लकडीपुल हा पुल आहे
पुलावरुन इकडून तिकडे जाता येते. त्याच बरोबर तिकडून इकडे पण येता येते. तुम्ही समोरील बाजुला गेलात की इकडची बाजु तिकडची होते. त्यामुळे पुलावरुन फक्त इकडून तिकडे जाता येते असे दोन्ही बाजुला उभे राहुन म्हणता येते.
लकडीपुलाखालुन एक गटार वहाते. सभ्य पुणेकर तिला नदी म्हणतात.
पूरे ? की अजुन सांगु?
१. लाकडी पुल हा लाकडापासुन बणलेला णाही.
२. लाकडी पुला वरुन दुचाकी वाहणांस बंदी आहे. एकदा मी लाकडी पुलाहुन दुचाकी घेऊन गेलो असता मामांनी मला प्रेमाने पकडले होते , आणि १०० रुपये दिल्यावर अगदी तेवढ्याच प्रेमाने ते मला सोडायला देखील आले होते.
३. लाकडी पुल हा मॅग्नेटिक असावा , कारण तो उत्तर-दक्षिण ह्या दिषांना सेटल झालेला आहे.
४. एका साईडला गरवारे पुल तर दुसर्या साईड ला अलका टॉकिज , असा सांस्कृतिक वारसा लाकडी पुलाला लाभलेला आहे.
५. अलिकडे लाकडी पुलावरुन रेंबो सर्कस दिसते ( चु.भु.द्या.घ्या)
६. बरेच लोकं लाकडी पुला खालच्या कृष्णगंगेत कपडे धुताना दिसतात , सकाळी लवकर गेल्यास अन्य अवयवही धुताना दिसतात.
७. एकाच नदीवर एवढ्या जवळजवळ बांधलेल्या पुलांची संख्या जगात सर्वांत जास्त आहे त्यामुळे लाकडी पुलाचे स्पेशलत्व कमी झाले आहे.
८. लाकडी पुलावरुन एकदा मी माझी जुनी फाटकी बॅग नदीत फेकुन दिली होती.
९. लाकडी पुल मला खुप खुप आवडतो .
१०. पुण्यात अजुन लाकडी पुल णिर्माण झाले तरी ह्या आद्य लाकडी पुलांची सर त्याला येणार नाही.
- लाकडी टारझन
टारोबा,
तुम्ही एका पुलावरुन दुसर्या पुलावर टुणकण उडी मारलेली आहे.
रेंबो सरकस ही काकासाहेब गाडगीळ पुलावरुन दिस्त्ये.
लकडी पुलावरुन फक्त सरकसचा तंबु दिसतो.
तसे पाहता, शर्यती लावुन आम्च्या बालगोपाल मंडळाच्या सदस्यांनी लकडी पुलावर बरीच कामे केलेली आहेत.(सु.सां.न ल.)
मग फक्त चारचाकीच वाहने जाऊ देतात का? का पायी पायी चालत जायचे? समजा गाडीतून, दुचाकीवरून फिरायला गेलो आणि लाकडी पूल ओलांडावा लागला तर सगळ्यांनी गाडीतून उतरून गाडी ढकलत ढकलत न्यायची का? तसेच दुचाकीचेही...
लकडी पुल.
ह्या विषयीचे डीट्टेल मार्गदर्शण आपणाला
वपाडाव क्लासेस,
तु. पा. चौक,
फ.कॉ. रस्ता
येथे देण्यात येइल.
वेळ : सकाळी ५ ते ६/ सायंकाळी ९ ते १०.
फीस : २०० $
क्रेडीट कार्ड स्विकारले जातील. (२% अतिरिक्त कर )
पण तुमचा तर लोकांच्या चड्ड्या धुण्याचा बिजणेस आहे ना ?
मशीन अॅटोमॅटिक असली कि १दा सुरु करुन बराच वेळ मिळत असेल ना रे त्यांना;)
मशीणच्या स्पेसिफिकेषणबद्दल आपल्याला व्य. नि. करण्यात येइल.
अवांतर चर्चा इथे नकोत.
