कामाचे आणि बिनकामाचे छोटे मोठे प्रश्न आणि विचार - भाग २

A
arunjoshi123
🗣 149 प्रतिसाद
मिपावर कितीतरी विषयांची उथळ/सखोल माहिती असलेले अनेक उत्साही सदस्य, सदस्या आहेत. एक सहसदस्य, सहसदस्या म्हणून त्यांना आपल्या एका मित्राला, मैत्रिणीला हलकी फुलकी माहितीची मदत पुरवायला आवडेल असा अंदाज आहे. तेव्हा या धागामालिकेत, सदस्य, सदस्या घरगुती कामाचा, ऑफिसकामाचा, संगणकविषयक, संसार चालवणे विषयक, शेतीविषयक, लैंगिक, करीअरविषयक, काऊंसेलिंगविषयक, सामान्य ज्ञानविषयक प्रश्न पोस्ट करू शकतात. अश्या प्रश्नाचे उत्तर इतरांसही कामास येऊ शकते. या व्यतिरिक्त, आपण बर्‍यापैकी मध्यम वर्गाच्या आसपासचे असल्याने, आपल्या मनात बरेच राजकीय, सामाजिक, आर्थिक, सांस्कृतिक, वैज्ञानिक, साहित्यिक, ऐतिहासिक, भौगोलिक, भाषिक, कौटुंबिक, अध्यात्मिक, धार्मिक, मानववंशशास्त्रसंबंधित, उत्क्रांतीसंबंधित, इ इ अनेक प्रकारचे छोटे मोठे कामाचे वा बिनकामाचे १-२ ओळींचे विचार येतात. तितकी एक ओळ, विचार लिहिण्यासाठी धागा काढणे इष्ट वाटत नाही. तेव्हा असे प्रश्न नि विचार इथे एकेका प्रतिसादाच्या रुपाने सदस्यांनी टाकावेत. आता कोणी म्हणेल इंटरनेट, गुगल, विकिपिडिया असताना याची काही गरज नसावी. अर्थातच हे खरे आहे. याची ८०% गरज इंटरनेट भागवू शकते. पण तरीही खालील काही निरीक्षणे नोंदवतो. १. इंटरनेटवर आपण मशिनला प्रश्न विचारत असतो. मशिन भाव पोचला आहे का हे बर्‍याचदा कळत नाही. २. नेटवर आलेल्या शोधांना वाचून पाहून उर्जा कधी कधी इतकी घालावी लागते कि आपण ते कुतुहल "राहू देतो". ३. विकिपेडिया खूप छान आहे पण तो संज्ञा खूप वापरतो आणि अशा नव्या संज्ञांचे खूप सारे संदर्भ, लिंका देतो. ४. हवी असलेली माहिती जालावर नसू शकते. आपण सगले एकाच क्लोजली नीट मराठी संस्कृतीचे लोक असल्याने आपले क्लिशे ज्ञान पश्चिमाभिमुख जालावर कधीकधी नसू शकते. ५. उत्तर मिळत असताना जालाशी पुढे संवाद करता येत नाही. केल्यासही त्याला मिपीय संवादाचा फ्लेवर नसेल. अजून एक - असे बरेचशे प्रश्न असतात कि ते गुगलसाठी नसतातच. अशा प्रकारचे प्रश्न नि विचार मिपासारख्या "परिचितांच्या" मधे मांडले कि, आमच्याकडच्या भाषेत, डोक्याची निचिंती होते. सध्याला आपण या इनिशिएटिवबद्दल काय म्हणू इच्छिता ते सांगा वा आपले प्रश्न विचारा, विचार प्रकट करा वा इतरांचे प्रश्न उत्तरा वा विचारांवर भाष्य करा. आपल्या विचारावरचे एखादे थर्ड पार्टीचे सहमतीपूर्ण भाष्य पाहिले कि दिवस फार चांगला जातो असे जनरल निरीक्षण आहे. ----------------------------- अर्थातच मिपा काय विचारले जात आहे, त्याचे काय उत्तर दिले जात आहे नि त्याधारित कृतींचा काय परिणाम होत आहे याला जबाबदार नसेल.
