मिपावर अजून काय हवे?

मिपाचा वाढदिवस (आठवडा) सुरु आहे, तेव्हा मागायला लाजू नका ;) शक्य असेल तर मिपा आवर्जून हे बद्दल करेल याची खात्री आहे म्हणून धागा टाकला आहे, तुम्ही हि सामील व्हा... व आपल्या मागण्या येथे द्या ;)

व्हेरिफाईड सदस्य म्हणजे? तसं करण्याचे फायदे काय आहेत?

मिपाच्या मुख्य पानावर अभिप्राय द्यायची सोया आहे त्यामुळे या धाग्याचे वेगळे काय प्रयोजन आहे ? बाकी मिपा मालक समर्थ आणि सदैव अभिप्रायासाठी उपलब्ध आहेतच

अनेक वर्षे वाचक आणि नंतर सदस्य असा माझा मिसळपाव वरचा प्रवास आहे, तरी अजूनही लेखक होऊन धागा लिहीण्याचा टप्पा पार केलेला नाही, असो. :) हे संस्थळ अनेक वर्षे उत्तमरीत्या चालू आहे, त्याबद्दल प्रथम मालक/चालक/वाहक सगळ्यांचेच आभार. नाहीतर अचानक उगवणारी आणि गायब होणारी किंवा अगदी चालू अवस्थेतून अचानक गायब झालेली उदाहरणे देखील आहेत. त्यामुळे सुधारणा होणे चांगले असले तरी मालकांनी बदल करणार नाही पण संस्थळ मात्र चालू राहील असे सांगीतले तरी आनंदच होईल.

महत्वाचे मुद्दे मांडलेत

मिपासर्चबद्दल - गुगलवर अवलंबून राहाण्यापेक्षा एक टॅग्ज आधारित लिस्ट दाखवता येऊ शकेल. लेखक जे काही टॅग्ज देतात त्याशिवाय एक रेडिमेड ड्रॅापडाउन मेनू करायचा आणि त्यातले निवडण्याचे आवश्यक करायचे. सर्चमध्ये ते टॅग्ज दाखवले की फक्त एक निवडायचा, काही शब्दवगैरे लिहायचे नाहीत. आणि एकदा पाचसहा जणांनी सर्व लेखांना योग्य टॅग्ज दिले की झाले काम. ही पद्धत आणल्यावर मात्र पुढचे लेख सिद्ध केलेल्या टॅग्जमधून एकतरी निवडल्याशिवाय प्रकाशित होणार नाही असा जॅमर ठेवायचा. डेटाबेसमधून फक्त त्या प्रकारातलेच लेख दाखवले जा

तुम्ही संपादक मंडळात कधी गेलात?

सहज लिहिता येणे सहज फोटो अपलोड करता येणे वरिजनल मेंबर आहे कि नाही याच वेरीफिकेशन होणे हे सगळ जमल म्हणजे मज्जा येईल

उत्तम मुद्दे उपस्थित केलेत त्याबध्दल आभारी आहे. मलाही मि.पा.वर अनेक बदल व्हावेसे वाटतात सध्याचा ईंटरफेस अनेकांना आवडलेला नाही, तरी मला तरी तोच सुटसूटीत वाटतोय. एक तर वर्गवार विभागणी असल्यामुळे आपल्याला हव्या त्याच विभागात चटकन जाता येत. जुना ईंटरफेस ज्यात सगळे धागे एकाखाली एक स्वरुपात दिसायचे त्यामधे अडचण अशी होती कि समजा कोणी खरोखरच दोनशे कविता टाकल्यातर ( ;-) )अनेक धागे कारण नसताना खाली जातील. तेव्हा आता आहे हाच ईंटरफेस कायम रहावा असे वाटते. मायबोलीवर आहे तश्या किमान तीन सुविधा मि.पा.वर हव्यात असे माझे मत आहे. १ ) धागा शोधण्याची सोय, हि फारच आवश्यक आहे. २ ) एखादा धागा आवडला तर तो व्हॉटसअ‍ॅपवर थेट शेअर करणारे बटन. ३ ) तिसरी सोय म्हणजे फोटो अपलोडींग. अनेक नव्याने लिहीणार्‍यांना हिच फार मोठी अडचण होते. अगदी मलासुध्दा हिच अडचण जाणवली होती, म्हणून बराच काळ लिहिण्याचे थांबविले होते. ४ ) फोटो प्रत्येकवेळी अल्बमवरुन लोड करणे त्रासदायक होते. मायबोलीवर थेट हार्ड डिस्कवरचे फोटो लोड करण्याची सोय आहे. खरेतर एखादी एच.टी.एम.एल. फाईलमधले कंटेंट आहे तसे पेस्ट करण्याची सोय आहे. माझ्यासारख्या भटकंतीचे धागे लिहीणार्‍याला या फोटो अपलोड करण्याच्या गैरसोयीमुळे फार वेळ जातो. या प्रकारामुळे मी माझे धागे आधी ब्लॉगवर लिहून ठेवले आहेत, पण धागा टाकताना फोटो अपलोडींगमधे वेळ जातोच. यावर काही उपाय निघाला तर फारच बरे होईल. ५) एखाद्याचा आय्,डी.काही कारणाने थेट उडण्यापेक्षा त्याला आधी वॉर्निंग देण्यात आले तर बरेच होईल. निदान ती व्य्क्ती शक्य झाल्यास सुधारणा करेल. अर्थात सुधारणा दिसली नाही तर कारवाई आहेच. ६ ) आय.डी. व्हेरीफाईड करुन घ्यावा याच्याशी सहमत. या अश्याच चर्चा आम्ही फक्त मि.पा.कर असलेल्या "मिळून मिसळून" या टेलिग्राम ग्रुपवर करीत असतो. त्या चर्चेतून ज्या सुधारणा मला व्हाव्या असे वाटले त्या लिहील्या.

