जे. एन. यु. एक वेगळा विचार

ज
जानु
🗣 128 प्रतिसाद
सध्याचा ज्वलंत आणि चघळुन झालेला हा विषय आहे, पण तरीही काही मुद्दे मांडायचा प्रयन्त करतो. या प्रकारात डावे आणि उजवे यांच्यात सरळ लढत झालेली दिसते. यात भाजपाचे काही आडाखे व डाव असतील आणि डावे त्यात अडकले असे वाटते. १० फेब्रु. पासुन या प्रकरणाची सुरुवात झालेली आहे. भाजपाला रोहित प्रकरण आणि दादरी प्रकारात जो धक्का बसला त्याची भरपाई करायची संधी डाव्यांनी दिली. भाजपाला अशी संधी हवीच होती. यामुळे भाजपा विरुध्द डावे + काँग्रेस यांची जुंपली बाकी सगळे गंमत पाहत आहेत. अफजलबाबत दिलेल्या घोषणांची ध्वनीचित्रफीत जशी अभाविप ने जाहीर केली तसे या घटनेतील ताकद आणि जनभावना बदलण्याची क्षमता भाजपाच्या नेत्यांना लगेच लक्षात आली असेल. (कदाचित वरीष्ठांना अगोदरच हे माहित असेल. त्यांनी ध्वनीचित्रफीत पाहिली असेल. नंतर तिला प्रसिध्दी दिली गेली.) त्यातच डाव्या नेत्यांची मुले त्यात पाहुन तर आनंदच झाला असेल. त्यातच पुढे प. बंगालची निवडणुक आहे. असा पत्ता हातचा सोडणे भाजपाला शक्यच नव्हते. हे झाले नेपथ्य. प्रकरण उघड झाल्यावर त्यावर अपेक्षीतपणे डाव्यांनी कडवी प्रतिक्रिया दिली. राहुल गांधींनी त्याचे मस्त पणे समर्थन केले. काँग्रेसी नेते त्यामागे फरपटत गेले. राहुल गांधींनी जे.एन.यु. ला भेट देउन आगीत तेल ओतले. भाजपाने कन्हैयाला अटक करुन त्यात दुसरी चाल खेळली. खरे तर त्याला अटक केली नसती तरी चौकशी करुन काम भागत होते. (हे माझे मत आहे.) भाजपाने आपल्या ईतर संघटना यात उतरवुन दबाव कायम ठेवला. यात भाजपाला बर्‍यापैकी लाभ झाला आणि ते याचा पुढे बराच वापर करतील. १. भाजपा भारतातील तमाम जनतेला हे दाखविण्यात यशस्वी झाले की जे. एन. यु. मध्ये भारतविरोधी कार्यक्रम होतात. (बर्‍याच लोकांना हे माहित नाही की भारताच्या नितीनिर्धारणात जे.एन.यु. ने किती हातभार लावलाय ते.) २. या कार्यक्रमात डावे पुढाकार घेतात, त्यांना आपल्या फायद्यापुढे देशाचे महत्व नाही हे सिध्द केले. ३. अभिव्यक्ती स्वातंत्र्य विरुध्द देशभक्ती यात जनतेने नैसर्गिकपणे देशभक्तीला प्राधान्य दिले. ४. कितीही नाही म्हटले तरी सगळ्या प्रकरणात भाजपाला फायदाच झालेला आहे. ५. भविष्यात जे.एन.यु. वा तत्सम संस्थांमध्ये आपले हातपाय पसरायला भाजपाला या प्रकरणाचा पुरेपुर उपयोग होणार. ६. डाव्यांची छुपी सत्ता आणि वर्चस्व तोडणे हा प्रकरणाचा सगळ्यात मोठा फायदा भाजपाला पुढील काळात होणार. मागे एका ठिकाणी म्हटल्यानुसार अश्या साठमार्‍या भाजपा आणि त्यांच्या संघटना पुन्हा पुन्हा करणार. कारण राजकारणात सत्ता नुसती दिसुन चालत नाही तर तिचा भविष्यासाठीसुध्दा वापर करायचा असतो.
