Welcome to misalpav.com
लेखक: दिव्यश्री | प्रसिद्ध:
तारीख १३ आणि १४ मार्च २०१४ हे दिवस अविस्मरणीय राहतील माझ्या आयुष्यात कारण साधुसंत येती घरा...चा अनुभव मला परदेशात घेता आला . श्री.निनाद , श्री.पेठकर काका , सौ . पेठकर काकू आणि आम्ही दोघे असा कट्टा झाला . खरं तर कट्टे झाले २ दिवस सलग . निनाद यांनी मला आधी सांगितले होते कि काका आणि काकू म्युनिक दौर्यावर येत आहेत . मी तयार होतेच , कट्ट्याला हजेरी लावायला . :D १३ तारखेला सक्काळ सक्काळीच फोणाफोणी करुण आम्ही मरियन प्लात्झ (म्युनिक मधील प्रसिद्ध ठिकाण ) ला भेटायचं ठरवलं . त्यानुसार आम्ही भेटलो . पहिली ओळखपरेड झाली तीही गुथ्थि इष्टयील...काका - निनाद ,निनाद - काका , निनाद - काकू ,काकू - निनाद , दिव्यश्री - काका काकू , दिव्यश्री - निनाद .रेल्वे ठेसनातून बाहेर आल्यावर उंच टॉवर वर गेलो .लैच ड्यांजर होता चढायला *beee* . एका वेळेस एकाच माणूस एकतर वर जाऊ शकतो नाही तर खाली येऊ शकतो . हाश हुश्श करत करत पोहोचलो वरती ... टॉवर वरती ...काय नजारा होता .आहाहा एवढे जिणे चढल्याचे सार्थक झाले अगदी . म्युनिक शहराचा सुंदर नजारा दिसत होता *BRAVO* . गेल्या ३ वर्षात पहिल्यांदाच त्या ठिकाणी गेले होते . निनाद सुंदर ठिकाण माहिती करून दिल्याबद्दल Tahnk You. :) त्या दिवशी हवामानाची ही कृपादृष्टी होती . इथे ती असेल तरच तुमच्या फिरण्याला मजा आहे . मग म्युनिक बान (रेल्वे, ड्योयीच बान) ने बरेच ठेषण पालथे घातले ...दुपारच्या जेवणासाठी ...गप्पांच्या नादात चुकुण चुकत होतो ...जाणा था जपाण *SCRATCH* असंच काहीस झाल . शेवटी एकदाच हॉटेल नट्राज (नटराज) आल . निनाद म्हणत होते बुफे / बफे घेऊ म्हणून त्यावर बराच खल झाला . शेवटी नटराज फायनल झालं . तिथे मी आणि काकू प्युअर व्हेज म्हणून मिक्स व्हेज आणि दाल माखनी , tandoori रोटी आणि णोण व्हेज वाल्यांनी पण कायतरी मागवला...इसरले ...स्वारी :( ....मस्त जेवणे झाली , फोटू काढले मग आम्ही पुणहा ठेष्णकडे कूच केली . आम्हाला डखाऊ कोन्संत्रेषण कॅम्पला जायचे होते . त्याप्रमाणे आम्ही डखाऊला पोहोचलो . ठेषण वर उतरलो , बाहेर येउण बशीत बसलो मग त्या कॅम्पच्या इस्टोपला उतरलो . तिथून चालत चालत गेलो , गेटमधून आत शिरलो ...सगळा कॅम्प पाहिला .कामाचा दिवस ( working day ) असल्यामुळे गर्दी नव्हती .खूप हाल हाल करून कैद्यांना मारलंय हे तेथील फोटोज वरून दिसत होत . :( संध्याकाळचे पाच वाजले होते . मुख्य गेस चेंबर बंद झाल होत . निनाद यांनी जर्मन भाषेतून बोलून सांगितलं कि काका काकूंना जाऊ द्या ते १० मिनिटात बघून येतील , ते भारताहून आले आहेत पण त्याने नाही सोडलं . मग आम्ही परत बशीत ... ठेषण ...तिथून बाणीत मग आमच्या घरी . मुरलेल्या मिपाकराप्रमाणे श्री . निनाद यांनी पेठकर काका आणि माझ्यात कडी सारली आणि भडका कधी उडतो याची वाट बघितली . :) फोटोज टाकायला अजूनही जमत नसल्यामुळे फोटो टाकले नाहीत . क्षमस्व . :( बाकीचा वृत्तांत ब्रेक के बाद ... अवांतर पण महत्वाचे : शुद्धीत राहून प्रतिक्रिया , प्रतिसाद , आपले अमुल्य मत प्रदर्शन करावे . प्रतिसाद /प्रतिक्रिया देताना वैयक्तिक शेरेबाजी टाळावी . कुठल्या प्रतिसादा /प्रतिक्रिये ला फाट्यावर मारायचे , पुणेरी शब्दात उत्तर द्यायचे याचा अधिकार राखून ठेवण्यात आला आहे . दुसरा भाग लिहायचा कि नाही हे ठरवण्याचा सर्वस्वी अधिकार लेखिकेचा राहील . बाकी नेहमीप्रमाणेच सूचनांचे अर्थातच स्वागत राहील . :) क्रमशः . काही फोटो.... संग्रहालय कैद्यांच्या बराकीचा नकाशा कुप्रसिद्ध गेस चेंबर कडे जाणारा भयाण रस्ता कुप्रसिद्ध गेस चेंबर माहिती नकाशा जगातील एका मोठ्या , प्रसिद्ध मुधुशालेतील वाद्यवृंद डखाऊ कॅम्प परिसर
प्रकार:
Story Type
विषय:

