उकडीचे मोदक - एक ब्लेमगेम!

हा हा हा. पिरावती देवींचे पाकप्रयोग भरपूर चाललेत. सगळे फोटू द्यायलाच हवेत असे नाहे गं. ;)

पिरा !! :D :D

तू सगळे नियम पाळून (सुद्धा) जर मोदक बिघडले तर पिठाला blame करू शकतेस ;)
"इकडे कोकण/मुंबई सारखे मोदकाचे पीठच कसे मिळत नाही !!! " असे म्हणून.

हा हा हा. अगदी खदखदुन हसले.
बाकी उकडीचे मोदक ज्याना जमतात त्याना जमु दे बाबा.
मी पण उकडीच्या गोळ्या बरोबर भरपुर टाइमपास करुन झाल्यावर शेवटी हार मानली. आता अजीबात भानगडीत पडत नाही. सरळ उकडीच्या करंज्या करते. एकदम सोपा प्रकार

हा हा हा. अगदी खदखदुन हसले.
बाकी उकडीचे मोदक ज्याना जमतात त्याना जमु दे बाबा.
मी पण उकडीच्या गोळ्या बरोबर भरपुर टाइमपास करुन झाल्यावर शेवटी हार मानली. आता अजीबात भानगडीत पडत नाही. सरळ उकडीच्या करंज्या करते. एकदम सोपा प्रकार

सर्वात वाइट वाटलं ते इतक्या विनोदी लेखाला विकिछाप प्रतिसाद देऊन सूड घेतला गेला आहे याचं.
आमच्याकडेही बाप्पाचा प्रसाद जाहिर केला आणि मी सांगितल्याप्रमाणे हिने मोदक करून दिले पण चवीला उजवे झाले तरी रूपाला डावे झाल्याने पाकृ दिली नाही.बाकी पिरा मोदक पाकृती लेखन सेक्सी का काय ते झाले आहे.

आमचा ब्लेमगेम आमच्यावरच होता हे राहिलं.

सुंदरच दिसत आहेत लाडु.. आपलं.. उकडीचे मोदक! =)) =)) =))

लेखाची पाकृ खास जमली आहे. पुढच्या वेळेस पनीर वापरुन पहा व नंतर ते खाल्लेल्या लोकंचे फोटो टाका ;) :)

मोदक असले
कसले फसले
वाचक सगळे
फिसकन् हसले!

पिरा ताई: मिपावरच्या उपवासाची साबुदाण्याची बॅचलर थालिपीठे आणि अ‍ॅक्सिडेंटल वडे अशा अजरामर फसलेल्या पाककृतीं मध्ये स्वागत असो!

नेहमीप्रमाणेच खुसखुशीत लेखन!

असेच लेख येत राहिले तर मिपाचा नंबर लवकरच पहिला येणार ;)!

पिरा,तुझे राईस बॉल आपलं ते हे,उकडीचे मोदक झकास झालेत.

स्रुजाच्या नादि लागलीस!मग काय बोलावे ?
लाडुरुपी मोदक धमाल जमलेत!

शेवटच्या चित्रात जे आहे ते--- चंद्रावर कि मंगळावरचे असे दगडगोटे आहेत म्हणे!!

Hahaha.पिलियन रायडर....मोदक नही जम्या पण ल्हिणं जमून आलंय. मस्त. बाकी उकडीचे मोदक अती hyped पाकृ होय!!

हसून हसून पुरेवाट झाली ! क्लास लिखाण ! लेखाला नाव पण कसलं परफेक्ट दिलं आहेत!

मला पंधरा वीस वर्षांपूर्वीची आठवण झाली. मी कोकणस्थ, स्वीट टॉकरीणबाई देशस्थ. एक दिवस म्हणाली, "काय तुमच्या उकडीच्या मोदकाचं कौतुक, करून बघतेच!" मला आणि पुनवला बाहेर पिटाळलं. आम्ही तासाभरानी खेळून घामाघूम घरी परतलो. स्वयंपाकघरात डोकावलो तर स्वीट टॉकरीणबाई आमच्यापेक्षा जास्त घामेजलेली! चेहर्यावर हताश भाव! मला काही विचारायचं धाडसंच झालं नाही. तिनी आत्यंतिक तळमळीनी फक्त तीन शब्द उच्चारले, "चिकचिकाट आणि रबरबाट!"

आणि तिघेही हसून हसून गडाबडा लोळलो!

आता आमच्याकडे नियमितपणे उकडीचे मोदक असतात. 'जोशी फूड्स्' मधून आणलेले.

आम्हाला कुंग-फु-पांडेंचे डम्पलिंग्स खायला मिळाले नै,
आय तर लगेच ब्लेम पिरा तै.