49340 वाचन
💬 प्रतिसाद (149)
र
राही Tue, 01/31/2017 - 10:53 नवीन
इडिअम्स अ‍ॅण्ड फ्रेसेस इन् मराठी असा शोध घेतला की अनेक पर्याय मिळतात.
↩ प्रतिसाद: पुंबा
आ
आदूबाळ Tue, 01/31/2017 - 10:54 नवीन
करुणात्रिपदीतून उदृत
श्री गुरुदत्ता जय भगवन्ता ते मन निष्ठुर न करी आतां । श्री गुरुदत्ता । चोरे द्विजासी मारिता मन जे कळवळले ते कळवळो आतां । श्री गुरुदत्ता ॥१॥ पोटशुळाने द्विज तडफडता कळवळले ते कळवळो आतां । श्री गुरुदत्ता ॥२॥ द्विजसुत मरतां वळले ते मन हो की उदासीन न वळे आतां । श्री गुरुदत्ता ॥३॥ सतिपति मरतां काकुळती येतां वळले ते मन न वळे की आतां । श्री गुरुदत्ता ॥४॥ श्री गुरुदत्ता त्यजि निष्ठुरता कोमलचित्ता वळवी आतां । श्री गुरुदत्ता ॥५॥ जय भगवन्ता ते मन निष्ठुर न करी आतां । श्री गुरुदत्ता ।
ही काय ष्टुरी आहे कोणाला माहीत आहे का? प्रथम एका ब्राह्मणाचं पोट दुखायला लागतं (पोटशुळाने द्विज तडफडता) आणि मग पुढच्या चरणात त्याचा मुलगा मरतो?
र
राही Wed, 02/01/2017 - 13:56 नवीन
या चारही कथा गुरुचरित्रातल्या आहेत. पहिली कथा श्रीपादश्रीवल्लभांची आहे. व्यापार-उदिमास निघालेल्या एका वल्लभेश नामक काश्यपगोत्री द्विजाला तस्करांनी ठार मारले आणि नंतर श्रीपादश्रीवल्लभांनी त्यास जिवंत केले अशी ती कथा आहे. पुढच्या कथा श्री नृसिंहसरस्वतीस्वामीचरित्रात वेगवेगळ्या द्विजांच्या बाबतीत घडलेल्या आहेत. कोणा द्विजाचा पोटशूळ शांत केला तर दुसर्‍या एका द्विजाची मुले वाचत नव्हती (मरत असत.) ती जगवली वगैरे.
↩ प्रतिसाद: आदूबाळ
प
पुंबा Mon, 02/06/2017 - 13:57 नवीन
इथूनः फिल्म डिव्हिजनसाठी लोकमान्य टिळक व विनोबा भावे ह्यांच्यावरील अनुबोधपटही त्यांनी तयार केले. तर हे अनुबोधपट कुठे मिळू शकतील? अवांतर: डॉक्युमेंटरीसाठी अनुबोधपट हा शब्द किते छान आहे. हा शब्द कुणी प्रचारात आणला असावा?
प
पिलीयन रायडर Mon, 02/06/2017 - 16:05 नवीन
डेस्टिनेशन वेडींग बद्दल माहिती आहे का? म्हणजे आपल्या सारख्या मध्यमवर्गीय माणसाला नेहमी सारखे पुण्यात कार्यालय घेऊन आणि ५००-७०० लोक जेवायला घालुन लग्न करायचे नसेल, तर अगदी उदयपुर-जयपुर नाही पण पुण्याजवळ काही पर्याय आहेत का? १०० माणसांची चांगली सोय व्हावी आणि प्रवास सुरक्षित आणि थोडक्यात आटपणारा असावा इतक्या माफक अपेक्षा आहेत.