22868 वाचन
💬 प्रतिसाद (128)
त
तर्राट जोकर Wed, 02/24/2016 - 07:07 नवीन
नाही हो. भाजप्/संघ अशा विचारांच्या कृतींचा अवलंब करणार्‍यांचा नाही. त्यांच्यासाठी तेच एक सत्य आहेत, म्हणून म्हटले आपले. कृतींची यादी काढू का?
↩ प्रतिसाद: गामा पैलवान
ग
गामा पैलवान Wed, 02/24/2016 - 09:21 नवीन
तजो, संघ आणि भाजप इतके राक्षसी आहेत, हे माहित नव्हतं. बरं पाकिस्तानात आहेत का ते? असो. तुमची यादी वाचायला आवडेल. आ.न., -गा.पै.
↩ प्रतिसाद: तर्राट जोकर
त
तर्राट जोकर Wed, 02/24/2016 - 09:47 नवीन
संघ आणि भाजप इतके राक्षसी आहेत, हे माहित नव्हतं >> मी कधी म्हटलं की ते राक्षसी आहेत? काही हां गा.पै. बाकी सतत पाकिस्तान, आयसिस, अरब देश, अफगाणिस्तान करुन काय मिळतं हो? स्वच्छ मुस्लिमांविरूद्ध आहोत असा अर्थ निघतो त्यातून. मुस्लिमांविरुद्ध आहोत म्हणजेच हिंदूंसाठी काम करतोय असं समजायचं काय?
↩ प्रतिसाद: गामा पैलवान
ग
गामा पैलवान Wed, 02/24/2016 - 15:37 नवीन
तजो, तुमचा हा प्रश्न अत्यंत समर्पक आहे. >> सतत पाकिस्तान, आयसिस, अरब देश, अफगाणिस्तान करुन काय मिळतं हो? >> स्वच्छ मुस्लिमांविरूद्ध आहोत असा अर्थ निघतो त्यातून. फक्त तो पाकिस्तान, सीरिया, इराक, अरब देश, अफगाणिस्तान इथल्या जनतेला विचारायला हवाय. इस्लामकडून यांना काय मिळालं? आणि भारतीय मुस्लिमांनाही तेच मिळवायचंय का? आ.न., -गा.पै.
↩ प्रतिसाद: तर्राट जोकर
त
तर्राट जोकर Wed, 02/24/2016 - 16:08 नवीन
आपला मुद्दा काय आपण बोलतो काय. इथे लोक म्हणतात मी हायजॅक करतो धागा. त्याचं काय आहे की भारताच्या ज्या भागांत हिंदू अल्पसंख्य झाले ते भाग भारतापासून तुटले. तिथल्या उर्वरित अहिंदूंची अवस्था फारशी चांगली नाहीच, शिवाय हिंदूंची अवस्था तर अति दयनीय झाली आहे. त्यामुळे इतर कोणापेक्षाही हिंदूंचं हित सर्वात जास्त महत्त्वाचं आहे. तेव्हा परत कधी हिंदू की भारतीय हा मुद्दा उपस्थित करू नका. हे तुमचे विधान ह्यात मुस्लिमांन काय पाहिजे हे कुठुन आले? भाजप व संघाचा अजेंडा काय एवढाच प्रश्न होता. तुम्हीच तो मुस्लिमावर नेताय. भाजप संघ भारतीयांसाठी नाही तर फक्त हिंदूंच्या भल्यासाठी काम करतात असे तुम्हीच म्हणलेत, आता ह्यात मुस्लिम कुठुन आले?
↩ प्रतिसाद: गामा पैलवान
ह
होबासराव Wed, 02/24/2016 - 16:16 नवीन
मि कधि संघात गेलो नाहि त्यामुळे तिथे काय होत हे माहित नाहि पण भारतात जिथे कुठे नैसर्गिक आपत्ति येते, रेल्वे अ‍ॅक्सिडंट होतात तिथे प्रथम मदत करायला पोचणार्‍यांमध्ये तरि संघाचे लोक असतात हे बघितले आहे. त्यामुळे अशा ठिकाणि मदत करतांना माणुस जात / धर्म तरि पाह्त नाहि एव्हढे म्हणावेसे वाटते.