लेख तर लेख, प्रतिक्रिया पण भारी.

बाबा योगीराज.

मोदक नाहीत पण लेख मात्र फक्कड झालाय पिरा __/\__

ताजा कलमः-

मी मोदक लाडुंची पाककृती टाकल्यावर ४-५ तासातच मला इतके सल्ले मिळाले की का कोण जाणे परत एकदा मला "उकडीचे मोदक काही अवघड नाहीत" असं वाटायला लागलं. (स्रुजाला जमतात म्हणजे काय!!) ताडकन उठुन मी वाटीभर पाणी मीठ आणि तुप घालुन उकळलं. त्यात बरोब्बर एक वाटी पीठ टाकलं आणि लगेच इंडक्शन बंद करुन पटापट हलवलं. इंडक्शन बराच वेळ चांगलंच तापलेलं रहातं म्हणुन भांडं बाजुला सरकवलं आणि झाकुन ठेवलं. साधारण ५-६ मिनिटांनी ताटात घेऊन मळलं. सुमारे ५ मिनिटं पाणी आणि तुपाचा हात लावत लावत पुष्कळ मळल्यावर छोटा गोळा घेतला आणि मोदक करायला सुरवात केली. अगदी सुगरणीसारख्या मोदकाच्या कळ्या आल्या नसल्या तरी किमान कळ्या करता तर आल्या! सारण भरुन हलक्या हाताने मोदक बंद केला. असे ६-७ मोदक झाले. आणि मग ५ च मिनिटं वाफ काढली कारण मुळ उकडीत फार कच्चटपणा नसल्याने फार उकडायची गरज वाटली नाही.

आता बाप्पा करो आणि मला अमेरिकेतल्या भिकार सोना मसुरी नामक फडफडीत तांदुळाच्या ऐवजी भारतातल्या सुरेख तांदुळाची पिठी मिळो आणि बारिक बारिक कळ्या असणारा टप्पोरा मोदक माझ्या हातुन घडो!!

बघा तीन पैकी दोन मोदक किती चांगले जमलेत! आता एक भुताचा म्हणुन सोडुन द्यायचा!!

१००

धाग्याच्या शतकानिमित्त सर्वाना 2-2 उकडीचे मोदक मिळतील खास पिरा ताईने बनवलेले

कोशिश करनेवालोंकी कभी हार नही होती .... स्वानुभव :) शुभेच्छा!मोदक करण्यात अयशस्वी झाली असली तरी निर्दोषत्व सिध्द करण्यात यशस्वी :) लेख उत्तम जमलाय..

काटेकोर बनवणे, सुंदर प्रेझेंटेशन, उत्कृष्ट फोटो, झक्कास एण्डप्रॉडक्ट हे सगळं एकत्र करून पाककृती टाकायला 'कौशल्य' लागतं.
अज्जिबात न जमलेला पदार्थ खुसखुशीत शैलीत मिपावर टाकायला डेरिंग लागते.
आणि फिनिक्सप्रमाणे भरारी घेत मस्स्त उकडीचे मोदक बनवायला मिपाचं सदस्यत्व लागतं.

हाबिणंदन ओ...

मोदक : शुभांगीताईंची मोदक करण्याची (ते मधे जाड ठेवायचे इ.इ. पद्धत मस्त आहे.

शुभांगी ताईंनी केलेले चिकन मात्र फार मस्त होते. मोदक आता बायकोला करायला सांगणार आहे. पण सूड यांनी सांगितलेली टीप वाचायला देऊन.... :-)

100 झाले पिराबै

हाबीनंदन

पिलियन रायडर,

तुम्ही पण ना! तुम्हाला मोदक बिलकुल जमत नाहीत (आय ब्लेम पिरा) हे ठीक आहे. (बऱ्याच जणांना जमत नाहीत. फेसबुकवर टाकलेले बहुतेक फोटो शॉप्ड असतात. जगात खरं तर फारच थोडे मोदक बनतात. त्यांचेच वेगवेगळ्या अॅंगलने फोटो काढून खपवले जातात.) पण म्हणून तुम्हाला मार्केटिंग सुद्धा जमू नयेत असं नाही. अहो, तुमच्या मोदकांना वर चेपून थोडा सोंडेसारखा आकार करता आला असता तर अष्टविनायक म्हणून खपवता आले असते तुम्हाला. त्यातले काही मोदक ऑलरेडी दिसताहेत तसे. पण तुम्हाला रडगाणं गाण्याची हौसच दिसते (आय ब्लेम पिरा)...

मोदक बघून दहा मिनीटं हसत राहिले.
त्यातही हा प्रकार बिना सारणाचा आहे कळल्यावर जास्तच.

