आईटी(सर्विस) क्षेत्रामधील सर्वसाधारण अभियंते

स
सांगलीचा भडंग
🗣 166 प्रतिसाद
अ : काय हिरो , काय काय . जोब कसा चालू आहे ब . काय नाय निवांत . जोब मस्त . सध्या टीम लीड झालो आहे त्यामुळे फक्त दुसर्याचे काम चेक करतो . फारसे टेक्निअल काम करत नाही हल्ली अ : मजा आहे कि मग .आता अजून ३-४ वर्षात मेनेजर झाल्यावर मग तर पूर्ण इमेल आणि एक्सेल आणि फोन एवडेच वापरावे लागेल ब . हो ना यार . मेनेज्मेण्ट मध्ये गेलेले बरे असतंय रे वरचे अ आणि ब ६-९ वर्षे अनुभव असलेले आईटी(सर्विस) क्षेत्रामध्ये एक सर्वसाधारण अभियंते.सर्वसाधारण म्हणण्याचे म्हणजे प्रत्तेक क्षेत्रामध्ये उत्तम काम करणारे , स्वत:चे काम आवडत असणारे , नवीन संकल्पना पुढे आणणारे असे लोक असतातच पण हे लोक सर्व साधारण या गटात येत नाहीत तर अपवाद या गटात येतात . त्यामुळे खालील लिखाण/प्रश्न हे बहुसंख्य सर्वसाधारण लोकांना डोळ्यासमोर धरून पडलेले आहेत तर सांगायचा मुद्दा हा कि आईटी क्षेत्रामध्ये माणूस फ्रेशर म्हणून लागला कि सर्वसाधारणपणे ५ वर्षात त्याला आपले प्रोमोशन झाले नाही तर तर अपराधी असल्याची भावना येते आणि लवकरात लवकर मेनेजर बनून त्याला टेक्निअल काम बंद करायचे असते . पण हे असे अजून किती वर्षे चालणार ? १. स्वत: ला सारखे अपडेट ठेवणे सगळ्यांना शक्य होईल का ? आईटी मधले स्किल हे साधारण ३-४ वर्षात पूर्ण बदलत असते . जी लोक सो कॉल्ड मेनेज्मेण्ट मध्ये नसतील त्यांना जर नोकरी टिकवायची असेल तर रिटायर होऊ पर्यंत सतत अभ्यास करावा लागणार . सतत नवीन शिकावे लागणार . ३०-४० पर्यन्त नवीन स्किल आत्मसात करणे जमू शकेल पण ४५+ नंतर हे शक्य होईल का ? २.अजून १५-२० वर्षांनी भारतीय आईटी(सर्विस) कंपनी वर परिणाम कसा होईल आणि त्या तो कसा हाताळतील ? साधारण पणे भारतीय आईटी(सर्विस) कंपनी या ओफशोर वरच्या २-७ वर्ष अनुभव असलेल्या लोकामुलेच फायदा कमवत असतात आणि एखादी वेळ अशी येईल कि कंपनीमधले बरेच लोक १५-२०् वर्षे अनुभव असलेलो साधारण लोक असतील . एक तर कंपनी त्यांचा पगार कमी करेल नाही तर कामावरून काढून टाकेल . पण काहीही झाले तरी नुकसानी मध्ये धंदा करणार नाही , त्यावेळचे चित्र कसे असेल ? ३ आईटी मधला रिटायर झालेला माणूस कसा असेल ? सध्या तरी आईटी मधला एवेरेज वय साधारण ३० च्या आसपास असेल असे मानले तरी यातले सगळेच लोकांना काही दर वर्षी ५-२० टक्के पगार वाढ , दर ३-४ वर्षांनी प्रोमोशन मिळणार नाही . तर अजून २०-३० वर्षांनी आईटी चे चित्र कसे असेल ? आईटी मधील लोकांना रिटायर होने नशिबात असेल का ? ४. सध्या तरी आईटी ओफशोरिंग मध्ये भारत बाप आहे . पण फिलिपिन्स , मलेशिया पोलंड , चाइना , स्लोवाकिया सारखे देश पण सध्या बराच मार्केट मारत आहेत . या देशाकडून स्पर्धा चालू झाली कि भारत कसा रीस्पोंड करेल ? हि स्पर्धा एकदम तीव्र झाली तर वरचे सगळेच प्रश्न इनव्हेलीड होतील का ? तुम्हाला काय वाटते ?
37960 वाचन
💬 प्रतिसाद (166)
क
कॅप्टन जॅक स्पॅरो Sun, 02/22/2015 - 06:08 नवीन
भारी सिरिज आहे ती.. =))
↩ प्रतिसाद: टवाळ कार्टा
ड
डॉ सुहास म्हात्रे Sun, 02/22/2015 - 09:32 नवीन
+१००
↩ प्रतिसाद: कॅप्टन जॅक स्पॅरो
ह
हाडक्या Sun, 02/22/2015 - 17:48 नवीन
तुम्ही "god must be crazy" बघाच..
