Skip to main content

कारल्याची कोशिंबीर

लेखक शाल्मली यांनी मंगळवार, 03/02/2009 15:45 या दिवशी प्रकाशित केले.
कारल्याची कोशिंबीर
साहित्य :- २ ते ३ कारली १ मध्यम कांदा - बारीक चिरून १ मोठा चमचा दाण्याचे कूट अर्धी वाटी चिरलेली कोथिंबीर २ चमचे लिंबाचा रस २ मिरच्या चवीप्रमाणे मीठ २ चमचे तेल फोडणीचे साहित्य - मोहरी, जिरे, हिंग, हळद कृती:- कोशिंबीर करायच्या आधी २ ते २.५ तास कारली उभी मधे चिरून घ्यावी. आतील बिया काढून काचर्‍या करून घ्याव्यात. ह्या काचर्‍यांना मीठ लावून ठेऊन द्यावे. २ ते २.५ तासांनी ह्या मीठ लावलेल्या काचर्‍या पिळून त्यातील मिठाचे पाणी काढून टाकावे. म्हणजे कारल्याचा कडूपणा कमी होईल. एका कढईत तेल गरम करून मोहरी, जिरे, हिंग घालून फोडणी करून घ्यावी. त्यात कारल्याच्या काचर्‍या कुरकुरीत होईपर्यंत परतून घ्याव्यात. कढई गॅस वरून काढून घ्यावी. आता त्यात बारीक चिरलेला कांदा, दाण्याचे कूट, कोथिंबीर आणि बारीक चिरलेल्या मिरच्या घालाव्यात. गरज वाटल्यास चवीनुसार मीठ घालावे. (कारल्याच्या काचर्‍यांना आधी मीठ लावलेले असल्याने चव बघून मीठ घालावे.) आता त्यावर लिंबाचा रस घालावा. सर्व मिश्रण एकजीव करून कोशिंबीर वाढावी. कारल्याचा थोडासा कडूपणा, लिंबाची आंबट चव, मिरच्यांचा तिखटपणा आणि खमंग फोडणी यांच्या एकत्रित चवीमुळे ही कोशिंबीर फारच चविष्ट लागते. :) --शाल्मली.
वाचने 9637
प्रतिक्रिया 35

प्रतिक्रिया

मदनबाण मंगळवार, 03/02/2009 15:54
कारल्याची भाजी खाल्ली आहे पण कारल्याची कोशिंबीर पहिल्यांदाच पाहिली !!! (कडू-गोड) मदनबाण..... :) ...रत तेये ताचवा ही टेलउ लाम्हातु व्वा.

मनस्वी बुधवार, 04/02/2009 11:55
खराट्या, :-| तुझे 'ब्ब्बॉक' आणि आवडले???? व्यॅक्क्क्क्क!!!! आणि त्याला जर प्रतिसाद द्यायचा असता तर तुझ्या प्रतिसादाला प्रतिसाद दिला असता खराट्या. तुला कारले आवडत नाही हे समजले एकदा, त्यामुळे जितके ब्ब्बॉक-ब्ब्बॉक करायचे आहे, ते तुझ्या खरडवहीत कर. माझ्या प्रतिसादाचा आणि तुझ्या ब्ब्बॉकचा काहीही संबंध नाही. हे हे हे

शितल मंगळवार, 03/02/2009 20:23
शाल्मली ताई, कारल्याची कोशंबिर अजुन कधी केली नाही पण तुम्ही सांगितलेल्या पध्दतीने नक्की करून पाहिन. अशाच छान छान पाककृती आम्हाला सांगत जा.. :)

धनंजय मंगळवार, 03/02/2009 20:46
कारले ही माझी आवडती भाजी. कारल्याची कडवट चव औरच (मला आवडणारी अशी). मी स्वतःसाठी कारली शिजवतो, तेव्हा पाणी काढून टाकत नाही. ही कोशिंबीर जरूर करून बघीन.

