Welcome to misalpav.com
लेखक: ३_१४ विक्षिप्त अदिती | प्रसिद्ध:

प्रतिक्रिया

"लाडू ते झाडू" लाडू खांताना कधी कधी सांडतो, ते कण झाडायला झाडूचा शोध लागला असावा. असो. शेवटी काय तर "प्रथम लाडू मग झाडू" हेच अंतिम सत्य. आधी लाडू लग्नाचे. मग झाडू धरायचे.

नक्कीच कोणा आदिमानवीने शोधला असणार. आदिमानवाच्या पाठीत घालायला!

>>> नक्कीच कोणा आदिमानवीने शोधला असणार. सहमत आहे. अदिमानव जेव्हा जमिनीवर बसला असेल तेव्हा त्याच्या बुडाला खडे वगैरे टोचले असतील तेव्हा त्याने हाताच्या पंजाने प्रथम पूर्व पच्छिम, पच्छिम पूर्व किंवा विविध दिशांनी असेच एकमेकाच्या बाजूने अथवा विरोधी बाजूने जमीनीवरुन हात फिरवला असेल तेव्हा झाडूची प्रथम व्युत्तपत्ति किंवा कल्पना हीच मानली पाहिजे. पुढे त्याच्या लक्षात आले की हाताने असे केल्यावर हाताला वेदना होतात तेव्हा त्याने काही काड्या, झाडाची फांदीने ते खडे काढले असावेत किंवा जागा स्वच्छ केली असावी तो पहिला झाडू. अर्थात याचे सर्व श्रेय अदिमानवालाच दिले पाहिजे. गरजेतून हा झाडू निर्माण झाला आहे. आणि पुढे शिंदीच्या पानांचा उत्तम झाडू बनला काल परवापर्यंत मला दिसायचा आता हल्ली दिसत नाही. >>>> आदिमानवाच्या पाठीत घालायला! नैनै. झाडूचा उपयोग तेव्हा योग्य कारणासाठीच होत असावा. झाडू पाठीत घालणे वगैरे हे स्त्रीवादामुळे हल्ली हल्ली होत आले आहे असे वाटते. चुभुदेघे. तेव्हाच्या स्त्रीया आजच्या इतक्याच आधुनिक होत्या म्हणजे पुरुषाच्या खांद्याला खांदा लावून त्या शिकारी करायच्या त्यामुळे स्त्री आणि पुरुष एकमेकांना पाठीत घालण्यासाठी काही वेगळी साधनं वापरत असावी, असे वाटते. संशोधनासाठी उत्तम विषय आहे. वल्ली, एखाद्या लेणीत असं शिल्प दिसलंय का झाडू मारतांना वगैरे. च्यायला, मला वेरुळ लेणीत पाहिल्यासारखं वाटतं. -दिलीप बिरुटे

शेतीचा शोध म्हणे बायकांनीच लावला. पीक कापल्यावर पेंढ्याच्या बुताऱ्याही बायकांनीच बनवल्या असण्याची शक्यता वाढते, नै का.

पयले परतम ज्याने आप्ल्याच घरात घाण केली त्यानेच बनविला असणार ना ? ( मिपावरचा आद्य संपादक हा आद्य झाडू असला पाहिजे. आजकालचे संपादक झाडूकामा बद्द्ल शिरेस दिसत नाही त्यामुळे एक टोळके फार शेफारले आहे ! )

तिच्यामारी हे मिपाकर शिंचे लई उपद्रवी. कुणी विचारतो सगळ्यात पहिला लाडू कोणी बनवला. तो धुरळा जरा खाली बसतो न बसतो, तोच लगेच कुणी विक्षिप्त विचारतो, सगळ्यात पहिला झाडू कोणी बनवला ??? अरे काही उद्योग नाही का तुम्हाला ??? आणखी काय काय विचारणार आहात? आमचे बघून हल्ली यमराज देखील मिपा आयडी घेऊन वाचू लागलेत (आता हे वाचून लगेच कुणीतरी "ओळखा पाहू यमराजांचा मिपा आयडी कोणता? असा धागा काढणार. मायला, वैताग नुसता. तरी तुम्हाला मी दोन हिंटा देतो: एक ही आणि दुसरी ही ). तर यमराजांनी हे लाडू-झाडूचे धागे बघितले, तर लगेच आम्हाला फर्मान सुटणार, हजारो वर्षांचे रेकॉर्ड तपासून या प्रथमवीरांची वा प्रथमवीरांगनांची नावे शोधून काढ म्हणून. खरेतर यमराज पूर्वी हजारो वर्षांपासून सोमरस वगैरे घेऊन रंभा, उर्वशी, तिलोत्तमा वगैरे बारबालांचे डान्स बघत बसायचे, आम्हीही काम आटोपल्यावर तिकडे हजेरी लावायचो. ते सर्व सोडून यमपुरीतला एकुलता एक संगणक घेऊन आता यमराज नेहमी मिपावर पडीक असतात.(खरेतर तो संगणक मी मोठ्या मुश्किलीने माझे काम सोपे व्हावे म्हणून मिळवला होता, पण म्हणतात ना, बॉस ईज ऑलवेज राईट.) . मुळातच आमचे कंबरडे पाप-पुण्याच्या नोंदी करून, त्या नोंदींच्या जड जड चोपड्यांचे गठ्ठे उचलून अगदी मोडकळीस आलेले आहे. आम्ही मागे आमच्या रिटायरमेंट साठी मिपाकरांना मदतीचे आवाहन केले होते, त्यावर सगळे नुसते वादच घालत बसले. आमचे काम कुणीच मनावर घेतले नाही. मिपाकरेच्छा बलीयसी, दुसरे काय???? लागा आता त्या पहिला लाडू आणि पहिला झाडू बनवणार्‍यांच्या शोधाला.