↩ प्रतिसाद: तर्राट जोकर
त
तर्राट जोकर Wed, 02/24/2016 - 16:23 नवीन
अशा अनेक संघटना आहेत, असतात, असाव्यात. पण चर्चेचा विषय तो नाही.
↩ प्रतिसाद: होबासराव
ग
गामा पैलवान Wed, 02/24/2016 - 22:29 नवीन
तजो, मूळ प्रश्न हिंदू कोणास म्हणावे असा तुम्ही विचारलेला होता. एकसत्यवचनावर विश्वास असलेला कोणीही हिंदू धरायला (माझी) हरकत नाही. तर पाकिस्तानात या वाचनावर विश्वास ठेवून चालणारी माणसं नाहीत. म्हणून त्याची दुर्दशा झाली आहे. याउलट भारतात पाकिस्तानपेक्षा जास्त वैविध्य असूनही दुर्दशा झालेली दिसंत नाही. याचा अर्थ हिंदू एकसत्यवचन मानतात. तुम्ही म्हणता की भाजप/संघ एकसत्यवचनानुरूप कृती करणारे नाहीत. तर त्यांची उदाहरणे द्यावीत ही विनंती. आ.न., -गा.पै.
↩ प्रतिसाद: तर्राट जोकर
त
तर्राट जोकर Wed, 02/24/2016 - 22:50 नवीन
त्याचं काय आहे की भारताच्या ज्या भागांत हिंदू अल्पसंख्य झाले ते भाग भारतापासून तुटले. तिथल्या उर्वरित अहिंदूंची अवस्था फारशी चांगली नाहीच, शिवाय हिंदूंची अवस्था तर अति दयनीय झाली आहे. त्यामुळे इतर कोणापेक्षाही हिंदूंचं हित सर्वात जास्त महत्त्वाचं आहे. तेव्हा परत कधी हिंदू की भारतीय हा मुद्दा उपस्थित करू नका. >> हे आधी निस्तरा ना भाऊ. तुम्ही भाजप, संघाचे प्रवक्ते म्हणून इथे उत्तरे देणार का ते सांगा आधी. काय आहे की नंतर लोक कोपरे शोधतात लपण्यासाठी.
↩ प्रतिसाद: गामा पैलवान
श
श्रीगुरुजी गुरुवार, 02/25/2016 - 06:56 नवीन
त्याचं काय आहे की भारताच्या ज्या भागांत हिंदू अल्पसंख्य झाले ते भाग भारतापासून तुटले. तिथल्या उर्वरित अहिंदूंची अवस्था फारशी चांगली नाहीच, शिवाय हिंदूंची अवस्था तर अति दयनीय झाली आहे. त्यामुळे इतर कोणापेक्षाही हिंदूंचं हित सर्वात जास्त महत्त्वाचं आहे. तेव्हा परत कधी हिंदू की भारतीय हा मुद्दा उपस्थित करू नका.
गापैंच्या या मुद्द्याशी पूर्ण सहमत.
