कोलेस्ट्रेरॉल

स
सर्वसाक्षी
🗣 116 प्रतिसाद
रोज नवनवे ऐकायला, वाचायला मिळते आणि माझ्यासारख्या सामान्य माणसाचा पार बेंबट्या होतो. काही वर्षांपूर्वी कोलेस्टेरॉल विषयी ऐकले, याचा शरीरावर होणारा परिणाम, रक्तवाहिन्यांवर आतून चिकट स्तर निर्माण होणे, त्यामुळे हृदयविकाराचा झटका येण्याची शक्यता वगैरे. पाठोपाठ कोलेस्टेरॉल न वाढण्यासाठी काय टाळावे या यादीत अनेक आवडत्या पदार्थांची नावे. तेव्हा शेंगदाणे आणि नारळ/खोबरे हे नकार यादीत होते. आयुर्वेदिक उपचार पद्धती अवलंबणार्‍या वैद्यांनी छाती ठोकून सांगितले की साजूक तूप उत्तम, त्यात कोलेस्टेरॉल अजिबात नाही उलट ते शरीराला आवश्यक आहे, या उलट अ‍ॅलोपथी वाले डॉक्टर म्हणतात की ते कोलेस्टेरॉलसाठी वाईटच. अचानक असे वाचनात आले की शेंगदाणे आणि नारळ यामुळे कोलेस्टेरॉलचा धोका अजिबात नाही. आणि अलिकडे वाचनात आले की मुळात कोलेस्टेरॉल आणि हृदयविकार यांचा काही संबंध नाही. काही हृदरोग तज्ञांनी असे अनुभव दिले आहेत की त्यांनी जेव्हा आतापर्यंत केलेल्या हृदयशस्त्रक्रियांच्या रुग्णांचा कोलेस्टेरॉल या दृष्टीने अभ्यास केला तर असे आढळुन आले की अर्ध्या रुग्णांचे कोलेस्टेरॉल सर्वसाधारण म्हणजे मर्यादेत होते तर अर्ध्यांचे त्याहूनही कमी होते. काही डॉक्टर्सनी असे प्रतिपादीत केले की जर कोलेल्स्टेरॉल रक्तवाहिन्यांच्या भिंतींवर साचते तर ते मूत्रपिंड, यकृत वा पित्ताशयात का साचत नाही? असेही मत आहे की काही बड्या खाद्य़कंपन्यांनी त्यांची 'पथ्याची आरोग्यपूर्ण खाद्य उत्पादने' खपवण्यासाठी हा बागुलबुवा उभा केला. मधुमेहाविषयी सुद्धा असे वाचनात आले की १९९७ सालापर्यंत साखरेचे १४० हे प्रमाण सामान्य मानले जात होते, अचानक १९९७ साली ते ११५ वर आणले गेले आणि रातोरात काही कोटी लोक मधुमेहग्रस्त ठरले. पुढे २००३ साली ते प्रमाण शंभरवर आले. पुन्हा मधुमेहींच्या संख्येत लक्षणिय वाढ. हे प्रमाण घटव्ण्याची शिफारस करणार्‍या मंडळाचे सर्व सदस्य डॉक्टर्स हे बड्या औषध कंपन्यांचे सल्लागार होते. यात तथ्य किती?
वर्गीकरण
वैद्यकशास्त्र
23984 वाचन
💬 प्रतिसाद (116)
व
वेल्लाभट Wed, 12/02/2015 - 09:30 नवीन
आणखी एक कॉन्स्पिरसी थिअरी म्हणायचीं कीं कांय हीं?
क
कविता१९७८ Wed, 12/02/2015 - 09:46 नवीन
चांगला धागा, मलाही याबद्दल माहीती नाही, या धाग्यामुळे छान माहीती मिळु शकेल
प
प्रसाद१९७१ Wed, 12/02/2015 - 09:49 नवीन
चांगला धागा, डॉक्टर लोक प्रकाश टाकतीलच.
