अरवीचे चिप्स!

छान आहेत चिप्स.

उपवावाला चालतील का ?

हा प्रकार पहिल्यानादाच पाहिला अन एकला आहे
असो छान आहेत चिप्स :)

मस्तच प्रकार.

मस्त आयडिया.. पूर्वी ऐकले नव्हते.. झकास...

आरवीचे बारबेक्यू बार्बेक्यूनेशनमधे खाल्ले होते आणि आवडले.

पण हे वेगळंच आहे. करुन पाहतो.. एखाद्या घरगुती "बैठकी"ला.

उपासाला चालावेत..

आजवर अरवी हा पदार्थ उकडून वा चुलीत भाजून आणि मग वरुन मीठ भुरभुरुनच खाल्ला आहे.

ह्या गरम असतात तेव्हाच ह्यावर मीठ,पीठीसाखर, आमचुर/लेमन पावडर आणि तिखट भुरभुरावे.

ह्यातल्या पीठीसाखरेला आम्ही फाटा देऊ.

बाकी पराशेट तुमची 'सोय' झाली की कळवा, गविंच्या 'घरगुती बैठकीला' आम्ही पण हजेरी लावावी म्हणतो.

अहो हे अरवी म्हणजे आपल्या आळुच्या पानाचेच मुळं/कंद.

अय्या!!! खरं की नाही!! मला तर बुवा माहितीच नव्हतं!! ;) :P

असो.. पाकृ छान आहे.

हे कंद अळूचे असतात आणि उकडून खातात.
उपासाला चालतात एवढीच माहिती होती.
चिप्सकृती नवीन समजली.

अळवाचे कांदे किंवा अळकुड्या या मुंबईत सररास मिळतात.तेर्‍याच्या किंवा पांढर्‍या (फिकट पोपटी) अळवाच्या कुड्या लहानसर असतात तर माडाळू (पाच फूट उंच वाढणारे अळू) चे चांगले वीतभर लांब कांदे असतात. कारवारकडे अळकुड्यांना मुंडल्या म्हणतात. त्यांच्या मिसळभाजीत म्हणजे खतखत्यात ह्या मुंडल्या पाहिजेतच. नुसत्या उकडूनही खातात पण फारश्या चांगल्या लागत नाहीत. कणगर अथवा कणग्या, कोनफळाप्रमाणेच पिठूळ चव असते शिवाय बुळबुळीतही लागतात. अरवी हा हिंदी शब्द आहे. उत्तरेकडे अरवीचे कंद उकडून सोलून अक्खे तळतात आणि पनीरच्या जोडीने रश्श्यात घालतात. आपण दम आलू करताना करतो तसे.

खुप वेळेस हे फळ, मुळ जे काय असेल ते पाहीलंय पण याचं काय करायचं हेच माहीती नव्हतं अन शोधायचं म्हंटलं तरी नावापासुन सुरुवात..
पाकृ छान. करुन बघेन कधीतरी.

या अरवीची भाजीपण चांगली होते.तेलावर बारीक चिरलेला कांदा परतून घ्यावा.जरा लालसर झाला की आलं-लसूण
पेस्ट घालावी.मग बारिइक चिरलेला टॉमेटो घालावा.चांगला शिजला की हळद,लाल तिखट,गरम मसाला घालावा. तेल
सुटू लागलं की अरवीच्या चकत्या घालाव्या.मिठ घालून परतून झाकण ठेवून वाफ येवू द्यावी.कोथिंबीर घालून सर्व्ह करावे.

ह्या चकत्या उकडून तळून घेतल्या की कढईत उरलेल्या तेलात कांदा उभा चिरून तो पण गुलाबी का काय म्हणतात त्या रंगावर तळून घ्या. आता तुम्ही तो अरवीचे काप ठेवलेला बाऊल आहे तेवढा पाऊण बाऊल दही घेऊन त्यात हे अरवीचे काप, तळलेला कांदा, थोडं मीठ (अरवी उकडताना किती घातलं होतं ते लक्षात ठेवून), चमचाभर लाल तिखट घालून चांगलं मिसळून घ्या. कांदा तळून जे तेल शिल्लक राह्यलं असेल त्यात जिरं-मोहरीची फोडणी करा. हिंग, कढीपत्ता पण आवडीनुसार फोडणीत टाकायला हरकत नाही. ही फोडणी आता काप आणि दह्याच्या मिश्रणावर घालून झाकण मारा. पोळी-भाकरी कशासोबतही छान लागतं. काप तळलेले असतातच पण दही (किंवा काहीही आंबट ) घातलं की अरवी खवखवत नाही. अर्थात या रेसिपीसाठी काप तळताना ते रंग येईल इतकेच तळावे, आधीच उकडलेलं असल्यामुळे फार तळायची गरज नाही.

ही रेसिपी माझी नाही, एका कार्यक्रमात पाह्यलेली आहे. घाबरु नका मी करुनही पाह्यलं आहे, छान होतं.

मस्तच ह ....

मी त्या गरम वाफ येणार्‍या आणि मीठ घालून शिजवलेल्या अळकुड्या पटापट खाते. त्याचे चिप्स करायला कोण थांबणार?

मस्तच आहे एकदम

अरवी हा प्रकार नेहमीच बाजारात पहात होते पण कधी घरी आणण्याची हिंम्मत नाही केली आता त्याबद्दल बरीच माहिती मिळाली.