तंदूर कोळंबी

नमस्कार मंडळी, महत्वाची सूचना: मुख्य पानावर सारखे माझे नाव आणि धागे दिसल्याने कुणाला त्रास होत असेल तर सॉरी.. :) काही गोष्टी अनिवार्य असतास. समजून घ्याल अशी मायबाप वाचकांकडून अपेक्षा. कोळंबीचा हा माझा सर्वात आवडता प्रकार आहे. तंदूर कोळंबी नुसतं म्हंटल तरी तोंडाला पाणी सुटतं. पटकन साहित्य घ्या. साहित्याचा अन कृतीचा फोटु न दाखवता हाटेलसारखं डायरेक्ट फायनल डिशच तुमच्या समोर ठेवणार हाय. :) साहित्यः १. पावशेर कोळंबी २. एका लिंबाचा रस ३. लाल तिखट १-२ टे.स्पून ४. काश्मिरी लाल तिखट १ टे.स्पून ५. एक पळी वितळलेले बटर ६. आलं पेस्ट १ टे.स्पून ७. लसूण पेस्ट १ टे.स्पून ८. एव्हरेस्ट तंदूर मसाला २ टे.स्पून ९. मीठ चवीनुसार १०. अर्धा कांदा उभा चिरून कृती: १. कोळंबी स्वच्छ धुवुन घ्या आणि धागा काढुन घ्या. २. लिंबाचा रस, लाल तिखट, काश्मिरी तिखट, आल आणि लसूण पेस्ट, मीठ, तंदूर मसाला आणि बटर चांगले एकजीव करुन घ्या. ३. या मिश्रणात कोळंबी मरीनेट करा. कमीत कमी १ तास. ४. ओव्हन १५० डिग्रीवर प्री-हीट करा १० मिनिटे. ५. ट्रे वर अ‍ॅल्युमिनिअम फॉईल पसरवा. ६. आता फॉईलवर कोळंबी पसरवून ठेवा. ७. १८० डिग्रीवर फॅन फोर्स्ड मोडमधे १५-२० मिनिटे ठेवा. दर ५ मिनिटांनी कोळंबीची बाजू बदलत रहा. इथे जरा अंदाजानेच आणि लक्ष ठेवून वेळ किती ते ठरवा. ८. कांदा पाण्यात धुवुन घ्या. त्यात मीठ आणि थोडे काश्मिरी तिखट घाला. ९. कांदा, लिंबू आणि कोळंबी प्लेटमधे ठेवून सजवा आणि लुटा मस्त आनंद.