अवांतर : आम्हाला मिळालेल्या वेळात उगाच लुडबुड करु नये.
त्याने त्रास होतो. अथवा रजनिला व्य. नि. करावा लागेल.
मूळ लकडी पूल हा पेशवाईत जेव्हा केव्हा बांधला गेला, तेव्हा तो लाकडाचाच असल्याबद्दल ऐकलेले आहे. त्याजागी नंतर बांधलेल्या (आता अस्तित्वात असलेल्या) पुलाचे अधिकृत नाव 'छत्रपती संभाजी पूल' असे आहे. मात्र पिढ्यानपिढ्यांच्या जुन्या सवयीने लोक त्यास आजही 'लकडी पूल' असेच संबोधतात. (आजचा 'लकडी पूल' लाकडाचा नाही, हे बरोबर.)
२. लाकडी पुला वरुन दुचाकी वाहणांस बंदी आहे. एकदा मी लाकडी पुलाहुन दुचाकी घेऊन गेलो असता मामांनी मला प्रेमाने पकडले होते , आणि १०० रुपये दिल्यावर अगदी तेवढ्याच प्रेमाने ते मला सोडायला देखील आले होते.
लकडीपुलावर १९९०च्या दशकाच्या सुरुवातीपर्यंत दुचाकी वाहनांना बंदी नव्हती. मात्र तोपर्यंत लकडीपुलावरील वाहतूक प्रमाणाबाहेर वाढल्याने त्यातील काही वाहतूक इतरत्र वळवण्यासाठी त्या सुमारास शेजारच्या झेडब्रिजचे बांधकाम सुरू झाले. (साधारणतः त्याच सुमारास मी पुणे सोडल्याने त्यानंतर ते बांधकाम पूर्ण होऊन झेडब्रिज वाहतुकीस नेमका कधी खुला झाला, ते सांगू शकत नाही.) नंतर झेडब्रिज पूर्ण झाल्यावर सर्व दुचाकी वाहतूक तेथे वळवण्यात येऊन लकडीपुलावर दुचाकी वाहनांना बंदी आणण्यात आली. (पादचार्यांना मात्र लकडीपुलावरून चालण्यास बंदी नाही, असे आठवते.)
६. बरेच लोकं लाकडी पुला खालच्या कृष्णगंगेत कपडे धुताना दिसतात , सकाळी लवकर गेल्यास अन्य अवयवही धुताना दिसतात.
केळकर रस्यावरून सुरू होऊन डेक्कन जिमखाना बसस्टँडमागे उगवणार्या काजव्याची आठवण ताजी करून दिल्याबद्दल वाढदिवसाच्या शुभेच्छा. आहे का तो काजवा अजून?
नारायण पेठेतून डेक्कनला यायला तो शॉर्टकट चांगला होता. अनेकदा वापरलेला आहे. फक्त, नाक मुठीत धरून आणि पाय भलत्याच कशात तरी पडत नाही याची खात्री करत जरा जपून चालावे लागे, एवढेच.
'कृष्णगंगा' हे नाव उपहासाने वापरले आहे काय? ('गंगा मैली' अशा अर्थाने?) तसे असल्यास हरकत नाही. अन्यथा, या 'नदी' म्हणवल्या जाणार्या (तेवढा पावसाळ्यात कधीमधी पूर येतो फक्त तेव्हा सोडून) नाल्याचे अधिकृत नाव 'मुठा' असे आहे.
तो झेड ब्रीज कोणी वापरतच नव्हते. शेवटी लाकडीपुलावर दुचाकी वाहनांना बंदी घातली म्हणून ते वापरत आले. तसेही ते फार काही चांगले बांधलेले नाहीयेत. जाण्या आणि येण्याचा रस्ता इतका विचित्र आहे कि ते सोयीस्कारच नव्हते. पण तसेही लोकांना सरळ आणि सोयीस्कर काही मिळूच नये किंवा तितका विचार करण्याची ईछाच नाहीये कोणाची.
