भिमाशंकर - "शिडी घाट" - काही शंका

ह्या पावसात शिडी घाटाने जाऊ नये असे अनुभवाने सांगू शकतो. आम्ही पुढे चढत जात होतो तसा मागच्या ओलांडलेल्या ओढ्यांना पूर येऊन मागे फिरायची वाट बंद होत होती. वरचा कातळटप्पा कसा पार केला ह्याचं अजूनही आश्चर्य वाटत राहतं. एकूणच तो वेडेपणा होता आणि जीवावर बेतलं नाही म्हणून. शिडी घाटाने जायला हिवाळा किंवा उन्हाळा ठीक आहे. पावसाळ्यात टाळाच असा आग्रहाचा सल्ला!

खरं आहे .जाऊ नका .कातळटप्प्यापेक्षाही आडवी जाणारी पाऊलवाट फार धोकादायक आहे .मी बऱ्याचवेळा तिकडे जाण्यासाठी वळलो की मला कुणीतरी भेटतो आणि हाकलतो .या अशा पावसात मी जीवधन घाटघर वाटेने दोर न लावता चढलो आणि उतरलोही आहे पण आठवतो तेव्हा भीती उभी राहते .कसा काय परत आलो ?

स्वतः चा अनुभव सांगतो, pls त्या मार्गाने पावसाळ्यामध्ये जाऊ नका
आम्ही गेलो होतो, पण वाटेवर १ परत येणारा group भेटला, त्या group पैकी काही जण त्याच वाटेवरून पुढे जाताना "बाल बाल" वाचले होते , म्हणून त्यांनी परत यायचा निर्णय घेतला होता आणि आम्हाला पण परतीच्या वाटेवर येण्यास विनंती केली. तो किस्सा खूप मोठा आहे, so इथे टंकत नाहीय ...
असो, "BHA PO" असतीलच ..
final decision is urs only , आम्ही बापडे कोण ??
काळजी पायी वरील वाक्ये लिवली हायेत

शिडी घाटाची जितकी दहशत घातली आहे तितकी ती आता नाही आहे. आत्ता शिडी फारच चांगली बनवलेली आहे. अनेक group एका दिवसात भीमा शंकर करतात, जातांना शिडी घाट व येतांना गणेश घाट. आपण म्हटलेच आहे कि ५-६ वर्षे जाताय म्हणजे आपणास तेथील पावसाचा नि धबधब्यांचा अंदाज आहे नि आपण नवशिके नाहीत त्यामुळे होऊन जाऊ द्या.....

२० जुलैला एका दिवसात भीमाशंकर केलाय त्यामुळे हे बोल स्वानुभवाचे आहेत. आपणास रस्ता माहित नसेल तर गावातून वाटाड्या मिळू शकतो. शिडी घाटातून पदर गडाचे जे दर्शन होते ते शब्दात व्यक्त करू शकत नाही. वाटेत शिडी चढतांना आपणास जुनी शिडी दिसेल ती पाहून या आधी लोक कसे शिडी घाटातून जायचे हे आठवून डोळ्यासमोर तारे मात्र जरूर चमकतील.

भीमाशंकर वृतांत लिहिणारच होतो पण तुमच्या प्रश्नामुळे आता जर लवकरच लिहायला लागेल.

धुके नि पाऊस पहायचा असेल तर भीमाशंकर is must .... परत येतांना तर पाण्यात भिजायची इछाच मरून जाते.... फक्त एक सावधानीचा सल्ला श्रावण सुरु झाल्यामुळे trekkars पेक्षा भाविकांची जास्त गर्दी होते. आता तिथे सुलभ शौचालय बांधले आहे पण तेथे पाणी नाही आहे...;)))))
त्यामुळे राहायचा बेत असेल तर दर्शन घेण्याआधी जागा बुक करा. अन्यथा "पठारावर टाका तंबू....." अशी अवस्था होईल....

खांडस गावात हरी भाऊंचे किरण मालाचे दुकान आहे. हे दुकान पुलापासून कमीत कमी २-३ किमी. आहे. येथे आपणास नाश्ता पाण्याची , पाठ टेकण्याची सोय होऊ शकते. त्यांचा नंबर हा असा ०९२०९४२५६४५

भीमाशंकरला थाळी हवी असेल नि मोठा group असेल तर order आधीच देणे. आयत्यावेळी वाईट अवस्था होते. दक्षिण भारतीय पदार्थ वर जरी मिळत असले तरी ट्रेक केल्यानंतर थाळी कधीपण चांगली.....

