अमेरीकेतून भारतामध्ये नेण्यासारख्या भेटवस्तू

थोडा वेळ द्या निवांतपणे टंकतो. तुम्ही दिलेल्या दुव्यावरही डकवीनच.

अमेरिकेत आल्यावर माझ्या पहिल्या भारतवारीत इतरांप्रमाणेही मी बहुतांश चॉकलेट्स वगैरे नेली. माझ्यापेक्षा वयाने लहान असणार्‍या चुलत भावंडांसाठी त्यांच्या मागणीप्रमाणे स्पोर्ट्सवॉच, गॉगल, एमपी३ प्लेयर्स वगैरे. आज्यांसाठी घरात घालायच्या मऊ चपला नेल्या होत्या. पण दुसर्‍या वेळपासून चॉकलेट्स वगैरे नेण्याचे प्रमाण कमी केले. आजकाल भारतातही ही चॉकलेट्स मिळत असतात. भारतातल्या लोकांना फारसे अप्रुप राहिले नाही. त्याऐवजी इथल्या बर्‍याच स्टोअर्समध्ये मिळणार्‍या गृहोपयोगी किंवा घर सजावटीच्या वस्तु नेऊ लागलो. फार महाग नसल्या तरी त्या वस्तु कल्पक असल्याने व भारतात सहजपणे मिळत नसल्याने सर्वांना खूप आवडल्या. हे स्टोअर्स म्हणजे

• मायकेल्स
• जोअ‍ॅन फॅब्रिक्स
• बेड बाथ बियॉन्ड

एकदा मी लेडीबग्जच्या आकारातील सॉल्ट शेकर्स नेले होते. दिसायला एकदम लोभस असल्याने त्याचे फार कौतुक झाले होते. तसेच लहान मुलांसाठी लहान सहानच पण कल्पक खेळणी. टॉइज आर अस हे स्पेशलाइझ्ड स्टोअर असले तरी खेळण्यांसाठी कुठलेही स्टोअर चालू शकतेच. तसेच बार्न्स अ‍ॅन्ड नोबल या बुकस्टोअरमध्ये देखील लहान मुलांसाठी उत्तम खेळणी व पुस्तकं मिळतात. अशाच काही लहानसहान पण कल्पक गोष्टी वॉलग्रीन्समध्ये पण दिसतात. माझ्या वडिलांसाठी नेलेला बाथरूम रेडिओ त्यांना फार आवडला होता. हेडफोन्स लावून रेडिओ ऐकण्याची सवय नसणार्‍यांसाठी फार उपयुक्त गोष्ट आहे. तसेच ट्रेडर जो'ज मधले वेगवेगळ्या प्रकारचे चिप्स, मेक्सिकन केसर. कॉस्टकोमध्ये मिळणारे स्किनी पॉप पॉपकॉर्न. डेल्टाच्या फ्लाइटमध्ये विकत घेता येणारे सुक्या मेव्यापासून बनलेले हे स्नॅक. बरेचदा फ्लाइटमध्ये पण काही कल्पक वस्तु मिळतात. जेटच्या फ्लाईटमध्ये आम्ही एकदा रांगणार्‍या गणपतीची चांदीची मुर्ती घेतली होती. पुढच्या भारत वारीमध्ये स्पोर्ट्स अथॉरिटी अन डीक्स स्पोर्ट्समधून घरच्या घरी अ‍ॅरोबिक्स प्रकारचे व्यायाम करण्याची हलकी फुलकी साधने नेणार आहे. सध्या एवढेच, अजुन आठवले की पुन्हा टंकीनच. बाकी पॉवर सप्लाय लागणार्‍या वस्तु भारतात नेणे शक्यतो टाळा. मी फार उत्साहाने मिनी शिलाई मशीन, खूर्चीवर ठेवायचे मसाजर वगैरे नेले होते पण बरेचदा ते भारतात चालत नाही.

