Welcome to misalpav.com
लेखक: anagha kulkarni | प्रसिद्ध:
बायकांचं ड्रायव्हिंग हा जसा तमाम पुरुष वर्गाचा हसण्याचा विषय आहे तसाच पुरुषांच ड्रायव्हिंग हा पण आहे. पण याकडे तमाम पुरुष वर्ग जाणून बुजून काणाडोळा करतो. तसं बघितलं तर पुरुष हे गेली हजारो वर्ष ड्रायव्हिंग करत आले आहेत. पुराणात नाही का , रथाचं सारथ्य पुरुष करायचे असे उल्लेख आहेत? तरीपण अजूनही त्यातल्या ८०% पुरुषांना वाहातुकीचे नियम हे पाळण्यासाठी असतात हे माहितीच नाहीये. अहो खोट नाही, अनुभव आहे हा माझा. गेली दिडं वर्ष मी ऑफिसला चारचाकी गाडी घेवून जातेय (अर्थात माझं ड्रायव्हिंग हा विषय परत कधीतरी), आणि या दिडं वर्षात मला जे जाणवलं आहे तेच सांगते आहे. खरतरं रस्त्याच्या ज्या लेन असतात त्या गाड्या सुरळीत पणे पुढे जाण्यासाठी असतात, आणि त्या पाळण्यासाठी असतात . पण माझा अनुभव भलतचं सांगतो. या पाळण्यासाठी नाही तर शिस्त मोडण्यासाठी असतात. पण यांना गाडी पळवण्याची एवढी घाई असते कि ते मागे गाडी आहे कि नाही याचा विचार न करता सरळ दुसर्या लेन मध्ये गाडी घुसवतात . लेन बदलत असताना गाडीच्या मागील बाजूस असलेला सिग्नल देणे , किंवा हात बाहेर काढून सिग्नल देणे वगैरे प्रकार तर यांना माहितीच नसतात. आता , मागच्या गाडीत असलेल्या ड्रायव्हर न काही स्वप्न पडलेलं असतं का? कि हे लेन बदलणार आहेत म्हणून? यांचा अजुन एक प्रकार म्हणजे यातले काही महाभाग रस्ता स्वता:च्या मालकी हक्काचा असल्यासारखे वागतात. गाडी हळु चालवायची असेल तर यांना कुणी बंदी तर केलेली नसते ना? पण ती सुद्धा मधल्या लेन मध्ये किंवा एकदम उजवीकडील लेन मध्ये चालवतात. जसा यांना डावीकडची लेन वापरायला बंदीच केली आहे. मागून तुम्ही कितीही सिग्नल द्या , यांना काहीही फरक पडत नाही. यांच्या आणि पुढच्या गाडीमध्ये फर्लांग भर अंतर नक्कीच असते. गाडी सरळ जात असताना मधेच यांना यु टर्न घेण्याची हुक्की येते. यात बसवाले, ट्रकवाले पण आले. आपण दोन्ही बाजुच्या रहदारीला अडथळा करत आहोत हे यांच्या गावी पण नसते. दोन्हीकडची रहदारी आपल्यामुळे अडकली आहे याचा यांच्यावर काहीही परिणाम होत नाही. आणखी एक प्रकार म्हणजे रस्त्यावर गाडी थांबवून हुज्जत घालणे .अहो मान्य आहे गाडीला थोडासा खरचटलं असेल, बरेचदा ते पण नसतं. पण हे गाडी जीथल्यातीथे थांबवणार, गाडीतून उतरणार अन्ही मागच्या गाडीवाल्याशी किंवा रिक्षावाल्याशी भांडत बसणार. यामुळे आपल्या मागे ज्या गाड्या आहेत त्या थांबून राहिल्या आहेत , आपण एक अक्खी लेन थांबवून ठेवली आहे हे यांच्या गावी पण नसत. गाडी बाजूला घेवून मगं भांडाना अरे , कोण नाही म्हणतं? पण नाही, हे तिथेच भांडणार. यात अजून भर टाकतात ते ज्यांना स्त्री ड्रायव्हर आपल्यापुढे गेलेली चालत नाही. चुकूनही त्यांच्या जर असा लक्षात आलं, तर ते लेन मोडतील , आजूबाजूच्या ड्रायव्हर ना हार्ट -अट्याक देतील, पण त्या स्त्री ड्रायवर च्या गाडीच्या पुढे जातील. मी असा नाही म्हणत आहे स्त्री ड्रायव्हर गोंधळ घालत नाहीत, पण त्याला पण जबाबदार कुठतरी पुरूषचं आहेत, आजूबाजूला हौर्न वाजवून इतका गोंधळ घालतात कि ती बिचारी गोंधळून जाते.
प्रकार:
Story Type
विषय:

