एवढ्यात काय खरेदी केलंत?- ३

अम्रूत ओव्हर हाईप्ड आहे असे वैम. गवि, प्रोजेक्टर मिळाला का? कोणता?

शिओमीचा नीलदन्त स्पिकर घेतला. एकदम मस्त.

आयफोन एस ई घेतला .. ३२जिबि @१६३००

बाईकचे चांगल्या प्रतीचे पंक्चर रिपेयर किट आणि हवा भरायचा पंप पुण्यात कुठे मिळेल? फ्लिपकार्ट आणि अमेझॉन वर बघितलं...पण रिव्ह्यूज...लय बेक्कार आहेत.

पावर बँक (४०००एमेच लिहिलय पण २०००एमेच एकदा चार्ज करते)३०० रु.

खादी भांडारातून लंगोटाचं कापड घेतलं, फडात ती गुळमुळीत सपोर्टरं कुचकामी असत्याती. उत्तम कसलेला लंगोट हाच निश्चिन्त मनाने अन पूर्ण एकाग्रतेने कुस्ती खेळायचा हमखास उपाय होय, हे सांगून मी माझी ज्ञानदानाची हौस पुरवून घेतो..

इको नॉन एसी! टुरिस्ट परमिट, आज घेतली. उत्तम गाडी आहे, पुण्यातून कोणास रेंटवर हवी असेल तर मला सांगा ;)

अनेक ब्रँडेड टेल लँप हरवून / पाडून आणि अनेक स्वस्तातले टेललँप वापरून शेवटी हा एक दिवा घेतलाच. हाताच्या बोटांच्या दोन पेरांइतकी लांबी आहे. मोबाईल चार्जरने चार्ज होतो आणि सायकल, सॅक, शर्टाची कॉलर, बॅक पॉकेट कुठेही बसवता येतो. पांढरा आणि लाल - टॉर्च आणि ब्लिंकर असे मोड आहेत. एकदम छोटूकला असल्याने खिशात वगैरे आरामात बसतो. किंमत - ७००/- रू.

मला घरच्यांना अन शेजार्यांना पिडायला एक कॅरावके सिस्टीम घ्यायची आहे. उत्तम ऑप्शन कोणता? इनबिल्ट हिंदी आणि इंग्लिश गाणी जास्तीतजास्त (हजारो) असली पाहिजेत आणि नंतर नेमकी हवी ती गाणी (सशुल्क अथवा निःशुल्क) मिळवण्याची सुलभ (यक्क!!) सोय हवी.

हे विकत घेणं नाही, पण तरी ... पुण्यात ९ ते ९ इतकी ड्यूटी असणारा ड्रायवर केवढ्यात मिळेल? १. त्याचं सहसा काम फक्त ऑफिसमधे सोडणे आणि आणणे इतकंच असेल. मधे सगळा विराम. २. मार्केटच्या हिशेबाने जे ओवरहेड आहेत ते सगळे मिळून महिन्याला पगारावर २००० ते ३००० होतात. (जास्तिचे तास, सुट्टीच्या दिवशी येणे, आउटस्टेशन ड्यूटी). ३. एजन्सीच्या ड्रायवर ८ तासांच्या ड्यूटिची बेसीक कॉस्ट १६००० पासून सुरु होते. वर हे २-३०००. त्यामुळे कंपन्यांना लावलेले रेट पर्सनली परवडत नाहीत. ४. ड्रायवरकडून गाडीचं नुकसान झालं तर विम्याव्यतिरिक्तच्या पैशाचं काय करायचं असतं? ======================================================================= मी गेले एक वर्ष सरासरी १७००० रु. प्रतिमाह ड्रायवरवर खर्च करत आहे (एजंसीकडून घेतला तर किमान २०,००० होइल) आणि त्याच्या सर्विसेस अजिबात प्रोफेशनल नाहीत (मंजे शहर माहित असणं, पत्ता शोधता येणं, गाडी वेळेवर साफ असणं, इ इ). तो भरोसेमंद आणि सज्जन आहे इतकं मात्र आहे.

हे विकत घेणे नाही पण कुणाला विकत घ्यायचे असेल तर छोट्या ऑफिसांत, घरी प्रिंटर गरजेचा झाला आहे. डेस्कजेट घेतला तर स्वस्त पडतो पण रिफिलमधे फार कमी प्रिंट निघतात. न वापरता पडून राहिला तर खराब होतो.पण कलर प्रिंटर , स्कॅनर ई. चा पर्याय स्वस्तात मिळून जातो. लेजर ची क्वालिटि उत्तम पण किंमत महाग. कलर असेल तर अजुनच जास्त. दोघांचा मध्य काढायचा तर ईप्सन चे इंक टँक प्रिंटर घेणे. जास्त प्रिंटस, प्रति पान किंमत कमी, लवकर खराब होत नाही. प्रिंट, कॉपी, स्कॅन सगळं मिळतं. साधारण १०,००० पासुन किंमत आहे.

