Welcome to misalpav.com
लेखक: जॅक डनियल्स | प्रसिद्ध:

प्रतिक्रिया

अरुणा इराणी बरोबर काम करायची वेळ आली म्हणजे त्या नागाचे खरच वाईट दिवस चालू असतील. यात सीन मध्ये नीट पहिले तर अरुणा इराणी च्या समोर प्लास्टिक चा नाग आहे आणि दुध प्यायचा सीन वेगळा शूट केला आहे.त्या खऱ्या नागाचे तोंड शिवलेले दिसते आहे. हो, पूर्वी जेंव्हा भारतात खरे प्राणी सिनेमा मध्ये वापरायला परवानगी होती तेंव्हा खूपच वाईट हाल करायचे. साधरण करून नागापेक्षा धामण ही जास्त करून भारतीय सिनेमा साठी वापरली जाते आणि नाग म्हणून खपवले जाते. फक्त काही महत्वाच्या चित्रीकरणासाठी नाग (तोंड शिवलेला) वापरला जातो.

>>अरुणा इराणी बरोबर काम करायची वेळ आली म्हणजे त्या नागाचे खरच वाईट दिवस चालू असतील. =)) सापांच्या बाबतीत इतका सखोल अभ्यास बॉलीवुडने देखील केला नसेल. अर्धवटराव

सुरेख लेखमाला... :) नागमणी, डुख धरणे, नागीन चित्रपटात दाखव्लं तसं मेमरीत फोटु सेव्ह होणे असे बरेच गै स तुम्ही चांगलेच ठोकलेत. :) मी शाळकरी वयात असताना एक स्टोरी आलेली. कुठल्या तरी भाजीच्या (ते ही मेथीच्या) टेम्पोने प्रणयधुंड नागाच्या जोडीला चिरडलं. आणि म्हणुन मेथीच्या पानांवर नागाचं चित्र दिसतय. ते खाउ नका विषारी आहे... बायका मेथीच्या जुडीमधली पान अन पान बारकाइने बघत बसायच्या बॉ...

कमीतकमी ८०% भाजीपाला ट्रक (रात्री प्रवास करणारे) सापांना चिरडत असतील. त्यामुळे प्रत्येक भाजी वर सापांचा वाटरमार्क दिसला पाहिजे..;)

दाभोळकरांच्या हत्येच्या पार्श्वभूमीवर हा लेख म्हणजे त्यांना वाहिलेली एक श्रद्धांजलीच वाटते. नाग ह्या प्राण्यात थक्क करायला लावणारे इतके जीवशास्त्रीय चमत्कार असताना आणखी नवे आचरट, अतर्क्य, अचाट चमत्कार त्यांच्या माथी मारायची गरजच नाही. त्याची ती चाल, जालीम वीष बनवायची अद्भूत वाटणारी ट्रिक, जिभेने हवेचे नमुने घेत भक्षाचा वेध घेणे, कंपनांचा वेध घेऊन धोका ओळखणे, त्यांचे खरेखुरे प्रणयाराधन हे सगळे इतके रोचक आहे की आणखी खोटा मालमसाला लावायची गरजच नाही. नागावर आधारित सिनेमांना मोठ्ठा डिसक्लेमर लिहिण्याची सक्ती केली जावी की त्यातील इच्छाधारी नाग, नागमणी व अन्य बिनडोक चमत्कार हे पूर्णपणे कपोलकल्पित, बिनबुडाचे आहेत. खर्‍या नागांना हे प्रमाण मानून त्रास देऊ नका.

हा लेख लिहिला तेंव्हा डॉ. दाभोलकरांचा विचार आला होता, किती अवघड असेल त्यांचे कार्य? आपल्या समाजात अशिक्षित लोकांचे जाऊद्या पण इंजिनिअर, डॉ, फिजिक्स चे संशोधक पण अंधश्रद्धा पाळणारे मी बघितले आहेत. मी तर फक्त लेख लिहितो आहे, आणि ज्यांना कधी भेटलो त्यांची अंधश्रद्धा दूर करायची प्रयत्न केले आहेत. पण हा माणूस एकाकी झुंज देत होता, आणि देतानाच शहीद झाला. हुप्प्या आपले बरोबर आहे-नाग काय प्रत्येक सापच एक पूर्ण विकासित नैसर्गिक यंत्रणा आहे. खाणे कसे मिळवायचे ते स्वतः चे संरक्षण कसे करायचे यासाठी लागणारे सगळे काही त्यांमध्ये आहे.

वरती ट्रक ने साप चिरडल्याचा उल्लेख आहे .. कोकणात पर्यटक वाढल्यापासून शेकडो साप रोज गाड्यां खाली चिरडले जातात.. मोठे रस्ते , हायवे बनवले कि त्याच्या दोन्हि बाजूच्या जीवसृष्टीवर परीणाम होतो ..

जे डी, सापाना जरी कान नसले तरी देवाने ती कसर नाकाने भरून काढली आहे असे वाटते. घाणेंद्रिय फार तीक्ष्ण असलं पाहिजे. तुमचा काय अनुभव आहे ह्या बाबतीत?

या वरती पुढच्या एका भागात लिहिणार आहे, खूप मोठा विषय आहे तो. आत्ता एवढेच सांगतो की त्यांचे सगळ्यात जास्त तीक्ष्ण इंद्रिय हे घाणेंद्रिय असते. साप जीभ बाहेर काढतो तेंव्हा हवेचे कण जिभेवर घेऊन तो मेंदू खालच्या एका भागात (जेकोबसन ऑर्गन) ते प्रोसेस करतो आणि वास घेतो.

