ए आय बी ची बातमी

यात रघूरामने पहिली शिवी देताना सांगितला , ' मी दिलेल्या प्रत्येक शिवीमुळे तुमचा टीआरपी वाढणार आहे'.. तसाच झाला आहे .. बदनाम सही नाम तो हुआ ! बाकी त्या ओंगळवाण्या प्रकाराची चर्चा करण्यात काही अर्थ नाही

पण मी काय म्हणतो , मित्रांमध्ये , दारू पार्ट्यांमध्ये , whats app ग्रुप मध्ये नेहमी सात्विक , देश हिताच्या आणि निर्मल कौटुंबिक गप्पा करणार्या चान चान लोकांच्या देशात असे कार्यक्रम करण्याची लोकांची हिम्मत कशी होते ?

या "बी" मधला "बक" म्हणजे बगळा तर नव्हे? "बकध्याना"ची आठवण झाली.

एआयबीचा स्वतःचा प्रेक्षक वर्ग आहे आणि त्यांचे सर्व व्हिडीओ स्ट्रीकली फॉर ऍडल्स. मीही त्यांना गेले वर्षभर फॉलो करतोय. रोस्ट हा शो पार वर्षानुवर्ष सुरु आहे, ह्यात मोठमोठे सेलिब्रिटी आपणहून येतात (ऑफकोर्स त्याचे खंडीभर पैसे मिळतात हेवेसांगनल :) ) ..... हे फक्त त्याचे भारतीय वर्जन. त्यांनी जर सर्व परवानग्या घेऊन हा शो केला असेल तर त्यांना कोणीही थांबवू शकत नाही. सरकारने हे आधीच सांगितले आहे (अश्लिल शो ‘AIB’ बंद करू शकत नाही : विनोद तावडे ) :) . . .

१. या कार्यक्रमामुळे समाज धोक्यात वगैरे येण्याची शक्यता आहे, हे (सुचवलेले!) ऐकून जितकी हहपुवा झाली, तितकी तो कार्यक्रम बघूनही झाली नव्हती. २. तिकिट काढून अपमान करून घ्यायला आलेल्या लोकांच्या भावना अजिबात दुखावल्या नाहीत. त्यामुळे इतर कुणाच्या दुखवायचा प्रश्नच येत नाही. ३. आपल्याकडे होळीमध्ये जे काही करण्याची पद्धत आहे, त्याहून हा कार्यक्रम फार वेगळा नव्हता. उलट, होळीमध्ये भाग घेण्यास अनुत्सुक असलेल्या त्रयस्थांनाही शिव्या, रंगकाम आणि एकूण सार्वजनिक राडा यांचा सामना करावा लागतो. इथे तसे झाले नाही. तिकिट काढणे किंवा आंतरजालावरील दुव्यावर टिचकी मारणे हे सर्वस्वी आपल्या हातात आहे. याला स्तुत्यच म्हणू नये काय? ४. कार्यक्रमाचा कलात्मक दर्जा फार उच्च होता असे मी (किंवा कुणीही) म्हणणार नाही. पण ज्या समाजात सेक्स हा विषय सार्वजनिकरूपाने निघताच बहुतेकजणांची दातखिळी बसते तिथे, हातचे राखून न ठेवता, भीडभाड न बाळगता, असे थेट विनोद (संबंधितांची नावे घेऊन) तासभर केले जाणे आणि उपस्थित मिश्रलिंगी जनसमुदायाने त्यावर मनमुराद हसून पावती देणे, याचा मला तरी आनंद होतो. हे विनोद कोंडकेछाप द्वयर्थी नसून, थेट लैंगिक अर्थाचे होते. (कोंडकेंचा इरसाल, बेरकी विनोदही मला आवडतो हे इथे नमूद करणे गरजेचे.) ५. लहान मुलांवर काय परिणाम होईल, वगैरे विचार ज्या चिंतातुर जंतूंना छळत आहेत, त्यांना सांगू इच्छितो, की बंधो, लहान मुलांना आपण समजतो त्याहून खूप खूप जास्त जाण असते. उलट विशिष्ट विषयांवर त्यांच्याशी निकोपपणे बोलायला आपण प्रौढच फार चाचरतो.

पिंपातला उंदीर आणि चलत मुसाफिर दोघांशीदेखील सहमत.

बॉलीवूडची 'संस्कृती' अतिशय दळभद्री आहे. आताच नाही तर अगदी पूर्वीपासून. अगदी ५०-६०च्या दशकात विदूषकी चाळे करणारा गायक्,अभिनय सम्राट म्हणवून घेणारा नट्,हिंदीत प्रसिद्ध झालेल्या आपल्याच काही मराठी 'बाया'...अर्थात हे सर्व तेव्हा त्यांच्या पार्ट्यांमध्ये चालायचे.. आता चॅनेलवर दाखवतात.

