कारले कुरकुरे

साहित्य : १. कोवळी कारली - किमान चार २. लाल तिखट - अर्धा चचा ३. गरममसाला - एक मोचा ४. खोबर्‍याचा कीस - तीन मोचे ५. पांढरे तीळ - दोन मोचे ६. फोडणीसाठी तेल - नेहेमीच्या प्रमाणापेक्षा थोडे अधिक, मोहरी, जिरे हिंग, इत्यादी ७. मीठ चवी नुसार ८. साखर - अर्धा चमचा ( आवडत असल्यास. नाही घातली तरी चालेल) ९. लिंबाचा रस (अर्धे लिंबू) कृती: - कारली धुवून त्यांच्या अगदी पातळचकत्या कराव्यात. (त्यातील बिया काडून टाकणे ऐच्छिक आहे) -चकत्यांना थोडे मीठ चोळून त्या किमान अर्धा तास बाजूला ठेवाव्या. अर्ध्या तासाने त्या पिळून कोरड्या कराव्या. - एकाकढाईत खोबर्‍याचा कीस व तीळ भाजून घावेत व बाजूला काढून ठेवावे. - त्याच कढाईत नेहेमी प्रमाणे तेल, मोहरी, जिरे. हिग घालून फोडणी करावी. - फोडणी धुरावल्यावर शेगडीची आंच मंद करून कोरड्या केलेल्या कारल्याच्या चकत्या परतण्यास सुरुवात करावी. - चकत्या थोड्या मऊ झाल्यावर मीठ घालावे. परतणे चालूच ठेवावी. - मीठ घातल्या थोडे पाणी सुटते. ते आटल्यावर लाल तिखट,गरम मसाला घालावा. - त्यानंतर भाजलेले तीळव खोबर्‍याचा कीस घालून परतावे. (आवडत असल्यास साखरही) - शेवटी भाजी अगदी कोरडी झाली आहे असे दिसल्यावर लिंबाचा रस घालावा. -शेगडीची आंच मोठी करून भाजी लालसर रंगावर कुरकुरीत होईतो भरभर परतावी टीप: या पाककृतीत हळद लागत नाही. सूचि: चचा = चहाचा चमचा मोठा = मोठा चमचा (भात खाण्याचा)