प्रतिक्रिया

शेवटी जगातल्या सर्व चुकांचे, गुन्ह्यांचे, इ.इ. आदिकारण पुरुषच आहेत हे कुठं लिहिलंय की नाही तेच चेकवायला आलो होतो. एकदाचं पाहून डोळे निवले.
अगदी अगदी !!! मागे एका मिपा ग्रुप वर पुढील वाक्य ऐकले होते "जर एखाद्या बाईने पुरुषाला चारचौघात शिवी दिली, तर याचा अर्थ त्याने तशीच काही चूक केली असली पाहिजे" शिवाय "सगळ्या शिव्यांचे जनक पुरूषच असणार", "बायका शिव्या देत नाहीत" अशी चिक्कार मजेदार चर्चा झाली. त्यानंतर मला कसलेच आश्चर्य वाटेनासे झाले. रच्याकने :- १०० झाले !!!!

पण हे सगळं शक्य झालं ते साहेबांच्या महिला धोरणामुळेच बरं का ;)

सहसा पुरूष दुचाक्या ड्राईव्ह करत असताना सर्वात डोक्यात जाणारा प्रकार म्हणजे दोघा किंवा तिघा बायकर्सने एकमेकांना समांतर तेही रमतगमत जाणे! जाम राग येतो अशा महाभागांचा! हा प्रकार बायकांना करताना अजून तरी पाहिलेले नाही. कुठूनही युटर्न घेणे, लेन कधीही बदलणे हे विषय स्त्री पुरूष या मुद्द्यांवर नाही तर मुंबई-पुणे या मुद्द्यावर लढायला हवेत ना? (घ्या! आता १०० काय घेऊन बसलात राजेश राव! ;) )

अशाच पद्धतीने दोन रिक्षाचालक एकाच्या रिक्षाला दुसरा एक पाय टेकवून पूर्ण लेन अडवून चालत असतात. ते तर जाम डोक्यात जातात. मी एकदा संधी मिळताच अशाच रमतगमत चाललेल्या दोन रिक्षाचालकांना ओलांडून पुढे गेलो आणि शांतपणे रस्त्यातच गाडी थांबवली. झक मारून त्यांना त्यांचे फॉर्मेशन तोडावे लागले. नाद नाय करायचावाल्यांचा खरंच एकदा नाद केला की त्यांचा आवेश किती पोकळ असतो हे कळते. म्युच्युअल डॅमेज थेरपी.

महापाप अहो त्यातली एक रिक्षा बंद पडलेली अस्ते म्हणुन ते असे टोविन्ग करतात..त्यात रस्ता अडवायचा हेतू नसतो

एका पायाने टोईंग करतात, तेही दोन्हीं रिक्शांमध्ये फुल माणसे भरलेली असताना. सुपर्म्यानच असावेत बहुतेक. वरील उदाहरणात ते आपसूकच शेपरेट शेपरेट नीट चालवू लागले, आणि त्यांच्या संथ वेगामुळे त्या एवढ्याश्या पुलावरील मागे वाहनांची लागलेली रांग सुरळीत झाली.

असहमत समांतर ड्रायव्हींगचा अनुभव प्रचंड घेतला आहे. मुले समजा समांतर जात असतील तर हॉर्न मोठ्याने रेटल्यावर मधली दुचाकी एकदम उसळून बाजूला तरी जाते पण मुली मात्र बिलकूल लोड घेत नाहीत निवांत गप्पा मारत समांतर ड्रायव्हींग चालू राहते. संधी मिळाल्यावर ओव्हरटेक जर करत असू तर या मुली अशा काही रागाने बघतात की त्या बाजूला होण्यास हॉर्न नाही तर कागदी रॉकेट वगैरे मारले आहे. आमचे बंधूराज अशा वेळेला गाडी जवळ नेऊन जोराने ओरडतात "गप्पा बागेत/घरी जाऊन मारा!"

