भिमा कोरेगाव ला नक्की काय झाले आहे?

हायला खरच की.. ह ह पु वा.

एका लोटांगणाची गोष्ट आज दिवसभर आपल्या पेड मि़डीयाने आपली कामगिरी चोख बजावली. भिडेंची मुलाखत लागोपाठ सगळ्या चॅनेलवर दाखविण्यात आली. त्याच्यावर शूरवीर भिडेंनी दिलेली कबुली ही बरेच काही सांगून जाते. उदयभाऊ निरगुडकरांनी त्यांना विचारले... मी असे ऐकले आहे कि, तुम्ही कधी-कधी बीजेपी वर देखील टिका केली आहे. स्वभावाप्रमाणे सडेतोड आणि चोख उत्तर देणारे भिडे म्हणाले कि, माझ्या आयुष्यात मी बीजेपीवर कधीच टिका केलेली नाही. उदयभाऊ निरगु़डकरांनी पुढचा प्रश्न विचारला मोदी तुमच्याशी खुप आत्मियतेने वागतात. त्यावरती भिडे म्हणाले.. कि, मोदी हा देवाने भारताला दिलेला आशीर्वाद आहे... एवढी दैवी शक्ती असलेला माणूस भारताला पंतप्रधान म्हणून मिळणे हे या देशाचे भाग्य आहे. दुपारी बीजेपी माझाने त्यांची मुलाखत घेतली. आणि तिथून जणूकाही लाईनच लागली. पण, मात्र खमक्या भिडेंनी टिव्ही 9 वर दिलेल्या मुलाखतीमध्ये माईक अँकरच्या तोंडावरच फेकून दिला. उदयभाऊ निरगुडकरांनी भिडेंना विचारले कि, जे बहुजन विचारसरणी मानतात त्या शाहू, फुले, आंबेडकरांवर तुमचा विश्वास आहे का ? त्यानंतर दिलेल्या तीन मिनिटांच्या उत्तरामध्ये त्यांनी शाहू, फुले, आंबेडकर यांचे नावही घेणे टाळले. याच्यावरुन तुम्हांला जे काही समजायचे ते समजा.... त्यानंतर टिव्ही 9 ने परमपुज्य भि़डे गुरुजींना धरले. कारण एबीपी माझाने मुलाखत घेतल्यानंतर सगळ्यांनी मुलाखत घेणं आणि या-ना-त्या प्रकाराने उभ्या महाराष्ट्राला ते किती प्रामाणिक आहेत याची जाणीव करुन देणं हे आता टिव्ही चॅनेलवाल्यांचे परम कर्तव्य झाले आहे. नंतर टिव्ही 9 च्या पत्रकाराने विचारले वढू ॥बु॥ येथे गोविंद गायकवाड अर्थात गोविंद महार यांच्या समाधीची नासधूस करणे योग्य होते का ? त्यावरती सर्वज्ञानी भिडे म्हणाले... कोण गोविंद गायकवाड ? कुठली समाधी ? मला फक्त संभाजी महाराज यांचीच समाधी माहिती आहे. मग दुसरा प्रश्न आला... मराठा आरक्षणा विषयी तुमचे काय मत आहे ? आपल्या समंजस व सर्वांना बरोबर घेऊन जाणा-या भिडे गुरुजींनी आपल्या स्वभावाप्रमाणे सांगितले कि, ह्या प्रश्नाचा काय संबंध. विद्यार्थ्यासारखा बसलेला पत्रकार नंतर विचारतो... तुमच्यावर दंगल भडकविण्याचा आरोप होतोय गुरुजी... त्यावरती संत भिडे म्हणाले असे आरोप तर देव देवतांवर झालेत, कृष्णावरही झालेत... नंतरचा प्रश्न मग ह्या सरकारविषयी तुमचे काय मत आहे ? तर त्यावर भिडे गुरुजी म्हणाले... नरेंद्र मोदींच्या रुपाने देवत्वांचे अंश असलेले सरकार 70 वर्षांनी आले आहे हे आपले भाग्य आहे