ब
बोका Tue, 02/07/2017 - 09:03 नवीन
ढेपे वाडा http://www.dhepewada.com/packages.html
↩ प्रतिसाद: पिलीयन रायडर
र
रानरेडा Tue, 08/08/2017 - 06:55 नवीन
http://www.fortjadhavgadh.com/events-weddings/royal-weddings.html
↩ प्रतिसाद: पिलीयन रायडर
A
arunjoshi123 Mon, 02/06/2017 - 18:21 नवीन
२३ नोव्हेंबर २०१४ चा धागा अजून धगधग्तोय??
प
पुंबा Tue, 02/07/2017 - 06:32 नवीन
मीच ठिणगी टाकली :))) चांगला धागा आहे, असे बरीच प्रश्नचिन्हे कुणी उत्तरे देणारे मिळत नसल्याने निवांत पडून असतात. इथे मिपावर जाणकारांची वाणवा नाही त्यामुळे विचारावेसे वाटते.
↩ प्रतिसाद: arunjoshi123
ए
एमी Wed, 02/08/2017 - 06:44 नवीन
२०१६साली नववर्षाची सुरवात म्हणून 'सदाहरीत धागे' मालिका चालू केली होती. त्याचेदेखील ३-४ भाग झालेले. मला वाटतं सासंनी वेळ मिळाला तर अजोंची ही सिरीज आणि गविंची ती सिरीज एकाच स्टँडर्ड नावाखाली आणावी. बाकी धागा वर काढल्याबद्दल आभार 24 Nov 2014 - 7:05 pm | स्पा आमच्या ओळखीत एक मंदी घालून स्कुटी चालवणारे सद्गृहस्थ आहेत , तशीच बाईक चालवता येईल काय >>हे वाचून लय हसले.
↩ प्रतिसाद: पुंबा
स
सस्नेह गुरुवार, 02/09/2017 - 08:29 नवीन
मिपावर जाणकारांची वाणवा नाही
तुम्हाला 'वानवा' असे म्हणायचे असावे. 'वणवा' असाही एक शब्द आहे.
↩ प्रतिसाद: पुंबा
प
पुंबा Wed, 02/08/2017 - 06:33 नवीन
'नाही निर्मळ जीवन, तेथे काय करील साबण' ही ओळ तुकाराम महाराजांच्या इयत्ता आठवीला अभ्यासक्रमात असणार्‍या अभंगातून घेतली आहे. हे खरेच तुकाराम महाराजांनी लिहिले असावे का? असेल तर तेव्हा साबण म्हणजे काय अभिप्रेत होते त्यांना? साबणाचे प्रचलन केव्हापासून सुरू झाले?
र
राही Wed, 02/08/2017 - 08:16 नवीन
नामदेवांच्या अभंगातसुद्धा हा शब्द आढळतो. 'बोध साबण लावुनि ठायीं,डाग उडविला पाहीं' (तुळपुळे-फेल्ड हाउस) फार पूर्वी मुलतानी मातीच्या वड्या मिळत. त्याने अंग आणि चेहरा स्वच्छ केला जाई. नुसती मातीसुद्धा अंग धुण्यासाठी, कपडे चोळण्यासाठी वापरली जाई. या वडीला साबनी किंवा 'लाहौरी' म्हणत. पुढे त्यात पापडखार, चुना, तेल वगैरे घालून ओबडधोबड रसायन बनवले जाऊ लागले. त्याला साबण म्हणू लागले. आपल्याकडेसुद्धा तेलाने अंग चोळून स्वच्छ करण्याची पद्धत होती. साबण हा शब्द saponification,soap, savon, seife, serf अश्या अनेक शब्दांशी संबंधित आहे. http://www.dictionary.com/browse/soap आणि इतर अनेक शब्दकोश
↩ प्रतिसाद: पुंबा
ग
गामा पैलवान Wed, 02/08/2017 - 14:23 नवीन
राही, साबनी हा शब्द साफ करणारी ती साफनी असा काहीसा दिसतो. साबनेट हा शब्द पोर्तुगीज भाषेतही आढळतो. आ.न., -गा.पै.