ज
जातवेद Wed, 12/02/2015 - 09:52 नवीन
+१
↩ प्रतिसाद: प्रसाद१९७१
म
मांत्रिक Wed, 12/02/2015 - 13:32 नवीन
+२
↩ प्रतिसाद: जातवेद
R
rahul ghate Wed, 12/02/2015 - 13:09 नवीन
ह्या विषयावर कृपया जाणकारांनी प्रकाश टाकावा
म
मूकवाचक Wed, 12/02/2015 - 13:17 नवीन
कोलेस्टेरॉल विषयी 'वैज्ञानिक माहिती' वाचून हा अंधश्रद्धा निर्मूलन समितीने हाती घेण्याजोगा एक विषय आहे असे वाटते. असो.
स
संदीप डांगे Wed, 12/02/2015 - 13:27 नवीन
आम्ही तर केव्हाचेच बोललो होतो की असल्या वैज्ञानिक अंधश्रद्धा दूर करायला अंनिसने पुढाकार घ्यायला हवा. पण असे बोलले की आम्ही अंनिसच्या महान कार्यावर चिखलफेक करत आहोत असे काहींना वाटले.
↩ प्रतिसाद: मूकवाचक
र
राही Wed, 12/02/2015 - 13:26 नवीन
मध्यंतरी डॉ. मीना नेरूरकर यांचा एक लेख माध्यमांतून फिरत होता. त्यात खोबरेलाचे आश्चर्यकारक गुण सांगितले होते. रोज एक चमचा खोबरेल प्याल्याने फायदा झाला त्याचेही उल्लेख होते.
प
पैसा Wed, 12/02/2015 - 13:33 नवीन
आता मोदी सरकार हामेरिकन कुंपण्यांचे ऐकून अजून काय काय गोष्टी करतात बघू या! मी तर या टेस्ट करायलाच जात नाही. उगीच आ बैल मुझे मार काय! खाणे जेवण नेमस्त ठेवायचे. थोडाफार व्यायाम करायचा. बाकी काही का होईना!
स
संदीप डांगे Wed, 12/02/2015 - 13:33 नवीन
मेडिकल सायन्स मधे बाबा वाक्यम् प्रमाणम् असतं. पडदे के पिछे बरंच काय चालू असतं. डॉक्टरलोक त्याबद्दल कधीच खुलासे करत नाहीत. एखादेच रवी बापट असतात. डायबेटीस ही एक इंडस्ट्री आहे. आजार नाही. मनुष्य आयुष्यभर औषधे घेत राहिला पाहिजे अशी व्यवस्था म्हणजे डायबेटीस उपचार पद्धती. इथे एक गोळी पन्नास पैशालाही मिळते आणि तीच पन्नास रुपयालाही मिळते. बाकी नेहमीचा मसाला आहे धाग्यात. नवीन माहितीबद्दल धन्यवाद! २०० साठी शुभेच्छा!
ह
हेमंत लाटकर गुरुवार, 12/03/2015 - 05:29 नवीन
पुरोहितांवर कर्मकांड करून लाखो रूपये कमावतात असा आरोप केला जातो. मग डाॅक्टर अनावश्यक तपासण्या करून भरमसाठ आैषधे घ्यायला लावतात याबद्दल मात्र कोणी बोलत नाही. अवांतर : जेनेरिक आैषधे खूप स्वस्त असतात पण एकही डाॅक्टर जेनेरिक आैषधाचे प्रिस्पिक्शन लिहून देत नाहीत.
म
मांत्रिक गुरुवार, 12/03/2015 - 05:39 नवीन
लट्टुकाका, प्रत्येक औषधाच्या स्ट्रीपवरची कंटेटची नावे वाचायची सवय ठेवली तर आपोआपच आपल्याला तेच औषध असणारे पण दुसर्‍या कंपनीचे स्वस्तातले उत्पादन घेता येते. उदा. Omniprazole हे पित्तशामक औषध दोन वेगवेगळ्या कंपन्या ओमेझ-डी आणि ओम्नी-डी या नावाने विकतात. हे एक सोपे परिचित उदाहरण झाले. परंतु सर्दी, खोकला, ताप यांची औषधे व अँटीबायोटी़क यासारख्यात तर अनेक प्रकारची काँबिनेशन असून सामान्य माणसाला हे सर्व गोंधळून टाकणारे व घाबरवणारेच ठरेल. त्याकरिता वैद्यक व्यवसायिकांनीच पुढाकार घ्यायला हवा. पण माझा एक अनुभव आहे. स्वस्तातील औषध लवकर परिणामकारक ठरत नाही म्हणतात. मला पण असा अनुभव आलाय. पण हा सर्व मनाचा खेळ असेल का की औषध स्वस्त म्हणून परिणाम कमी! की खरंच स्वस्त औषधात फिलर्स वगैरे वापरत असतील?