टका.. __/|\__ तुझे धन्यवाद कसे मानू राव..! तुला कल्पनाही नसेल तू किती मोठी मदत केली आहेस.! मी हा चित्रपट कोणाच्या तरी पाहुणा म्हणून गेलो व्हीसीआर वर थोडासा पाहिला होता लहान असताना. खूप आवडला होता. लहान असल्याने आणि व्हीसीआरचा रिमोट कोणा दुसर्‍याच्या हातात असल्याने पुरा पाहू शकलो नव्हतो. नव्वदीच्या दशकात जेव्हा माहिती मिळणे अवघड होते तेव्हा मी गेली कित्येक वर्षे अनेक दुकानांत, चित्रपटप्रेमी मित्रांना या चित्रपटातले प्रसंग वर्णन करून विचारत होतो हा कोणता चित्रपट आहे म्हणून. अगदी गूगलत पण होतो. पण जास्त काही आठवत नसल्याने सापडत नव्हता. ही लिंक सहज म्हणून उघडली आणि बालपणीच्या त्या आठवणींतले प्रसंग पाहून कसला खुश झालोय मी यार. कधीही तेव्हा मी विचार केला नव्हता की मला हा चित्रपट परत पहायला मिळेल म्हणून. परत परत आभार.!!
↩ प्रतिसाद: टवाळ कार्टा
ट
टवाळ कार्टा Sun, 02/22/2015 - 17:54 नवीन
हेहे :) त्यात काय मोठे इतके आभार वगैरे मानण्याइतके...कट्ट्याला १ प्लेट भजी खाउ घाला...हाकानाक :) :)
↩ प्रतिसाद: हाडक्या
ह
हाडक्या Sun, 02/22/2015 - 18:05 नवीन
नक्की रे.. भेट तू पुढच्या वेळेस.. :)
↩ प्रतिसाद: टवाळ कार्टा
ट
टवाळ कार्टा Sun, 02/22/2015 - 19:10 नवीन
लवकरच १ ठाणे कट्टा होणारै असे कानावर आले आहे :)
↩ प्रतिसाद: हाडक्या
अ
अत्रन्गि पाउस Mon, 02/23/2015 - 03:12 नवीन
कट्टा मिस करून चालणार नाही ... साधारण काय तारखा आहेत ?
↩ प्रतिसाद: टवाळ कार्टा
ट
टवाळ कार्टा Mon, 02/23/2015 - 07:51 नवीन
छुपा कट्टा नसेल तर मिपाच्या प्रंप्रेनुसार धागा येईलच :)
↩ प्रतिसाद: अत्रन्गि पाउस
स
संदीप डांगे Sun, 02/22/2015 - 17:54 नवीन
"god must be crazy" सदाबहार... :-)
↩ प्रतिसाद: टवाळ कार्टा
व
वेल्लाभट Tue, 02/24/2015 - 12:58 नवीन
लहान मुलाला काही नविन नवीन गोष्ट दाखवायला गेलो की ती वस्सकन बोलत नाहीत "ह्या...ठेव तो तुझा आयपॅड-फायपॅड बाजूला...आयपॅड नस्ताना सुध्धा आम्ही संसार केलेच ना....कुठे काही अडलं?" मुद्दा इतकाच की लहान मूल जे शिकवाल ते शिकते कारण त्यांच्यात इगो, मानापमान याची जाणिव नस्ते या जाणीवा जशा जशा वाढतात तशी तशी शिकण्याची कुवत कमी होत जाते
प्रचंड पटेश !
↩ प्रतिसाद: टवाळ कार्टा
अ
अमेरिकन त्रिशंकू Sun, 02/22/2015 - 18:54 नवीन
ही कथा खरी आहे का खोटी हे माहित नाही असं मी लिहीलेलच आहे पण या स्पेसिफिक गोष्टीमध्ये उगीच अमेरिकन लोकांना नावं ठेवण्यात काही अर्थ नाही. पहील्यांदा हाती घेतल्यावर काहीच माहीत नसतांना कुठलीही प्रणाली लिलया हाताळणं हे अचाट बुद्धिचे काम आहे. असहमत. असं असतं तर जगातले कोट्यावधी लोक जे आधुनिक तंत्रज्ञान वापरतात त्यांना अचाट बुद्धीचे म्हणावे लागेल तुमच्या व्याख्येप्रमाणे. जाता जाता अ‍ॅपलचे प्रॉडक्ट्स अतिशय यूझर फ्रेंडली आणि अत्यंत विचारपूर्वक डिझाईन केलेले असतात याबद्दल वादच नाही.
↩ प्रतिसाद: संदीप डांगे
ड
डॉ सुहास म्हात्रे Sat, 02/21/2015 - 17:23 नवीन
पाच मिनिटाच्या आत सर्व मुलं त्यावर गेम्स खेळू लागली होती. "पाच मिनिटाच्या आत" ही जरा जास्तच अतिशयोक्ती झाली :) पण काही दिवस संगणक हातात आला तर पूर्वी संगणकाचा काहीही संपर्क नसलेली मुलेही कोणत्याही मदतीशिवाय त्याचा यशस्वीपणे मूलभूत वापर करू शकतात हे डॉ सुगत मित्रा नावाच्या एका भारतीय शास्त्रज्ञाने सिद्ध केले आहे. ते संशोधन Hole-in-the-wall या नावाने प्रसिद्ध आहे. इ स १९९९ मध्ये दिल्लीतील त्यांचे ऑफिस आणि कालकाजी या झोपडपट्टीमध्ये असलेल्या कुंपणाच्या भिंतीत एक छिद्र पाडून त्यातून त्यांना एक संगणक टच-स्क्रीनच्या सहाय्याने वापरता येईल अशी सोय केली. काही दिवसातच त्या झोपडपट्टीतील लहान मुले तो संगणक वापरायला शिकली. हा प्रयोग नंतर अनेक ठिकाणी यशस्वीपणे केली गेला आहे. यासाठी त्यांना TED सन्मान दिला गेला आहे. अधिक माहिती इथे मिळेल.