↩ प्रतिसाद: तर्राट जोकर
प
पुष्करिणी Tue, 02/23/2016 - 14:21 नवीन
एन्डी टीव्ही ( मी बरखा आणि वासु जैन या दोघांचे आठवडाभर कार्यक्र्म बघतेय) जेएनयु च्या आरोपी विद्यार्थ्यांचा उल्लेख कायम 'किड्स' असा का करतेय कोणास ठाउक. हसायला येतं. बाकीच्यांच माहित नाही पण कन्हैया २८ वर्षांचा आहे म्हणे
व
विकास Tue, 02/23/2016 - 15:41 नवीन
जेएनयु च्या आरोपी विद्यार्थ्यांचा उल्लेख कायम 'किड्स' असा का करतेय कोणास ठाउक. किड हा शब्द इंग्रजीत का मराठीत? ;) गंमतीचा भाग सोडून द्या. सतत किड्स म्हणल्याने, दर्शकांच्या डोक्यात, हे बापे नसून, लहान मुले आहेत असे कुठेतरी बिंबवले जाते. मग नकळत सगळेच चाईल्ड अ‍ॅब्यूज वाटू लागते.... जेएनयुचे विद्यार्थी - किड्स स्मृती इराणी - actress turned politician नरेंद्र मोदी - नमन २००२ पासून चालू करणे सोनिया गांधी - काँग्रेस प्रेसिडंट मोदींना लिहीलेल्या पत्रात : नुसतेच, "...a man whose name you love invoking - Atal Bihari Vajpayee" असो. :)
↩ प्रतिसाद: पुष्करिणी
ह
होबासराव Tue, 02/23/2016 - 14:37 नवीन
विद्यार्थ्यांचा उल्लेख कायम 'किड्स' असा का करतेय कोणास ठाउक. हसायला येतं. बाकीच्यांच माहित नाही पण कन्हैया २८ वर्षांचा आहे म्हणे बरखा दत्त साठि कन्हैय्या खरच बच्चा आहे. ज्या तर्‍हेचे लॉबिंग बिझिनेस बरखा मॅडम पत्रकारितेच्या आड करायच्या / करतात ते बघता कन्हैय्या त्यांच्या साठि नर्सरीतच आहे.
प
पुष्करिणी Wed, 02/24/2016 - 08:30 नवीन
सहमत, दुसरं म्ह्ण्जे फार सेल्फ ऑब्सेस्ड आहे, एकटी बरखाच नाही तर आख्खं चॅनल
↩ प्रतिसाद: होबासराव
ह
होबासराव Tue, 02/23/2016 - 14:39 नवीन
मि १ सेकंद सुद्धा माझ्या टि.व्हि. स्क्रिन वर नाहि राहु देत. एक सामान्य माणुस म्हणुन मि एव्हढाच निषेध करु शकतो.
त
तर्राट जोकर Tue, 02/23/2016 - 14:51 नवीन
तीव्र सहमती. राजदिप, बरखा ह्यांच्यासारख्या लोकांना पत्रकार म्हणवुन घेण्याचा अधिकार नाही.
↩ प्रतिसाद: होबासराव
ह
होबासराव Tue, 02/23/2016 - 14:52 नवीन
;)
त
तर्राट जोकर Tue, 02/23/2016 - 15:45 नवीन
असणारच. ह्या येडपटांच्या चौथ्या वाक्याला २००२ गुजरात नसेल तर पुढच्या श्वासाला हृदय बंद पडेल असा शाप देवाने दिलाय का काय असा संशय येतो.
↩ प्रतिसाद: होबासराव
ज
जानु Tue, 02/23/2016 - 18:08 नवीन
कमीत कमी न्यायालयाने तरी त्यांना सरळ सांगीतले की पोलिसांकडे जा आणि शरण या नाहीतर त्यांनी आपल्याला काय शिक्षा द्यायची ते सुध्दा न्यायालयाला विद्यापीठातुनच सांगितले असते.
व
विकास Tue, 02/23/2016 - 19:43 नवीन
पोलीसांना एकदाचे शरण गेले आहेत. अंदाजः रितसर आरोप होईल. पोलिसांच्या बाजूने या वेळेस एक वेगळे चित्र रंगवता येऊ शकेल, ते म्हणजे या विद्यार्थ्यांनी देशाविरुद्ध चिथावणी देऊन इतर विद्यापिठातील (जादवपूर) मुलांना पण चिथावणी दिली. पक्षि: राष्ट्रविघातक कारवायीचा कट चालू होता... आता ते न्यायालयास मान्य होऊ शकेल का न्यायालय म्हणेल इतके पुरेसे नाही आणि सोडून देतील, हे पहावे लागेल.
