अर्थकारणा साठी वेगळे दालन असायला हवे..

सध्या स्वगृह आणि नवे लेखन यान्ची एकच लिन्क आहे. त्यातिल एक काढुन टाकता येइल.

श्री पिवळा जी, वेगळे दालन म्हणजे शेअर्सच्या टिप्स देणारे दालन नव्हे हे मी वर सतत नमूद करत आलो आहे. विमा, आयकर,सेवाकर, अर्थ नियोजन (वैयक्तिक, व्यावसायिक, बँक्स,विश्वस्थ संस्था, एच यु एफ ) एखाद्या व्यवसायाचे अर्थकारण, लोकांचे पैसा, संपत्ती,अर्थशास्त्र ह्या बद्दलचे समज - गैरसमज------- यादी भरपूर आहे. ज्या "इतिहासाचा" उल्लेख तुम्ही केलात त्याबद्दल मला आलेल्या व्य. नि.तून माहिती मिळाली. सुरवतीला मी त्याबद्दल अनभिज्ञच होतो. पण जेव्हा ते कळले तेव्हा दोन गोष्टींचे वाईट वाटले १) जी घटना घडली ती घडू नये म्हणूनच साक्षरता हवी असा विचार करण्याऐवजी नकोच ते असा विचार आपण करावा हे कितपत योग्य आहे. २) मी शेअर्सबद्दल लिहितो म्हणजे मी किंवा अन्य कुणीतरी त्या इतिहासाची पुनरावृत्ती करेल की काय हा विचार ही दुखः दायकच आहे.(सबब आता मी ते बंद केलच आहे.) आज अनेक माध्यमांद्वारे मिळणारी माहिती ही दिशाभूल करणारीसुद्धा असते म्हणून आपण माध्यमांना दोष देतो तसे उद्या कुणी मिपाला दोष देईल हा विचार जितका तीव्र आहे तितकाच मिपावरून जर योग्य माहिती आणि तीही माझ्या मराठीत (जी इतरत्र फार कमी उपलब्ध आहे.)मला मिळाली असती तर मी वेळीच सावध झालो असतो असे एखाद्याला वाटणे शक्य आहे. तसेच मिपावर चर्चा होऊन काहीतरी निष्पन्न होऊ शकते मात्र इतर मध्यामांद्वारे मिळणार्या माहितीची योग्यायोग्यता पडताळून पाहणे शक्य नाही जे इथे चर्चेद्वारे शक्य आहे. राजकारण, भटकंती,पाक कृती जरी निरुपद्र्वी असले तरी ते वेगळ्या दालनातून का ? फक्त मुख्य धाग्यातच ते येऊ देत थोडक्यात तो पंक्तिप्रपंच नकोच. झालेल्या लॉसबद्दल उल्लेख केला आहे तो का आणि कसा झाला त्यातून तुम्ही कुणाला सावध करू शकता का? कसे? तुमचा अनुभव जर शेअर केलात तर इतर सावध होतील आणि होणार्या चर्चेतून नक्कीच अगदी नक्कीच काहीतरी चागले निष्पन्न होऊ शकेल. मिपावर बरेच सी ए असू शकतील त्यांनी काही अनुभव लिहून इतराना सावध करणे किंवा इतरांच्या ज्ञानात भर घालणे असे विधायक स्वरूपाचे थोडेसे कार्य करावे असे मनापासून वाटते.

तीच तर शिंची अडचण आहे ना. प्रत्येक वेळेची परिस्थीती वेगवेगळी असते, कारणं वेगवेगळी असतात हो. नाहितर पहिल्या लॉसनंतर मीच सुपरज्ञानी होऊन नंतरचे लॉसेस टाळले नसते काय?

हे उत्तर अपेक्षाभंग** करणारे आणि अस्वस्थ करणारे आहे. म्हणजे तुम्हाला प्रत्येक वेळची परिस्थिती वेगळी भासत होती, कारणे (!!!!!????) वेगवेगळी होती तरीही असे जे तुमच्या बाबतीत घडले ते इतरांच्या बाबतीत घडू नये आणि लोक वेळीच सावध व्हावेत हा विचार तुमच्या मनात रुजला नाही किंवा अजून ही रुजत नाहीये हेच मराठी माणसाचे दुर्दैव आहे. सुपरज्ञानी होण्या आधी ज्ञानी होणे आवश्यक असल्याने आपण त्या दृष्टीने एक पाउल तरी उचलुया असे वाटले नाही तर कठीण आहे आणि त्याही पेक्षा वेदनादायी दुखःद आहे. आणि सुपरज्ञानी ह्या शब्दाने "नेसेन तर शालूच नेसेन नाहीतर ....." ह्याची आठवण झाली. मराठी माणसाच्या ह्या उदासीन स्वभावाची कीव येते. परप्रांतीय असोत कि अन्य कुणी जे आम्हाला टोपी घालून जातात ते आपण डिझर्वच करतो कारण पैसे, नफा म्हणजे लोच्या, फसवेगिरी अगदी वाईटच सगळे आम्हाला दिसू लागते. नाटक राजकारण हे विषय बरे "निरुपद्रवी" तरीही शिरा ताणून बोलायला.

** एकूण आपले लेखनातून दिसणारे आपले व्यक्तिमत्व,विचार आणि आपणास आलेले अनुभव त्याचे न केले गेलेले विश्लेषण वगैरे

शेअर बाजाराचा वापर करून फ्रोड कसा करावा/ करतात :) यानुशंगाने एखादा लेख(माला) केस स्टडी येउदे.

हे मला माहित नाही. ट्रेड करताना होणार्या चुका मी लिहू शकतो कारण अनेक वर्षांचा संबंध आहे त्या गोष्टीशी; पण सध्या ऑडीट आणि कर विषयक कामात बर्या पैकी व्यस्त आहे. तेव्हा लेखमालेला थोडा वेळ लागेल.

विविध बड्या धेण्डा काढून शेअर ट्रेडिंग व्यवस्थेच्या अभ्यासातून तांत्रिक त्रुटी मधून कसा फायदा उपट्ला जातो यावर प्रकाश हवा. जसे समजा आधीच माहीत आहे उदया मोठा दहशतवादी हल्ला होणार आहे बाजार खाली जाइल तर अर्थातच शोर्ट सेलिंग करून अकल्पित फ़ायदा काढला जाईल. अशाच काही माहितीपर गोष्टी , व्यवस्थेतिल त्रुटी वगैरे वर प्रकाश टाकावा.