↩ प्रतिसाद: अमेरिकन त्रिशंकू
आ
आनंदी गोपाळ Fri, 02/27/2015 - 05:33 नवीन
त्या आयफोनवर गेम्स डालो करण्याचे पैसे कुणी भरले होते?
↩ प्रतिसाद: डॉ सुहास म्हात्रे
स
सांगलीचा भडंग गुरुवार, 02/19/2015 - 12:35 नवीन
गवंडी कामामध्ये विटा ठेवणे हे काम फारसे बदलत नाही . इमारत दवाखाना आहे का सुलभ शौचालय का एस टी बसस्थानक आहे यामध्ये विटा वर विटा ठेवायची पद्धत तीच असते . त्यामुळे तिथे एखादा सिव्हिल इंजिनियर सुपरवायझर म्हणून पूर्ण इमारत बघू शकतो . आईटी मध्ये असे जनरल काम थोड्या वर्षात नक्की येईल कि कामाचे स्वरूप अजीबात बदलणार नाही
↩ प्रतिसाद: प्रसाद१९७१
प
प्रसाद१९७१ गुरुवार, 02/19/2015 - 12:42 नवीन
गवंडी कामात कष्ट असतात साहेब आणि ते करुन जे बनते त्याचा खरोखरच काही उपयोग असतो. आयटी मधे गेल्या ७-८ वर्षात खरे खुरे उपयोगी असे नविन काही ही घडले नाहीये. शेवटची उपयोगी गोष्ट म्हणजे ऑनलाईन पेमेंटचे गेटवे असावी. गेले काही वर्ष नुस्तीच रंगरंगोटी चालू आहे. स्वता आयटीत फक्त पैश्यासाठी असलेला आणि भारतीय आयटी बद्दल पूर्ण अनादर असलेला प्रसाद.
↩ प्रतिसाद: सांगलीचा भडंग
स
सांगलीचा भडंग गुरुवार, 02/19/2015 - 12:50 नवीन
बरेचशे लोक बराचश्या ठिकाणी फक्त पैश्यासाठीच असतात.आणि कष्ट प्रत्तेक जन आपल्या क्षमते प्रमाणे करतच असतो . गवंडी पण आपण फार काय निर्माण करतोय असे मनात ठेवून काम करत नसावा . आणि आदर म्हणालात तर नक्कीच आहे . जी इंडस्ट्री हजारो लोकांना नवीन जोब देते त्याबद्दल आदर ठेवायला काय हरकत आहे?
↩ प्रतिसाद: प्रसाद१९७१
क
कपिलमुनी गुरुवार, 02/19/2015 - 13:09 नवीन
७-८ वर्षात ?? २००७ पासून लिनक्स बेस्ड अँड्रॉइड सिस्टम वापरणे सुरू झाले . क्लाऊड तंत्रज्ञान प्रगत झाले . गूगल ग्लास सारखे तंत्रज्ञान वापरात आले स्मार्ट फोन हा प्रकार रुजला. तंत्रज्ञान 'सोशल' झाले. आणि छोटे कितीतरी बदल झाले.
↩ प्रतिसाद: प्रसाद१९७१
प
प्रसाद१९७१ गुरुवार, 02/19/2015 - 14:06 नवीन
२००७ पासून लिनक्स बेस्ड अँड्रॉइड सिस्टम वापरणे सुरू झाले . क्लाऊड तंत्रज्ञान प्रगत झाले . गूगल ग्लास सारखे तंत्रज्ञान वापरात आले स्मार्ट फोन हा प्रकार रुजला. तंत्रज्ञान 'सोशल' झाले.
एक एंड युसर म्हणुन मला काय फरक पडला. क्लाऊड किंवा अँड्रोइड नसते आले तर काय फरक पडला असता. त्यापूर्वी पण सर्व सिस्टीम चालतच होत्या की. स्मार्ट फोन हा प्रकार मला स्वताला आवडत नाही.
↩ प्रतिसाद: कपिलमुनी
आ
आदूबाळ गुरुवार, 02/19/2015 - 14:19 नवीन
क्लाऊड आल्याने मला तरी फरक पडला बुवा. आता फ्लॉप्यांचा माहीम हलवा आणि यूएसब्यांचे फाफडे जवळ बाळगावे लागत नाहीत. २००७ पासून मला यूजर म्हणून पडलेले फरकः - सोपं फाईल शेअरिंग - बर्‍याचशा इंटरनेटमध्ये आता युनिकोड वापरता येतं - क्रॉस-डिवाईस सुलभीकरण - स्काईप, गूगल हँगाऊट्स सारख्या सहजी उपलब्ध सेवा - पेपाल सारख्या ई-वॉलेट सुविधा "सिस्टिम चालणे" हा मला यूजर म्हणून फार दरिद्री बेंचमार्क वाटतो.
↩ प्रतिसाद: प्रसाद१९७१
ह
हाडक्या गुरुवार, 02/19/2015 - 14:40 नवीन
"सिस्टिम चालणे" हा मला यूजर म्हणून फार दरिद्री बेंचमार्क वाटतो.