↩ प्रतिसाद: राही
म
मराठी कथालेखक Wed, 02/08/2017 - 06:58 नवीन
कोणत्याही वाहनावर स्पीडोमीटर वरील वरचा आकडा खूप मोठा असतो (बहूतेकरुन जो आकडा गाठणे त्या गाडीला कधीच शक्य होणार नसते), असे का ? उदा: माझ्या १०० सीसी बाईकवर (Hero Honda CD Dawn) हा आकडा १४० आहे. अगदी उताराचा फायदा , जास्तीत जास्त अक्सीलरेशन ई विचारात घेतले तरी १०५ च्या पुढे जाणे अशक्य आहे. कमी अधिक प्रमाणात हीच गोष्ट इतर अनेक बाईक व कारच्या बाबतीत मी पाहिली आहे (उदा: इंडिका - २०० )
ख
खेडूत Wed, 02/08/2017 - 09:04 नवीन
Image removed. किमान दोन कारणे- १. युजर एक्स्परियन्सः चालकाला वेगाचा अंदाज येण्यासाठी, की तो खूप जोरात जातोय, त्यावेळी वेगाची प्रत्यक्ष संख्या पहाणे शक्य/सुरक्षित नसते. नुसते पाहून कळते की आपण क्रेझी वेगाकडे चालालोय. इंजिन अजून थोडा जास्त वेग घेऊच शकते, पण अन्य पॅरामीटर्सची वाट लागते. सर्वाधिक वेगाच्या २५% जास्त हा आकडा असतो. आपल्याकडे दुचाकींवर त्यासाठी लाल आणि हिरवे पट्टे मारून किफायतशीरतेच्या मर्यादा दाखवतात. १९७४ मधे ओपेकबरोबर मारामारी सुरू असताना रिचर्ड निक्सन यांनी सर्व स्पीडॉमीटर्सला ५५ माईल्स या (किफायतशीर मर्यादा)आकड्याला गोल करण्याचे आदेश काढले होते. २. आपले रस्ते आणि टायर्स दर्जेदार नसल्याने दिसतो त्याहून प्रत्यक्ष वेग कमी असणेच सुरक्षित असते. त्यामुळे हा वेग ५-६% मुद्दाम जास्त दाखवला जातो. आदर्श परिस्थितीतच हे समजून येते. अन्यथा रस्त्यावर प्रत्य्क्ष चालवताना साठच्या वेगाने गेल्यास तासाभरात आपण साठ किमी जातच नाही!
↩ प्रतिसाद: मराठी कथालेखक
म
मराठी कथालेखक गुरुवार, 02/09/2017 - 13:01 नवीन
आपले रस्ते आणि टायर्स दर्जेदार नसल्याने दिसतो त्याहून प्रत्यक्ष वेग कमी असणेच सुरक्षित असते. त्यामुळे हा वेग ५-६% मुद्दाम जास्त दाखवला जातो.
मला तरी असे वाटत नाही.
↩ प्रतिसाद: खेडूत
A
arunjoshi123 गुरुवार, 02/09/2017 - 08:08 नवीन
फ्रिक्शन शून्य ठेऊन (मंजे चाक अदरांटी (उदगीरच्या भाशेत अधांतरी)), निर्वात पोकळीत (हवेचा त्रास नको), व्हील १००% बॅलॅन्स करून, ल्यूब्रिकंट योग्य नि योग्य व्हिस्कोसिटीचे नि योग्य प्रमाणात --- मग फुल्ल अ‍ॅक्सलरेश - इतकी स्पीड येईल. ---------- डिझाईन डिपा. च्या गणितात तरी येईल.
↩ प्रतिसाद: मराठी कथालेखक
म
मराठी कथालेखक गुरुवार, 02/09/2017 - 13:04 नवीन
निर्वात पोकळीत इंजिन कसे चालेल ?
↩ प्रतिसाद: arunjoshi123
A
arunjoshi123 गुरुवार, 02/09/2017 - 13:21 नवीन
फक्त चाक निर्वात पोकळीत.