माझा अनुभव कॉलेजकुमारांसंबंधी आहे. रात्री १२ नंतर चित्रपट सुटल्यावर घरी निघालो असता ५-६ बाईक वाल्यांनी आडव्या एका रांगेत बाईक्स चालवून आख्खा रस्ता अडविला होता. मुद्दाम सावकाश चालवत होते. माझी कोंडी केल्याची मजा लुटत होते. कितीही जोरात आणि कितीही वेळ हॉर्न धरून ठेवला तरी बाजूला होत नव्हते. शेवटी माझी गाडी त्यांच्या पैकी एकाच्या बाईकला धडकविण्याइतकी जवळ आल्यावर त्यांची फळी तुटली मी माझी गाडी दामटवून, खिडकीची काच खाली करून एकाला सिग्नलपाशी अडवला आणि हात बाहेर काढून त्याची कॉलर पकडली. तेंव्हा इतर सर्व जणं पळून गेले. ज्याला मी पकडले होते त्याचा शर्ट फाटून कॉलर माझ्या हाती आली आणि तो रस्ता दुभाजकावर बाईक चढवून विरुद्ध रस्त्याने पळून गेला. ते ५-६ जणं असून एकाच्या ही अंगात माझ्याशी २ हात करायची हिंमत नव्हती. डरपोक होते. पण रात्रीची वेळ आणि माझ्यासारख्या कुटुंबवत्सल माणसाला पाहून त्यांना चेव आला होता. पण प्रसंगी हा कुटुंबवत्सल प्राणी आपले थोबाड ही फोडू शकतो हे पाहील्यावर पांगापांग झाली.

ही समान्तर बाईक्स चालवत गप्पा मारण्याची पद्धत मुम्बईत पाहिली नाही कधी. पुण्यात सर्रास करतात. मी पहिल्यांदा पाहिले तेव्हा चाट पडलो होतो.

मुम्बईत खरेच नाही पाहिला मी हा प्रकार. गेल्या शनिवारी पुण्यात मित्राकडे आलो होतो. तो वर्जिनल मुम्बईकर, गेली काही वर्षे पुण्यात सेटल (भोग असतात हो नशिबाचे ;-) ) त्याच्याशी याच विषयावर चर्चा चालली होती. म्हणाला, आता कुणी माझ्याशी असे बोलायला लागले तर मी दचकत नाही, बोलू शकतो. आपणहून बोलण्याइतका पुणेकर झालो नाहिये अजून, असेही म्हणाला (पुण्याच्या भाषेत म्हणला)

पण मुली मात्र बिलकूल लोड घेत नाहीत निवांत गप्पा मारत समांतर ड्रायव्हींग चालू राहते
बरोबर आहे पुपे… आणि कधी जर आम्ही एखाद्या हॉट स्कूटीवालीच्या समांतर गाडी चालवू लागलो तर लगेच या 'काकू' टाईप चालकांच्या पोटात दुखायला लागतं आणि मग जोरजोरात हॉर्न वाजवणं चालू होतं.

नाही हो. अस काही नाहीये. मी रोज डिस्कवर १३५ बाईकवरुन प्रवास करतो पण अगदी स्कुटी पळविणार्‍या पोरीही मला ओव्हरटेक करुन जातात. माझा स्पीड जेमतेम ५०-६० प्रति कि.मी. असतो.

डिस्कवर १३५ बाईक जेमतेम (!!!) ५०-६० प्रति कि.मी. स्कुटी पळविणार्‍या पोरीही मला ओव्हरटेक.... आरारारा...... लई वैट दीस आल्यात... (ह घ्या असं सांगाय पायजे काय? ;) )