:)))) . :)))) . :)))) .
↩ प्रतिसाद: आदूबाळ
ड
डॉ सुहास म्हात्रे गुरुवार, 02/19/2015 - 18:19 नवीन
"सिस्टिम चालणे" हा मला यूजर म्हणून फार दरिद्री बेंचमार्क वाटतो. सहजपणे फार भारी बोलून गेलात ! *ok* जसे : आधुनिक मानव अगदी गेल्या ८०-९०,००० वर्षांपासून करतच आला आहे. पण पहिला पायाने, मग घोड्यावरून, मग घोड्याच्या गाडीतून, मग यांत्रिक गाडीने (तिची तर इतकी व्हर्शन्स झाली की सांगू नका), मग रेल्वे आली, मग विमाने उडायला लागली, आणि आतातर रॉकेट वापरून माणसाला चंद्र व मंगळावर रहायला जायची स्वप्ने पडताहेत... तसं बघायला गेलं तर ह्या सगळ्या "ट्रान्स्पोर्टेशन सिस्टीम्स"च आहेत नाही का ? पण, एकीपेक्षा तिच्या पुढची कितीतरी फरकाने वेळ-श्रम-आरामाचा फायदा करून देतात यात कोणाला संशय आहे का ? "मानवी जीवनाच्या कित्येक सर्वसामान्य गोष्टींचे झालेले ई-एनेबल्मेंट" ही मानवाच्या इतिहासातली सर्वात मोठी आणि सर्वात जलद झालेली क्रांती आहे *... फक्त ती आपल्या डोळ्यासमोर इतकी जलद झाली आहे की आपण तिला गृहीत धरतो आहोत आणि तिची व्याप्ती सहज ध्यानात येत नाही... जसे आपल्या रोज डोळ्यासमोर असणार्‍या बालकाची वाढ आपल्या ध्यानात येत नाही पण दोन-चार वर्षांनी भेट देणारा पाहुण्याच्या तोंडी, "किती मोठा झालाय हा दोनेक वर्षांत?" असे वाक्य येते ! ================== * संगणक क्रांतीपूर्वीची जागतिक मानवी जीवनावर सर्वांगीण परिणाम करणारी क्रांती-- जिला आपण "औद्योगिक क्रांती" म्हणतो-- इ स १७६० ते १८४० अशी १८० वर्षे चालू होती आणि तिने जगाच्या केवळ १०% टक्के लोकजीवनात फरक पडला होता. त्याविरुद्ध, संगणकाने आपल्या जीवनात किती फरक पडला आहे हे जाणून घेण्यासाठी प्रत्येकाने; अ) संगणकाचा तडक अथवा दुरान्वयाने संबंध नसणार्‍या किती गोष्टी आपल्या आजूबाजूला आहेत ? आणि आ) त्या गोष्टी रोजच्या जीवनातून काढून टाकल्या तर काय होईल ? या फक्त दोनच प्रश्नांचीच उत्तरे शोधावीत !
↩ प्रतिसाद: आदूबाळ
म
मित्रहो Fri, 02/20/2015 - 09:38 नवीन
"मानवी जीवनाच्या कित्येक सर्वसामान्य गोष्टींचे झालेले ई-एनेबल्मेंट" ही मानवाच्या इतिहासातली सर्वात मोठी आणि सर्वात जलद झालेली क्रांती आहे *
मला नेहमी आवडनार म्हणजे इनकम टॅक्स रिटर्न आणि रेल्वे टिकिट. फार जुनी नाही पण २००3/४ मधली गोष्ट असेल रेल्वे टिकिट काढायला केवढी मोठी लाइन लागत होती. त्यातल्या त्यात मधेच लिंक मिळत नव्हती म्हणजे बोंबला. आज हेच काम घर बसल्या होते तरीही मी irctc ला शिव्या घालतो. सरल यायच्या आधी इनकम टॅक्स भरायला सीएच लागायचा. सरल आल्यानंतर फॉर्म भरता येउ लागला पण जमा करायला त्रास व्हायचा आज सारच काम ऑनलाइन होत.
↩ प्रतिसाद: डॉ सुहास म्हात्रे
म
मदनबाण Fri, 02/20/2015 - 09:57 नवीन
टॅक्स रिटर्न आणि रेल्वे टिकिट. खरयं टॅक्स रिटर्नचा ऑनलाईन वापर सुखद आहे, परंतु रेल्वे, महावितरण आणि एमटीएनएल यांचे बुकिंक /बिल भरताना पेमेंट गेटवेचा एरर त्रास दायक ठरत आहे.congestion issues हा मुख्य दोष. २०१३ मधे IRCTC ने अपग्रेडसाठी ११ कोटींची गुंतवणुक केली होती. पण ऑनलाईन बुकींची वेगाने वाढणारी संख्या पाहता टिकीट बुकींगची समस्या अनेकांना येत आहे.पैसे अकाउंट मधुन डेबिट होतात आणि तिकीट मात्र बुक होत नाही ! हाच त्रास महावितरणचे बिल भरताना देखील होतो.

मदनबाण.....

