Welcome to misalpav.com
लेखक: चतुरंग | प्रसिद्ध:

प्रतिक्रिया

महिला बुद्धीबळाबद्दल मी अजून काही लिहिलं नाहीये ही खरी गोष्ट आहे. परंतु याचा अर्थ त्या पिछाडीवर आहेत असा बिल्कुल नाही. ज्यूडिथ पोल्गर ही पहिली जगज्जेती महिला ठरली. खरेतर तिनेच महिलांच्या मोठ्या बुद्धीबळ प्रवासाची मुहूर्तमेढ रोवली म्हटले तरी चालेल. आत्ताच्या चेन्नै सामन्याला ज्यूडीथ पोल्गर विशेष समालोचक म्हणून उपस्थित राहणार आहेच! त्यानंतर बर्‍याच महिला खेळाडू झाल्या. सध्या चीनची हाऊ यीफॅन ही जगज्जेती आहे. भारतातूनही सुरुवातीला सांगलीच्या वासंती, जयश्री आणि रोहिणी या तीघी बहिणींनी अतिशय जोमदार खेळ करुन महाराष्ट्राचे नाव मोठं केलंच होतं. शिवछत्रपती आणि दादोजी कोंडदेव पुरस्कार विजेते कै. भाऊसाहेब पडसलगीकरांचे मार्गदर्शन त्यांना लाभलं होतं. मला स्वतःला पडसलगीकरांचा खेळ बघायला मिळाला आहे. असो. मी महिला बुद्धीबळावरही एक लेख लिहीन.

यांनी आनंदला शुभेच्छा देण्यासाठी एक वेबसाईट उघडलीये तिथे जाऊन तुम्हाला आनंदला शुभेच्छा देता येतील. तिथेच चेपु आणि ट्विटरच्या लिंक्ससुद्धा आहेत. http://www.wish4vishy.com/index.php

अखेर आज कार्लसनचा सेकंड कोण आहे ते समजले! जॉन लुडविग हॅमर हा कार्लसनचा मित्रच त्याचा एक सेकंड आहे हे पक्के. 1 दुसरा सेकंड (कदाचित असू शकेल) तो म्हणजे लोरँ फ्रेसने. 2 हा रॅपिड आणि ब्लिट्झ एक्स्पर्ट आहे. विशेषतः १२ मुख्य डावांनंतर सामना जर टायब्रेकर मध्ये गेला तर याची कार्लसनला मदत होऊ शकेल. कार्लसन आणि हे दोघे अशी सगळीच टीम एकदम तरुण आणि नवीन आहे त्यामुळे हे तिघे कोणते नवीन डावपेच लढवतात ते बघणे अत्यंत थरारक असणार. भरपूर आतषबाजी बघायला मिळेल अशी आशा आहे! (अधिर) रंगा

अँड्रॉईड फोन्ससाठी अ‍ॅप्लिकेशन तयार झाले आहे आणि ते इथून उतरवून घेता येईल. माझ्या फोनवर मी घेतले आहे. चांगले वाटते आहे, अजून जास्त खेळून बघितले की जास्त समजेल. या बातमीनुसार कार्लसन आणि त्याचा गोतावळा चेन्नैला पोचला आहे! आता ७ नोवेंबरला तमिळनाडूच्या मुख्यमंत्री मा.जयललिता यांच्या हस्ते स्पर्धेचे उद्घाटन होईल आणि त्यांच्याच हस्ते ड्रॉ निघेत त्यात पांढरे आणि काळे मोहोरे कोणाचे असेल ते ठरेल.

बातमीनुसार माननीय श्री. गॅरी कास्पारोव हे देखील ११-१२ नोवेंबर रोजी चेन्नैला भेट देऊन तिसरा सामना बघणार आहेत! (कास्पारोवला प्रत्येक जगज्जेतेपदाच्या सामन्याला, खेळाडू म्हणून नसेना का पण प्रेक्षक म्हणून तरी, हजेरी लावल्याखेरीज चैन पडत नाही असं दिसतंय! ;) )

महाबलीपुरम इथली छोटी सुट्टी संपवून काल सोमवारी आनंद चेन्नैत दाखल झाला. हाएटला भेट देऊन त्याने त्याच्या राहण्याच्या जागेची पाहणी केली. इंडियन एक्स्प्रेसमधला एक छोटेखानी लेख. आनंद आणि अरुणा एका प्रसन्न मुद्रेत. http://newindianexpress.com/sport/Anand-not-scared-assures-Aruna/2013/11/05/article1872745.ece -रंगा

मा. जयललिथा यांनी औपचारिक उद्घाटनानंतर ड्रॉ काढला त्यात कार्लसन पहिला डाव पांढर्‍या मोहोर्‍यांनी सुरु करेल. दोन्ही खेळाडूंची पत्रकार परिषद झाली त्याचा हा दुवा. http://www.worldchesschampionship2013.com/2013/11/anand-vs-carlsen-official-video-of-full.html सामने जगभरातल्या कुठल्या ठिकाणी कुठल्या वेळेला दिसतील याबद्दल आणि थेट प्रक्षेपण/लाईव स्ट्रीमिंग कुठे बघता येईल अशा माहितीसाठी हा दुवा बघा. तू नळीवर स्ट्रीमिंग दिसणार आहे ही अतिशय आनंदाची बाब आहे! :) http://www.worldchesschampionship2013.com/2013/11/summary-of-anand-vs-carlsen-live-links.html कधी एकदा शनिवार उजाडतोय असं झालंय आता! :) -रंगा

पहिला डाव कार्लसन पांढरी मोहोरी आणि आनंद काळी मोहोरी आहेत. मी पहिल्या डावासाठी अजून साधारण तीन तासांनी निराळा धागा सुरु करणार आहे.

आनंदला शुभेच्छा. कार्लसन जिंकला तर तो कास्पारॉव नाक उंच करुन सग्ळीकडे हिंडणार. ते नकोच म्हणुन कार्ल्सन हरु देत. एरवी त्याचे भवितव्य उज्ज्वल आहे यात शंकाच नाही

http://www.worldchesschampionship2013.com/2013/11/garry-kasparov-reaches-chennai-as-chess.html आपण 'चेस टूरिस्ट' म्हणून आलो असून फिडे प्रेसिडेंट निवडणुकीचा कुठल्याही प्रकारे प्रचार ४८ तास करणार नाही अशी ग्वाही त्याने दिली. कार्लसनला शुभेच्छा देण्यासाठी मी इथे आलोय असे देखील तो म्हणाला. 'फिडे'चे अधिकारी किंवा भारतील चेस फेडरेशनच्या कुठल्याही पदाधिकार्‍याने त्याचे विशेष स्वागत केले नाही इतकेच नव्हे तर सामन्यानंतर होणार्‍या पत्रकारपरिषदेतही त्याला रीतसर बंदी आहे. एक सर्वसामान्य प्रेक्षक म्हणूनच त्याला तिथे वावरावे लागणार आहे. अर्थात त्याच्या नावाचा करिष्मा एवढा आहे की त्याला बघायला प्रचंड गर्दी होणार हे नक्की!