:)

एका कोंकण्याने एक घाटी बायको केली.
आधीच सासू सूनेचे पटत नाही, त्यात हा कल्चरल डिफरंस.
सासू गावाला रहायला गेली.
इकडे कोंकण्या आपला कोंकणी पदार्थाची आठवण काढून संत्रस्त!

गणपरीच्या दिवसांत कोंकण्या 'आईच्या हातचे उकडीचे मोदक' आठवून सुस्कारे सोडायला लागला.
बायको शेवटी वैतागलीम, म्हणाली करते हो मोदक.
सासूला फोन लावला.
'सासूबाई, हे तुमच्या हातचेच उकडीचे मोदक खायचं म्हणतायत. तसं तर बाकी मला माहित्येय , पण तरी तुम्हाला फोन केला'

(खरंतर सूनेला उमो माहितही नव्हता, तिने कधी खाल्लाही नव्हता आणि रेसिपीही माहित नव्हती. पण सासूसमोर कबूल कसं करणार?)

'सूनबाई, पहिले पारीसाठी तांदूळपिठी, पाणी , लोणी घे हो! '
'ते मला माहित्येय, पुढचे सांगा'
'पिठी अगदी बारिक दळलेली हवीय हो'
'ते मला माहित्येय, पुढचे सांगा'
'लोणी अगदी ताजे हवे हो'
'ते मला माहित्येय, पुढचे सांगा'
'सारणासाठी एक नाऱळ पूर्ण खवून घे हो, आणि गूळ, जायफळ'
'ते मला माहित्येय , पुढचे सांगा'
'नारळाच्या चवात नारणाची पाठ येता नये हो'
'ते मला माहित्येय, पुढचे सांगा'

आता मात्र साबांचा संयम संपला.
सूनेला काहिही माहित नाही तरी शहाणपणा दाखवत्येय ते कळलं.
' आणि काय गो, पूढचे सगळे तुला माहितीय तसेच. कर एकत्र आणि काढ उकडी'

'हो , हो! इतकेच ना. आम्ही पण असेच करतो.मला वाटलं हे इअतकं सांगतायत तर तुमची काही स्पेशल पद्धत असेल'

आणि फोन बंद केला

नवरा जेवायला घरी आला. गोडसर नारळा गूळाचा वासतर छान येत होता.
आता मोदक खायला मिळेल अशा स्वप्नरंजनात असताना बायको म्हणाली,
' आज केलेत हो मी तुमचे ते उकडीचे मोदक. चांगले मोठेठे पातेले भरून केलेत, तुम्हाला किती पळ्या वाढू?'

......
तर हा की अश्याच टायपाचा जोक आमच्या लहानपणी 'पळीवाढे मोदक' म्हणून प्रसिद्ध होता आणि उकडीचे मोदक करायच्या प्रत्येक वेळी हा जोक आठवला जायचाच!

पिरा .. काय गं हे, अबिर आणि तु दोघांनी मिळून केलेत का?

मी ही यावेळेस पहिल्यांदाच केले होते , पण उकड जमुन आली. आणि फार सुगरणी सारखे अगदी १६ कळ्यांचे नसले तरी ७-८ कळ्यांचे मोदक जमले.

अरे वा, शेवटचा फोटो आज बघितला, नर्मदेतले गोटे म्हणून सहज खपून जातील

या विकांताला करून पाहीन पाकृ. धन्यवाद पिरा.

कहीच्याकाही फनी !
जबर शैली.

जाम आवडलं.

उकडीचा उंडा कणकेत भरून मऊसूत गवसणीची पोळी करून खिरीसोबत खा.सारणाच्या करंज्या कर किंवा कणकेत भरून खोबय्राची पोळी.
बिघडलेल्या मोदकात दोन नैवेद्य होतील!

उकडीचे मोदक हा प्रकार आहेच तसा. प्रॅक्टिस करून होईल बरोबर. मी सुद्धा पहिल्यांदा केले तेव्हा बिघडले होतेच.

दर संकष्टीला पाच मोदक तरी प्रसादापुरता करण्याचा नेम ठेवल्यास वर्षभरात सहज जमून जातील २१ कळ्यांचे नाहूक, गोरेपान मोदक!