↩ प्रतिसाद: जानु
ज
जानु Wed, 02/24/2016 - 17:27 नवीन
आजच स्मृती ईराणींचे संसदेतील भाषण पाहिले. त्यांनी दिलेली उत्तरे आणि सादर केलेले पुरावे हे त्या सगळ्यांना आरोपी म्हणुन सिध्द करण्यास पुरेसे ठरतील असे दिसते. आज एन.डी.टी.व्ही. ने नवीन ध्वनीचित्रफित दाखवली त्यात उमर स्पष्ट दिसतो आणि त्यात बाहेरील बहुतेक काश्मिरी भारतविरोधी घोषणा देतांना दिसतात. एकंदरीत भाजपाने आज बाजी उलटवली असे म्हणावे. एन.डी.टी.व्ही. वर सुध्दा वार्ताहर यात देशद्रोही घोषणा आहेत हे सांगत होता हे विशेष. पण जेव्हा त्या आरोपींपैकी काहींची मुलाखत घेतली तेव्हा त्यांनी अफजल गुरु वर आणि भारतावर दिलेल्या घोषणांचे समर्थनच केले. आणि सर्वोच्च न्यायालयाने दिलेल्या अफजलच्या निवाड्यावर स्पष्ट विरोध दाखविला आणि ३७७ वर ज्याप्रमाणे आज सर्वोच्च न्यायालयात निर्णय दिल्यावरही चर्चा होते त्याचा दाखला दिला. मुळात ही तुलना चुकीची आहे.
अ
अर्धवटराव Wed, 02/24/2016 - 19:24 नवीन
स्वराज मॅडमला युवराजांनी डिचवलं आणि आपलं हसु करुन घेतलं. स्मृतीबाई तर तशाही 'एक्ट्रेस टर्न्ड पॉलिटिशियन' आहेत. त्यांच्याशी वादविवाद करायला चांगले मुरलेले दिवटे हवेत.
↩ प्रतिसाद: जानु
श
श्रीगुरुजी गुरुवार, 02/25/2016 - 07:06 नवीन
स्मृती इराणींचे संसदेतले कालचे भाषण अत्यंत प्रभावी व परिणामकारक होते. त्यांच्या मुद्द्यांमुळे आपली पंचाईत होणार हे ओळखून खांग्रेसी सदस्यांनी भाषण सुरू होतानाच संसदेतून पलायन केले. जेएनयुच्या देशद्रोही विद्यार्थ्यांना पाठिंबा देऊन राहुलने फार मोठी चूक केली आहे हे आता खांग्रेसींच्या लक्षात आले असेल. या मुद्द्यावर राहुलचे समर्थन करताना काँग्रेस प्रवक्त्यांची पंचाईत होत आहे. हा मुद्दा देशद्रोही घोषणांना पाठिंबा अथवा विरोध असा न करता संघ वि. विद्यार्थी असा करण्याचा खांग्रेस आटोकाट प्रयत्न करीत आहे. काही ठराविक डावे निधर्मांध वगळता विद्यार्थ्यांच्या बाजूने कोणीच बोलत नाही. वाहिन्यांवर मुद्दाम लष्करातील माजी अधिकार्‍यांना चर्चेत बोलावून त्यांचे मत विचारले जात आहे व ते सर्वजण विद्यार्थ्याना सपाटून शिव्या देत आहेत. जेएनयु प्रकरणात अडचण झाल्याने काल पुन्हा एकदा रोहित वेमुलाचा मुद्दा उकरून काढण्याचा प्रयत्न झाला, पण त्यात फारसे यश आले नाही. स्मृती इराणींचे कालचे भाषण बघून काही महिन्यांपूर्वी सुषमा स्वराज यांनी संसदेत ललित मोदी प्रकरणावरून केलेल्या अत्यंत आक्रमक आणि घणाघाती भाषणाची आठवण झाली.