आणि या देशाची दैववभूमी तेच करतील असा मला विश्वास आहे. पत्रकाराला रहावले नाही. त्याच्यामधला पत्रकार जागा झाला. आणि त्याने त्वरीत विचारले कोरेगाव भिमा येथे जे घडले ते ? त्यावरती संतापलेले कृष्णरुपी भिडे म्हणाले तुम्ही काहीही प्रश्न विचारता. आणि माईक तोडून ते निघून गेले. धन्य ! धन्य !! धन्य !!! त्याच्या आधी सकाळी शिवछत्रपतींचे वंशज उदयनराजे यांची भल्या पहाटे एबीपी माझाने मुलाखत घेतली. उदयनराजेंनी भलतीच माहिती महाराष्ट्रासमोर आणली. उदयनराजे म्हणाले... माझे गुरुजी भिडे गुरुजी हे पी.एच.डी. इन मॅथेमॅटीक्स आहेत, कालपर्यंत महाराष्ट्राला ते एम.एस.सी. अ‍ॅस्ट्रोफिजीक्स आहेत, असे सांगितले जात होते. त्याच्या अगोदर कुणीतरी त्यांची न्युक्लीअर फिजीक्स मध्ये डीग्री आहे असे सांगितले होते. पण, त्यांनी डिग्री कुठल्या महाविद्यालयातून घेतली याचा थांगपत्ता कुणालाही नाही. जसे ह्या दंगलीची सरकारने न्यायालयीन चौकशी होणार आहे असे सांगितले आहे. त्याप्रमाणे परमपुज्य भिडे गुरुजींच्या डिग्रीबाबत देखील सरकारने असा शोध घ्यावा असे सांगावे लागेल. पण, यामध्ये साम्य एवढेच दिसत आहे कि सगळ्यांशी नाते असलेली ही माणसे म्हणजे नरेंद्र मोदी, स्मृती इराणी, भिडे गुरुजी यांच्या डिग्र्या शोधण्यातच भारताची पुढील 2 वर्षे वाया जातील. “चकवा देण्यात यकदम भारी लोक आहेत ही”. प्रश्न विचारणारे जणू काही आपल्यासमोर आपल्याला लहानपणी शिकवणारे शिक्षकच बसले आहेत इतक्या आदबीने प्रश्न विचारत होते. आणि आपण जर चुकलो तर आपल्याला शिक्षक ओरडतील इतके भय त्यांच्या चेह –यावर दिसत होते. ह्या तिनही मुलाखती बघितल्यानंतर एका भित्र्या इसमाला वाचविण्यासाठी सगळ्यांची कशी धावपळ सुरु आहे असेच दिसते. अचानक अख्ख्या दिवसभरात Plan केल्याप्रमाणे सकाळपासून रात्रभर भिडेच दिसत होते. जणूकाही भारतामध्ये दुसरा काही विषयच राहिलेला नाही. भिडे मूळचे कुठले ? त्यांनी केले काय ? याबद्दल आता कुणीच बोलायला तयार नाही. भिडे कुठल्या गावातून आले ? त्यांचा संघाशी काय संबंध होता ? त्यांनी संघात किती वर्ष काम केले ? ते कुठे प्रचारक होते ? याबद्दल कुणी आता अवाक्षरही बोलायला तयार नाही. जणू काही भिडेंचा आणि आपला संबंध दाखवला तर आपण Expose होऊ या भितीने आता सगळेच लांब पळत आहेत. आणि भिडे हे कसे आता या महाराष्ट्राला मिळालेला आशीर्वाद आहे हे पटवून देण्यासाठी संतश्रेष्ठ राजीव खांडेकर, लोकप्रिय उदयभाऊ निरगु़डकर आणि टिव्ही 9 चे केविलवाणे पत्रकार यांच्यात स्पर्धाच लागली होती. हेच जर दुस-या बरोबर झाले असते तर त्याचा पूर्व इतिहास, त्याचे चारीत्र्य ह्याच एबीपी