प्रॉब्लेम काय आहे ते समजलं नाही. १. त्यांनी शो पैसे लावून केला. फुकट नव्हता. २. वयोमर्यादा होती. ३. उपस्थितांना आवडला/नावडला असला तरी त्यांना काहीच हरकत नव्हती. मग फुकटात यूट्यूबवर बघताना आपल्याला काय फरक पडतो? ह्या प्रकारचा विनोद (!) आवडला नाही तर फार तर Not my cup of tea म्हणता येईल. पण दरवेळी वक्त्याने politically correct असण्याची गरज तरी कमी होईल हे चांगलच. नसत्या भावना वगैरे न दुखावता जे काही बोलायचंय ते अशा प्रकारच्या विनोदातून निदान बोलता तरी येईल.

हल्लीची नाटके सोडा पण फार्फार वर्षांपूर्वी जेव्हा नाटके ही कौटुंबिक, सोज्ज्वळ इ. इ असायची तेव्हादेखिल, तिसर्‍या अंकाचा पडदा पडला आणि प्रेक्षक (हातरुमालाने डोळे वैग्रे पुसीत) नाट्यगृहाबाहेर गेले, की विंगेत चौथा अंक सुरू होई! (ख खो नटेश्वर जा).

अहो प्रॉब्लेम हा आहे कि --लोकशाहीतल्या जबाबदार्या अजिबात जाणून न घेता त्यातील अधिकार मात्र वाजवून गाजवले जाताहेत .. --केवळ खिशात पैसे असले कि आपण काहीही कसेही वागू/बोलू शकतो असे सगळ्यांनाच वाटू लागते आणि मग खिशात पैसे येणे हि एकमेव प्रायोरिटी बनते ...आणि मग पुढे विधिनिषेध शून्य वागण्याचे निर्लज्ज समर्थन हे आलेच .. --खाजगीत कुणी काय वागावे ह्यावर कुणीच काही बोलू शकत नाही आणि नयेच...आक्षेप आहे तो असे कार्यक्रम जाहीर रित्या करण्याला (ते हि एकवेळ करोत बापडे ज्यांना जायचे ते जटील नाही ते नाही) त्याचे यु ट्यूब वर प्रसारण करायला ..कारण शेवटी ती त्याची जाहिरातच आहे ...असो ...पाश्चात्य जगातील ह्या अशा गोष्टी चट्कन उचलणारे आपण लोक ..डिस्कव्हरी चानेल सारखे काही प्रोग्राम्स का निर्माण करू शकत नाही ... हीन अभिरुचीचे आपल्याला जितके आकर्षण वाटून ती आत्मसात करण्याची तत्परता दाखवतो आपण आणि वर व्यक्तीस्वात्नत्र्याचा मुलामा देतो ..परंतु चांगल्या उत्तम गोष्टींचे निर्माण, जतन, संवर्धन ह्या गोष्टी अध्याहृत कर्तव्य आहे ह्याकडे सोयीस्कर काणाडोळा ... प्रोब्लेम आहे तो इथे... असो ..

उद्या I Am Offended ही डॉक्युमेंट्री रिलीज होणार आहे. ही डॉक्युमेंट्री बघूनसुद्धा हजारो लोक ऑफंडेड होतील. तूनळीवर ट्रेलर बघू शकता.

उगाच बाऊ करू नका . ज्याला पटत त्याने बघाव . ज्याला नाही पटत त्याने बघू नये. नुकत्याच आलेल्या बातमीनुसार ए आय बी ने तो विडीओ काढून घेतला आहे

हा शो काल रात्री तु-नळीवर पाहिला. शुद्ध य.झ. पणा होता हा. चॅरिटीच्या नावाखाली केलेला नंगानाच एवढचं म्हणु शकतो. चॅरिटीचं करायची होती तर नाच, स्किट्स वगैरे वगैरे सुद्धा सादर करता आलं असतं. त्यानंतर त्याच्यावरची कालिया भट ची प्रतिक्रिया अजुन चीड आणणारी होती. म्हणे टेन्शन रिलिफ चा एक प्रकार होता? करण जोहरचं तिसरं वाक्य काय असावं शो मधलं? "माझी आई प्रेक्षकात बसलेली आहे, तिला कार्यक्रम संपता संपता अँब्युलन्स्ची गरज पडणार आहे". वा रे वा. दिपिका पदुकोण, अलिया भट, सोनाक्षी सिन्हा वगैरेंविषयी एवढ्या खालच्या दर्जाच्या कॉमेंट्स केल्या गेल्या तरीही त्या निर्लज्जपणे हसत होत्या..एखादी असती तर स्टेजवर जाउन ह्यांची थोबाडं रंगवली असती. र"गु" रामन ह्या थोर महात्म्याविषयी तर काय बोलावं? काय ते त्याचे चाळे, काय अवतात. त्यावर रणवीर आणि अर्जुन कपुरच्या प्रतिक्रिया तर तोंडाच्या गटारपणाचा कळस. सलमान खानच्या निकटवर्तीयांवर केलेली टिका तर शोमधुन काढुन टाकायला लागलीये. कारण तो स्टेजवर बसलेला हत्ती होता त्याला सलमाननी रात्री दोन वाजता फोन केलेला.

