नॉनव्हेजवाले जे वार पाळतात त्यात बहुतेकदा सोमवार, मंगळवार, गुरुवार अन शनिवार पाळणारे पाहिलेत. बाकी मी कुठलाही वार पाळत नाही. मूड असेल त्या दिवशी निवांत दाबतो. मग तो श्रावण असूदे नैतर कुठला सणाचा दिवस असूदे.

हो. नॉनव्हेज खाताखाता कोणीतरी आज कोणता वार आहे रे? असं विचारलंच तर मोबाईलमधे किंवा भिंतीवर कॅलेंडर असल्यास त्यात वार बघतो आणि सांगतो. पण असा योगायोग क्वचित घडतो.

हा काथ्याकुट करून काय निष्पन्न होईल?

हो मी तरी पाळतो. लहानपणीपासून तेच पहात आलोय, आता कितीही वाटलं वार पाळू नयेत तरी मन धजावत नाही

घरी सर्व वारी साधू .. घराबाहेर सदैव संधीसाधू

माझा माहितीत खुप लोक सोमवार व शनिवार नॉनव्हेज खात नाहीत. अम्ही सगळेच वार पाळतो. ;) शुद्ध शाकाहारी असल्याने.

हो, आमच्याकडेही फक्त बुधवारी आणि रविवारी नॉन-व्हेज खातात. (लहानपणीपासून तेच पहात आलोय, आता कितीही वाटलं वार पाळू नयेत तरी मन धजावत नाही..)+१

रोज जवळजवळ ४.७कोटी देव (३३कोटी ७ दिवसात समान विभागून) आपल्यावर पाळत ठेवत असल्यामुळे मन धजावत नाही.. त्यामुळे सगळे वार पाळतो.. म्हणून शाकाहारी आहे..

मी १५ वर्षांपूर्वी सोडलय. त्यापूर्वी कधीच वार पाळले नाहीत.

घरी असताना पाळतो. (सोमवार, शनिवार). ट्रिपला गेलो की इल्ला.. कालच दणकुन माकुळ खाल्लेला (सौंदाळा)

मध्यंतरी अपर्णा ला छळले होते यावरून ...मुळात कॅलेंडर बघताना शनीवार हा शनीवार नसुन सॅटरडे असतो ...कारण कॅलेण्डर ईन्ग्लीश ...मग पाळून काय उपयोग ...;) असो ...मासे खाताना अजिबात वार बघु नयेत असे आमचे स्पष्ट मत आहे ;)

आम्ही मांजर पाळतो.

आम्ही सोमवार, शनिवार, बुधवार, मंगळवार, रविवार, शुक्रवार व गुरूवार या वारी अभक्ष्य भक्षण करत नाही. इतर सर्व दिवशी करतो. %)

खायचो तेव्हा पाळायचो नाही. बुधवारी रात्री ११.४५ पर्यंत घड्याळात बघून बकाबका चिकन मटण खाणारे पाहिलेत. जठरात पोचेस्तोवर गुरुवार उजाडणार च्यायला. अर्थात जमत असेल तर पाळावा. किमान आठवड्यातले २-४ दिवस आवडींबाबत संयम पाळायला शिकतो माणूस. एक बाश्शा ऑडिटर मला रोजच नॉन्व्हेज देत नाहीत म्हणून आमच्या अ‍ॅड्मिन वर कावला होता. असं बघितलं की माणसानं अन्न खावं की अन्न माणसाला खातंय तेच कळत नाही.

दूध आणि ब्रॉयलरची अंडी ही प्राणिज. पण प्राण्याला मारून मिळालेली नव्हेत. तशी शाकाहारी तर अजिबात नव्हेत. मग उपासाला दूध आणि तूप कसं चालतं? आमच्या घरात किती प्रकार आहेत सांगू? मी स्वतः दूध आणि अंडी खाते. मासे/मांस नाही. अर्थात दूध आणि अंडी खाताना वार बघत नाहीच. सासूबाई आणि नवरा मासे खातात, सोमवार, गुरुवार आणि शनिवार सोडून इतर दिवशी. ते दोघे इतर मांस खात नाहीत. मुलं आणी सासरे मासे आणि चिकन सुद्धा खातात. मटण खात नाहीत. वार अर्थातच बघत नाहीत. दीर जाऊ आणि पुतण्या मासे, चिकन आणि बोकडाचं मटणसुद्धा खातात. पण डुक्कर्/बीफ खात नाहीत. ते पण सोमवार, गुरुवार, शनिवार, पंचमी वगैरे सगळे व्यवस्थित पाहून इतर वेळी हे सगळं खातात. एकाच घरात किती प्रकार बघा!

रैवार खंडोबाचा म्हणून. बाकी श्रावण ;)

हो, दिपक भो, ह्या विदेचा वापर तुम्ही मिपावर तुमच्या रेशिपी टाकण्याकरिता वापरणार आहात का.

घरी मांसाहार वर्ज्य असल्याने घरी सगळेच वार पाळले जातात. त्यामुळे बाहेर खायला मिळते तेव्हा वार बघत नाही. सणवार असेल तर मुद्दामून बाहेर नॉनव्हेज खात नाही.