माझा, टिव्ही 9, आयबीएन लोकमत या चॅनेलवाल्यांनी खरडून काढले असते. पण, महाराष्ट्राला संभ्रमात ठेऊन आपले लाडके माननीय संभाजीराव भिडे यांना वाचवता कसे येईल यासाठी काटोकाट प्रयत्न ते दिवसभर करीत होते. अर्थात त्यांना यश मिळेल याबाबत कोणालाही शंक असण्याचे कारण नाही. कारण, जे मोदी बोलतायेत... तेच भिडे बोलत आहेत. 70 वर्षात या देशाला दिले काय ? ते अजाणतेपणाने आपली निष्ठा कोणाच्या चरणी आहे हे ही सांगून टाकतात. मी बीजेपी वर कधीच टिका केलेली नाही. राष्ट्रप्रेमासाठी, हिंदुत्वासाठीच माझे जीवन आहे. आणि मी जे काही करीन ते फक्त बीजेपी साठीच, इथल्या समाजामध्ये दुफळी माजविण्यासाठीच हेच त्यांच्या प्रत्येक वाक्यातून अधोरेखीत होत होते. अरे बहुजनांनो जागे व्हा... हे जर खोट वाटत असेल तर त्यांनी दिलेल्या तिनही मुलाखती व्यवस्थितपणे बघा. मराठा आरक्षणाविषयी माझा काय संबंध... हेच म्हणणारे भिडे गुरुजी. शाहू, फुले, आंबेडकरांबद्दल विचारल्यावर त्या प्रश्नाला बगल देऊन त्यांचे तोंडात नावही न-घेणारे भिडे गुरुजी... मोदी हा भारताने देवाला दिलेला आशीर्वाद आहे असे म्हणणारे भिडे गुरुजी... बीजेपी वर मी कधीही आयुष्यात टिका केली नाही असे म्हणणारे भिडे गुरुजी... गोविंद महाराची समाधी कुठे आहे ? कोण गोविंद महार ? असे विचारणारे भिडे गुरुजी. स्वत:ची तुलना कृष्णाशी करणारे भिडे गुरुजी. आणि कोरेगाव भिमा बद्दल विचारल्यावर चिडणारे भिडे गुरुजी... कारण, सत्य लपविणे आणि असत्य सांगणे हाच त्यांचा धर्म आहे. आणि आपल्यातलेच काही आयते त्यांच्या तावडीत सापडत आहेत. महाराजांच्या चरणी एवढीच विनंती... महाराज पुन्हा एकदा जन्माला या... आणि इथे जातीयतेचे विष तुमच्या नावाने पेरणा-यांचे हात कलम करुन टाका, धड, शिर वेगळे करा... कारण तुम्ही जो महाराष्ट्र घडवला जो या भिडेंनी बिघडवला... अर्थात, इतकी चर्चा करण्याएवढे ते महानही नाहीत. पण, एका वढू ॥बु.॥ ला कोरेगाव भिमा ला त्यांच्या कटकारस्थानामुळे उभा महाराष्ट्र द्वेषाच्या राजकारणाचे दाह सोसतोय. या त्यांनी केलेल्या पापाची आठवण महाराष्ट्राला अनेक वर्षे असेल. कोणिही किती ही म्हटले तरी झालेल्या जखमा भरुन यायला खुप वेळ लागेल. यात महाराष्ट्राचे झालेले अपरिमित नुकसान कधीच भरुन येणार नाही. त्यांच्या चरणी निष्ठा वाहिलेल्यांना ते कधी कळणार नाही. धन्य आहे एबीपी माझा ! धन्य आहे आयबीएन लोकमत ! आणि मात्र टिव्ही 9 ची किव येते. *Received WhatsApp

मला वाटल तुम्ही गुजरात मधून महाराष्ट्रात मेवा खायला आलेल्यन्बद्दल बोलताय. जरा आश्चर्य वाटल होत. मला तर वाटलं ते यडपट पप्पूबद्दल बोलताहेत.