व्हॉट्सअ‍ॅप वर २ व्हिडीयो आले होते. ते बघुन असे वाटले की कोणीतरी या अभिनेत्यांच्या तोंडात हे संवाद टाकले आहेत आणि एखादा डॉक्टर्ड व्हिडीयो आहे. इतक्या उघडपणे आणि जाहीरप्णे कोणी इतकी अर्वाच्य भाषा वापरेल आणि त्यावर उपस्थित स्त्री पुरुष हसतील असे वाटले नव्हते. अश्लील आणि किळसवाण्या भाषेचा अतिरेक झाला असे वाटते. लोक खाजगी मध्ये काय भाषा वापरतात आणि एकमेकांना आईबहिणीवरुन काय शिव्या देतात ही पुर्ण वेगळी गोष्ट आहे. पण जाहिर कार्यक्रमात एखाद्याच्या आईबद्दल आणि तिच्या खाजगी अवयवांबद्दल जे उद्गार काढले ते ऐकुन मी धन्य झालो. त्यावर रघु जे किळसवाणे हसला त्याबद्दल तर त्याला जन्माला घातल्याबद्दल त्याच्या आईनेही पश्चात्ताप व्यक्त केला असेल. अतिशय अश्लील आणी हिडीस होते. चार लोकांत काही द्वयर्थी विनोद सांगणे आणि जाहिर कार्यक्रमातुन इतकी किळसवाणी भाषा वापरणे यात फरक आहे, अर्थात या प्रकारामुळे आपली संस्कृती वगैरे धोक्यात आली असे काही वाटत नाही. हार्डकोर पॉर्न नेटवर उपलब्ध आहेच की. हिंदी / मराठी निळफीतींमधुनही असली अश्लील / हिडीस भाषा वापरली जाते. त्यात आणी या विनोदात काही फारसा फरक वाटला नाही असेही म्हणवत नाही. आईबद्दलचे (कुणाच्याही असो) इतके हिडीस आणि ओंगळवाणे वक्तव्य कुठल्याही निळफीतीतही कदाचित नसावे**. कोणाला तो विनोद वाटो बापडा. मला वाटणे शक्य नाही. **: आई बहिणीवरील शिव्या कुठल्या चित्रपटात दिल्या आहेत त्या दाखवुन त्यांचे अर्थ कृपया विचारु नयेत. त्यातला आणि या व्हिडीयो मधला फरक सुजाण नागरिकांना कळत असावा अशी अपेक्षा आहे.

मुळात शिव्या किंवा लैंगिक विनोद हा टॅबू का असावा? तो पण आपल्या संस्कृतीचा आणि समाजाचा भाग आहेच. त्यावर आक्षेप घेण्यासारखं काय आहे? काही जण म्हणतील कि स्त्रिया आणि मुलांचं काय, तर त्यांना एवढंच सांगतो कि जसे सगळे पुरुष सर्रास शिव्या देत नाहीत तसंच सगळ्या स्त्रियांना शिव्यांचं वावडं नसतं. आणि लहान मुलांना तर याबाबत खुपच माहिती असते. शेवटी हे मार्केट आहे, तुम्हाला आवडेल ते घ्या नाहीतर पुढे चला, कारण तुम्हाला जशा इतरांच्या काही गोष्टी आवडत नाहीत तसंच इतरांनापण तुमच्या काही गोष्टी आवडत नसतात. प्र॑त्येक ठिकाणी धर्म, संस्कृती आणि समाजस्वास्थ्य यांचा बडगा दाखवुन अभिव्यक्तीची गळचेपी करु नये. शेवटी "किर्तनाने महाराष्ट्र सुधारला नाही आणि तमाशाने बिघडला नाही". ज्याची जितकी पोच तो तेवढच घेतो. अजुन एक, मी तो शो यु ट्युब वर बघितला, चारचौघात(चारचौघीतही) चालणारे विनोद फक्त स्टेज वर सादर करुन प्रक्षेपित केलं एवढंच. कृपा करुन त्याच्याकडे याच आणि एवढ्याच द्रुष्टीने बघावे. यात धक्का बसु शकतो, पण हे सर्व एका डिसलोकेशन्च्या प्रोसेस चा भाग आहे. हे होतच राहणार.