इश्कबाजांच्या मैफिलीत

अ — अधिराज, Sat, 02/09/2013 - 08:16

इश्कबाजांच्या मैफिलीत तू असावीस गाजलेली नशा शायरीत आणताना तू असावीस लाजलेली. दो जीवांची स्पंदने ही असावी तुझ्यातच रुजलेली वसंतातले रंग लेऊन तू असावीस सजलेली. घेऊन चांदणे उशाला तू असावीस निजलेली धुंद जाणिवेच्या धारांमध्ये तू असावीस भिजलेली. विरहसमय आला तरी नसावी प्रेमवात विझलेली बहू पालटले ऋतू जरी नसावी गझल झिजलेली.

2017 वाचन

💬 प्रतिसाद (13)

प

प्रचेतस Sat, 02/09/2013 - 08:22 नवीन

मस्त.

स

संजय क्षीरसागर Sat, 02/09/2013 - 08:26 नवीन

विरहसमय आला तरी नसावी प्रेमवात विझलेली बहू पालटले ऋतू जरी नसावी गझल थांबलेली असं हवं का?

अ

अधिराज Sat, 02/09/2013 - 13:31 नवीन

गझल नाविन्य संपलेली किंवा कंटाळवाणी झालेली नसावी ह्या अर्थी तो शब्द वापरला आहे. पण तुमचा "थांबलेली" बी चालायला हरकत नाही. तुमच्यासाठी काय पन!

↩ प्रतिसाद: संजय क्षीरसागर

स

संजय क्षीरसागर Sat, 02/09/2013 - 14:35 नवीन

शब्द नज़ाकतदार हवा. कविता (किंवा गज़ल) सखीशी नातं असतं तशी असावी. सखी थांबते. तिचं नाविन्य संपत नाही, तिचा सहवास कधी कंटाळवाणा होत नाही. आपला तिच्याकडे पाहण्याचा नज़रिया नाविन्यपूर्ण लागतो. ती अस्तित्वाचं प्रकटरूप असते, नित्यनूतन! तुमच्यासाठी काय पन!... क्या बात है! म्हणून तर लिहीलं.

↩ प्रतिसाद: अधिराज

अ

अभ्या.. Sat, 02/09/2013 - 08:54 नवीन

मस्त जमलीय. सुरेख.

अ

अत्रुप्त आत्मा Sat, 02/09/2013 - 10:06 नवीन

चान चान आहे.

प

परिकथेतील राजकुमार Sat, 02/09/2013 - 14:03 नवीन

इश्कबाज ?? शब्द अंमळ खटकून गेला बॉ.

त

तिमा Sun, 02/10/2013 - 07:55 नवीन