डबे घेऊन जायचं - मज्जा!!!) ६. पुण्याच्या टेकड्या ७. Evening walk at camp/M.G. Road - छान वाटतं! आणि पाहुण्यांना नवीन पुणे दाखवायला पण काय हरकत आहे ना ... १. लवासा सिटी २. अ‍ॅमनोरा टाऊन सेंटर मॉल ३. फिनिक्स मार्केट सिटी ४. इनऑर्बीट मॉल

अरे हो आत्ता आथवलं बाजीराव रस्त्याच्या सुरवातीला( शनिवार वाडा टोक) शारदा हॉटेलच्या मागचे केतकर वाड्यासमोरचे म्युझीयम ऑफ आर्थ्रोपोडा (संधीपाद प्राणी) राहिलेच की

बस्स्.इतकीच ठीकाणे. फक्त हाताच्या बोटावर मोजण्या इतकीच? हे ऐतिहासीक पुणे म्हणायचे की सीक पुणे? त्यापेक्षा आमचे नासीक बरे. गंगा काठ, रामकुंड,सीता कुंड ,तपोवन्,राम मंदीर ,वेद मंदीर ,पंचवटी , फाळके स्मारक ,ब्रम्हगिरी ,कित्तीतरी आहे पहाण्यासारखे.

कोण(?) पुणेकर? धन्यवाद. कोण(?) पुणेकर? धन्यवाद. कोण(?) पुणेकर? धन्यवाद. कोण(?) पुणेकर? धन्यवाद. कोण(?) पुणेकर? धन्यवाद. कोण(?) पुणेकर? धन्यवाद. बाकी ते पुणेकर म्हणजे काय/कोण याच्या तुमच्या व्याख्येवर अवलंबून आहे.

विजुभाऊ, तुम्ही कर्वेरोड वरचा ऐतिहासिक बार विसरलात का? जिथे बसुन तुमच्या नासिकच्या सर्व काठ, कुंड याचे पुण्य मिळत होते.

@हे ऐतिहासीक पुणे म्हणायचे की सीक पुणे?>>> हो का????? मग १ काम करा , शनिवार/सदाशिव/नारायण या पेठा सोडुन(ही) बाकिच्या सर्व पेठां मधली शंकराची देवळं पहा. पुणे भेट भरून पावाल!

सर्व पेठां मधली शंकराची देवळं पहा उदाहरणादाखल एखादे ठीकाण साम्गा की. एकदम जेनेरीक माहिती देऊ नका. पुण्यातील शंकरांच्या देवळांबद्दल फारसे माहीत नाही. पांचाळेश्वर ,वगैरे अपवाद वगळता ( मारुती /गणपती /विठोबा /देवी ) या व्यतीरीक्त मंदीरे आहेत हीच नवी माहिती आहे.