वाह, सकाळी सकाळीच वाचून काढला.....धमाल लिहिलंय ..... एकदम खुसखुशीत लिखाण

खुसखुशीत लेखन

तुझ्या मोदकांचा ब्लेमगेम पाहिला.
दर चतुर्थीला एक वाटी तांदळाच्या पिठीची उकड काढून (उकडीच्या सूचना आल्या आहेतच वर) ५ मोदक केलेस तर २१ व्या वेळी उत्तम जमतील असा आशीर्वाद आत्ताच देऊन ठेवते,:)
स्वाती

मस्त लिहिले आहेस आणि मोदक खासच :)

जबरदस्त हसले मी.... लिखाण वाचुन तर हसलेच पण फोटो बघुन तर हसुन हसुन वेड लागायची पाळी आली. तरी बर बॉस नाहीये आज वॉच ठेवायला. त्यामुळे मनसोक्त हसुन घेतलं. मम्मीला पण दाखवणार हा नविन पदार्थ...

गणपतीबाप्पा एकदम अंतर्धान पावले असतील ना नैवेद्य पाहून ?
..पण लेखन बाकी फर्मास =))

उपमासदृश फोटो पाहून गॉन केस वाटत असली तरिही :-) .. लाडवांचे फोटो बघून उकड अगदीच बिघडलीय असं वाटत नाहिये.. जरा अजून मळली असती तर नक्की झाले असते मोदक त्या उकडीचे.. आणि मोदक करता करता थोड्या भेगा पडत असल्या तरी हाताला थोडंसं तेल लावून त्या भेगा हळूहळू जुळवून घेता येतात.

मोदकांच्या ह्या असल्या छ्ळाबद्दल खुद्द मोदक भाउ काही बोलेनात.

दया, कुछ तो गडबड है...

ओ रसिक प्रेक्षकांनो!!! काल केले की लगेच चांगले मोदक.. पहा पहा!!

http://www.misalpav.com/comment/877688#comment-877688

ओ साहित्य संपादकांनो.. जरा माझा ताजा कलम अ‍ॅडवता का मुख्य धाग्यात?
त्याचा बॅनर वगैरे बनवुन घ्यावा असंच बै वाटतय सारखं!!

सुगरणीचा उपमा आणि लाडू सॉरी सॉरी मोदकपुराण वाचून हसावेच लागले (आय ब्लेम यु पिरा), पण आता मला कळले आहे कि मी कुणाकुणाला ब्लेम करू शकते मोदक बिघडले कि, १-२ दिवसात ती वेळ येईलच.
मी ना एक नवीन रेसिपी शिकलेय.... उकडीचे लाडू - खपवणारच मी आता मी ते तुझ्या नावावर :)

हहपुवा...

प्रतिसादांची देणगी या धाग्याला मिळाली आहे.

हे वाचून मला माझ्या आम्रविकेत असताना केलेल्या प्रयोगांची आठवण झाली..
पहिल्या वेळेस मी तांदूळाचे पीठ म्हणून जे काही आणते ते डोश्याचे पीठ निघाले, आणि गरम पाणी घातल्यावर त्याचा तुम्ही म्हणताय्तसाच उपमा(आणि माझा पोपट) झाला. दुसर्‍या वेळेस मात्र मी भरपू संशोधन करून चांगले पीठ आणले.
घरी (भारतात असताना) तांदूळाच्या भाकर्‍यांची उकड काढण्याची रेसिपी रोजच्बघत होतो, त्यामुळे उकड काढायला फार त्रास झाला नाही. फक्त ते शिजवण्याचे प्रकरण तेव्हढे ठीक झाले नाही त्यामुळे खाणार्‍यांची नंतर पोटे दुखली.
असो. आता भारतात आहे आणि लग्न पण झालेय, त्यामुळे उकडीच्या मोदकांचा प्रश्नच सुटला.
बाकी -
उकडीचे मोदक फ्रीझमधून काढून खाण्यात काही अर्थ नाही. ते वाफाळतेच तुमच्या पानात आले पाहिजेत.. लगेच तो फोडून त्यात तूप ओतायचे, आणि मग चवीने खायचे.
मोदकाचे सारे सौंदर्य त्याच्या मऊ लुसलुशीत पारीमध्ये आहे, तीच जर मऊ नाही मिळाली तर त्या मोदकाला काहीच अर्थ नाही.

ह ह पु वा
एकदम मन्गला गोडबोले type लेखन

पीर तै मी तुमच्या लिखाणाचा पंखा आहे. तुम्ही कुठल्याही घटनेकडे ज्या तऱ्हेने बघू शकता आणि सहज खुमासदार शैलीत लिहिता झकास

ह्यँ, हे उकडीचे मोदक आणि तळलेले मोदक यांच्या भाऊगर्दीत मिपावर एक सायकलवरचा मोदक आहे हे सगळे विसरलेले दिसताहेत =)) =))

सलग 3 धाग्यात शतक मारलेत तुम्ही. अगोदर त्रासदायक झालेली भटकंती, नंतर जनातलं मनातलं आणि आता फसलेली पाककृती. क्या बात. साक्षात अझरच्या विक्रमाची बरोबरी.