↩ प्रतिसाद: जानु
झ
झेन Wed, 02/24/2016 - 18:21 नवीन
सासू सून मालिकांमधे रस नसल्या मुळे त्यांचा टी व्ही वरचा परफॉर्मन्स माहीत नाही, पण आजचे भाषण मूद्देसूत, पारिणामकारक वाटले. कॅमेऱ्यासमोर एखाद्या कलावंताचा वकीलाच्या भूमीकेतला अभिनय असल्या सारखा पण उत्स्फुर्त .
ग
गामा पैलवान गुरुवार, 02/25/2016 - 08:10 नवीन
तर्राट जोकर, तुमचा इथला प्रतिसाद वाचला. >> तुम्ही भाजप, संघाचे प्रवक्ते म्हणून इथे उत्तरे देणार का ते सांगा आधी. >> काय आहे की नंतर लोक कोपरे शोधतात लपण्यासाठी. आता काय सांगायचं राव ! भाजप्/संघ यांचं नाव तुम्ही घेतलंय. त्यामुळे लपायचे कोपरे शोधायची वेळ माझ्यावर येणार नाही हे नक्की. हिंदूंची प्रवक्तेगिरी करायची असं मी माझ्यापुरतं ठरवलंय. संघ/भाजप जोवर हिंदूहिताची भाषा करताहेत तोवर मी त्यांच्या पाठीशी उभा असेन. आ.न., -गा.पै.
ट
ट्रेड मार्क गुरुवार, 02/25/2016 - 17:18 नवीन
देशाचे पूर्व गृहमंत्री आणि संरक्षण मंत्री पी. चिदंबरम यांच्या मते "अफझल गुरूचा संसदेवरील हल्ल्यात सहभाग असावा की नाही या बद्दल शंका आहे. या केसमध्ये चुकीचा निर्णय दिला गेला. त्यावेळेला ते स्वतः सरकारमध्ये मंत्री असल्याने त्यांना या गोष्टीचा विरोद करता आला नाही कारण सरकारनेच ही केस टाकली होती." हे आता स्वतःच भाग असलेल्या सरकारविरुद्ध बोलत नाहीयेत तर देशाच्या सुप्रीम कोर्टाविरुद्ध पण बोलत आहेत. तारतम्य तर सुटलेच आहे पण एकूणच सगळे काँग्रेसी भंजाळले आहेत बहुतेक. बातमीचा दुवा
त
तर्राट जोकर गुरुवार, 02/25/2016 - 17:56 नवीन
राजकिय फायदा उपटण्यासाठी कोणी किती नीच थराला जाऊ शकतं ह्याचं उत्तम उदाहरण म्हणजे काँग्रेस नेत्यांचं हे वर्तन. अश्लाघ्य, नीतीमत्ताहिन.
↩ प्रतिसाद: ट्रेड मार्क
श
श्रीगुरुजी Fri, 02/26/2016 - 08:11 नवीन
+१ २०१४ मध्ये केंद्रातील व नंतर अनेक राज्यातील सत्ता हातातून गेल्यापासून खांग्रेसी अतिशय बिथरले आहेत. मोदींच्या प्रत्येक गोष्टीला विरोधासाठी विरोध करण्यासाठी आता त्यांनी न्यायालयात गुन्हा सिद्ध झालेल्या अतिरेक्यांच्या पाठीशी उभे रहायचे ठरविले आहे. एकीकडे चिदंबरम अफझल गुरूला झालेल्या शिक्षेबद्दल संशय व्यक्त करीत आहेत, तर दुसरीकडे युवराज देशद्रोही घोषणा देणार्‍यांच्या पाठीशी उभे रहात आहेत तर तिसरीकडे मणीशंकर अय्यर, खुर्शिद यांच्यासारखे खांग्रेसी पाकिस्तानमध्ये जाऊन मोदींना घालवा असे माध्यमांना सांगत आहेत. खांग्रेसी एक भयंकर खेळ खेळत आहेत. मोदींना विरोध करण्यासाठी पाकिस्तान, अतिरेकी, देशद्रोही इ. बरोबर साटंलोटं करणे देशाला महागात पडणार आहेत.
↩ प्रतिसाद: तर्राट जोकर