हि जी चर्चा चालु आहे, प्रॉब्लेम्सचं स्वरुप जसं स्पष्टीकरणासहीत दिल्या जातय... समजेल अशा शब्दात यापुर्वी कधीच असं कुठे वाचलं नाहि. धन्यवाद हो डॉक्टरदादा. दिवसेंदीवस मी देवाप्रती अधिकाधीक कृतज्ञ होतोय कि ज्याने मला मनुष्यदेहाने हा जगात पाठवले व विज्ञान समजण्याजोगी बुद्धी दिली :) ... आयला.... काय अफाट पसारा आहे... तरिही किती सुत्रबद्ध... व्वाह. अर्धवटराव

मराठी विवाहसंस्थेचा इतिहास हे पुस्तक जालावर उपलब्ध आहे. हा दुवा आजानुकर्णाने बहुदा वाचलेलं असेलच; त्याला जे म्हणायचं आहे तेच राजवाडे ऐतिहासिक दृष्टिकोनातून, पुराव्यानिशी सांगत आहेत. संक्षींना काही सांगायची आवश्यकता नाहीच; त्यांना सगळं ज्ञान आधीच झालेलं आहे.

मूळ धागा हा स्त्री च्या रजोनिवृत्ती च्या वेळच्या प्रश्नाबद्दल आहे. त्यात मला जे म्हणायचे होते ते असे कि चांगले असणे आणि दिसणे हे मूळ स्त्रीस्वभावाचा पैलू आहे किंवा स्त्रीची नैसर्गिक प्रेरणा आहे. ( तो पुरुष स्वभावाचा नाही असे माझे म्हणणे नाही) पण आपली मनोवृत्ती आजही साचे बद्ध असल्यामुळे स्त्री ने सुंदर दिसले तर लग्नाच्या बाजारात किंवा त्यानंतरही तिची किंमत जास्त असते. रजोनिवृत्ती नंतर स्त्रीच्या शरीरात जसे बदल होतात तसेच तिच्या मानसिक स्थितीत बदल होतात हे सम्प्रेरकांचा मेंदूवर होणार्या परिणामामुळे होतो यात स्त्रीने काय करावे कि जे नैसर्गिक प्रेरणेच्या विरुद्ध जाणार नाही हा त्यात विचार होता. नैसर्गिक प्रेरणा म्हणजे काय ? आपल्या लहान मुलाला तूप किंवा अमूल बटर का आवडते?त्याला काहीही न शिकवता. कारण चरबी युक्त पदार्थ आपल्याला अन्नाच्या दुर्भिक्ष्याच्या काळात तारून नेतील हे त्याच्या डी एन ए स्मृती वर छापलेले असते. लहान मुल तोंडात बोट किंवा स्तन दिल्यावर चोखु का लागते? हे पण त्याच्या डी एन ए स्मृती वर छापलेले असते.या नैसर्गिक प्रेरणा आहेत. आपल्याला सध्या पदार्थांपेक्षा भाजलेले पदार्थ का आवडतात तंदूर मध्ये भाजलेले चिकन किंवा पनीर का जास्त आवडतात कारण भाजलेले पदार्थ हे पचायला हलके असतात आणि विषबाधेपासून मुक्त असतात हे आपल्या डी एन ए स्मृती वर छापलेले असते.म्हणूनच आपल्याला सातारी कंदी पेढा साध्या पेढ्या पेक्षा जास्त आवडतो कारण त्यात भाजलेल्या दुग्ध प्रथिनाची चव असते. मानवाची नैसर्गिक प्रेरणा काय आहे तर आपला जीव वाचवणे. म्हणूनच मरण येण्याची शंभर टक्के शक्यता असूनही देश देव किन्वा धर्मासाठी लढाई करून बलिदान दिलेल्या सैनिकाला जगभरच्या इतिहासात फार मोठा मान दिला गेला आणि जातो. या नैसार्गिक प्रेरणेचा विचार मांडण्याचा मी प्रयत्न केला होता. नैसर्गिक प्रेरणेचा विचार केल्यास हे लक्षात घेत येते कि ती व्यक्ती विशिष्ट परिस्थितीत कशी वागते. त्यामुळे त्यावर इलाज करणे जास्त सोपे होते. दुर्दैवाने मी थोडक्यात लिहिले होते त्याचा विपर्यास झाला आणि मला एका विशिष्ट वृत्तीचा म्हणून शिक्का मारला गेला. असो मला त्याचे दुखः नाही. आपला धागा लोकांनी मानवी विचार शक्ती आणि इतर गोष्टी कडे नेल्याने मार्गावरून भरकटला हे टाळता आले असते असे वाटते .

पेठकर साहेब मी माझ्याबद्दल बोलत होतो मला स्त्रीमुक्ती विरोधी किंवा MCP हा शिक्का बसला. (तसा मी बर्यापैकी गेंड्याच्या कातडीचा आहे त्यामुळे मला फरक पडत नाही ) आपण गैरसमज करून घेऊ नये.