↩ प्रतिसाद: मराठी कथालेखक
प
पिलीयन रायडर Wed, 02/08/2017 - 17:21 नवीन
http://time.com/4663457/melania-trump-daily-mail-law-suit-flotus/?xid=time_socialflow_facebook फर्स्ट लेडी बद्दलची ही बातमी मला कुणी समजावुन सांगेल का? नक्की ह्याचा अर्थ काय?:- Mrs. Trump "had the unique, once-in-a-lifetime opportunity, as an extremely famous and well-known person, as well as a former professional model, brand spokesperson and successful businesswoman, to launch a broad-based commercial brand in multiple product categories, each of which could have garnered multi-million dollar business relationships for a multi-year term during which plaintiff is one of the most photographed women in the world," the lawsuit said
ह
हतोळकरांचा प्रसाद Wed, 02/08/2017 - 18:00 नवीन
पिराताई, माझ्या माहितीने ह्या बाईंनी "डेली मेल" वर डिफेमेशनची केस टाकली आहे. डेली मेल ने त्यांचा उल्लेख कुठेतरी "एस्कॉर्ट" असा केला आहे. बाईंच्या वकिलांचे म्हणणे आहे की त्यांना असे हीन संबोधन लावल्यामुळे त्यांच्या एकूणच प्रतिमेवर आघात झाला असून त्यामुळे त्यांना ब्रँड म्हणून मिळणाऱ्या व्यवसायाचं खूप मोठं नुकसान झालं आहे. एकूण १५० मिलियन डॉलरचा दावा केला आहे वाटतं.
↩ प्रतिसाद: पिलीयन रायडर
प
पिलीयन रायडर Wed, 02/08/2017 - 18:15 नवीन
पण मग - had the unique, once-in-a-lifetime opportunity, as an extremely famous and well-known person हे काय?
↩ प्रतिसाद: हतोळकरांचा प्रसाद
स
संदीप डांगे Wed, 02/08/2017 - 18:20 नवीन
मला समजले ते असे: had the unique, once-in-a-lifetime opportunity (as an extremely famous and well-known person, as well as a former professional model, brand spokesperson and successful businesswoman, ) to launch a broad-based commercial brand in multiple product categories, each of which could have garnered multi-million dollar business relationships for a multi-year term during which plaintiff is one of the most photographed women in the world
↩ प्रतिसाद: पिलीयन रायडर
स
संदीप डांगे Wed, 02/08/2017 - 18:44 नवीन
वन्स इन अ लाइफटाइम संधी ही एक कमर्शियल ब्रॅण्ड लॉन्च करण्याबद्दल आहे, पण बातमी चटपटीत बनवण्यासाठी मिडियावाले जाणूनबूजून अर्थाचे अनर्थ करत आहेत. तीचे फस्ट लेडी असणे तिला एन्कॅश करायचे आहे असे वातावरण बनवले आहे. प्रत्यक्षात तसे काहीही दिसले नाही. तिच्या इमेजला धक्का पोचल्यास त्या मल्टी-यिअर-टर्म (बिजनेसच्या) बट्ट्याबोळ होइल जी त्या बाईच्या आजवरच्या इमेजला (जगातली सर्वात जास्त फोटोग्राफ्ड स्त्री) समोर ठेवून प्लान केली आहे.
↩ प्रतिसाद: संदीप डांगे
ह
हतोळकरांचा प्रसाद Wed, 02/08/2017 - 18:22 नवीन
वकिली अतिशयोक्ती असावी बहुतेक :). आधीचीच ब्रँड व्हॅल्यू आणि त्यात आता फर्स्ट लेडी..हि वन्स इन लाईफटाइम ओपोर्च्युनीटी असं म्हणायचं असेल :)
↩ प्रतिसाद: पिलीयन रायडर
ग
गामा पैलवान Wed, 02/08/2017 - 19:23 नवीन
पिराताई, पूर्वप्रघातानुसार अमेरिकी राष्ट्राध्यक्ष आणि त्याचे कुटुंबीय सत्ताकाळात व्यवसायापासून दूर राहतात. मात्र तशी कायदेशीर जरुरी नाही. म्हणून मेलनीबाई आणि डोनल्डबुवांनी आपापले धंदे चालूच ठेवलेले आहेत. तर अशा वेळेस कोणीतरी तिचा एस्कॉर्ट म्हणून उल्लेख केल्याने धंद्यावर वाईट परिणाम झाला असं एकंदरीत रडगाणं आहे. आयुष्यातली एकमेव संधी याचा अर्थ राष्ट्राध्यक्षपत्नी असतांना आपली प्रतिमा आणि स्थान यांद्वारे पैसे मिळवायची सोय असा आहे. आ.न., -गा.पै.