>>>>ज्या लेन असतात त्या गाड्या सुरळीत पणे पुढे जाण्यासाठी असतात, आणि त्या पाळण्यासाठी असतात . पण माझा अनुभव भलतचं सांगतो. या पाळण्यासाठी नाही तर शिस्त मोडण्यासाठी असतात. पण यांना गाडी पळवण्याची एवढी घाई असते कि ते मागे गाडी आहे कि नाही याचा विचार न करता सरळ दुसर्या लेन मध्ये गाडी घुसवतात . अशी भांडणं (जी माझी अनेकदा होतात) ती तुम्हीच तुमच्या लेखात दिलेल्या एक-दोन कारणांमुळे होतात. एकदा हिंजवडीच्या अलिकडे एका कारने अगदी जवळून माझ्या गाडी समोर गाडी घातली. त्याला अडविले असता दिशादर्शक (इंडिकेटर) टाकला होता नं, दिसत नाही का? असा उर्मट प्रश्न केला. त्याच्या मते दिशादर्शक टाकला की आपल्याला कशीही कुठेही वळायला कायदेशीर परवानगीच आहे. चांगला कुटुंब वत्सल गृहस्थ. बरोबर त्याची पत्नी आणि मुलगीही होती. त्याला मी हिंजवडी वाहतूक पोलीस चौकीत घेऊन गेलो. तिथे पोलीसाला सांगितलं की त्याने कशी असुरक्षित मार्गिका बदलली आणि अपघात टाळण्यासाठी मला कसा कचकावून गतिरोधक (ब्रेक) दाबावा लागला. त्यावर त्याला समजावून सांगण्या ऐवजी त्या पोलीसाने त्या कुटुंबाला 'तुम्ही जा साहेब, मी बोलतो ह्यांच्याशी' असे सांगून सोडून दिले आणि 'अपघात झाला का?' असे मलाच विचारले. मी म्हंटले पण, 'अहो, दुर्घटना घडल्यावरच पोलीसात जायचं का? दुर्घटना टाळण्यासाठी योग्य ती काळजी घेणं चालकाचं कर्तव्य नाही का? तो जर तशी काळजी घेत नसेल तर तो चालक अपघाताला निमंत्रण देऊन, नियम पाळत वाहन चालविणार्‍या इतर निष्पाप चालकांच्या आयुष्याशी खेळत नाही का?' असे म्हंटल्यावर तो पोलीस म्हणतो, 'तुम्ही म्हणता तसं झालं तर रामराज्य येईल. आमची गरजच काय?' मार्गिका बदलण्यासाठी वाहतूक खात्याचे कांही ठोस नियम आहेत. त्या पोलीसाची त्याच्या वरीष्ठांकडे तक्रार करावी असा विचार मनात आला होता पण काळ उलटल्यावर आपला राग कमी होतो, तक्रारींचा कांही परिणाम होत नाही आणि वरीष्ठाच्या वाहतुक सुरक्षेच्या ज्ञानाविषयी असलेली साशंकता ह्यामुळे तो प्रसंग तिथेच आटोपला. >>>> पण हे गाडी जीथल्यातीथे थांबवणार, गाडीतून उतरणार अन्ही मागच्या गाडीवाल्याशी किंवा रिक्षावाल्याशी भांडत बसणार. यामुळे आपल्या मागे ज्या गाड्या आहेत त्या थांबून राहिल्या आहेत , आपण एक अक्खी लेन थांबवून ठेवली आहे हे यांच्या गावी पण नसत. गाडी बाजूला घेवून मगं भांडाना चर्चा करून कांही होत नाही, पोलीसात जाऊन कांही होत नाही. अवजड वाहनांना चढणीवर उभे करून नंतर आपण निघून जावे आणि त्याला ते भरलेले वाहन घाटात चढविण्यासाठी त्रासदायक व्हावे एवढेच आपण करू शकतो.

पुरुष काय किंवा स्त्री काय, पुण्यात वाहतुकीचे नियम पाळून आणि आपल्या बेदकारपणे वाहन चालवण्याने आपल्याबरोबर इतरांचेही जीव धोक्यात येऊ शकतात याची जाणिव ठेवणारे वहनचालक विरळाच.

अशीच स्थिती दिल्ली दरबार च्या सिग्नल पासुन ते डोंगरी पर्यंतच्या रस्त्यावर असते. सिग्नल असुन नसल्या सारखा, कोणी कशी हि गाडी नेतात त्यात तर बाईक स्वार तर सगळे "धुम" शान मध्येच. पोलिस हि या एरिया मध्ये दुर्लक्ष करतात कारण अल्पसंख्याक इथे जास्त प्रमाणात. पोलीसावरही हाथ उचलायला कमी करत नाहीत. इथुन स्टेशन पर्यंत चालत जायचे कधी म्हंटले तरी जीव मुठीत घेऊन जावे लागते कारण स्त्री पाहिली कि कट ठरलेला.