आमच्या पुण्यात एक लकडी पुल आहे. पुलाला आम्ही ब्रीज असेही म्हणतो. समोरचे काका कायम ब्रीज खेळत असतात. ते ब्रीज खेळताना दारू सुद्धा पितात. ते खुप वाईट आहेत असे आमचा बाबा म्हणतो. बाबा मला घेऊन कधी कधी लकडी पुलावर जातो. पुण्यातली माणसे पुलावरून पाण्यात काही पण फेकतात. मी एका पैलवानाला जुनी फाटकी बॅग फेकताना पाहिले. बाबा "तो माणूस पण वाईट आहे" असे म्हणत होते. नंतर आमच्या बाबाने घरातल्या दारुच्या बाटल्या पुलावरून फेकल्या. खुप मजा आली. घरातला कचरा कमी झाला. त्या पैलवानाला नंतर पोलिस मामाने पकडले आणि त्याच्या कडून पैसे घेतले. आमचा बाबा पण घरात पैसे आणतो. तो ते आईला देतो. आई मला खुप मारते. लकडी पुलावर एकदा सकाळी आईपण आली होती. खालती बरीच माणसे कपडे धुत होती. आमच्या घरी कपडे धुवायला एक बाई येते. मध्येच आई "शी बाई" असे काहीतरी ओरडली. मग आम्ही घरी आलो. बाबा हल्ली सकाळी सकाळी लकडी पुलावर एकटा फिरायला जातो. मला बरोबर नेत नाही.
जमलेले आहे.......अजून आपले साहित्यवाचन करायला मिळावे हीच नम्र विनंती.....
<<मी एका पैलवानाला जुनी फाटकी बॅग फेकताना पाहिले>><<त्या पैलवानाला नंतर पोलिस मामाने पकडले आणि त्याच्या कडून पैसे घेतले. >> हे फारच आवडले.
;)
इंग्लिशमध्ये शी म्हणजे ती. त्यामुळे आई त्या बाईला उद्देशून ओरडली असावी. आमच्या इंग्लिशच्या बाई फार ओरडतात. आणि त्यांना ओ दिल्यावर पोरं रडतात. पण मी रडत नाही. कारण रडणारे रडूबाई असतात. आमच्याकडे कामाला येते तिचे नावही आईने रडूबाई ठेवलेय पण ती रडत नाही, दांड्या मात्र मारते. गांधीजींनी दांडी सत्याग्रह केला होता. साधेपणा कसा असावा हे सांगताना एकदा सर म्हणाले "एक दांडीवर, एक ****". त्यावर मि शंका विचारली की दांडीवर जर ठेवले तर तिथपर्यंत परत चालत जायला नको का? ते कोण जाणार? त्यावर सर हसले आणि डोक्यात एक टप्पल मारली. उगी तिप्पल लावू नको असे आई कायम मला म्हणत असते. पण आपल्याकडे पावडरच आहे, तिप्पल कुठेय असे म्हटल्यावर तिने का मारले मला अजूनही कळालेले नाही. आई दूष्ट आहे. मला नतद्रष्ट म्हणते. संस्कृतच्या सरांना अर्थ विचारला तर डिक्शनरीत नाही म्हणाले.
संस्कृतच्या सरांना अर्थ विचारला तर डिक्शनरीत नाही म्हणाले.
डिक्शनरी पाहिजे का डिरे़क्टरी आम्चा प्युन चंद्या नेहमी विचारतो. लोक त्याला कधी कधी चंद्या पिवून आलाय असं उगीचच चिडवतात.चिडवणे वाईट असे आम्च्या भोप्या (त्याचे चिडवून झाल्यावर) म्हणतो. म्हणून आम्ही त्याला लाडाने भोपळ्या म्हणतो. भोपळ्याची भाजी मला आवडत नाही पण आवडणारे भोपळ्याचे घारगे श्रावणात कारतात. श्रावण महिना लक्षात राहयचे कुर्कुरीत कारण म्हणजे त्याच महिन्यात पापडगांव्करांची लिज्जत वाढव्णारी कवीता जाहीरात येते.जाहीरातींमुळे सिनेमा एक सलग पाहता येत नाही आणि लिंक तुटते. "लिंक ताले अच्छे जो अपनेही चाबीसे खुले" असे आलोकनाथ सांगतात.