प्रतिक्रिया

आमचाही युरोपातील कट्टा वाचा http://misalpav.com/node/15062 हे आठवून अन् तुमचा वृत्तांत वाचून जळजळ होतेय. कोकम सरबत घेऊन येते. पुष्का, मेव्या, असुर येताय ना ???

टाकायचं राहिलं का ? हा माझा पहिलाच कट्टा वृतांत्त लिहायचा प्रेत्न आहे. चु.भु.दे.घे. इति इति.

@कट्ट्याबद्दल अवांतरामुळं 'हाताची घडी तोंडावर बोट' ठेवलेला प्यारे>>> +१ :-/ फोटो अवडून सुद्धा..प्यारे काकांशी सहमत झाल्यानी गप्प बसलेला-आत्मू!!! :D

-कट्ट्याबद्दल अवांतरामुळं 'हाताची घडी तोंडावर बोट' ठेवलेला प्यारे Wink>>> ये जम्या नै... काय लिहायचं ते व्यवस्थित लिवा ...मला कळेल अस ...मग पुढच पुढे बघूच ... :P :D

वही तो.. तुम गडबड करता हय.. प्रॉपर्तीझ मे जाके यु आर एल चोप्य पस्ते करनेका हय.. ctr+a करेका म्हन्जे सगळी लिंक आती हय.. मग चोप्य पते.. हय क्या और नय क्या..

इथपर्यन्त बरोबर आल्यात तुम्ही. आता एक करा. फोटोची लिन्क आली की नीट बघा की एड्रेस बरोबर जेपीजी पर्यन्त येतोयका ते. नाही तर बोक्ष बंद करून परत प्रॉपर्टी ओपन करा. म्हणजे त्यात लिन्कचा जेपीजी पर्यंतचा एड्रेस येइल. तो पेस्ट करा. म्हणजे फोटो दिसायला लागेल.

मा. श्री गणपा भौंचे लई लैच आभार .गेले अर्धा तास ते त्यांनी प्रयत्न करून फोटो धाग्यावर डकवले आहेत . धाग्याची शोभा वाढवण्याचा प्रयत्न केला आहे . माझ्यासारखी ' ढ ' शिष्या त्यांना मिळाली नसेल आतापर्यंत . :( असो खूप आभारी आहे . धन्यवाद . :)

अरे अरे अरे! काय गं तुझी ही भाषा! कीबोर्ड हाणू का टाळके मे? (ह. घ्या) मजा केलीत तर! पण इतके रथी महारथी युरोपात असताना पहिलाच कट्टा असे कसे बरे? :ड स्वातीताई, केशवसुमार, पुष्करिणी, मेघवेडा वैग्रे बलाढ्य राहू, केतू, अही, मही आहेत म्हणे तिथे. ;)