ग्रीन कार्ड?

http://www.amazon.com/s/ref=nb_sb_noss?url=search-alias%3Dhpc&field-keywords=BIc+z4%2B+pens बिक झेड ४+ पेन्स अमेरिकेत स्वस्तात मिळतात असे ऐकुन आहे. भारतात ते मिळतच नाहित. अमॅझॉन वर मिळतात पण बरेच महाग आहेत. कुणाला आवश्यकता असल्यास तिथुन आणुन देता येतील तुम्हाला गिफ्ट म्हणून.

धागा उपयुक्त आहे. काय काय मागवु शकते ह्याची आयती लिस्ट मिळेल. वा!!

Black Friday ला काय काय स्वस्त मिळतंय तेपण कळूदे . mobile & कॅमरा चा काही अनुभव / details असतील तर तेपण सांगा .

चॉकलेटस हा पदार्थ मला वाटतं कधीच काढू नये या यादीतून. भारतात मिळणार्‍या चॉकलेटपेक्षा युरोप-अमेरिकेतली चॉकलेट्स दर्जा आणि चवीला उत्कृष्ट असतात. आणि त्याचे भरपूर वेगवेगळे प्रकारही असतात. भारतातल्या लोकांना इतकी चांगल्या दर्जाची चॉकलेट्स खावुन कंटाळा आलाय का?

झिप्पो लायटर्स - इथे फार पॅटर्न्स मिळत नाहीत. जे मिळतात ते ठरावीक दुकानांतच. परफ्युम्स - वरील प्रमाणेच प्ल्स भयानक महाग घड्याळं - वरील प्रमाणेच

लेक सुपॆरिअर आणा .यंदा 88 टक्के च पाउस पडणार म्हन !

किमान दोन बाटल्या. (नुकतीच आमच्या एका परममित्राने आमच्या साठी (मस्तानी या पेया ऐवजी ) बाटली आणली आहे याचा सुगावा लागलेला) पैजारबुवा,

क्लॉक-रेडिओ ही एक उपयुक्त वस्तू आहे. भारतात ही वस्तू (बहुतेक) मिळत नाही. २२० व्होल्टवर चालणारे क्लॉक रेडिओ नेता येतील.

हॉट अ‍ॅन्ड कोल्ड जेल पॅक - पाठदुखी, कंबरदुखी, खांदेदुखी यांचा सामना करण्यासाठी एक उपयुक्त साधन. फ्रीझरमध्ये ठेवून गार करा, मायक्रोवेव्ह ओव्हनमध्ये १ मिनिट ठेवून गरम करा. आपल्या हॉटबॅगसाठी चांगला पर्याय. मध्यमवयीन व वयस्कर लोकांसाठी खूपच उपयोगी वस्तू आहे. नायकीच्या या चपला माझ्या आईला व सासुबाईंना आवडतात घरात व शतपावली वगैरे करताना... आजकाल भारतातही मिळतात बहुधा पण महाग वाटतात.

माझ्या ४ वर्षाच्या मुलासाठी माझ्या नणंदेने अमेरिकेतून लीप रीडर आणला होत. डिजिटल पेन आणि त्याच्याशी रिलेटेड पुस्तक. खूप छान आहे ते . किंमत माहित नाही पण प्रकार छान होता . http://www.leapfrog.com/en-us/products/reading-family

स्कॉच

जगातली सर्वात कडक coffee! http://www.deathwishcoffee.com/collections/death-wish-coffee

