Welcome to misalpav.com
लेखक: चित्रगुप्त | प्रसिद्ध:

प्रतिक्रिया

Early to bed and early to rise, makes a man healthy and wise, but his girlfriend dates other guys... ... व्वा. किती सात्विक असतील त्या बाला. पहाटे ब्रह्ममुहुर्तावर उठून सडासंमार्जनादि करून 'गायी'ना 'डेट्स' म्हणजे सात्विक खजूर खाउ घालणे, वाहवा. अश्या बाला ज्या पुण्यभूमित आहेत, त्या भारत भूस अभिवादन. गर्वाने म्हणा...

आत्ता, पहाटे चार वाजता, आम्हाला अचानक स्मरण झाले की आमच्या 'नेपोलियन'..इ. च्या लेखात उल्लेखिलेल्या श्रीमंत तुकोजीराव होळकर यांचे संग्रहातील पोथ्यांमधे खालील कवने पण होती: प्रातःकाळी उठावे दिशेकडे दुरी जावे रात्रौ लवकरचि झोपावे म्हणिजे बरे ... अश्या सवयी ज्या नरा लाभे आरोग्य दिसे बरा बुद्धि-वैभव आणि हुन्नरा पाविजेल की... परि तयाचि मित्र-ललना देई डेट अन्य जना बापुडा झोपे, सखि निर्वसना रमे-गमे मित्रांसवे... ----- आणि शार्दुलविक्रिडितातील हे कवनः झोपे आणि उठे झणीं पुरुष जो - पावेल आयुर्मती गाठी नित्य सखी तयाचि सुभगा - अन्यांस देण्या रती "Early to bed and early to rise, makes a man healthy and wise, but his girlfriend dates other guys" ...याचे मूळ या प्राचीन कवनांमधे आहे, हे तो उघडचि आहे.

हीहीहीही. भारीच उत्खनन हाय. लै आवडले. :) पण चित्रगुप्तजी तुम्ही, आमचा बॅट्या, असले हे वृत्तात वगैरे कसे काय लिव्हता बुवा. आम्हाला त्यांची नावे लक्षात ठेवायची मारामार, लक्षणे अन मात्रा तर दूरच. :(.

...असले हे वृत्तात वगैरे कसे काय लिव्हता बुवा... घ्या...यालाच म्हणतात रामाची सीता कोण. अहो, हाच तर आहे ब्रह्ममुहुर्ताचा महिमा.

परि तयाचि मित्र-ललना देई डेट अन्य जना बापुडा झोपे, सखि निर्वसना रमे-गमे मित्रांसवे...
ब्राह्ममुहुर्ती उठूनी जागा, वेळ मला ती येई न कामा म्हणे कामिनी केवळ घरकामा, बरा असे हा दत्तूमामा अनंगरंग जो उधळून रात्री, दमूनी पहुडला ब्राह्ममुहुर्ती तयावरी ही उधळून प्रिती, कामा लावीन दत्तूमामा

सृजनशीलतेचा मक्ता फक्त कलावंतांनाच नसतो. जगातील प्रत्येक व्यक्ती कमी-अधिक प्रमाणात सृजनशील असतेच. कल्पकता ही कोणत्याही बाबतीत उपयोगी पडू शकते. जसे गजबललेल्या काँक्रीटच्या जंगलापेक्षा नैसर्गिक वातावरण असलेले जंगल, उद्यान, उपवन इ. जास्त रमणीय, स्फूर्तीदायक, आरोग्यदायक, तशीच संपूर्ण दिवसभरात पहाटेपासून सूर्योदयापर्यंतची वेळ ही उत्तम. हिचा लाभ ज्याने त्याने आपापल्या गरजेप्रमाणे, आवडीप्रमाणे घ्यावा.

आमचे एक accountancy चे मास्तर होते, त्यांना म्हणे accountancy मध्ये विशिष्ट प्रश्न सोडवायला एक नविन formula सापडला, त्याला त्यांनी formula no. 12 असे नाव दिले. कां तर जेव्हा त्यांना हा फॉरमुला सुचला तेव्हा ते एका चाळीत रहायचे आणि ते असेच ब्राम्हमुहुर्तावर १२ नंबरच्या शौचकुपात....... तर असं आहे या ब्राह्ममुहुर्ताचे :D :D

'जीवशास्त्रीय घड्याळ' हीच संकल्पना यासंदर्भात लागू पडते . त्याचप्रमाणॅ पहाटे ३ च्या वेळी झोप आर ई एम अवस्थेतली झोप म्हणजेच साखरझोप असते... यावेळेला अनेक क्रिएटीव्ह / सुखद भावना जाग्रुत करणारे हार्मोन स्रवतात ,असे मागे वाचलेले होते.