ही घुबडे (आधी हजर असताना घुबडाई आणि आता पिल्लेदेखील) सतत ही साफसफाई करत असतात. स्वतःच्या पिसांची अत्यंत निगुतीने स्वच्छता ठेवली जाते. आजुबाजूच्या स्वच्छतेची बोंबच दिसतेय पण. असो. पाण्याचा मुद्दा रास्त आहे. पाणी भरुन ठेवायला हरकत नाही. पण पिल्लं अजिबात डिस्ट्रेस्ड किंवा डी हायड्रेटेड अशी वाटत नाहीयेत. ताजीतवानी आणि उत्साही आहेत. घरट्याची जागा उन्हापासून पूर्ण सुरक्षित आहे. सध्या हवाही थंड आहे. पाण्याचा अभाव असता तर पिल्लं मलूल तर नक्कीच दिसली असती. शिवाय भरभर वाढतही आहेत. अशा वेळी पाण्याची वाटी किंवा भांडे ठेवण्याचे इन्टरव्हेन्शन नको वाटते. न जाणो ते पाणी ठेवून दूषित झाले / संसर्गित झाले आणि त्यातून नसलेले काहीतरी उद्भवले तर? शिवाय त्यांच्या खालची जमीन ही त्यांच्या पेलेट्स, विष्ठा आणि अन्य घाणीने भरलेली आहे. ती सर्व घाण सुकलेली कोरडी आहे. पेलेट्सच कुटून भुगा करुन ते मऊ जमीन बनवतात. भांडे पलटले आणि जर जमीन ओली झाली तर तिथे ओला चिखल होईल आणि तो लगेच कुजल्याने जास्त अपायकारक ठरेल. आणखी एक उपमुद्दा असा की ही जागा बरीच खोलात आहे. तिथे हात पोचण्याची शक्यताच नाही. मधे ग्रिल्स आहेत. ती कापावी म्हटले तर भयंकर आवाज होईल. त्यामुळे पाण्याचे पात्र खाली पक्ष्यांपर्यंत उतरवणे आणि ते पुन्हा भरणे अत्यंत अवघड आहे. केवळ वेबकॅम आणि त्याच्या वेगवेगळ्या रचना (सध्या स्पेशल वेबकॅम स्टिक बनवली आहे) यांमुळे ही दृश्ये दिसताहेत. उंदीर वगैरेंच्या शरीरातून यांच्या पोटात पुरेसं पाणी जात असणार असंच वाटतं. तरीही डिस्ट्रेस वाटला तर पाणी पोहोचवण्याची सोय करता येईल..