प
पी. के. गुरुवार, 02/09/2017 - 07:57 नवीन
गावातील घरासाठी Vu Televisions [pronounced “view”] कंपनीचा TV घ्यायचा विचार करतोय. बैठकरूम मोठी आसल्यामुळे मोठा TV बघतोय. ५५ इंच फुल्ल HD ४२ हजारा पर्यंत भेटतोय. सोबत ३ वर्ष वारंटी पण आहे. बाकीचे नावाजलेले ब्रँड खूप महाग आहेत आणि वारंटी १ वर्ष . आपल्या पैकी कुणाकडे आहे का या कंपनीचा TV . कसे आहेत हे TV ?
म
मराठी कथालेखक गुरुवार, 02/09/2017 - 12:58 नवीन
हिंजवडीच्या तमन्ना एक्स्युकिटिव्ह नामक उपहारगृहात Vu चा TV पाहिला होता काही वर्षांपुर्वी, छान दिसत होता. अजूनही तोच TV तिथे असेल तर तो उत्तम आहे असे म्हणता येईल. (किंवा नवीन TV पुन्हा त्यांनी त्याच कंपनीचा घेतला असेल तरी तेच म्हणता येईल). उपहारगृह जवळच आहे, पण फक्त TV चा ब्रँड बघायला कसे जाणार ?.. शिवाय उपहारगृह थोडे महागडे आहे ? नाष्टा करुन येतो, व्यनिमध्ये अकाउंट नंबर आणि बिल पाठवतो... काय म्हणता ? :)
↩ प्रतिसाद: पी. के.
ह
हतोळकरांचा प्रसाद गुरुवार, 02/09/2017 - 13:12 नवीन
व्हिडिओकॉनपण एक पर्याय ठरू शकेल तुमच्या रेंजच्या जवळपास (थोड्याफार फरकाने).
↩ प्रतिसाद: पी. के.
प
पुंबा Tue, 02/14/2017 - 08:18 नवीन
बाइक घ्यावयाची आहे. होंडा युनीकॉर्न चा विचार करतो आहे. जुने मॉडेल परत लाँच होणार असल्याचे ऐकले. तेव्हा ही गाडी घ्यावी का? जुने की नवे मॉडेल अधिक चांगले राहील? हिच्याव्यतिरीक्त ह्या रेंजमधल्या इतर चांगल्या बाइक्स कोणत्या? जर कोणाकडे यूनिकॉर्न असेल तर अनुभव कसा आहे?
इ
इरसाल कार्टं Wed, 02/15/2017 - 05:46 नवीन
मी ४ वर्षे झाली वापरतोय, पूर्णपणे समाधानी आहे.
↩ प्रतिसाद: पुंबा
प
पुंबा Wed, 02/15/2017 - 06:52 नवीन
धन्स इका.. घेणे फिक्स केलेय आजच..
↩ प्रतिसाद: इरसाल कार्टं
व
वामन देशमुख Fri, 03/31/2017 - 09:22 नवीन
RDBMS theory बद्धल मदत हवी आहे. विशेषतः नॉर्मलायझेशन फॉर्म्स आणि डेटा डिपेंडंसीज समजून घ्यायचे आहेत. विकी, StackOverFlow आणि इतर साइटींवर वाचून झालेय पण पुरते समजले नाही. विशेषतः 3NF, BCNF फारसे काही कळले नाही. कुणी इथे लेख लिहिला तर बरे होईल. मला फोनवर समजावून सांगितले तर फारच उपकार होतील. तज्ज्ञ मिपा करांनी मला व्यनी करावा ही विनंती.