↩ प्रतिसाद: हेमंत लाटकर
ए
एक सामान्य मानव Fri, 12/04/2015 - 11:13 नवीन
हा प्रयत्न केला होता. पण दुकान्दार ही औषधे ठेवत नाहीत. जी मिळतात ती साधारण सारख्याच किमतीची असतात. एखाद दुसरा रुपया कमी जास्त. खूप स्वस्त औषधे ठेवत नाहीत कारण कोणीच ती लिहून देत नाही व जनरली लोकांना ती माहित नसतात.
↩ प्रतिसाद: मांत्रिक
स
सुबोध खरे गुरुवार, 12/03/2015 - 06:43 नवीन
भारतात विकली जाणारी ३०% औषधे नकली असतात. counterfeit drugs a study by Assocham, the body that represents chambers of commerce in India, recently put it at a high 30% of all drugs sold in India, or about Rs10,200 crore out of an industry that sells Rs34,000 crore each year. http://www.newsweek.com/2015/09/25/fake-drug-industry-exploding-and-we-cant-do-anything-about-it-373088.html http://www.livemint.com/Companies/DKFwlkzPv02MPyiZxUGqDN/Fake-drug-industry-operates-openly.html डॉक्टरने जेनेरिक औषधाची चिठ्ठी द्यायची आणी केमिस्टने त्याला जो सर्वात जास्त कमिशन देईल त्या कंपनीचे औषध विकायचे हा "१००%" डॉक्टरना अनुभव आलेला आहे. आणी अशा नकली औषधाने रुग्णाचा आजार बरा झाला नाही तर डॉक्टरला अक्कल नाही हे आहेच. वर होणारे साईड इफेक्ट्स बद्दल बोलणे नाहीच. हे सर्व जर रुग्णाने दिलेले औषध वेळेवर घेतले तर रुग्णसेवा म्हणजे ईश्वरसेवा अशा तर्हेचे उदात्त विचार डोक्यात ठेवून आम्ही लष्कर सोडल्यावर व्यवसाय सुरु केला. व्हावी म्हणून RANBAXY या कंपनीची जेनेरीक औषधे उदा. ROXITHROMYCIN रुपये ४०/- (१० गोळ्यांसाठी) ROXITHRO ७२ रुपये त्याच कंपनीचे ब्रांडेड ऐवजी विकत घेतले आणी रुग्णांना ना नफा तत्वावर देणे सुरु केले. त्यावर डॉक्टर स्वतः कडचे औषध देऊन पैसे उकळतात असे बरेच संवाद कानावर आल्यामुळे असे "उदात्त" प्रयत्न सोडून दिले. ROXITHRO ७२ रुपाये देऊन घेण्यास रुग्णांची पसंती होती तर उत्तम. उगाच आम्ही औषधे विकत स्वतः कडे ठेवायची आणी वर शिव्या खायच्या हे धंदे कशाला? डॉक्टर धंदाच करायला बसले आहेत, आम्हाला कापायला तयार असतात, लुटतात हे सर्व आहेच. असो.
↩ प्रतिसाद: हेमंत लाटकर
म
मांत्रिक गुरुवार, 12/03/2015 - 06:46 नवीन
डॉक्टरने जेनेरिक औषधाची चिठ्ठी द्यायची आणी केमिस्टने त्याला जो सर्वात जास्त कमिशन देईल त्या कंपनीचे औषध विकायचे हा "१००%" डॉक्टरना अनुभव आलेला आहे. आणी अशा नकली औषधाने रुग्णाचा आजार बरा झाला नाही तर डॉक्टरला अक्कल नाही हे आहेच. वर होणारे साईड इफेक्ट्स बद्दल बोलणे नाहीच. अगदी सहमत! ही बाजू पण लक्षात घ्यायला हवी.
