तुही रास कंची?

यातील काही व्यक्तींच्या जन्मरास व सूर्यरास ही जोडी रोचक आहे.

साधारणपणे कर्क, कन्या, तूळ, मीन या राशी सौम्य समजल्या जातात. मनमोहनसिंग व लता मंगेशकर या दोघांचीही जन्मरास कर्क व सूर्यरास कन्या. हे दोघेही सौम्य स्वभावाचे, वादविवादात न पडणारे, आक्रमकतेचा अभाव, आपल्या क्षेत्रात उच्च पातळीवर गेलेले आहेत. त्यांची वेशभूषा सुद्धा ठराविक असायची (लता मंगेशकर श्वेत साडी व मनमोहन सिंग आकाशी पगडी). 

संजय राऊत हे एकदम भीतिदायक व्यक्तिमत्व. जन्मरास मकर (दीर्घोद्योगी, कष्टाळू व सातत्यता) आणि सूर्यरास वृश्चिक (आक्रमक, सूडबुद्धी, नांगी मारणे, निर्भय) ही दोन्ही राशींची वैशिष्ट्ये दिसतात.

साधारणपणे गुरू राशीस्वामी असलेले (धनू व मीन रास) उत्तम अनुयायी, सभ्य व संघ खेळाडू असतात, परंतु नेतृत्व कौशल्य तितकेसे नसते. राहुल द्रविड (जन्मरास मीन व सूर्यरास धनू) हा उत्तम संघभावना असलेला, वादांपासून दूर राहणारा  उत्कृष्ट फलंदाज, परंतु कर्णधार म्हणून तो फारसा यशस्वी नव्हता. धनू जन्मरास असलेला सचिन सुद्धा उत्कृष्ट खेळाडू असूनही कर्णधार म्हणून तितकासा यशस्वी नव्हता.

डोनाल्ड ट्रंप (वृश्चिक जन्मरास व वृषभ सूर्यरास) हे राशींना अनुसरून सूडबुद्धी, परिणामांची पर्वा न करता थेट कृती करणारे आहेत. वृषभ रास परिणामांची पर्वा न करता थेट कृती करणारी असते. सेहवाग आणि गांगुली हे वृषभ जन्मरास असलेले धडाकेबाज फलंदाज म्हणून प्रसिद्ध होते. 

शरद पवार (मेष जन्मरास व वृश्चिक सूर्यरास) यांच्यासाठी या दोन्ही राशी मंगळाच्या आहेत. सूडबुद्धी, नेतृत्वगुण हे प्रकर्षाने दिसतात.