फटूही उत्तमच.
अवांतर पण महत्वाचे : शुद्धीत राहून प्रतिक्रिया , प्रतिसाद , आपले अमुल्य मत प्रदर्शन करावे . प्रतिसाद /प्रतिक्रिया देताना वैयक्तिक शेरेबाजी टाळावी . कुठल्या प्रतिसादा /प्रतिक्रिये ला फाट्यावर मारायचे , पुणेरी शब्दात उत्तर द्यायचे याचा अधिकार राखून ठेवण्यात आला आहे . दुसरा भाग लिहायचा कि नाही हे ठरवण्याचा सर्वस्वी अधिकार लेखिकेचा राहील . बाकी नेहमीप्रमाणेच सूचनांचे अर्थातच स्वागत राहील . Smile
मिपावर रहायचं तर इतकं डिफेन्सिव्ह कसं होऊन चालेल =)) हर्कत नाही, नयी लग रहीं हैं आप :D :P आस्ते आस्ते समजून जाईल हो सगळं ;) (आता पाहू कोणता अधिकार बजावला जातो ते ;) )

कट्ट्याचा वृत्तांत दिव्यश्रीने टाकला आहेच. म्युनिच मध्ये जाण्याअगोदर पासून निनादशी संपर्कात होतोच. दिव्यश्रीची भेट हे एक 'प्लेझेंट सर्प्राईझच' म्हणाना. मजा आली. दोघांनीही वेळातवेळ काढून काका-काकूंना म्युनिच परिसराची, कॉन्संट्रेशन कँपची सफर घडवली. युरोपात शाकाहारी जेवण मिळणे दुरापास्त. त्यामुळे काकूंची (त्यामुळे माझी) भयंकर कुचंबणा व्हायची. दिव्यश्रीच्या घरी भज्यांची तिखट्जाळ आमटी, पोळ्या, भात, पुरण असा 'खास' मराठमोळा खानदेशी बेत तिने अत्यंत थोड्या कालावधीत बनविला आणि आम्हा दोघांनाही आश्चर्याचा तिखट झटकाच दिला. धन्यवाद दिव्यश्री. आमची युरोप सफर अजून चालूच आहे आणि ह्या सफरीत दिवसभर चालूनफिरुन थकल्यावर मिपावर वृत्तांत्त टाकणे मला अशक्यप्राय्य आहे. पण निचिंतीने 'भटकंती' सदरात सर्व स्थळ-काळ वर्णने आणि छायाचित्रे येतीलच. इस्पिकएक्का ह्यांच्या 'हिवाळ्यातील स्विट्झर्लंड' ह्या लेखातून प्रेरणा घेऊन (त्यांचे विशेष आभार) आणि श्री. बाबासाहेब पुरंदरे ह्यांच्या समवेत लंडनमधील पुस्तक प्रकाशन सोहळा असा मुहूर्त साधत ही सहल आखली होती. परंतु, दुर्दैवाने लंडन शहराचे हवामान, पाऊस, पूरपरिस्थिती पाहून पुस्तक प्रकाशन सोहळा एप्रिलच्या शेवटच्या आठवड्या पर्यंत लांबला त्यामुळे लंडन वगळून बाकी युरोपदर्शनाचा घाट घातला आहे. पॅरीस, स्विट्झर्लंड, जर्मनी करत आता राहूल बाबाच्या आजोळी इटलीत पोहोचलो आहे. मुंबईस परतल्यावर माझे 'भटकंती' धागे सुरु होतीलच. पण येता भविष्यकाळ अत्यंत धावपळीचा आणि व्यग्रतेचा आहे. (मस्कतला दोन नविन उपहारगृह सुरु करतो आहे) त्यामुळे कसे काय जमते पाहायचे आहे. त्यापूर्वी, १ पुण्याचा आणि १ मुंबईचा कट्टा मनांत रुंजी घालतो आहे. ह्या प्रवासात लंडन रद्द झाल्यामुळे आदुबाळ आणि खेडूत ह्यांची भेट होऊ शकली नाही आणि जर्मनीत जाऊनही मधुरा देशपांडे मानहाईमला म्हणजे म्युनिच पासून दूर असल्याने त्यांचीही भेट होऊ शकली नाही ह्याचे शल्य मनांत आहेच.

लंडन रद्द झाल्यामुळे काका मला ही तुम्हाला भेटता आले नाही ह्याचे वाईट वाटत आहे. पुन्हा कधी लंडन फिरण्याचा विचार केला तर नक्की कळवा :) तुमचे युरोपदर्शन छान सुरु आहे वाचून आनंद झाला. युरोप भटकंती धाग्याची वाट बघत आहे.