काल रात्री अ‍ॅनाकोंडा लागला होता .. हॉलीवूड वाले पण काही कमी नाहियेत ..४ पार्टस फुल्ल धमाल आहेत..

हो हॉलीवूड पण त्याच लायनी मधले लोक आहेत. पण फक्त फरक आहे की ती लोक सापावरचे शास्त्रीय सिनेमे (documentary) पण खूप बनवतात. तसेच त्यांच्या सिनेमात साप हे मोठे किंवा राक्षसी दाखवतात पण तो दुध पितो किंवा पुंगी वर डोलतो असे अशास्त्रीय काही दाखवत नाहीत. त्यामुळे जास्त अंधश्रद्धा पसरत नाही फक्त सापांची भीती लोकांमध्ये जास्त वाढते. ते बरोबर आहेत अस मी म्हणत नाही पण त्यामुळे जास्त सर्पसृष्टी चे नुकसान होत नाही. काही सीन अफलातून घेतले आहेत पहिल्या अनाकोंडा मध्ये, नंतर नंतर च्या भागात वाट लागली.

ह्या लेखमालेचा आमच्यावर कदापि फरक पडणार नाही , बॉलीवूड शिनेमे पाहून सर्प जमातीबद्दल आमची गृहितके साफ पक्की झाली आहेत आमच्या आयुष्यात आलेले हे काही सर्प शिनेमे ,विष कन्या ह्यात पूजा बेदी विष कन्या असते. दुध का कर्ज नगीना शेषनाग नाचे नागीन गली गली नागीन

विनोदी सिनेमे किंवा शी-ग्रेड सिनेमे मी काढू नका किंवा ते बघू नका असे मी म्हणालो नाही, दुध का कर्ज अदा केलाच पाहिजे ;) काढणारे काहीपण सिनेमे काढणार आणि आपण ते बघणार हा नियतीचा नियम आहे. पण श्रीकृष्ण टोकीज मध्ये वळवळणाऱ्या या विषकन्या आपल्या बरोबर घेऊन जायच्या, का? तिथेच सिनेमा गृहात सोडून द्यायच्या हे आपण ठरवले पाहिजे.

सहमत भयपट पाहून सिनेमागृहात आपले भय व त्यातून निर्माण होणारी अंधश्रद्धा सोडून बाहेर आले पाहिजे.

सापाचे विश जर रन्गात कलवले अनि तो रन्ग घराला दिला तर घरात पाली,झुरले वगैरे किदे होत नाहित असे अम्चे पोहन्यचे लिमये मास्तर म्हनाले. आहे का हो?

अशाच नावाचा एक आनन्दयात्री आयडी होता... भिंतींच्या पोपड्यावर एक लेख लिहीलेला आठवला त्यानं. दिङ्मूढ करणारा लेख होता. इथंही तेच झालो आहे. दिङ्मूढ.

" जर का आपल्याले सरप (साप) डसला तर आपण त्याले डसाच मग ते जनावर (साप) मरते आन आपण वाच्तो (म्हणजे मरत नाही) "......जे डी सर मी हे ५ वर्षाचा असतांना ऐकलेले शब्द आहेत. काय बोलाल या बद्दल??

बुद्धीची का कल्पनाशक्तीची? बादवे, लिमये मास्तरांनी आनंदरावांना कधी घरी जेवायला बोलावलं नव्हतं ना?

 अदुबाल, लिमये मस्तराना आम्हालाच कधि कधि जेवायला घेउन जावे लागत होते. मास्तर अविवाहित होते.

जॅक डॅनियल्स ,, अप्रतिम सादरीकरण .. सर्व लेखमाला एका दमात वाचून काढली .. अहाहा काय लिवलंय .. जीव ओवाळून टाकावा तुझ्यावर मित्रा .. खत्तर्नाक .. शब्दच नाहीत .. माफ कर ,, डायरेक्ट अरे तुरे वर आलोय .. पण का आलोय माहित आहे का .. तुझ्या या जीवघेण्या लेखनशैलीमुळे .. इथे थेट आत भिडलं रे तुझं लिखाण .. खड्ड्यात गेली कामं सारी .. सरळ घुसलो आणि थेट सर्व वाचूनच बाहेर पडलो .. सलाम मित्रा .. तुझी सुरुवात तर झक्कास लेका .. एकदम आपल्याच श्टाईलमध्ये फेल झाल्यावर जो काही वेळ सत्कारणी लावलास त्याला तोड नाही .. अर्थात तू साप पकडलेस आणि मी विषकन्यांशी सूत जुळवले .. तेही खत्तर्नाक असत बरं का .. व्यवस्थित हाताळल्या नाहीस तर जीव काय सर्वच जाऊ शकते .. मी तो कोर्स कम्प्लिट केला माझ्या फेल्युअर टैमात .. पण दंडवत स्वीकार .. स्वीकार दंडवत , साष्टांग दंडवत घालतो हा खिलजी तुला .. तुझी लेखमाला , एक उत्तम नमुना ठरू शकते , हि आजकालची कोवळी पोरं , नापास झाली कि स्वतःच आयुष्य संपवतात त्यांच्यासाठी .. एक नवी दिशा ठरू शकते .. मी तर आज नक्कीच याच्या प्रति काढून ठेवतोय आणि माझ्या मोठ्या मुलाला वाचायला देईन ..