दोन वांगी, एक राजम्याचं पाकिट, म्यागीचा पास्ता. त्यात राजमे भिजत घालायला विसरलो आहे. सुदैवाने म्यागी आहे. उद्या वांग्याची थालीपीटं होतील. रैवारी दिव्यांच्या अवसेला आणलेला आम्रखंडाचा डबा फ्रीझर मध्ये आहे. आता तो संपवायचा म्हणजे उगाच मूठभर मास चढल्यासारखं वाटतं. बरं या आठवड्यात कोणी मित्रमंडळ पण येणार नाहीये. संपवता आला असता. सध्या व्हॅक्क्यूम क्लीनरच्या शोधात आहे. बघू कस्काय जमतोय तो.

कॅप्टन कूक मीठ एक किलो आणले. टोमॅटोचा भाव विचारला मग पाव किलो हिरवी वांगी आणि भारंगीची फुले घेतली. इंद्रायणी तांदूळ तुकडा 32 रुपये किलो हा भाव बरोबर आहे का? माहिती नसल्याने घेतले नाहीत.

रुंबा नामक अ‍ॅटोमॅटिक फिरणारा वॅक्युम क्लिनर कोणी वापरला आहे काय? उपयोगी आहे का हा प्रकार?

मी वापरलाय. तसा सोयीचा आहे पण कानाकोपर्‍यांमधली धूळ साफ करायला त्याचा फारसा उपयोग नाही. पण मोठी मोकळी जागा असेल तर रूंबा आपले काम व्यवस्थीत करतं. अडीअडचणीला उपयोगी आहे पण रोजचे क्लीनिंग मला तरी नीट नाही जमलं. अर्थात रूंबा मी शेवटचे ट्राय केले त्यालाही आठ दहा वर्षे झाली आहेत. आता त्याचं तंत्रज्ञान अजुन यूज़र फ्रेण्डली झाले असावे अशी आशा आहे.

रुम्बा वापरतिये त्याला तीन वर्षे होत आली. फार्फार मदत करतोय. उदा. पद्मावथी म्हणतेय तसा अगदी कोपर्‍यातला केर काढला जात नाही म्हणून तेवढे झाडून घ्यायचे, म्हणजे मध्ये आणून ठेवायचे. जी खोली साफ करून हविये त्यातील वायरी, अध्येमध्ये पडलेल्या वस्तू उचलायच्या. जसे, मुलांची खेळणी, बॉल्स वगैरे. व्हर्चुअल वॉल स्विच ऑन करून ठेवायची म्हणजे त्यापुढे तो जात नाही. त्याचे डॉकिंग स्टेशन त्या खोलीतच नेऊन ठेवायचे म्हणजे डिस्चार्ज होण्याची वेळ येतात आपला आपण चार्ज होईल व आपण बाहेर जायचे असल्यात चालेल. स्वच्छतेसाठी त्यात पर्याय उपलब्ध आहेत. उदा. स्पॉट क्लिनिंग, अठवड्याचे वार, वेळेनुसार सफाई करणे. जे मी करत नाही. एकदा तो बेडखाली जाऊन अडकला व सूचना देऊन गप्प बसला. मी घरात नव्हते. काही नुकसान झाले नाही. काल एक कॉर्ड उचलायला विसरले तर त्यात गुंतून पडला. आणखी एक प्रकार म्हणजे गालीच्यावर जर खूप गडद रंग असेल तर त्याला तो टाळून जायला बघतो. त्याला ते होल आहे असे वाटते. माझ्याकडील गालिच्यावर जिथे काळे त्रिकोण आहेत ते काही दिवसांनी मळाकट दिसू लागले. तेवढेच हँडी क्लिनरने साफ करावे लागतात. एका मैत्रिणीला तिचा गडद गालिचा बदलावा लागला. माझ्याकडील मॉडेल नव्यातले नाही. यंत्राखाली ब्रिसल्स आहेत व एक रबरी रोटर आहे. यंत्राच्या सर्कम्फरन्सला एक ब्रश आहे. नव्या सिरीजचा मैत्रिणीने घेतल्यावर पाहिला त्याला ब्रिसल्स नाहीतच. दोन रबरी रोटर्स आहेत. त्यात केस अडकत नाहीत. माझ्याकडील रुम्बाचे ब्रिसल्स दर वापरानंतर साफ करावे लागतात. पण मला या यंत्राचा खूप उपयोग होतो. पूर्वी मी त्याच्या मागेमागे जाऊन सफाई करतोय का हे पहात असे. कालांतराने लक्षात आलेय की तो आपल्याला वाटतो त्यापेक्षा जास्तवेळ फिरवावा लागतो. मग व्हर्च्युअल वॉल लावून दुर्लक्ष करते. रुम्बाचे केर काढण्याचे काम होताच आपण मॉप करून घेतल्यास झटकन काम होते. पण रुम्बाचा जमीन पुसणारा प्रकार आहे तोही मैत्रिण वापरते. तिला आवडलाय. घरात कमी सामान असल्यास खूप सोयिचे पडते.

इंद्रायणी भात मऊ चिकटपणा आणि चवीसाठी लोकप्रिय आहे. घमघमाटासाठी नव्हे. त्याचा वास तसा मंदच असतो. वर चर्चेत बहुधा एकाच पट्ट्यात होणार्या जिरगा, घनसाळ आणि इंद्रायणी यांविषयक मिसळण झालेली दिसते.