काका, तुम्ही इथे धमाल करत आहात हे वाचून छान वाटले. भटकंतीच्या वर्णनाची वाट बघतेय. तुमची भेट होऊ शकली नाही आणि इतक्या मस्त कट्ट्याला येता आले नाही याचे वाईट वाटतेय. तेव्हा पुढचा युरोप दौरा लवकरच ठरवा. @दिव्यश्री, वृत्तांत आवडला.

Sorry मधुरा...मी खूप घोकल होत तुझ नाव पण शेवटी विसरलेच . खरतरं खूप उचक्या लागल्या असतीलच , खूप आठवण काढली होती तुझी आणि मि. मधुरा यांची . पुढच्या वेळी तुम्ही नक्की या म्युनिकला जंगी कट्टा करूया . :)

>>(मस्कतला दोन नविन उपहारगृह सुरु करतो आहे) अशा वेळी शेफ, जागा वैगरे कसं मॅनेज करता? आय मीन वेगळा देश त्यात हॉटेल सुरु करत असताना काय काय व्यवधानं पाळावी लागतात. यावर एखादा लेख तुमची काही हरकत नसेल तर तुमच्याकडून वाचायला आवडेल.

अधिक माहिती पेठकर काका देतीलच. माझ्या माहितीनुसारः एखाद्या 'लोकल' माणसाला पार्टनर म्हणून घ्यावं लागतं. सहसा एक ठराविक रक्कम अथवा नफ्याचा काही ठराविक हिस्सा लोकल ला द्यावा लागतो. (बहुतेकदा वार्षिक ठराविक रक्कम) जागा लिज वर घ्यायच्या आणि शेफ अथवा सगळेच लोक स्वतः काही मुलाखती घेऊन, खर्च करुन, मॅनपॉवर एजन्सी द्वारे घेतले जातात. शक्यतो पेरोल वर घेण्यापेक्षा मॅनपॉवर कन्सल्टन्ट कडून माणसं महिना तत्त्वावर घेतले जातात. काही ठिकाणी स्वतः मालक (लोकल बरोबर स्थापलेल्या कंपनीद्वारे) लोकांना सगळं पुरवतात. व्हिसा, तिकीटचा खर्च, सुट्ट्यांची व्यवस्था, मेडीकल इन्शुरन्स, राहण्याची व्यवस्था, पगार, जेवणखाण इ.इ. सगळं बघावं लागतं.

>>>>शक्यतो पेरोल वर घेण्यापेक्षा मॅनपॉवर कन्सल्टन्ट कडून माणसं महिना तत्त्वावर घेतले जातात. मस्कतच्या बाबतीत एवढे एक सोडल्यास सर्व माहीती बरोबर आहे. सर्व कर्मचारी आपल्या पे रोलवरच असतात.

वॄत्तांत आवडला पण जरा थोडक्यात उरकल्यासारखा वाटत आहे. फोटु छान आहेत पण कट्टेकर्‍यांचा एकही फोटु नसल्याने अपूर्णता जाणवत आहे.

मस्त कट्टा झाला. कट्टेकर्‍यांचे फोटोपण टाका की. आणी निनादने काकांना मरियन प्लाट्झचे क्लॉक टॉवर नाही का दाखवले?? डखाऊचा कॅम्प पहायचा राहिलाय. चला निदान फोटोतुन सफर घडली.

वृत्तांत आणि फोटो आवडले. मिपाकरांचे फोटो पायजेत. :) पेठकर काका, गेल्या वेळी तुम्ही अचानक (न कळवता) घारापुरी कट्टयाला हजेरी लावलीत. माझ्या दुर्देवाने त्यावेळी मला कट्टयाला येणे जमले नाही. तेव्हा तुमचा पुढचा मुंबई कट्टा असेल तेव्हा आधी (आम्ही या कट्टयाला येतो आहे) अशी पुर्वसुचना द्यावी अशी नम्र विनंती. मुंबईत येण्याआधी/आल्यावर मला व्यनि केल्यास छानच! :) आता कट्टा वृत्तांत भाग २ आणि मिपाकरांचे फोटो (जमल्यास खादाडीसकट) पाहिजेत हेवेसांनल. इनोचे पाकीट घेण्यापेक्षा इनोची बाटली कधीही चांगली नाही का? :)