शाल्मली मंगळवार, 03/02/2009 20:55
मी स्वतःसाठी कारली शिजवतो, तेव्हा पाणी काढून टाकत नाही.
बापरे!! म्हणजे अगदी ओरीजिनल चवीतच की.. --शाल्मली.

प्राजु मंगळवार, 03/02/2009 21:04
कारल्याचि भाजी आवडत नाही .. पण तळलेले कारले आवडते. आता अशाप्रकारे कोशिंबीर करून बघावी. - (सर्वव्यापी)प्राजु http://praaju.blogspot.com/

वल्लरी मंगळवार, 03/02/2009 21:38
ही कोशिंबीर खुप पौष्टीक वाटते आहे.... मला कारल्याची भाजी आवडते..आता अश्या प्रकारे कोशिंबीर ही करुन बघेन... :) ---वल्लरी

चकली मंगळवार, 03/02/2009 21:41
कारले आवडत नाही, त्यामूळे कधी केले जात नाही...पण ही करून बघेन एकदा. >> "त्यात कारल्याच्या काचर्‍या कुरकुरीत होईपर्यंत परतून घ्याव्यात. कढई गॅस वरून काढून घ्यावी. आता त्यात बारीक चिरलेला कांदा, दाण्याचे कूट, कोथिंबीर आणि बारीक चिरलेल्या मिरच्या घालाव्यात." हे चांगल वाटतंय.. पाकृ बद्द्ल धन्यवाद! चकली आजची रेसिपी - कैरीचे इंस्टंट गोड लोणचे

वाहीदा मंगळवार, 03/02/2009 21:49
मला आईने केलेले कारल्याची भाजी खुप आवडायची ! आई गेल्यानंतर कारल्याची भाजी खाल्लीच नाही. तु परत एकदा तिच्या भाजीची आठवण करुन दिलीस ... धन्यवाद !! एक विचारु ?? ही कोशिंबीर किती दिवस टिकेल ग फ्रिज मध्ये ?? मी करुन बघेन जरुर .... फोडणीतच मिरची चा ठसका टाकला तर ?? sorry मी भाज्यांचे नेहमी नवीन Innovations करत असते ! कारल्याचे / लोणचे येते का ग तुला ?? असेल तर receipe जरुर प्रकाशीत करावी :-) ~ वाहीदा

शाल्मली बुधवार, 04/02/2009 17:08
फोडणीतच मिरची चा ठसका टाकला तर ??
फोडणीतच मिरची घालू नये कारण त्या फोडणीत कारली भरपूर वेळ परतायची आहेत. म्हणून मिरच्यांचे तुकडे नंतरच घालावेत. कारल्याचे लोणचे अजून करून पाहिले नाहीये. पण विकतचे खाल्ले आहे. ते आवडले होते. :) --शाल्मली.

वाहीदा गुरुवार, 05/02/2009 23:34
तुम इस खेल की पुरानी माहीर खिलाडी हो , तुम्हारे Suggestions सर आंखोंपर ! बाकी कार्ल्याशी जरा जपुनच खेळायला पाहीजे नाहीतर सगळं व्यर्थ ! :-) ~ वाहीदा

दशानन सोमवार, 09/02/2009 16:53
तुम इस खेल की पुरानी माहीर खिलाडी हो , तुम्हारे Suggestions सर आंखोंपर ! सहमत. हेच. म्हणतो आहे ! ** अरे कोणीतरी मला शिरकुर्माची रेसेपी द्या रे ! आजकाल खुप इच्छा होत आहे ;) मनातील इच्छा अधुरी राहू नये ह्यासाठी.. कोणी मला स्पेशल निमत्रण देऊन खाउ घातले तर त्यांचा मी ३ जन्माचा ऋणी राहीन... (३चं बरं का.. बाकीची चार जन्म आम्ही इतरांचे ऋण मुक्त होण्यासाठी वापरणार आहोत) *******
शब्दांच्या पलिकडे सुध्दा जग असतं, काही गोष्टी नजरेने बोलल्या जातात ! फक्त होकार च नाही तर, प्रेमाला नकारांची सुध्दा झालर असते !