आजची स्वाक्षरी :- HTTP/2 finished, coming to browsers within weeks HTTP/2 Frequently Asked Questions
↩ प्रतिसाद: मित्रहो
म
मित्रहो Fri, 02/20/2015 - 11:58 नवीन
कधी कधी येतात, डोक भडकत मग शांत विचार केला की पटते चार तास उन्हात लाइन मधे उभे राहून टिकीट काढण्यापेक्षा हे नक्कीच सुखावह आहे. त्या काळात स्टेशनवर आतासारखे मार्बल नव्हते, ना अशा खिडक्या होत्या, पंखे असले तरी चालत नव्हते. अरे मोबाइलमधले टिकिट दाखवून प्रवास करु शकता अजून काय पाहीजे. पुढची पायरी टीटीइ टिकीट चेक करायलाही येनार नाही तुम्ही ट्रेनमधे चढताच टिकीट चेकींग आपोआप होउन जाइल. रात्री अकरा वाजता येउन टिकीट दाखवा म्हणून कोणी झोप मोड करनार नाही. असो हा काही मूळ लेखाचा विषय नाही.
↩ प्रतिसाद: मदनबाण
ड
डॉ सुहास म्हात्रे Fri, 02/20/2015 - 13:20 नवीन
ग्राहकांना येणार्‍या समस्यांच्या मागे तंत्रज्ञानाच दोष नसून संगणकीय सेवा व्यवहारात आणण्यासाठी जबाबदार असलेल्या लोकांचा/संस्थांचा दोष आहे. सद्या संगणकशास्त्र/तंत्र इतके विकसित आणि इतके स्वस्त झाले आहे की, एखादी संगणकीय (ई-एनेब्ल्ड) सेवा व्यवहारात आणण्यातले सर्वात मोठे दोन अडथळे (अ) "वैचारीक प्रतिभादौर्बल्य (lack of imagination)" आणि (आ) "प्रस्थापित गैर हितसंबंधाना (vested interests) येणारी बाधा" हेच आहेत. महावितरण ज्याला अभिमानाने "आधुनिक संगणकीकरण" म्हणते तिचे व्यवहारातले सत्यरूप "एका ऑफिसमधून दुसरीकडे सीडीवर डेटा नेण्याची गरज असलेली आणि इंटरनेटवर बिल भरण्याची मंद वेगाची सेवा" असे आहे. इंटरनेटवर बिले भरण्याच्या त्यांच्या पानावरही ग्राहकांची त्यांना "इतकी काळजी" आहे की त्यावर; (अ) "BU* म्हणजे SUB/DIVISION" हे ग्राहकाने महावितरणचा कर्मचारी असल्यासारखे पटकन ओळखावे" आणि (आ) त्यातल्या ड्रॉपडाऊन लिस्टमधले आपले ठिकाण त्याच्या नावावरून नाही तर महावितरणने ठिकाणाला दिलेल्या क्रमांकावरून (जे क्रमांक ग्राहकाला अगम्य असतात आणि माहित असण्याची अजिबात गरज नाही) शोधून काढावे" अशी त्यांची अपेक्षा आहे ! So much for user friendliness ! (क्षमस्व, मराठीत इतका चपखल वाक्प्रचार न सुचल्याने इंग्लिशमध्ये लिहीले आहे.) बंद केलेल्या वीज-जोडाची सुरक्षाठेव परत देण्यासाठी महावितरण कमीत कमी सहा महिने तरी लावते. त्यासंबंधात महावितरणच्या एका वरिष्ठ कार्यकारी अधिकार्‍याशी नुकतेच थोडे परखड बोलणे झाले. तेव्हा इतर वेळेचा कडक इस्त्री फिरवलेला चेहरा बदलून गालातल्या गालात हसत "राजकीय इच्छाशक्ती (?!)" ला दोष देत त्यांनी मान डुलवली. हे राजकारण कसले हे वेगळे सांगण्याची गरज नसावी :)
↩ प्रतिसाद: मदनबाण
स
सोत्रि गुरुवार, 02/19/2015 - 17:16 नवीन
एक एंड युसर म्हणुन मला काय फरक पडला.
बाकी सर्व जाउद्या, इथे अभिव्यक्तीच्या पिंका टाकता येण्यापेक्षा दुसरा मोठा फायदा/उपयोग क्लाऊड/वेब २.० कुठला नाही हे तर मान्य करता येइल? - (स्मार्ट फोन वापरून स्मार्ट झालेला) सोकाजी
↩ प्रतिसाद: प्रसाद१९७१
व
वेल्लाभट Tue, 02/24/2015 - 12:53 नवीन
एक एंड युसर म्हणुन मला काय फरक पडला.
तुम्हाला फरक पडला नाही कारण तुम्ही यूजर झालाच नाहीत. ज्यांनी यूज केलं त्यांना फरक पडला.
↩ प्रतिसाद: प्रसाद१९७१
स
सतिश गावडे Mon, 05/15/2017 - 06:58 नवीन
स्मार्ट फोन हा प्रकार मला स्वताला आवडत नाही.
तुम्ही जेष्ठ नागरीक आहात काय? ;)
↩ प्रतिसाद: प्रसाद१९७१
स
सोत्रि गुरुवार, 02/19/2015 - 17:19 नवीन
स्वता आयटीत फक्त पैश्यासाठी असलेला आणि भारतीय आयटी बद्दल पूर्ण अनादर असलेला प्रसाद.
