हायला! घुबडं पण गुटखा खातात की काय? :) पिल्लू थोडं बारीक वाटतंय ना?

इथे आगोदरच येऊन गेलेले पिल्लांच्या वाढीच्या वेगवेगळ्या टप्प्यातले काही फोटो एकत्र पोस्ट करतोय.. एकत्रित पाहण्यासाठी केवळ.

गविशेठ , ही लेखमाला / फोटोमाला पुर्ण झाली की लोकसत्ताला पाठवा. जबरदस्त आहे. :)

गवि, खूप छान वाटलं प्रगति बघून.. शतशः धन्यवाद!

केव्हढ उंच आहे घुबडु. बाकी गुटख्यावरुन पिताश्री म्हणजे सुतावरुन स्वर्ग वाटतय. :D माताजीसुद्धा "दमले बाई म्हणुन तोबरा हाणु शकतात."

काल रात्री पिल्लं दिसेचनात, म्हणून नीट शोधलं तर त्यांनी जन्मल्यास पहिल्यांदाच तो मानसिकरित्या ईअरमार्क केलेला दीड बाय दीड फुटाचा घरटं नावाचा चौकोन सोडून वळचणीत दुसर्‍या टोकाला भ्रमंती सुरु केली होती. सकाळी पाहिलं तेव्हा परत आली होती दोघंजणं. माझ्या या कॅमेर्‍याचे हार्डवेअर आणि सॉफ्टवेअर हे बर्‍याचदा उत्तम क्षण पकडण्याच्या कामी धोंड ठरतात. फोटो काढण्याचे बटण क्लिक केल्यावर कसलासा काउंटडाऊन सुरु होतो आणि तो अडकत अडकत कित्येक सेकंदांनी किंवा कधीकधी मिनिटभराने फोटो निघतो. मोक्याचा क्षण टिपला जात नाही. तरीही आज पिल्लांची तुलनात्मक उंची, पिसं जोराजोरात साफ करणं, मानेचे व्यायाम :) असे बरेच फोटो मिळाले. व्हिडीओमधे पिल्लांच्या माना किती लवलवतात ते दिसेल. एकदा मोठ्या पिल्लाने मान खांद्याच्याही खाली लटकेल इतकी खाली वळवली. दचकायलाच झालं, पण तो चमत्कारिक फोटो निघेपर्यंत पोज बदललेली. तरीही व्हिडीओत थोडी झलक दिसेल मानेच्या लवचिकतेची. इतक्या माना का वेळावतात कोण जाणे मधेच.. आवाज नीट ऐकू येण्यासाठी की खरंच मानेच्या लवचिकतेची प्रॅक्टिस? :) व्हिडीओ शेवटपर्यंत बघा कारण, व्हिडीओच्या शेवटाकडे लहान पिल्लाने दिलेली खुन्नस कम मला घाबरवणारा पंख फुलवलेला पवित्रा लाजवाब.. आणि दोन्ही पिल्लांनी घसे फुग्यासारखे फुगवून सोडलेली हवा, यामुळे त्या कुकरशिट्टीचा उगम नेमका कुठे असतो ते आवाजासहित दिसेल. पूर्ण व्हिडीओ पहावा. प्रतिमा: मोठ्या पिल्लाच्या पंखांतली आणि पोटावरची जवळजवळ सर्व शुभ्र बालपिसं जाऊन त्याजागी प्रौढ घुबडाची मोठी रंगीत पिसं आली आहेत. वेगवान पीससफाई:

तुमच्या कॅमेर्‍याच्या सगळ्या मर्यादांसकट त्याने जे काम बजावलंय ना, त्याला तोड नाही. जगातल्या कोणत्याही वेबकॅमला असं काम मिळालं नसेल कधी! त्या कॅमेर्‍याला तुमच्याबरोबरच धन्यवाद! डिलेड शॉटचं काहीतरी सेटिंग असावं. पण आता त्या पिलांच्या लक्षात न येता अ‍ॅडजस्ट करता येईल का कोणजाणे!

अप्रतिम. मानेचे व्यायाम हे घुबड समाजातील 'योगा'चे प्रकार असावेत. प्रत्येक आकलनिय आणि अनाकलनिय आवाजाला त्यांचा प्रतिसाद पाहता आता निदान एखादा कावळा वगैरे आल्यास त्याला हुसकावून लावण्याचे धाडस आणि कसब त्यांच्यात आले असावे असे वाटते आहे. अजून महिन्याभरात ती उडू शकतील आणि एक सक्षम घुबड नागरीक म्हणून नांवारुपाला येतील अशी शक्यता आहे. ह्या घुबड संगोपनातील कर्तव्यपूर्तीचा आनंद लवकरच तुम्हाला मिळेल. प्रथम तिथे अंडी पाहिल्यापासून ते थेट घुबडांनी स्वबळावर स्वपंखांनी उडून जाई पर्यंतच्या प्रवासातील तुमची मानसिक आणि भावनिक स्थित्यंतरं, उत्सुकता, काळजी, कौतुक, समाधान, मनाची गुंतणूक वगैरे वगैरे वर एक तपशिलवार लेख तयार ठेवा. हा लेख एक अहवाल लेखन आहे. तो लेख तुमच्या थेट भावभावनांचे शब्दचित्र असावे......घाई नाही, घुबडांनी घरटे सोडून आपल्या सर्वांना टाटा-बाय बाय केल्या नंतर.... पण वाट पाहात आहोत.

