हेच म्हणतो. लेखमाला अतिशय उत्तम सुरु आहे.

आणि ते पाँझी / पिरॅमिड स्कीम वाले यांनीही बाजार उठवलाय नुसता.. :) जपानी गादी आठवली विजूभाऊंची..! लेख अतिशय उत्तम..

सुतारकामाशी काडीचाही संबंध नसल्याने ती यादी समजून घेतांना आणि मराठीत लिहिता लिहिता बोबडी वळली. उगाच गोंधळ नको म्ह्णून काही साहित्य जसंच्या तसं इंग्रजीतच लिहीलं.

सहमत.

-१७०० मैल (सुमारे २७०० किलोमीटर) निव्वळ नदीतून प्रवास हा फार मोठा पल्ला वाटतो. २७०० किलोमीटर अंतर पार करण्यासाठी हाताने बनवलेल्या छोट्या लाकडी होड्या ? जवळजवळ तीनहजार किलोमीटर अंतर अशा छोट्या बोटीने वल्हवत जात होते? छायाचित्रात बोटीला इंजिन वगैरे दिसत नाहीये.

तपशील लिहीतांना गडबड झाली थोडी. थोडं सविस्तर लिहायला हवं होतं. हो, हा फारच लांब पल्ला होता. खरं आहे. सिअ‍ॅटलवरून सेंट मायकल बंदर हा प्रवास मोठ्या जहाजातून होत असे. नंतर युकान नदी बेरींग समुद्राला जिथे मिळते त्या चिंचोळ्या पट्टीतून मोठी जहाजं जाणं अशक्य होतं. त्यामुळे या प्रवासाकरीता छोट्या आगबोटी असत. या अशा - सोन्याच्या शोधासाठी या भागात येण्यार्‍या लोकसंख्येला या आगबोटी अपुर्‍या होत्या. त्यातच बर्‍याच लोकांना पुढचा प्रवास वेगळया, छोट्या आगबोटींनी करायचा आहे याची कल्पना नव्ह्ती. जे लोकं वेळेत सेंट मायकल बंदरात पोहोचले आणि ज्यांनी अशा आगबोटीत आधीच जागा राखून ठेवली होती त्यांचा प्रश्न नव्हता पण ज्यांना आगबोटीत जागा मिळाली नाही त्यांनी वर चित्रात दिसत आहेत तशा छोट्या शिडाच्या नावा बांधायला सुरवात केली. या अशा -

-सामानाची यादी पाहता प्रत्येक व्यक्तीसोबतचे वजन टनापेक्षा जास्त असावे. स्वतःच्या वजनाच्या दसपटीपेक्षा जास्त वजन आणि आकारमान वाहून नेणं हे मोठ्या बोटीने पहिल्या बंदरापर्यंत समजण्यासारखं आहे, पण त्यापुढे इतकं वजन घेऊन प्रवास करायचा तर प्रतिमाणशी पाच माणसे हा बोजा उचलायलाच लागली असणार. (पाच माणसे बोजा वहायला वापरली तर प्रतिमाणशी आवश्यक वस्तूंचं गणित बिघडणार. दाखवलेल्या लाकडी होडक्यांमधे यादीत निर्दिष्ट केलेल्या सामानासहित एक मनुष्य बसला तरी फार झालं असं वाटतं आहे.

हो हे खर आहे. याबाबत सविस्तर पुढ्च्या लेखात येईलच. इथे थोडक्यात लिहीते. बर्‍याच जणांनी सेंट मायकल बंदरात उतरल्यावर स्थानिक लोकांना सामान वहाण्याच्या कामगिरीवर ठेवलं. त्यातून बर्‍याच जाणांनी सोनं मिळवण्याच्या गर्दीत न धावताही बक्क्ळ पैसा जमा केला. पुढ्च्या भागांमधे येईलच सविस्तर. तुमचे पुनःश्च धन्यवाद. जे मुद्दे लिहितांना निसटून गेले ते तुमच्या प्रतिसादाच्या निमित्ताने सविस्तर लिहिता आले.