पावसाल्यात शिडी घाट बन्द अस्तो

त्या भागांत अतिवृष्टी झाली आहे आणि तेथून जवळच झालेल्या भूस्ख्लनामुळे केंद्र सरकारने "राष्ट्रिय आपत्ती" जाहीर केली आहे.

सद्या तेथे ट्रेक करणे टाळावे हेच उत्तम.

इथे नावा प्रमाणे शिड्या लावलेल्या आहेत. खरे तर ते लोखन्डी जिनेच आहेत. आम्ही ह्या घाटातून मागील पावसाळ्यात गेलो होतो. योग्य ती काळजी घेतल्यास ह्या वाटेने जायला काही हरकत नाही.

फक्त वरती जर चिलटान्चा त्रास होतो इतकेच.

सर्व मिपा सदस्यांचे मनपूर्वक आभार….आपली मते वाचून निर्णय बनवणे सोपे झाले आहे.

वरील सर्व प्रतिसाद बघून आणि ग्रुप मध्ये असलेल्या दोन नवख्या गिर्यारोहकांमुळे सध्या तरी शिडी घाट मार्गाने चढाई करायचा बेत रहित केला आहे. न जाणो "घाट" आणि "घात" उगाच एकत्र यायचे आणि आमचे मनसुबे पावसात वाहून जायचे.
सध्या झालेल्या भूस्खलनाच्या पार्श्वभूमीवर देखील भीमाशंकर ला जाण्याचा बेत पक्का आहे. गणेश घाट मार्गे श्री गणेशाच्या आशीर्वादाने मार्गक्रमण सुकर होईल हि खात्री आहे.

या तथाकथीत भविकांनी भिमाशंकर ट्रेकची पार वाट लावलिये.. आपणांस शुभेच्छा..

मुंबई हायकर्सचा ग्रुप त्या शिडीच्या वाटेने ट्रेक ऑर्गनाईज करतोय. अशा आपत्तीच्या वेळी त्यांनी हा ट्रेक ऑर्गनाईज करणं कितपत योग्य आहे?

किसन भाऊ..... भूस्खलन हे आहुपे घाटावर झाले आहे. जी वाट पुण्यातून बस मार्गे येणार्यांसाठी आहे... हे मानवनिर्मित आहे , निसर्गनिर्मित नाही... तरीपण काळजी घेणे केव्हाही चांगले. कर्जत side हून तर पूर्ण कातळ आहे. तसेच भीमा शंकरचा ट्रेक हा हात पाय पूर्ण झाकून करावा.... मी स्वतः हा ट्रेक एकही पावसाळी चिलखते न घालता केलेला आहे. मजा येते भिजायला.... हात उघडे चालतील पण पाय झाका अन्यथा कीटक वर्गीय तुमचा कीचकवध करतील.... :)

डासांनी फोडले याचा अनुभव घ्यायचा असल्यास महापे (नवीन मुंबई )पूर्वीच्या नोसिल कँपनीच्या मागे गवळीदेव डोंगर आणि धबधबा उत्तम जागा आहे .शंभरेक मिटरस उंचावर आहे .चट्टेरी पट्टेरी डास कपड्यांवरूनही चावतात .
वाशी ठाणे ११नं बस जाते .महापे ते रबाले मागचा रस्ता .

जागा ऐकून आहे... पहिली नोकरी महाप्यातच होती. CROWD खराब असतो तिथे म्हणून कधी गेलो नाही. ११ नं च्या बसच्या फार कष्टप्रद आठवणी आहेत. ठाणे -वाशी लोकल चालू होयाच्या आधी ११ नं ने प्रवास करणे हे विरार गाडीत बोरिवलीला उतरण्यापेक्षा सुद्धा कठीण होते. लोकल सुरु झाल्यावर तर सुरुवातीच्या दिवसात टपावरून सुद्धा प्रवास केला आहे....;०

१५ ऑगस्टला आमचा १७ लोकांचा ग्रुप भिमाशंकरला जाणार आहे. तिथे कुठी राहण्याची सोय होईल का ? कुणाचा contact no. मिळेल का ?

जय२७८१ ,श्रावण महिना आणि सुटी लक्षात घेता खात्री देता येत नाही परंतू राममंदिरामागे डबेवाले धर्मशाळा आहे .संपर्क मनोहर शेंगाळे 7588217285आणि
9421078185 यांना विचारा .
सकाळी लवकर अकराच्या अगोदर जाणाऱ्यांस जागा मिळते .
एमटीडीसीची जागा एका ठेकेदाराला दिली आहे तिथेही विचारा .त्यांचा नंबर अगोदरच्या एका धाग्यात आलेला आहे .

कंजूस,
धन्यवाद....