मला बारा महिने २४ तास…नॉन वेज चालते …US मध्ये असलो कि Beaf ।पोर्क सोडत नाही … पूर्ण वर्ष्यात फक्त महाशिवरात्रीला नाही खात …एतर दिवशी खावो दबा के …करन अन्ना महाराज सांगून गेले आहेत We must love animals…because they are so tasty.. :P

खात होतो तेव्हा तसंही आमच्या घरात तीन चार महिन्यातनं एकदा नॉन-व्हेज असायचं. तेही नॉन्-व्हेजची सगळी भांडी वेगळी. ते खाल्ल्यानंतर घरातल्या रोजच्या वापरातल्या ग्लासातनं पाणी प्यायलं तर त्याला तोंड लावायचं नाही. चुकून लावलंच तर ते ताबडतोब घासायला टाकायचं. खात असताना काही हवं असेल तर आपण उठून घ्यायला स्वयंपाकघरात जायचं नाही. जे काही हवं पानापाशी मिळेल. असे सगळे सोपस्कार असायचे. खाणं बंद केलं त्यानंतर सगळंच बंद. अंडंच काय अंड्याचा केकही नाही. :D

नॉनव्हेज बंद केल्यामुळे वार पाहायची वेळ येत नाही..

आम्हाला या काथ्याकुटाचा काही उपयोग नाही. ;)

एक्दा होटेलात जैन मित्रा सोबत गेलो होतो तेवा त्याच्या जैन ओर्डर बरोबर माझी अन्डाकरिपण जैन ( कान्दा - लसुण न टाकता) आणली , ( अन्ड जमिनिवर येत अस त्या वेटरच लोजिक)

माझे बाबा आजारी असताना चार दिवस रहायला आले होते, घरी गेल्यावर आईला म्हणाले, पोरीला वारही कळत नाहीसे झालेत रोज सकाळी कांदा- लसणीचे घमघमाट घरात! आमच्याकडे माहेरी कांदा लसूण ठराविक वारीच वापरला जायचा. कच्चा कांदा दिवसा नाही. नॉनव्हेज न खाण्याचे सगळे वार अजूनही पाळते, त्यात अंडेही येते!

घराबाहेर असलो तर कधीपण खातो. सणावाराला गोड आवडतं त्यामुळे ऑपोऑप णॉण्व्हेज होत नाही नेहमीच्या हाटीलवाल्याला विचारावे काय वारानुसार विक्री कमी जास्त होते का काही. वाईड रेंज कव्हर होईल.

मुळात आम्ही नॉन व्हेज खाणेच रूढी मान्य नाही. त्यामुळे एकदा रूढी मोडलीच की मग सोमवार काय आणि गुरुवार काय !!!! :D

कोणताही भेदभाव पसंत नसल्याने सण / वार ई. अजिबात पाळत नाही. पण हो बार पाळतो ;-)

सोमवार, मंगळवार, बुधवार, गुरुवार, शुक्रवार, शनिवार आणि रविवार सोडून इतर दिवशी नॉनव्हेजला शिवतसुध्दा नाही. ;) खरं सांगू का? मला तर असं वार पाळणं हा शुध्द वेडेपणा वाटतो. अरे, गुरुवार दत्तगुरुंचा वार म्हणून नॉनव्हेज नाही खायचं, अन आदल्या-दुसर्‍या दिवशी काय दत्तगुरु सुट्टीवर असतेत काय? देव काय दिवसांच्या हिशेबानं लक्ष द्यायला पर-अवर रेटवर काम करणारा कॉन्ट्रॅक्टिंग कन्सल्टंट है काय? खुळचटपणा नुसता! मुळात देवादिकांचा आणि मांसाहार न करण्याचा जो संबंध जोडला जातो तोच चुकीचा आहे. (हां, आता श्रध्दावंतांच्या भल्यासाठी केलेली ती योजना आहे हे मान्य आहेच. चयापचय क्रिया, पर्यावरणाची काळजी/समतोल सांभाळणं वगैरे मुद्दे दिवसागणिक बदलणार्‍या 'डाएट प्लॅन'ला तितकेसे लागू पडत नसावेत असा अंदाज!) होमहवनांच्या वेळी बळी देणं, मांसाहाराचं प्रसादरुपानं भक्षण करणं ह्यापासून ते "ईईईईई...आम्ही नॉनव्हेज खाणार्‍यांच्या घरी पाणीसुध्दा पित नाही" पर्यंतच्या ह्या विचारप्रक्रियेच्या संकोचप्रवासाची मला नेहमी मोठी मौज वाटत आली आहे. :)

शाकाहारी असल्याने वारांचा तसा प्रश्न नाही. अंडंही खात नव्हते पण महिन्या दोन महिन्यातून एकदा आजकाल खाते (म्हणजे डोळे बंद करून संपवते). अगदीच उपाशी मरायची वेळ यायला नको म्हणून ती सवय करतीये. मुलासाठी शिजवते पण अनिच्छेनेच! त्यात वार वगैरे पळत नाही. ज्या दिवशी नवरा चिकनची स्किन काढून देईल त्या वारी करते.