स्त्री पाहिली कि कट ठरलेला.
ही मनोवृत्ती पुरुषांच्या सुप्त भीतीतून येते. "व्हाट डज् एव्हरी पॉवरफुल मॅन वॉण्ट? मोर पॉवर." असे आहे ते. ह्याचेच सामान्यीकरण करायचे झाले तर नियम तोडून गाडी दामटणे ह्यात आपले कोणी वाकडे करू शकत नाही हे इतर वाहनचालकांना दाखवून देणे आणि त्यातून स्वतःचे तथाकथित सामर्थ्य/वर्चस्व/नियंत्रण पडताळून पाहणे हा उद्देश असतो. अरुंधती रॉय यांना ढोबळमानाने उद्धृत करायचे झाले तर 'द स्ट्रॉन्ग हॅव मोर फीअर ऑफ द वीक, बिकॉज दे थिंक द वीक विल अल्टीमेटली गेट स्ट्रॉन्ग.' (वाक्य नीट आठवत नाही.)

आज सकाळचाच प्रसंग !! बर्‍यापैकी लहान गल्लीत एक काकू कार चालवत समोरुन येत होत्या. हॉर्न देऊनही त्यांची गाडी माझ्या दुचाकीच्या दिशेने वळतेय हे पाहिल्यावर मी बाईक थांबवली. कार जवळ आल्यानंतर कळलं त्या काकू उजव्या हातात मोबाईल धरुन तो डाव्या कानाला लावून मोबाईलवर बोलत होत्या आणि डाव्या हाताने स्टेअरिंग सांभाळलं होतं. आता धागा वाचल्यावर मला हे लक्षात येतंय की चूक त्या काकूंची नव्हती. तो आलेला कॉल जर एखाद्या पुरुषाचा असेल तर ती त्याची चूक होती तो जर पुरुषेतर कोणाचा असेल तर 'मी' दोनदा हॉर्न दिल्यामुळे काकू बावचळल्या असं म्हणावं लागेल. थोडक्यात काय, चूक त्यांची नव्हतीच. ;)

अगदी अगदी. तुझीच चूक रे सुडक्या =)) काकूंचा काय दोष? आरामात फोनवर बोलत होत्या ते दिसलं नै ते नै, वर आणि हॉर्न मारतोस? कुठं फेडशील ही पापं =))

तुमच्या दुचाकीला रिवर्स गियर नव्हता, नव्हता तर तुम्ही खास बनवून घेतला नाही, किमानपक्षी दुचाकी पायाने ढकलत ढकलत मागे जाण्याचा क्षीण प्रयत्न केला नाही, वगैरे वगैरे...

अन सर्वांत मोठे पाप म्हणजे त्या काकू होत्या हे पाहिल्यावरही हॉर्न मारण्याचे डेरिंग केले. काका असते तर चाललं असतं, पण काकू दिसताहेत अन तरी हॉर्न? उद्धटपणाची कमालच झाली ही तर!

एका बाईक च्या मागे लिहिले होते
महिला ड्रायव्हर म्हणजे आकाशातले तारे, ते तुम्हाला दिसतात पण त्यांना तुम्ही दिसालच याची खात्री नाही

शक्यता नाकारता येत नाही..यद्यपि प्रथमहस्ती विदा नसल्याने तूर्त सर्वार्थ साधणारी गुळणी ऊर्फ मौन धरून बसलो आहोत.

अर्थात माझं ड्रायव्हिंग हा विषय परत कधीतरी
ह्याबद्दल पण बोला म्हणजे लेखात नमूद केलेल्या तुमच्या निरीक्षणांबरोबर तुलना करता येईल. की फक्त दुसर्‍यांनाच नावं ठेवायची? माझं निरीक्षणः १. स्त्रीयांनी स्त्रीयांसाठी पुरुषांना नावे ठेवण्यासाठी काढलेला धागा. - श्रेयअव्हेरः दिनेश सायगल. २. स्वतःकडे चारचाकी असल्याची जाहिरात.

क्या तोबी बोलरा इन्हे! धागा बोल्ता, ये मरद लोगां कैसा ड्रायविंग करते बोलके लिखने होना. उस्मे जित्ती जित्ती गल्ति होती, सब्बिच मरद लोगोंकी आउर खाला लोगां जो करते उसका बी जिम्मेदारी मरद लोगोंकाइच! अब ऐसे बोल्ते तो तुम क्या तो बी बोलरा रे? पयलेइच बोला ना सब गलती मरद लोगांच करते, औरतानको नक्को बोल करके? खुंदल खुंदल के ड्रायविंग करे तोबी गलती, हल्लू हल्लू गाडी मारे तोबी गलती! ठोका तोबी गलती, नै ठोका तब्बी गलतीच!! आउर दूसरा सोचो नक्को तुम!