कमीत कमी १० किमी गेल्यावर प्रति चौफु ३५०० च्या खाली उतरतो. बाकी हिशेब तुम्ही करा..

साधारण दिड-पावणे दोन लाख वार्षिक व्याज येईल. त्यातून दरवर्षी बेस्ट लोकेशन्सला (म्हणजे हॉलिडे इन, मॅरिएट, मल्हार माची वगैरे) तीन-चार वेळा तरी सहज राहाता येईल. नाही तरी त्यापेक्षा जास्त फुरसत कुणी काढू शकत नाही. पुन्हा तुमचे पैसे सलामत.

+ १५००००० अत्यंत सहमत. तसाही १५ ते १८ लाखात १ बीएचके असा दर रत्नागिरी, सावंतवाडी, कदाचित सातारा वगैरेमधे चालू आहे. पुण्यात कुठे असलंच तर ठाऊक नाही.

चाकण मध्ये बघा.

उरळी कांचन, शिरवळ, सासवड, रांजणगाव, मंचर असं पुण्यापासून ३० ते ५० किमीच्या परिघात तुम्हाला १८ च्या आसपास १ बीएचके मिळेल. वेळेत नि बजेटमध्ये घर मिळण्यासाठी शुभेच्छा!

पुणे येथून चारी दिशांना जाण्याला भरपूर सोई उपलब्ध. नव्या शतकी धाग्याची बीजे येथे आहेत. बाकी, घरांविषयी फारसे काय बोलायचे? दोनेक वर्षांपूर्वी पुण्यात जर्रा चौकशी केली तर एक कोटी ते दीड कोटी अशी किंमत बघून गप्प बसलीये ती अज्जून! काही बिल्डर्स म्हणे भाजी विकावी तशी किंमत साम्गतात. जसे की कांदा १०० रू. किलो! एकच भाव, कमी होणार नै! आम्ही मारे स्वे. फू. त्याचा दर वगैरे विचारत बसलो तर तो बुवा म्हणाला तसं काही नाही. तुम्ही ते नंतर गणित करा. आमच्या हितं ३ बेडरूमच्या सगळ्या घरांच्या किमती तीन कोटी आहेत आणी सगळे मागल्या बाजूचे (म्हणजे गटारगंगेच्या बाजूचे फ्लॅट) शिल्लक आहेत. मी नक्की कोणत्या देशात आहे हे समजले नाही. माझ्या आईच्या घराशेजारी नवी बिल्डींग उभी रहात होती म्हणून चौकशी केल्यास आत्ता बुकींग केल्यास २ बेडरूमस्चे घर १ कोटी असे सांगितले. पुन्हा गप्प बसले. आणि ते पुण्यापासून लांब वगैरे कितपत खरे आहे ते एक देवालाच माहित! माझ्या भावाने बालेवाडी की असाच कुठेतरी घेतलाय ४ वर्षांपूर्वी, २ बेरू. त्याचे ४० लाख की काहीतरी पडले. त्यावर एक नातेवाईक "तसा स्वस्तात मिळाला" असे म्हणाले. बालेवाडीच्या पलिकडे होण्यार्‍या ठिकाणी स्वस्त म्हणून माझ्या मामेबहिणीने घेतला आणी सगळी ग्रोसरी दुप्पट किमतीने मिळते असे अनुभवास आले. शाळाही लांब. मग मुले शाळेच्या वयाची झाल्यावर त्यांनी तो विकून चक्क मध्यवर्ती ठिकाणी घेतलाय.

पूर्वी अमेरिकेत वगैरे काही वर्षे नोकरी करून आले, तर पुण्यात मोठे घर बांधता/घेता येत असे. आता उलटे झाले आहे, असे ऐकून आहे. जाणकार मंडळींनी यावर प्रकाश टाकावा. कधीतरी अधून मधून जाऊन रहायचे असेल, तर संक्षींनी सुचवलेला मार्ग उत्तम.

तुमच्या बोलण्यावरून तुम्ही मुंबई चे दिसता . तळेगाव मध्ये तुम्हाला १५ ते १८ लाखामध्ये घर. पुण्यापासून साधारण ४५ किमी असेल .

"मुंबई च्या मानाने थोडे शांत जीवन कसली घाई नाही, सावकाश," डोळे पाणावले.. "मनपा,लक्ष्मी रोड आणि तुळशी बाग, दगडू शेठ गणपती,मंडई हा आवडता परिसर." पाणावलेल्या डोळ्यांना काही दिसेना झालयं पुण्याला, पुण्यातील जागांना कमी, हीन दाखवण्याचा हा प्रयत्न आहे. १५-१८ लाखात हल्ली टिटवाळ्याला, महागणपतीचे सानिध्यात, "चालींचे भव्य संकुलात" घर मिळेल, पुण्यात नाही. (काडी टाकल्या गेलीय.. )

१५ ते १८ लाख तुमचे आणि बाकी होम लोन घेउन मिळु शकेल बाकी >> वार्षिक व्याज आणि त्यातून दरवर्षी बेस्ट लोकेशन्सला ट्रिप>> सहमत!!

