का केली पेट्रोल व डिझेलची दरकपात ?

म
मार्मिक गोडसे
🗣 60 प्रतिसाद
२०१४ पासून जागतिक बाजारात कच्च्या तेलाचे भाव सतत घसरत असताना सरकारने वेळोवेळी एक्साईज ड्युटी वाढवून देशातील पेट्रोल व डिझेलचे भाव चढेच ठेवले. देशाच्या विकास कामासाठी हा ज्यादा महसूल वापरला जाईल असं जनतेला सांगितलं गेलं, समजदार जनता सरकारच्या पाठीशी भक्कमपणे उभी राहिली. गेल्या तीन वर्षात कधीही पेट्रोल डिझेल भाववाढीच्या विरोधात देशात कुठेही मोर्चे निघाले नाहीत, किंवा कोणाचेही बजेट कोसळले नाही. पूर्वी पेट्रोलचे ५० पैसे जरी वाढले की लगेच महागाईचा भडका होत असे, तसा महागाईचा भडका गेल्या तीन वर्षात झाला नाही. हां, देशाचा GDP थोडासा घटला, पण तसा तो अनेकवेळा मागील सरकारच्या काळातही घटला होता. सगळं काही आलबेल असताना अचानक दोन दिवसापूर्वी कच्च्या तेलावरील एक्साईज ड्युटी २ रुपयांनी कमी करून सरकारने जनतेला संभ्रमात टाकले. काय अर्थ काढायचा जनतेने ह्या दरकपातीचा ? अशी दरकपातीची मागणी कोणत्याही 'देशप्रेमी'जनतेने केली नव्हती. गेल्या तीन वर्षात कोणीच गरीब राहिले नव्हते, त्यामुळे पेट्रोल डिझेलच्या दरकपातीची मागणी कोणी करेल अशीही शक्यता नव्हती. विकासकामे जोरात चालू होती, त्यामुळे बेरोजगारीही शून्यावर आली होती. भविष्यात अजून मोठे प्रकल्प राबविण्यासाठी पैसे लागणार , ८ नोव्हेंबरला एका मोठ्या योजनेच्या वर्धापनदिन साजरा करण्यासाठी पैसे लागणार आहेत. कुठून आणणार सरकार ह्यासाठी पैसा?
15317 वाचन
💬 प्रतिसाद (60)
ट
ट्रेड मार्क Fri, 10/13/2017 - 18:26 नवीन
वेलकम बॅक. अमेरिकेत कसं चालू आहे याची बातमी भारतात राहणाऱ्यांनाच जास्त असते. आणि कसं का असेना, आम्ही रडत तरी नाही बसलेलो. बाकी तुमची रेल्वेच्या जमिनीवर अतिक्रमण करून बांधलेली १२०० वर्गफूटांची आणि बाहेर भरपूर मोकळी जागा असणारी झोपडी व्यवस्थित जागेवर आहे ना? बुलेट ट्रेन च्या मार्गात नाही येत ना? या फॅसिस्ट सरकारने जप्त तर नाही ना केली? फुकट मिळणारी वीज आणि पाणी विकायचा धंदा बरा चालला आहे ना? तुम्हालाही पोटभर जेवायला मिळत असेल अशी आशा करतो. सबसिडी वगैरे बंद झाल्याने काही अडचण झाली का?
↩ प्रतिसाद: तर्राट जोकर
श
शब्दबम्बाळ Fri, 10/13/2017 - 21:10 नवीन
अहो इथे प्रतिसाद देताय पण त्या गरिबी निर्देशांकावर बोलला नाहीत परत काही. काय मग वाचलीत का pdf , कि त्यात सोयीचं काही दिसत नाही? असाही "आवाज दाबू नका" हा धागा टीका वाढू लागली की "वाचनमात्र" होऊन गेला. आणि म्हणे कोण रोखतंय टीका करायला? :D
↩ प्रतिसाद: ट्रेड मार्क
ट
ट्रेड मार्क Fri, 10/13/2017 - 22:03 नवीन
मला बाकी पण कामं असतात. पण मुद्दा तुमच्या लक्षातच येत नाहीये तर काय करणार? उगाच वेळ वाया घालवण्यात अर्थ नाही. असाही "आवाज दाबू नका" हा धागा टीका वाढू लागली की "वाचनमात्र" होऊन गेला. आणि म्हणे कोण रोखतंय टीका करायला मोदींवरची टीका वाढू लागली म्हणून म्हणताय? करा की टीका... ना मोदी तुम्हाला विचारत ना बाकी कोणी. बसा ओरडत. बादवे... तजो आणि आमचा जुना ऋणानुबंध आहे म्हणून त्यांचा नंबर पयला.
↩ प्रतिसाद: शब्दबम्बाळ
श
शब्दबम्बाळ Fri, 10/13/2017 - 22:45 नवीन
टीकेला कोणी विचारत नाही तर मग इतका त्रास का होतो म्हणे मग? :P मला कोणी कशाला विचारायला हवंय, तुम्हीच इतके निबंध लिहीत होतात तुमची काम बाजूला ठेऊन म्हणून प्रतिसाद दिलेले! असो!
↩ प्रतिसाद: ट्रेड मार्क
म
मार्मिक गोडसे गुरुवार, 10/12/2017 - 19:01 नवीन
उगी उगी, इतकं फ्रस्ट्रेशन बरं नव्हे. होते कधी कधी आपल्या लाडक्या व्यक्तीकडून चुक.
इ
इरसाल Fri, 10/13/2017 - 08:50 नवीन
साहेब वेळ जात नाहीए का ?
म
मार्मिक गोडसे Fri, 10/13/2017 - 09:00 नवीन
हो. सादर करायचे का तुम्हाला तुमचे विदुषकी चाळे? करा चालू.
↩ प्रतिसाद: इरसाल
इ
इरसाल Fri, 10/13/2017 - 09:13 नवीन
कोण तुम्ही ? मधे का उड्या मारताय. तुमचा पण वेळ जात नाहीए का ?
थ
थॉर माणूस Fri, 10/13/2017 - 20:14 नवीन
कोण तुम्ही ? मधे का उड्या मारताय.
अं, बहुतेक धागा त्यांनीच काढलाय आणि तुमचा प्रतिसाद थेट धाग्याला असल्यामुळे?
↩ प्रतिसाद: इरसाल
म
मराठी कथालेखक Sat, 11/11/2017 - 11:15 नवीन
कोणतेच सरकार १००% बरबाद असू शकत नाही. या लोकांनीही काही चांगली काम केली आहेत पण आम्हीच चांगली काम करतोय आणि मागच्या सरकारांनी घाणच केली होती हे फेकणाऱ्यांचा राग येतो!
अमूक सरकार चांगलं मग त्यांचं सगळंच उत्तम आणि अमूक सरकार वाईट आणि त्यांनी घेतलेले प्रत्येकच निर्णय चुकीचे असं काही नसतं हेच अनेकांना समजत नाही. ह्या एक प्रकारच्या अंधश्रद्धेतून बाहेर पडून कोणत्याही निर्णयाकडे / अंमलबजावणीकडे स्वतंत्रपणे बघता आलं पाहिजे.