Sanglit kothe kay

साइप्रसादची थाळी उदरभरणासाठी पण भरले वान्गे व फ्लावरची भाजी यापैकी एक रोज.

मिरज पंढरपूर रस्त्यावर मिरजेपासुन २२ २५ किमि अंतरावर दंडोबाचा छान डोंगर आहे. याच रस्त्यावर , अगदी लगेच मिरज कोलेज जवळ वहिनींचा वडा (बटाटे वडा) फार प्रसिध्ध आहे. मी मिरजेचाच!

चला.. मी कांही नेहमी करत असलेली खादाडी सांगतो. १) स्टॅंड समोर जेथून पुणे / कोल्हापूरच्या गाड्या बाहेर पडतात तेथे एक चहावाला आहे. अप्रतीम चहा..!!! २) कॉलेज कॉर्नर रोड किंवा स्टँडमागे "स्वामी समर्थ इडलीवडा" येथे इडली वडा मिळतो, गरमागरम इडलीवडा आणि मालकही वसवस न करता आगत्याने आग्रह वगैरे करतो. ३) जेवणाचे बरेचसे ऑप्शन्स आले आहेतच.. तरीही श्रावण डायनींग हॉल वरच्या लिस्ट मध्ये वाचले नाही. अँबेसेडर हॉटेल, विश्रामबाग येथे वर कोणीतरी उल्लेख केला आहे ती थाळी श्रावणचीच. बाकी सांगलीतल्या जेवणाबद्दल पास. पंजाबी जेवण वगैरे सांगलीत कोठेही चांगले मिळत असेल यावर विश्वास नाही* ४) कॉलेज कॉर्नर समोर एकच सँडवीचवाला आहे त्याच्याकडे कोणतेही सँडविच खा. भारीच असेल. ५) बापटबाल शाळेसमोर समोर एक मुलगा दाबेली आणि सँडवीचचा गाडा लावतो. (ओळखण्याच्या खूण = छोटा हत्ती / रिक्शा मध्ये हा स्टॉल असतो) ..आणखी एक झकास दाबेलीवाला म्हणजे टाटा पेट्रोल पंप विश्रामबाग येथे "सुनिल" चा गाडा. याच्या स्टॉलचे नांव माहिती नाही शोधाशोध करावी लागेल. ६) मथुबाई गरवारे समोर एक जादुगाराची पाटी असलेला रस्ता आहे. तरूण भारत - मथुबाई गरवारे अशा रस्त्याने आलात तर नो एंट्रीतून घुसावे लागेल. तेथे "स्टार टेक्सास" नामक गाडा आहे. त्याच्याकडे शेवपुरी, दहीपुरी आणि पाणीपुरी खा. ..त्याच्याकडे भेळही मिळते पण चांगली भेळ फक्त कोल्हापूरला राजाभाऊंकडे मिळते. ७) काळ्याखाणीकडून कॉलेज कॉर्नरला जात असताना उजवीकडे बघितले तर दूध कोल्ड्रींकचा एक स्टॉल दिसेल यांचे नांव बहुदा "लागू" असावे.. त्यांच्याकडे काहीही प्या. ८) गोटी सोडा कोर्टासमोरच्या चौकात मिळेल किंवा पोस्टाकडून महानगरपालिकेकडे जाताना डाव्या हाताला किल्ल्यासारखा बुरूजाचा दरवाजा दिसेल त्या रस्त्यावर मिळेल. ९) गांव भागात लागूंचे पेढे मिळण्याचे एक ठिकाण आहे. शोधाशोध करावे लागेल. प्रतापसिंह उद्यानासमोर भगवानलाल कंदी आहेतच. १०) माळी थिएटर समोर एका ठिकाणी मख्खन पान मिळते. संपूर्ण गोठवलेले आणि फार जाड नसलेले एकदम पातळ असे मसाला पान मिळते. ते गालात ठेवून द्या आणि निवांत भटका. हळूहळू पान नॉर्मलला येते आणि एक एक फ्लेवर सुटा होत जातो. लै भारी पान आहे ते. ११) मिलेनीयम होंडा शेजारी आणि जिल्हा परिषद समोर जो रस्ता मोडक हॉस्पीटलकडे जातो तेथे तळघरात ऊसाचा रस मिळतो. १२) कुल्फी आईसक्रीम खाण्याचा कधी प्रसंग आला नाही पण १० / १५ वर्षांपूर्वी एकदा हरभट रोडवर पाटील कोल्ड्रींक्समध्ये बरेच वेगवेगळे प्रकार ट्राय केले होते. ते दुकान अजून आहे का ते बघा.. १३) कुमठा फाट्याला नॉन व्हेज चांगले मिळते. *सांगलीमधले बहुतांश पंजाबी हॉटेलवाले सांगली व्हर्जनची पंजाबी भाजी देतात आणि "पुण्यासारखी भाजी द्यायची आहे पण सांगलीच्या दरात" असा त्यांचा कायम गोंधळ उडालेला असतो.

सांगलीत चांगली माणसे भेटतील ! इतर शहरात हे दुर्मिळ आहे

इथे बरेच जण सांगली मीरजे चे दिसत आहेत