चांगले काही असलं तर सांगा. वाईट बातमी अजिबात देऊ नका!

पिल्लं आता त्या वळचणीच्या एरियात मोकळेपणी बागडत असतात. मोठ्या पिल्लाने उडण्याचे काही धडे घेतलेत का हे कळलेलं नाही. सुटीच्या दिवशी अधिक काळ निरीक्षण केल्यानेच कळेल. लहान पिल्लाच्या पंखातली पिसंही आता प्रौढ घुबडासारखी झाली आहेत. तेही लवकरच उडण्यासाठी तयार होईल असं दिसतं. एका पायावर उभं राहणं हा दुसर्‍या पायाला विश्रांती देण्याचा प्रकार आहे की उगीच आपली स्टाईल हे माहीत नाही. बाकी जबरदस्त इंटरेस्टिंग असा काही अपडेट नाही. घुबडाकडे पहायला मिळणारा वेळही कमी झालाय.

पुढचे अपडेट्स नवीन धागा काढुन टाका . किंवा सगळे फोटो आणी व्हिडीयो नवीन धाग्यावर टाका .हे पण फोटु आवडले .

अपडेट देत राहा. प्रत्येकवेळी जरी प्रतिसाद देत नसलो, तरी खुप उत्सुकता आहे पिल्लांविषयी.

गवि किमान २-३ दिवसांतून जे काय असेल ते डकवाच. मला तर बिका म्हणतायत तसं 'दाटून कंठ येतो..' असं म्हणायची वेळ जवळ आलेय असं वाटतय.. "परक्या परी असा मी, येथे फिरुन येणे! असं गवि सांगतायत... "घुबडं ओळखतिल काय हो गवि तुम्हाला?, ज्यांनी त्यांच बाळंतपण केलं" असा ही एक चित्रपटात शोभेल असा प्रश्न पडला..

आपण तरी आपले(म्हणजे आईचे) बाळंतपण केलेल्या डॉ ला ओळखतो काय? :) पण आशा आहे की या सुरक्षित जागी ही पिल्लेच नंतर त्यांचे(किंवा जोडीदाराचे) बाळंतपण करायला येतील नंतर.

एक दिवस तुमचा 'रिचर्ड पार्कर' उडुन जाईल..... अगदी पाठी वळुन न पहाता. आणि तुम्ही-आम्ही इवलसं तोंड करुन राहू. :) पिल्लांचा हा अंड्यापासुन इथवरचा प्रवास पहायला फार आवडलं गवि. शतशः धन्यवाद.

गवि, घुबड पिल्लाम्चे इथपर्यंत संगोपन केल्यावर, त्यांचे नामकरण आणि टॅगिंग (स्थलांतरित पक्षांचे करतात तसे) करणे शक्य आहे काय?

नवीन फोटोंची वाट पाहत आहोत. जमल तर टाका ना प्लिज...

लहान पिल्लूही आता मोठ्याइतकेच मॅच्युअर झाल्यासारखं दिसतंय. उडण्याविषयी काय प्रगती ते मात्र कॅप्चर करणं शक्य झालेलं नाहीये. ही वळचण सोडून ते बाहेर उडाले तर फोटोग्राफीही अवघड आहे. मला वाटतं की दिवसा ते बाहेर पडणं शक्यच नाही कारण आसपासचे पक्षी त्यांना नुसते पाहूनही फारच कल्ला करतात. त्यामुळे तब्येतीत तपशीलवार उड्डाणशिक्षणाचा वर्ग घेण्याचा अवसर दिवसा त्यांना मिळेल असं वाटत नाही. आणि तसेही ते सिरियसली नॉक्टर्नल.. अर्थात पक्के निशाचर असल्याने रात्रीच शिकत असतील उडायला.. (अशी समजूत.) दिसेनासे झाले की उडून गेले असं समजायचं.

आवड्ल

झाली एकदाची मोठी... सुन्दर दिसताहेत...

खूपच गोड दिसत आहेत दोघेही

कित्ती छान! :)

भन्नाटच. बाकी ते १५ डिसेंबर आहे हे लक्षात घेतल्या गेले आहे. ;)

अरे व्वा ! पहिल्या छायाचित्रात कॅमेरा अँगल आणि झूम बदलले आहे ह्याचीही नोंद घेतली आहे.