"जिस थीली मे खाना उसी मे ..." ह्या असल्या वृत्तीनेच भारतीय सर्विस इंडस्ट्रीचा बट्याबोळ होत/होणार आहे! - (रोजी-रोटी देणार्‍या भारतीय आयटी इंडस्ट्रीबद्दल पूर्ण आदर असलेला) सोकाजी
↩ प्रतिसाद: प्रसाद१९७१
थ
थॉर माणूस Fri, 02/20/2015 - 05:53 नवीन
जाऊद्या हो सोकाजीराव, कुणाशी वाद घालताय... राणीच्या नोकरांचे पगार एक्सेल शीटसमधे भरण्याला चुकून सॉफ्टवेअर इंडस्ट्री समजलेत ते. :D चांगला परफॉर्मन्स दीला तर मग गवंडीकामाच्या वरचं जरा बरं काम पण मिळू शकतं. ;) असल्या पिंका टाकणे दोनच प्रकारच्या लोकांकडून होते, आपल्या नाकर्तेपणाचा भयानक न्युनगंड आलेले नैतर बाहेरच्या देशात उंदीर मारण्याच्या विभागात काम मिळाल्याचा अहंगंड बाळगणारे. माफ करा त्यांना. ;)
↩ प्रतिसाद: सोत्रि
ह
हाडक्या Sat, 02/21/2015 - 02:04 नवीन
अग्गायाया .. थॉर माणूस, डेटा मायनिंग मध्ये हायसा काय ?? नाय म्हंजे हे लई जुनं खोदून खोदून काढलंय म्हणून विचारतोय.. ;)
↩ प्रतिसाद: थॉर माणूस
थ
थॉर माणूस Mon, 02/23/2015 - 04:59 नवीन
तो ड्वायलॉकच असला भारी मारलाय त्या साहेबांनी की या जन्मात तरी त्यांना तो विसरता येणार नाही. वाचनखूण साठवण्याजोगा प्रतिसाद आहे तो. :D
↩ प्रतिसाद: हाडक्या
अ
अभिजित - १ Fri, 02/20/2015 - 13:39 नवीन
सोत्रि हि खालचि तुमचि वाक्ये कय आदर दखवतत ? तुमच्या खलिल वाक्यशि पुर्ण सहमत .. ------------------------------------------------------------------------------------ ह्या सर्वामुळे भारतीय आयटी इंडस्ट्री ही खर्‍या अर्थाने 'अ‍ॅक्चुअल सॉफ्टवेयर बांधणी'च्या विभागात पुढे गेलीच नाही (काही तुरळक अपवाद वगळता). त्यामुळे भारतीय आयटी इंडस्ट्री 'टॉप हेवी' होऊन ओव्हरहेड्स वाढत गेले. मोड्यूल लीड, टीम लीड, प्रोजेक्ट लीड, मॅनेजर, सिनीयर मॅनेजर, ग्रुप मॅनेजर... हे काय आहे? कोडींग कोण करणार? अनुभव वाढला की कोडींग करण्याची मॅच्युरीटी वाढते पण इथे मॅनेजर बनून कोडींग करायचेच नाहीयेय, अशी आजची स्थिती आहे!
↩ प्रतिसाद: सोत्रि
स
सोत्रि गुरुवार, 02/19/2015 - 17:12 नवीन
'सिव्हिल इंजिनियर' सुपरवायझर म्हणुन चालु शकतो कारण त्याला भिंत बांधायला त्या विटा नेमक्या कशा रचायच्या ह्याचे शास्त्रोक्त ज्ञान असते. त्यामुळे गवंडी नेमक्या कशा वीटा रचतोय हे त्याला कळू शकते! त्याच्याऐवजी जर इलेक्ट्रॉनिक्स इंजीनीयर सुपरवायझर म्हणुन नेमला भिंत बांधायला तर चालणार नाही! - (भिंतं चालवणारा*) सोकाजी * फेसबुकवर ;)
↩ प्रतिसाद: प्रसाद१९७१
स
सांगलीचा भडंग गुरुवार, 02/19/2015 - 12:37 नवीन
@सोत्रि : अतिशय उत्तम,सविस्तर माहिती
↩ प्रतिसाद: सोत्रि
अ
अभिजित - १ गुरुवार, 02/19/2015 - 16:37 नवीन
एकदम खरे !! एका नामवंत कंपनीत ३० / ४० हेड दिसतात (कमितकमि ) ..इतके खरेच गरजेचे आहेत काय ? सेंटर हेड, बिझनेस हेड, प्राकटीस हेड , solution हेड, ग्लोबल हेड, Delivery हेड, ग्रुप हेड .. हा पण काय प्रकार आहे कळत नाही. LTITL
↩ प्रतिसाद: सोत्रि
इ
इरसाल Sat, 02/21/2015 - 09:27 नवीन
तुमची ग्रास्पिंग पॉवर जाम भारी आहे.
↩ प्रतिसाद: अभिजित - १
क
कॅप्टन जॅक स्पॅरो Sat, 02/21/2015 - 12:17 नवीन
हेडस्ट्राँग :) (ह.घ्या.)
↩ प्रतिसाद: इरसाल
फ
फर्स्टमॉन्क Mon, 05/15/2017 - 14:15 नवीन
आमच्या सारखे तुम्ही पण तिथलेच काय ...?