==पूढे चालू
आणि आलोकनाथ संस्कारी आहेत. तसे संस्कारी नसल्याने 'लिंक-न' ताले आमच्या आवडीचे. लिंकन हा अमेरिकेचा अध्यक्ष होता. त्याने मुख्याध्यापकांना लिहिलेले एक पकाव पत्र आमच्या शाळेत लटकून ठेवलंय. त्याची सुरळी किंवा विमान केले पाहिजे. प्राचीन काळात विमान होते म्हणतात. परवाच आमच्या घटक चाचणीत चीनचे भाग विचारले होते, भोप्याने प्राचीन आणि अर्वाचीन असे लिहिले. भोप्याला भोपळा मिळाला. तसे म्हणताच तो म्हणाला भो** पळा! मी म्हणालो भोप्या, प्राचीकडे बघून लिवलास का नाय अन्सर सांग बगू खरं. तं म्हणतो कसा, गच्चीत बसलो की प्राचीचीच आठवण येते.
पुर्वीसारख्या गच्च्याही राहिल्या नाहीत आणि शिव्याही. पूर्वी शिव्यांमध्येही गच्चीचा वापर व्हायचाच.आमच्या चंद्याला चिडवणारा पेड्णेकर कधी कधी "गच्च आहे रे" असे म्हणतो क्लीनिकला हमखास जावून आलं की . आलं चहात टाकलं की चहाची चव फर्मास लागते असा आमचे नाना माईंआडून सांगतात. नाना नेह्मी माईंच्या आडच असतात असे आमच्या गुरुजींचे ठाम मत आहे. आपले मत कुणाला विकू नका अशी अफवा मतदानाचे दिवसात पसरते त्याकडे कानाडोळा करा असे आम्चा हितेषभाई सांगत असतो् हितेशभाईला दुनियाची खबर जागेवर बसल्या बसल्या मिळते असे तो ग्रेट्थिंकरला मक्याच कणीस खाताना बोलला असा सगळ्यांना वाटते, पण आपण लक्ष्य देऊ नये. मक्याचं कणीस कुठेपण भेटते पण डोक्यात जाणारा मक्या फक्त सिनेमा आणि टीव्हीवर दिसतो. त्याच्या पायी आपण आपलाच टिव्ही फोडू नये,चॅनेल बदलावा असं डांगे साहेब म्हणतात ते काही खोटं नाही.खोटं खर्यासारख दिसलं तरी ती थुंकी या बोटीवरून स्वारी या बोटावरून त्या बोटावर न्यायची इगत सगळ्यांनाच जमेलच असं नाही..
माझ्या निबंधावर बॅटमॅन भाऊंचा आणि ना.खु.चा प्रतिसाद व तसाच एक निबंध वाचून मि.पा.वर असल्याचे सार्थक झाले..!!
हा निबंध म्हणजे माझ्या काही आवडत्या प्रतिसादांमधला एक आहे.
माझ्या ५ वर्षे वयाच्या भाच्याच्या लकडी पुलाबद्दलच्या भावना समजून घ्याव्यातः-- ;) ;)
मला पुण्याचा लाकडी पूल खूप्प खूप्प आवडतो.
आम्हाला मावशी लाकडी-की-काठी गाणे म्हणून दाखवते.
मावशीकडे दोन दोन कुत्रे आहेत.
काका चिंटूला कधी कधी कुत्रा म्हणतात.
चिंटू पक्का अवली कर्टा आहे, माझ्या चड्डीत स्पायडर सोडतो.
स्पायडरमॅन मस्त झोके घेतो आणि त्याच्या गर्लफ्रेंडला शहरभर फिरवतो दोरीवरून.
माझ्याकडे पण एक दोरी आहे, त्यापासून मी बेचकी बनवली आहे... लाकडी.
मला पुण्याचा लाकडी पूल खूप्प खूप्प आवडतो.
आम्हाला मावशी लाकडी-की-काठी गाणे म्हणून दाखवते.
......
......
......
प्रतिक्रिया