विसोबा खेचर मंगळवार, 03/02/2009 21:52
कार्ल आम्हाला आवडत नाही, त्यामुळे आम्ही या पाककृतीस आमची नापसंती नोंदवत आहोत. विशेषत: पाककृतीकर्तीने आम्हाला बटाटेवडे प्रॉमिस करून कार्ल्याच्या कोशिंबिरीची पाकृ येथे देऊन आमचा घात केलेला आहे.. निषेध... तात्या.

वाहीदा मंगळवार, 03/02/2009 22:14
विशेषत: पाककृतीकर्तीने आम्हाला बटाटेवडे प्रॉमिस करून कार्ल्याच्या कोशिंबिरीची पाकृ येथे देऊन आमचा घात केलेला आहे.. :-) बटाटे घालुन कार्ल्याची कोशींबीरीची receipe पाठव तात्यांसाठी खास :-)

नितिन थत्ते बुधवार, 04/02/2009 11:20
कार्ले आवडत नाही खराटा (येथे उत्तम काथ्या बारीक कुटून मिळेल)

रेवती मंगळवार, 03/02/2009 23:43
अरेच्च्या, तू तर कोशिंबीर साम्राज्ञी दिसतेस! कारलं फारसं खाल्लं जात नाही आमच्याकडे. नेहमी वाटतं की आपण आता ही भाजी करायला सुरूवात करू आणि भाजी काही होत नाही. आता मात्र निमित्तच मिळालं आहे मला. कारली आणीन पुढच्या अठवड्यात व करून सांगीन कशी झाली होती कोशिंबीर. फोटू नेहमीप्रमाणेच भारी! रेवती

मुक्ता मंगळवार, 03/02/2009 23:58
शाल्मली ताई, कारल्याची कोशंबिर कधी केली नाही पण तुम्ही सांगितलेल्या पध्दतीने नक्की करून पाहिन.

सहज बुधवार, 04/02/2009 09:13
माझी आवडती भाजी. कार्ल्यांचे मसाला वेफर्स सही लागतात. तात्या चखणा म्हणुन ते वेफर्स खाउन बघा. आवडतील. कोशिंबीर करुन पाहीली पाहीजे.

सुनील मोहन बुधवार, 04/02/2009 12:56
कारले मुळीच आवडत नसे. पण बादशाहीत जेवायला जायला लागल्यापासून वामनरावांनी "अहो खा कार्लं ! रक्त शुद्ध होतं त्यानं" असा दम देऊन पानात वाढलेल्या भाजीमुळे खरंच आवडायला लागलं कार्लं.

शंकरराव बुधवार, 04/02/2009 16:04
मला कारले आवडते.फार दिवस झाले कारल्याची कोशिंबीर खाउन पाककृती फोटो अप्रतिम ...

पुष्कर बुधवार, 04/02/2009 16:53
तुमच्या कारल्याच्या कोशिंबिरीचा उल्लेख मला माझ्या कोल्हे-कुई मध्ये करण्यावाचून राहवलं नाही. त्याबद्दल क्षमस्व. बाकी मला कारल्याची पातळ भाजी सर्वात जास्त आवडते. कोशिंबीर पहायला हवी करून.

अनंत छंदी बुधवार, 04/02/2009 17:22
कडू कारलं तुपात तळलं साखरेत घोळलं तरी कडू ते कडूच पण तरीही आपल्याला बुवा ते आवडतं "मानवी स्वभावातील कडवटपणापेक्षा कारल्याचा कडवटपणा निश्चित कमी असतो असे म्हणतात"

चित्रा गुरुवार, 05/02/2009 06:23
कार्ले शक्यतोवर घेणे टाळते (म्हणजे कधीच घेत नाही :) पण ही कोशिंबीर करून पहावीशी वाटते आहे.

नरेश_ सोमवार, 09/02/2009 18:40
माफ करा शाल्मलीताई , पण कार्ल्याऐवजी कंटोली (की कंटोळी ? ) घेतली तर. . . ???