सगळ्या वाचकांचे आणि प्रतिसाद देणार्यांचे आभार . :) मुवि काका पुढचा भाग टाकणार आहेच . अरे वा!! बीन झायरातीचा कट्टा आवडला.>>> :) पिरा.... वही तो.. तुम गडबड करता हय.. प्रॉपर्तीझ मे जाके यु आर एल चोप्य पस्ते करनेका हय.. ctr+a करेका म्हन्जे सगळी लिंक आती हय.. मग चोप्य पते.. हय क्या और नय क्या..>>>माझं मनोधैर्य वाढवल्याबद्दल पेशल आभार . मीतान लेख वाचते मी सावकाश .एक चक्कर मारून आले आहे त्या धाग्यावर . प्यारे काकांशी सहमत झाल्यानी गप्प बसलेला-आत्मू!!! बिग्ग्रीन>>> चांगली युती - तुती आहे . *beee* ती मधुशाला "Hofbräuhaus München" आहे ना? >>> होय . तेच आहे . स्वातीताई, केशवसुमार, पुष्करिणी, मेघवेडा वैग्रे बलाढ्य राहू, केतू, अही, मही आहेत म्हणे तिथे. >>> मला यापैकी फक्त स्वाती ताई ऐकूण माहिती आहेत आणि बाकीची नावे वाचली आहेत , ओळख नाही . कट्टावृत्तांत आवडला.>>> धन्यवाद . मिपावर रहायचं तर इतकं डिफेन्सिव्ह कसं होऊन चालेल Lol हर्कत नाही, नयी लग रहीं हैं आप BiggrinBlum 3 आस्ते आस्ते समजून जाईल हो सगळं Wink (आता पाहू कोणता अधिकार बजावला जातो ते Wink ) >>> हम्म्म . असो. नशिबवान आहात बर! Wink >>>लाकूड शिवा . ;) हायेच मी . :) असो फोटोज छान आले आहेत>>> धन्यवाद . हौशी फोटूग्राफर आहे मी . फक्त फोटो काढून संगणकावर टाकले आणि तेच इथे डकवले आहेत कोणत्याही प्रक्रियेशिवाय . आणी निनादने काकांना मरियन प्लाट्झचे क्लॉक टॉवर नाही का दाखवले??>>>हे मला माहिती नाही , या प्रश्नाचे उत्तर श्री निनाद अथवा पेठकर काकाच देऊ शकतील . भाग २ पायजेल >>> हो लिहिणार आहे .सगळ्याच्या शुभेच्छा असू द्या. कट्ट्याचा व्रुत्तांत छानच पण कट्ट्याला कोण कोण होते त्यांचे सदेह फोटोही येऊदेत .>>> आणि कट्टेकरी कुठायत फोटोत?????>>> कट्टेकरींचे सदेह फोटू फुढल्या भागात येणार आहेत याची कृपया नोंद घ्यावी . :P :D

आणी निनादने काकांना मरियन प्लाट्झचे क्लॉक टॉवर नाही का दाखवले??>>>हे मला माहिती नाही , या प्रश्नाचे उत्तर श्री निनाद अथवा पेठकर काकाच देऊ शकतील .
म्हणजे काय? पाहिलं की. दोन्ही दिवस पाहिलं. एक दिवस तर त्याचे संगित चालू असताना (संपायला आलं होतं) पाहिलं. नुकतंच हैदराबादचं सालारजंग वस्तू संग्रहलातील घड्याळ पाहिलं होतं. त्याचाच मोठा भाऊ आहे जर्मनीतील मरियन प्लाट्झचे संगित घड्याळ.

वृत्तांत आवडला, आणखी असेच कट्टे होवोत आणि त्यांचे स-खादाडी वृत्तांत तुमच्याकडून वाचायला मिळावेत अशी सदिच्छा! कट्टेकर्‍यांच्या फोटोंशिवाय वृत्तांताला अपूर्णत्व आहे ते भाग दोन मध्ये पूर्ण करालच :-) (हा मिपाकरांचा युरोपातला पहिला-वहिला अर्थातच नव्हता हे मितान यांनी सप्रमाण वरती सांगितलंच आहे. स्वाती दिनेश यांनीही याआधी छोटा डॉन आणि केसु यांच्यासह केलेला रॉकलेट कट्टाही वाचनीय होता. त्यांचाच केसु गुर्जी आणि लिखाळ यांच्या बरोबरचा मिसळ कट्टाही वाचल्याचं आठवलं [हे डॉन, लिखाळ आणि केसु हल्ली मिपावर दिसतच नाहीत असं नमूद करू इच्छितो!]) स्वातीताईंनीच मला वाटतं अदितीबरोबरही एक कट्टा केला होता असं vaguely आठवतं आहे, but I could be wrong.)