इथल्या चॉकोलेट्स, इलेक्ट्रॉनिक गोष्टी वगैरे आता भारतात सहज मिळतात!! जय हो इंडिया!!!! इथून कपडे तिथे नेण्यात काहीच पॉईंट नाही कारण ते तिथूनच इथे येतात!! :) आमच्या कॅलिफोर्नियात तयार होणारे बदाम-पिस्ते वगैरे जर कौतुकाने नेले तर देशी निवासी लोकं जाहीर संस्थळांवर सरळ खुशाल नांवं ठेवतात! जसं काही ते रोज जेवणानंतर बदाम-पिस्तेच खातात!!!! दारू वगैरे नेण्यात काही पॉइंट उरलेला नाही कारण, नेलेली दारू (स्कॉच वगैरे) सगळी जवळचे नातेवाईकच हडप करतात, मिपाकर मित्रांना द्यायला काहीही शिल्लक उरत नाही, हा एक स्वानुभव!!! :( मागे इथून नेलेल्या चार स्कॉच घरच्या घरीच हडप झाल्यामुळे माझ्या एका दिल्लीतल्या अत्यंत जवळच्या, केन्द्रिय मंत्रिमंडळात असलेल्या, मित्राला देण्यासाठी मला इथे रु. १२०० मध्ये मिळणारी शिवास रीगल तिथे रु. ५००० देऊन घ्यावी लागलेल्याची एक दु:ख्खद आठवण!!!! (संपादित) सारांशः इथून काहीही नेऊ नका, तिथेच मिळणारी काजू-कतली वगैरे घेऊन किलोभर द्या! बॅगेजवर पडणारा एक्स्ट्रॉ चार्ज वाचवा!!

पि डां साहेब कसा बोललात. १९८० साली आमचा मामा काश्मीरला गेला होता. तेंव्हा काश्मीरची सफरचंदे हे नाविन्य होते. प्रत्यॆकि अर्धा किलो आणायची ठरवली तरी वजन फार झाले असते. आमच्या मामाने क्रोफर्ड मार्केटला जाऊन तेंव्हा असलेली महागातली सफरचंदे घेऊन नातेवाईकांना दिली. सर्वांनी काश्मीरची आहेत म्हणून इतकी रसाळ आहेत म्हणत मिटक्या मारत खाल्ली. तसाच काहीसा प्रकार आहे. दोन पैसे जास्त गेले तरी तीच गोष्ट इथे विकत आणून देणे परवडते. बर्याच वेळेस या गोष्टी इथे स्वस्त मिळतात असा अनुभव आहे. डार्क चॉकलेट पासून टेस्टर्स चोईसपर्यंत --(रुपये १४८०/- २०० ग्राम साठी) सर्व गोष्टी येथे मिळतात) शिवाय इलेक्ट्रोनिक वस्तूंची ग्यारंटी इथे विकत घेतली असता मिळू शकते. जी जी गोष्ट तिथे मिळते ती जालावर गुगलून पहा भारतात मिळत असेल तर इथे येऊनच घ्या. बाकी जे वजन उचलायचे ते अगदी जवळच्या नातेवाईकांसाठी उचला.

संपादक मंडळ वर आलेल्या भारत सरकार बद्दलच्या अतिशय असभ्य प्रतिक्रियेबद्दल काही करणार आहे का ? का , काहींच्या बाबतीत वेगळा न्याय आहे

त्यापेक्षा पैसे द्या....आणखी भारी वाटेल ;)

काहीही नेऊ नका. भारतातल्या लोकांकडे जास्त महागामोलाच्या वस्तू असतात हा स्वानुभव आहे. एका शेतकरी घरातील (भावाच्या) मित्राने लाजेकाजेस्तव जावई लोकांना काय आणू म्हणून विचारले तर त्यांनी ल्यापटॉप मागितले. मक्काय, त्या मित्राच्या वडिलांनी सांगितले की आता तोंड वर करून विचारलयस तर जावयांना नाराज करू नकोस, अ‍ॅपल की काय म्हणतात त्याचे भारी कांपुटर घेऊन ये! या बिचार्‍याचे जे काय व्हायचे ते झाले. चेहर्‍यावर हसू आणत त्याने ते दोन्ही जावयांना दिले. आजपर्यंत उघडले नाहीत पण मागताना कायपण मागतात हा अनुभव ऐकून माझा भाऊ व आम्हीही चाट पडलो होतो.