↩ प्रतिसाद: अभिजित - १
D
Dhananjay Borgaonkar Tue, 02/24/2015 - 13:16 नवीन
वाक्या वाक्याशी सहमत. नेमकं हेच लिहिणार होतो. तमाम मॅनेजर्स आणि नॉन हॅन्ड्स ऑन मंडळींसाठी (३५-४० च्या वयातील) हा 'वेकअप कॉल' समजावा. TCS चे नुकतेच झालेले ले ऑफ्स हे फक्त ट्रेलर होते. १०००% खरं आमच्या हापिसात पण सध्या तीच परिस्थिती आहे. मॅनेजर जास्त पण एकही धड चांगला टेक्निकल अर्किटेक्ट नाही. कस्ट्मर तिकडे बोंबा मारतो आणि इथे मॅनेजर हात वर करुन मो़कळा होतो, "I don't have the required resource available". पिरॅमिड उलटा झाला आहे. इथुन पुढे मी फक्त मॅनेजर आहे माझा फारसा टेक्नॉलॉजीशी संबंध येत नाही असं कोणी म्हणालं तर त्याची नोकरी धोक्यात आहे हे नक्की.
↩ प्रतिसाद: सोत्रि
क
कॅप्टन जॅक स्पॅरो गुरुवार, 02/19/2015 - 12:42 नवीन
माझ्या काही आय.टी. मित्रांकडुन फ्रेशर्सना मिळालेला सल्ला ऐकवतोय इथे. थोड्या दिवसांनी, रादर आत्ताचं बहुतेक सॉफ्टवेअर इंजिनिअर्स कोड रायटिंगपेक्षा कोड असेंब्लीचं काम जास्तं करतात. गरजेप्रमाणे कोडमधे जुजबी बदल केले जातात. कदाचित ह्या दहा वर्षात एखादा दिवस असा येईल की तुमच्यापैकीचं एखादा दिवटा इंजिनिअर कोड रायटींग ऑटोमेशनचा प्रोग्राम तयार करेल. इंजिनिअर्स ची गरज फक्त आणि फक्त ट्युनिंग पुरतीचं उरेल. सॉफ्टवेअर इंडस्ट्री एवढ्या मॅच्युअर्ड लेव्हलला पोचली आहे की नाही ह्याची कल्पना नाही. पण हे लो़क्स ही मतं ऐकवुन गरिब बिचार्‍या फ्रेशर्स ना मात्र घाबरवतं असतात हे नक्की. =))
क
कॅप्टन जॅक स्पॅरो गुरुवार, 02/19/2015 - 12:43 नवीन
ता.क. वरच्या प्रतिसादामधली मतं माझी स्वतःची नसुन माझ्या आय.टी. मित्रांची आहेत. त्यामुळे कोड-गवंडी मित्रांनी हलके घ्यावे ही णम्र इनंती. =))
↩ प्रतिसाद: कॅप्टन जॅक स्पॅरो
ट
टवाळ कार्टा गुरुवार, 02/19/2015 - 15:32 नवीन
कोड-गवंडी हा शब्द फार आवडला :)
↩ प्रतिसाद: कॅप्टन जॅक स्पॅरो
क
कॅप्टन जॅक स्पॅरो गुरुवार, 02/19/2015 - 17:21 नवीन
खरं तरं कोड-ग्या म्हणणार होतो...पण इथे आय.टी.ची मेजॉरिटी असल्यानी आवरतं घेतलं =))
↩ प्रतिसाद: टवाळ कार्टा
स
सोत्रि गुरुवार, 02/19/2015 - 17:25 नवीन
म्हणा म्हणा! तसेही आयटीवाले ह्या 'मॅनेजरां'च्या तडाख्यात तावून सुलाखून कोडगे झालेलेच असतात :) - (हार्ड-को(अ)डर) सोकाजी
↩ प्रतिसाद: कॅप्टन जॅक स्पॅरो
क
कॅप्टन जॅक स्पॅरो Fri, 02/20/2015 - 03:19 नवीन
=))
↩ प्रतिसाद: सोत्रि
आ
आनन्दा गुरुवार, 02/19/2015 - 14:42 नवीन
आयबीएम वॉटसन आतापासूनच याच्या मागे लागली आहे. आयबीएम जीबीएस मध्ये होणार्‍या ले ऑफ्स मध्ये हे देखील एक कारण आहे असे ऐकून आहे. खरे खोटे तो वॉटसनच जाणे.
↩ प्रतिसाद: कॅप्टन जॅक स्पॅरो
श
श्रीगुरुजी गुरुवार, 02/19/2015 - 16:07 नवीन
१. स्वत: ला सारखे अपडेट ठेवणे सगळ्यांना शक्य होईल का ? आईटी मधले स्किल हे साधारण ३-४ वर्षात पूर्ण बदलत असते . जी लोक सो कॉल्ड मेनेज्मेण्ट मध्ये नसतील त्यांना जर नोकरी टिकवायची असेल तर रिटायर होऊ पर्यंत सतत अभ्यास करावा लागणार . सतत नवीन शिकावे लागणार . ३०-४० पर्यन्त नवीन स्किल आत्मसात करणे जमू शकेल पण ४५+ नंतर हे शक्य होईल का ?
स्वतःला कायम अपडेट ठेवणे हे बहुतेकांना शक्य होते आणि बहुतेक जण स्वतःची स्किल्स कायम अपडेट करत असतात. जो स्वतःची स्किल्स अपडेट करत नाही तो संपला.