अॅपचा मुद्दा पटला! २०१४ नंतर या अॅपमधे काहीच बदल झालेले नाहीत.याअॅपमधे नोटीफिकेशनचीही सोय हवी.म्हणजे कोण प्रतिसाद देतंय तेही कळेल.मुख्य म्हणजे उपप्रतिसाद वेळेत देता येईल.

फोटोंसाठी फेसबुकचा एक क्लोझ्ट ग्रुप बनवावा आणि तिथे आपल्या आइडीनावाला मिपाकर आडनाव लावून( उदा माझे kanjoos mipakar) लॅागिन व्हावे म्हणजे हा कोण हे कळायला सोपे जाईल. तिथे फोटो अपलोड करावा. तिथून इथे सहज आणता येतो. ज्यांना खरी ओळख लपवायची असेल तेही साध्य होईल. फेसबुकच्या मोठ्य सर्वरचा उपयोग करून घेता येईल.

नोटीफिकेशनचीही सोय आपोआपच होईल. असे हे समांतर मिपा करण्याचा/चालवण्याचा उद्देश नाही परंतू काही प्रश्न लगेच सुटतील. एक वेगळे फेसबुक अकाउंट उघडावे लागेल इतकेच. तेसुद्धा वेगळ्या ब्राउजरात ठेवले तर तेही चालू राहील एकाचवेळी. मोबाइलचा स्क्रीन लॅाक असतोच. लॅागआउट करायचेच नाही.

वरच्या काळ्या पट्टीत ठळक अक्षरात "मिसळपाव" लिहीलंय ते काढलं तर फार बरं होईल. ऑफिसमधे दुरुनसुद्धा कोणालाही ते वाचता येतं. हे काय बघतेयस असं विचारलं तर मिसळपावची रेसिपी बघतेय हे कारण सांगुन कलिग्ज लोकांना टोलवलंय.

मुळ लेखातील मुद्दा क्रं. दोन बाबत काही करता आले तर पाहा. प्रतिसाद दुसर्‍या पानावर गेल्यास नवीन प्रतिसाद शोधणे अतिशय कठिण होऊन जाते.

पहिली गोष्ट म्हणजे मिपा फारच स्लो आणि बेभरवशाची आहे. दुसरी गोष्ट म्हणजे साधायचा लेआउट मध्ये लेख "डिस्कवर" करणे मुश्किल जाते. नवीन पांच लेख आले कि सहावा गायब होतो. माझ्या मते जुना लेआऊट चांगला होता. पाहिजे तर तिथे "pinned" पोस्ट चा कन्सेप्ट आणावा पण सध्याचे मुखपृष्ठ अतिशय वाईट आहे.

फक्त एक दिवस मला मिपाचा मालक करा,बघा कसा विकास करतो ते.

हे सगळे मी मराठीवर लागू केले होते का?

मला विचाराल तर मिपा वापरायला सर्वात सोपे व सुटसुटीत आहे. बाकी ठीकाणी तर माठ डोकच काम नाही करत.

मला विचाराल तर मिपा वापरायला सर्वात सोपे व सुटसुटीत आहे. बाकी ठीकाणी तर माझं डोकच काम नाही करत.

सगळ्या मागण्यांना +१! फक्त ८ क्रमांक बॅकस्पेस बद्दल माझा अनुभव असा की हा प्रॉब्लेम क्रोम ब्राउझरातच येतो. फायरफॉक्सला हा प्रॉब्लेम नाही. एकूण गमभन आणि अपडेटेड क्रोम ब्राउझरचे काहीतरी वाकडे आहे. अँड्रॉईड मोबाईल क्रोमचे तर अगदीच!

आपण सगळे मिपाकडून एवढ्या अपेक्षा करतोय पण मिपा हा मोफत चालणारा उपक्रम आहे याचा विसर पडू नये. माबोसारख्या मिपानंदेखील जाहिराती स्विकाराव्यात का? यामुळे अपेक्षित सोयींसाठी आवश्यक निधी मिळेल.

आपल्या प्रतिसादाला कोणी रिप्लाय केला की आपल्याला नोटोफिकेशन आले तर बरे होईल. यातल्या तांत्रिक बाबी माहित नाहीत पण https://www.discourse.org या फोरम सॉफ्टवेअर चा उपयोग होईल का?