मिपावरील फालतू विडम्बने कमी होताहेत असे जरा कुठे वाटत होते तेव्हढ्यात लाडू ला झाडू चे यमक जुळवणारे तद्दन फालतू विडम्बन बोर्डावर… असो, प्रिय मित्र प्यारे यांच्या प्रतिसादाच्या प्रतीक्षेत. त्यांचा प्रतिसाद नक्की येणार असे इतिहास सांगतो.

मिपावरील फालतू विडम्बने कमी होताहेत असे जरा कुठे वाटत होते तेव्हढ्यात लाडू ला झाडू चे यमक जुळवणारे तद्दन फालतू विडम्बन बोर्डावर… सहमत !

>>>प्रिय मित्र प्यारे यांच्या प्रतिसादाच्या प्रतीक्षेत विमेंसारख्या थोर्थोर व्यकितनी काढली आठवण डोळ्यात माझ्या झाली पाण्याची साठवण... जा इस्स बार मुआफ किया ! -अमरिश प्यारे ;)

झाडलोट करायचं काम कधी आपण केला नाय ! म्हणून चायला असा प्रश्न पडलाच नाय ! बाकी या प्रश्नावर सुद्धा चर्चा व्हायलाच पायजेल !! लाडू लमोठे खाल्ले म्हून श्यान पडला तेच्या मारी लाडवा इषयी प्रश्न !! असे प्रश्न पडायलाच पायजेल! शून्य प्रहरात मांडण्या सारखा तारांकित प्रश्न आहे ह्यो !

आपण दोघांनी असे महत्त्वाचे प्रश्न लोकसभेत नेले पाहिजेत. तुम्हां-आम्हांसारख्या जागरूक लोकांनी अशा संवेदनशील विषयांवर संशोधन व्हावं यात पुढाकार घेतला नाही तर कोण घेणार? ;-) भावना दुखावून न घेता मस्करी हलक्याने घेण्याबद्दल आभार.

मी पण म्हणजे? ही जुनी सवय आहे. थोडं खाणकाम केलंस तर आणखी "रत्नं" सापडतील. उदा आमच्या गाववाल्यांच्या धाग्याचाही कच्चा माल बनवला होता. हे एक पहा.

तुमच्यासारखे लोक आहेत म्हणून हो म्हणून माझ्या भारी असण्याचं कौतुक होतं हो! नाहीतर लोक मेले "वय वाढलं तर वजन कमी कर" म्हणून फार डोकं उठवतात. या वयात कुठून आणि कसं कमी करणार वजन?

झाडावरुन नारळाची फांदी खाली पडली. ती निवार्‍यासाठी ओढून नेताना त्याने जमीनही झाडली जातीये हे मानवाला कळले. मग तो त्या फांदीनेच झाडू लागला. पण फांदी अवजड असल्यामुळे हाताला रग लागली. मानवच तो. डोके वापरणारच. त्या झावळ्यातली पाने त्याने सुटी केली. आणि ती एकत्र बांधून झाडु बनवला. हाच तो आद्य झाडु! पुढे झाडुचे अनेक उपयोगही त्याला अनुभवाने समजले. आपल्यावर दादागिरी करणार्‍या 'मानवा'ला झाडुने चांगले बदडून काढता येते हे एका 'मानवी'ला समजले. त्याचा यथेच्छ उपयोग होऊ लागला. पण त्यांत झाडु खराब होऊ लागले. तेंव्हा, झाडुच्या ऐवजी चामड्याच्या पट्ट्याने बडवले तर ते त्या 'मानवा'लाही समर्पण भावनेने आवडते आणि आपली वर्चस्व गाजवण्याची उर्मीही पुर्ण होते हे एका 'मानवी'ला समजले. त्यावर कथा लिहिल्या जाऊ लागल्या. या कथा वाचून त्यावर काही विकृत तर काही प्राकृत प्रतिक्रियांचे द्वंद जाहले. शंभरी पार केल्यावरच ते शमले. असो.

'स्तुती' हा निंदेचाच एक प्रकार आहे असं कुणीसं म्हटलय !

लईच !! झाडु कोणी का बनवेना ....संपादकाच्या हातात आहे की नाही हे महत्वाचे ;) अवांतर : एक माह भयानक विडंबन सुचले होते, पण सर्वजनीक नाही टाकता येणार ....ईच्छुंकानी व्यनी करावा ....;)