२.अजून १५-२० वर्षांनी भारतीय आईटी(सर्विस) कंपनी वर परिणाम कसा होईल आणि त्या तो कसा हाताळतील ? साधारण पणे भारतीय आईटी(सर्विस) कंपनी या ओफशोर वरच्या २-७ वर्ष अनुभव असलेल्या लोकामुलेच फायदा कमवत असतात आणि एखादी वेळ अशी येईल कि कंपनीमधले बरेच लोक १५-२०् वर्षे अनुभव असलेलो साधारण लोक असतील . एक तर कंपनी त्यांचा पगार कमी करेल नाही तर कामावरून काढून टाकेल . पण काहीही झाले तरी नुकसानी मध्ये धंदा करणार नाही , त्यावेळचे चित्र कसे असेल ?
अजून १५-२० वर्षांनी आजच्या कंपन्यांचे स्वरूप फार बदललेले नसेल. थोडेफार बदल होतील, परंतु काम करण्याची बरीचशी पद्धत तशीच राहील. ऑनसाईटचे काम कमी होऊन बहुतेक सर्व काम ऑफशोअरच केले जाईल. साधारणपणे १५-२० वर्षे काम केल्यावर बरेचसे कर्मचारी स्वतःहून बाहेर जातील व स्वतःचा काही वेगळा उद्योग करतील किंवा स्वतःच्या आवडीच्या गोष्टी करतील. सध्या विदेशी कंपन्या आपले काम भारतीय संगणक कंपन्यांना आऊटसोर्स करतात. १५-२० वर्षांनी भारतीय कंपन्या तेच काम पूर्णपणे स्वतः करण्याऐवजी इतर छोट्या भारतीय कंपन्यांना आऊटसोर्स करून त्यांच्याकडून ते काम करून घेतील.
३ आईटी मधला रिटायर झालेला माणूस कसा असेल ? सध्या तरी आईटी मधला एवेरेज वय साधारण ३० च्या आसपास असेल असे मानले तरी यातले सगळेच लोकांना काही दर वर्षी ५-२० टक्के पगार वाढ , दर ३-४ वर्षांनी प्रोमोशन मिळणार नाही . तर अजून २०-३० वर्षांनी आईटी चे चित्र कसे असेल ? आईटी मधील लोकांना रिटायर होने नशिबात असेल का ?
गेल्या काही वर्षांपासून ४०+ वय असलेले आयटीतील वरीष्ठ कर्मचारी स्वेच्छानिवृत्ती घेऊन स्वत:च्या आवडीचे काम करतात किंवा पूर्णपणे वेगळ्या प्रकारचे काम करतात. आयटीत साधारणपणे २० वर्षे काम केल्यावर भरपूर माया जमा झाली असते. प्रमोशन मिळण्याची शक्यता अत्यंत कमी असते. डोक्यावर प्रचंड जबाबदार्‍या व ताण असतो व त्यातून अनेक आजार मागे लागलेले असतात. त्यामुळे जमा केलेले पैसे योग्य प्रकारे गुंतवून निवृत्त होऊन ताणमुक्त होणे हा सध्याचा नवीन ट्रेंड आहे. माझ्या माहितीतल्या ४०+ वय असलेल्या अनेकांनी हा मार्ग स्वीकारलेला आहे.
४. सध्या तरी आईटी ओफशोरिंग मध्ये भारत बाप आहे . पण फिलिपिन्स , मलेशिया पोलंड , चाइना , स्लोवाकिया सारखे देश पण सध्या बराच मार्केट मारत आहेत . या देशाकडून स्पर्धा चालू झाली कि भारत कसा रीस्पोंड करेल ? हि स्पर्धा एकदम तीव्र झाली तर वरचे सगळेच प्रश्न इनव्हेलीड होतील का ?
फार पूर्वीपासून या देशांची भारताशी स्पर्धा आहे. ब्राझील, चीन, फिलिपिन्स असे अनेक देश गेली अनेक दशके ऑफशोअरिंगचे काम करत आहेत. भारताकडे त्यांच्या तुलनेत प्रचंड मनुष्यबळ असल्याने भारताचा वाटा मोठा आहे. - (पीएमपी सारखी अनेक प्रमाणपत्रे मिळविलेला, अनेक कॉर्पोरेट आयटी कंपन्यात २० वर्षे काम करून स्वेच्छानिवृत्ती घेतलेला आणि सध्या आयटीशी दुरूनही संबंध नसलेल्या विषयात ज्ञानदानाचे काम करणारा) श्रीगुरूजी
श
श्रीगुरुजी गुरुवार, 02/19/2015 - 17:32 नवीन
१५-२० वर्षात भारतात अजून एक मुख्य बदल होईल तो म्हणजे कायमस्वरूपी पेरोल वरील कर्मचार्‍यांची संख्या बरीच कमी होउन कंत्राटी कर्मचार्‍यांची संख्या मोठ्या प्रमाणात वाढेल. जॉब गॅरंटी वगैरे प्रकार मोठ्या प्रमाणात कमी होतील. जॉब असुरक्षितता बरीच वाढेल. लोकांनी आपले गाव सोडून दुसर्‍या शहरात जाण्याचे प्रमाण वाढीस लागेल.
↩ प्रतिसाद: श्रीगुरुजी
अ
अभिजित - १ Fri, 02/20/2015 - 16:04 नवीन
श्रीगुरुजी एका पर्सोनल प्रश्न - तुम्ही Clustra डेटाबेस वर काम केले आहे का ?
↩ प्रतिसाद: श्रीगुरुजी