प
पुंबा Mon, 04/03/2017 - 09:22 नवीन
फ्रेंच व बंगाली भाषांत पारंगत असणार्‍या मिपाकांकडून मदत हवी आहे. या दोन्हीही भाषा शिकण्याची मनस्वी इच्छा आहे. सुरूवात कोठून करावी येथेच अडलो आहे. यूट्यूबचा वापर करण्याचा प्रयत्न केला मात्र एक ना धड भाराभर अश्या लिंक्स येत आहेत. अतिशय बेसिक्सपासून(मुळाक्षरांपासून) या भाषा शिकण्याची गरज आहे मला. कृपया चांगली पुस्तके, वेबसाईट्स, कोर्सेस, व्हॉटसॅपग्रूप सुचवा. या भाषा वाचता लिहिता, बोलता याव्यात अशी फार इच्छा लहानपणापासून आहे.
आ
आदूबाळ Mon, 04/03/2017 - 10:08 नवीन
सौरा, पुण्यात असाल तर 'अलियांस फ्राँसे' या संस्थेचे फ्रेंच वर्ग फार छान आहेत. (पत्रकारनगरच्या टोकाला आहे ही संस्था.)
↩ प्रतिसाद: पुंबा
प
पुंबा Fri, 04/21/2017 - 12:00 नवीन
आबा, हो पुण्यातच आहे. नक्की जाईन त्यांच्याकडे.
↩ प्रतिसाद: आदूबाळ
प
पुंबा गुरुवार, 06/01/2017 - 09:14 नवीन
फ्रेंच शिकणे सध्या पुढे ढकलले मात्र बंगाली शिकण्याचे प्रयत्न जोरदार चालू आहेत. बरेच प्राथमिक पातळीवरचे यश मिळाले आहे. 'बॉर्णोपरिचय' हे अप्रतिम अ‍ॅप, 'बंगाली भाषा परिचय' हे महाराष्ट्र साहित्य व संस्कृती महामंडळाच्या साईटवर मोफत पिडीएफच्या स्वरूपात उपलब्ध असणारे पुस्तक आणि बंगाली बडबडगीते, अ‍ॅनिमेटेड गोष्टी आणि सिनेमे या माध्यमातून शिकणे चालू आहे. मला स्वतःला बरीच प्रगती वाटत आहे. वर्णमाला जमू लागली आहे. आता छोटी छोटी वाक्ये वाचू शकत आहे. उच्चारांशी देखिल बराच परिचीत झालो आहे. भारी वाटतंय.
↩ प्रतिसाद: पुंबा
त
तेजस आठवले Fri, 04/21/2017 - 13:03 नवीन
आठवडाभर गावाला जायचे असल्यास कुंडीतल्या झाडांना पाणी मिळण्यासाठी काय उपाय करावा ? (शेजारी झाडे हलवणे अथवा त्यांना पाणी घालायला सांगणे हा पर्याय नाही.) खात्रीलायक आणि वापरून पाहिलेलाच उपाय कृपया सांगावा.
ए
एकुलता एक डॉन Sun, 04/23/2017 - 17:14 नवीन
पाण्याची बाटली छिद्र पडून ठिंबक सिंचन वापरून पहा
↩ प्रतिसाद: तेजस आठवले
प
पुंबा Sun, 04/23/2017 - 18:56 नवीन
पुस्तक दिनाच्या निमित्ताने फेबूवर अनेकांनी आपल्याकडे कशी हज्जार्रो पुस्तके आहेत अशी जाहिरात केली. 'आम्हाला नै आवडत ती इबुकं, आम्हाला पुस्तकांचा वास आवडतो, तो येतो का तुमच्या शिंच्या इबुकांत' वगैरे पोष्टी बऱ्याच पाह्यला मिळाल्या. पण मला खरोखर इपब फॉरमॅटमध्ये टॅबवर पुस्तकं वाचायला खुप आवडतात. भरभर वाचून होतात, कुठेही बसल्या बसल्या वाचता येते, स्वस्त पडतात, बरीच फुकट मिळतात. मराठी, हिंदी पुस्तकेदेखील किंडल फॉरमॅटमध्ये मिळतात. ऑफिसमध्ये पुस्तक घेऊन जाणे अशक्य आहे, तिथे मोबाईल किंवा टॅबवर वाचल्यास बॉसला पण काही वाटत नाही. तेव्हा इबुकांचा अजून प्रचार प्रसार व्हावा असे वाटते.