तळेगाव ला मिळेल. तळेगाव अगदी पुण्याजवळच आहे. स्वत:ची गाडी असेल तर उत्तम. किमती कमी आहेत.

परांजपे बिल्डर्स यांच्या अथश्री आणि तत्सम नाव असलेल्या कॉलनी पुण्यात दोन चार ठिकाणी आहेत. ते जालावर उपलब्ध आहेत. तुम्ही दिलेल्या किमतीत त्यांच्याकडे flats मिळू शकतात का याची चौकशी करा. http://www.pscl.in/

आजच गावात जाताना नल स्टाप अलीकडे SNDT च्या शेजारी बोर्डावर जाहिरात बघितली,९.५ लाखात १ BHK तिथल्या नंबर वर फोने करून माहिती घ्या.

तुमच्या १५ ते १८ लाख पर्यंत च्या बजेटात वाघोली , तळेगाव ,चाकण, शिरवळ अशा ठिकाणीच फ्लॅट मिळेल.

जरा बजेट वाढवा अन डीएसके विश्वला रहायला या..

एखादी १५ ते १८ लाख पर्यंत १ BHK जागा सुचवतील काय जर शक्य झाले तर पुण्याच्या बाहेरही चालेल>>> आँ??? पुण्यातच काय पिंची च्या एक्सटेन्डेड येरीयात पण नाही मिळणार. बाहेर म्हणजे मिळालाच तर शिरवळ, चाकण अशा तत्सम गावांमध्येच मिळेल..

एक घर, जिथे आपण स्वतःला आणि आपल्या सामानाला ठेवतो त्या चौकोनाला कमीत कमी पंचवीस ते तीस लाख रुपये मोजायचे हे खूळ नव्हे तर काय.

माझा फ्लॅट विकायचा आहे. वेल फर्निशड रेनोव्हेटेड. कॉर्नर,जमीनीपासून दहा पायर्‍या .उजेड मस्त, रोड फेसिंग पण शांत रस्ता...... आयला अडचण येकच हाय आता सर्व पयशे पझेशन मे २०१५. स्थळ - चिंचवड . जुन्या हायवे पासून सुमारे आठशे मीटर्स.

म्हणजे शुभमंगल आत्ता, गौना दोन वर्षांनी म्हणा की.

" दि पा व ली च्या हा र्दि क शु भे च्छा " >>> तुम्हाला नववर्षाच्या मला पुणे खूप आवडते. मुंबई च्या मानाने थोडे शांत जीवन कसली घाई नाही, सावकाश, आणि ट्रेनचे वेळा पत्रक सांभाळायला नको. >> चला म्हणजे पुढे चालुन आम्ही पुणेकर , पुण्याच्या बाहेरच्यांनी पुणे बिघडवले म्हणायला मोकळे ;) पुणे तिथे काय उणे असे म्हणतात.पुण्याचे स्वत:हचे असे वेगळे भौगोलिक स्थान आहे. मनपा,लक्ष्मी रोड आणि तुळशी बाग, दगडू शेठ गणपती,मंडई हा आवडता परिसर. म्हणजे अजून बाकीचा परिसर बघण्याचे राहून गेले आहे म्हणून असे म्हणतो आहे. पुणे येथून चारी दिशांना जाण्याला भरपूर सोई उपलब्ध. >>> एक रस्ते सोडले तर सगळ्याच सोई आहेत ....अर्थात जो परिसर आपण आवडता परिसर म्हणत आहात , तिथे अजुन जास्त सोई आहेत ....हॅ हॅ हॅ आणि म्हणूनच या शांत वातावरणांत मला माझे दुसरे घर (२nd होम) पुण्याला पाहिजे आहे>> मनपा आणि मंडई शांत ????. तरी सर्व पुणेकर मिपा वाले यांना विनंती कि ते एखादी १५ ते १८ लाख पर्यंत १ BHK जागा सुचवतील काय जर शक्य झाले तर पुण्याच्या बाहेरही चालेल. >>> ओक्के ओक्के ....या आमच्या गरीबांच्या लोहगावात .... १५ ते १८ मध्ये मिळेल नेमके कुठे ?? लिंक घ्या ...( हे जाहिरात प्रसारण सेवा केंद्र आहे ) http://misalpav.com/node/23264 आणि त्यातून जर कोणी मिपावले बिल्डर क्षेत्रात असले तर उत्तम. >> कोण उत्तम ;) धन्यवाद प्रमोद देर्देकर >> वेलकम वाश्या

आंबेगाव बु. येथे सर्वे नंबर - १५ मध्ये (ग्रामपंचायत एन. ए.) २२ लाखामध्ये (७०० स्क़्वे. फुट ) तिसऱ्या मजल्यावर एक २ बी. एच. के. फ्लेट उपलब्द आहे.