खूप चांगले पोस्ट आणि कोमेंटस आहेत. मी अजूनही विद्यार्थी असल्याने माफक खरेदी करतो. पण माझ्या अनुभवातून इकडच्या लोकल गोष्टी भारतात आवडतात. आमच्या गावात रसेल स्टोवर नावाची चॉकलेट कंपनी आहे त्याची चॉकलेटस भारतात मिळत नाहीत, ती आमच्या घरात जबरदस्त आवडतात. दारूच्या बाबतीत, मागच्या वेळी टेनेसी ची देशी - मूनशाईन घेऊन गेलो होतो..२ बरण्या, एका बरणी मध्ये स्टोबेरी आणि दुसऱ्या मध्ये चेरी, १०० प्र्फू मध्ये मुरलेल्या. अजूनही तीच बरण्यांची फर्माईश माझ्या मित्रांची नेहमी असते.

मी माझ्या वडिलांसाठी या प्रकारची ट्रॉली नेली होती. त्यांच्यासाठी खूपच उपयुक्त वस्तू आहे. विकत आणलेले सामान जड असल्यास पार्कींगपासून घरी उचलून नेण्याऐवजी या ट्रॉलीच्या साहाय्याने नेतात. मी थेट दुकानातून विकत घेतली असल्याने ते नेमके मॉडेल ऑनलाइन दिसले नाही. मी इथे सुचवलेल्या बर्‍याच वस्तु भारतातही मिळत असतील पण निम्न-मध्यमवर्गीय मानसिकतेमुळे भारतात त्या खरेदी केल्या जात नाही. म्हणून अशा वस्तू भारतात जाताना घरच्यांसाठी मी आवर्जून नेतो. स्वतःचेच उदाहरण सांगतो. मी अमेरिकेत स्केचर्स कंपनीचे जे बुट ४०-४५ डॉलर्सला घेतले होते तेच घालून साडेपाच वर्षांपूर्वी पुणे सेन्ट्रल मॉल मध्ये गेलो होते. तेच बुट तेथे सुमारे ₹५,००० ला उपलब्ध होते. तेव्हा काय अन आता काय एवढ्या किमतीचे बुट मी स्वतःसाठीही घेऊ शकणार नाही.

फारसे कुणी सुचवणार नाही अशी वस्तू ... पुस्तकं! अनेक पुस्तकं भारतात फार महाग मिळतात. तिथे सेकंड हँड पुस्तकं खूप स्वस्त मिळतात.

धागा काढल्याबद्द्ल व श्रीरंग साहेबांच्या प्रतिसादा मुळे. क्राफ्टचे साहित्य खुप स्वस्त वाल-मार्ट मध्ये मिळते. पुष्कळ personalised gifts बनतात. फोटो फ्रेम, नेकलेस इ. जर काहिच घायचे नसेल तर हा एक पर्याय आहे.

ती असभ्य प्रतिक्रिया संपादीत केल्या बद्दल संंमं चे आभार .

चेपु वरील एका विडीओला पहाताना डिजिटल डुड्ज ब्रंडबद्दल समजले.. त्यांची टिशर्ट्स ची रेंज वैविध्यपुर्ण आहे..विशेषकरून जर तुम्हाला भयपट आवडत असतील तर नक्कीच १-२ टिशर्टस घेऊ शकता.. http://www.morphsuits.com/digital-dudz

भारतात मिळणार नाहीत अशी लहान मुलांसाठी कोणती खेळणी अमेरिकेतुन आणता येतील? १. घरातल्या सर्व चिल्ल्या पिल्ल्यांसाठी (१५-१२ मुलं) बजेट मध्ये काहीतरी २. घरातल्या मुख्य पिल्लु साठी काही तरी भारी (वय ३)