स
सिरुसेरि गुरुवार, 04/27/2017 - 11:47 नवीन
यु पी एस इनव्हर्टर कुठल्या कंपनीचा चांगला आहे ?
प
पुंबा गुरुवार, 06/01/2017 - 09:07 नवीन
'आर्य‌न इन्व्हेज‌न थिय‌री' पूर्ण‌प‌णे खोटी अस‌ल्याचे सिद्ध‌ झाले आहे का? म्ह‌ण‌जे ज‌व‌ळ‌ज‌व‌ळ स‌र्व इतिहास‌कारांना, उत्ख‌न‌कांना मान्य‌ होईल‌ असा एखादा निष्क‌र्ष‌ निघाला आहे काय‌(एखाद्या इतिहास‌ प‌रिष‌देत‌ व‌गैरे याव‌र च‌र्चा होउन‌ क्लोझ्य‌र‌ होणे अश्या स्व‌रुपात‌)? कि अजून‌देखिल ही थिय‌री ख‌री आहे यासाठी दिल्या गेलेल्या आधारांना पूर्ण‌प‌णे ब‌र‌खास्त क‌र‌ता आलेले नाहीये? मला आंतरजालावर कुठेही खात्रीलायक माहिती सापडली नाही याबाबत.
A
arunjoshi123 Sat, 07/15/2017 - 13:51 नवीन
माझी आई तिच्या गोड‌ आवाजात ल‌हान‌प‌णी एक‌ गाणं म्ह‌ण‌त‌ असे. त्यात‌ले काही श‌ब्द‌ असे - म‌हाराज लंकापुरी , प‌री राज्य‌ न‌ग‌री, आनंद क‌रिती हो न‌र नारी, गुढ्या तोर‌णे, तोर‌णे घ‌रोघ‌री, क‌ल्प‌वृक्ष‌ असे दारी, गुढ्या तोर‌णे. हे गाणं अत्य‌ंत म‌धुर‌ आहे नि मी क‌धी रेडिओ व‌र प‌ण ऐक‌लं नाही. कोणाला ठाऊक‌ आहे का हे गाणं? गुग‌ल‌व‌र/युत्युब्व‌र नाही.
त
तेजस आठवले Sat, 07/15/2017 - 19:04 नवीन
इलेक्ट्रिक बाईक / स्कूटर वापरतं का कोणी ? असल्यास अनुभव/अभिप्राय/माहिती द्यावी.
अ
अत्रे Sun, 08/06/2017 - 15:19 नवीन
दिल दोस्ती दोबारा मालिकेचे बारा का वाजले? एकेक कलाकाराने एकामागून एक एक्झिट का घेतली? मराठी मालिकांचे प्रोड्युसर निदान एका वर्षाचे कॉन्ट्रॅक्ट सुद्द्धा करत नाहीत का?
प
पुंबा Tue, 01/02/2018 - 14:18 नवीन
एका कथेत खालील वाक्ये वाचली
'आमच्या काकूने उभे लावून घेतले होते. मला कसे तरीच झाले. माझी आई असे कधीच करीत नसे. केवळ रीत म्हणून मी काका- काकूंना नमस्कार केला.'
इथे ठळक भागाचा अर्थ काय असावा?
प
पुंबा Tue, 01/02/2018 - 14:19 नवीन
माफ करा. आमच्या काकूने उभे लावून घेतले होते. मला कसे तरीच झाले. माझी आई असे कधीच करीत नसे. केवळ रीत म्हणून मी काका- काकूंना नमस्कार केला. इथल्या ठळक भागाचा अर्थ अपेक्षित आहे.
↩ प्रतिसाद: पुंबा