↩ प्रतिसाद: सुबोध खरे
व
वेल्लाभट गुरुवार, 12/03/2015 - 06:56 नवीन
+१ डॉक्टर कळकळ पोचली
↩ प्रतिसाद: मांत्रिक
व
वेल्लाभट गुरुवार, 12/03/2015 - 07:03 नवीन
एक विचारू का पण डॉक्टर आता विषय निघालाय तर... When a case happens where on account of an obvious negligence or an intentional act of a doctor, a patient loses his life or faces other painful medical consequences, we sometimes see patients reacting violently, sometimes thorough a more sophisticated channel like social media. The doctors then go on a strike may be, causing more inconvenience to other patients. हे असं जेंव्हा होतं; तेंव्हा तुमचं काय म्हणणं असतं? अशा वेळीही डोक्टरांचंच समर्थन करावंसं वाटतं, की डोक्टर पेशातील माल्प्रॅक्टिसेस विरुद्ध एकत्र व्हावंसं वाटतं? अशी उदाहरणं देऊ शकाल का की जिथे डॉक्टर फ्रॅटर्निटीतूनच एखाद्या डॉक्टरला, किंवा एखाद्या गटाला विरोध झालाय, त्यांच्या दूषित उद्देशांमुळे?
↩ प्रतिसाद: सुबोध खरे
स
सुबोध खरे गुरुवार, 12/03/2015 - 07:52 नवीन
या प्रश्नाचे दोन भाग आहेत. जर डॉक्टरच्या निष्काळजीपणाने रुग्णाला इजा झाली किंवा मृत्यू झाला यात ज्याचा नातेवाईक गेला आहे त्याला साहजिकच लोकांची सहानुभूती असते. एक उदाहरण देतो के ई एम रुग्णालयात एक चेम्बुरहून अत्यवस्थ बालक घेऊन त्याचे आईवडील आले. हे बालक तीन दिवसापासून गम्भीर आजारी होते. शेवटच्या क्षणी त्या पालकांनी के ई एम मध्ये आणले तेंव्हा तेथील मुलांचे आय सी यु मध्ये एकही खाट शिल्लक नव्हती. पालकांना याची कल्पना दिली गेली असताना त्यांचे म्हणणे कि आमचे मुल जास्त गंभीर आहे. तुम्ही कोणत्याही मुलाला वार्ड मध्ये हलवा आणी आम्हाला जागा द्या. तसे करणे शक्य नव्हते या मुलाची वार्ड मध्ये सोय केली होती पण चार पाच तासात ते मुल दगावले. या रुग्णाच्या नातेवाईकांनी तेथील डॉक्टर आणी परिचारिकेला काठ्या आणी सळ्यांनी मारहाण केली. अशा परिस्थितीत के ई एमच्या डीन नि पोलिसांना कळवले असता काहीही हालचाल झाली नाही. कारण "त्यांचे पोटचे मूल दगावले होते " म्हणून सर्व सहानुभूती त्यांच्याकडेच होती. या परिस्थितीत त्या दिवशी वर्तमानपत्रात "डॉक्टरच्या निष्काळजीपणाने बालकाचा मृत्यू" अशी बातमी आली होती . दुसर्या दिवशी सविस्तर खुलासा झाला तेंव्हा आई बाप तीन दिवस थंड बसले होते असे कळले तेंव्हा त्यांना निष्काळजीपणा बद्दल अटक करा असे म्हणायला कोणी पत्रकार तयार होईल का? अशा परिस्थितीत डॉक्टरनी काय करणे अपेक्षित आहे? संपावर गेले नसते तर त्यांच्याकडे कुत्रंहि पाहण्यास तयार नाही. १८-२२ तास ड्युटी करणाऱ्या डॉक्टरांची राहण्याची व्यवस्था आपण एकदा पाहून या म्हणजे आपल्याला कळेल. २०१५ मध्ये तीन निवासी डॉक्टरचा क्षय रोगाने मृत्यू झाला आहे. त्याकडे लक्ष द्यायला ना जनतेला वेळ आहे न सरकारला. एक मेला तर दुसरा येतोच आहे. काहीही झालं कि अत्यावश्यक सेवा याचा बडगा उगारायला न्यायालय आणी सरकार नेहमीच तयार होतं. कारण सवंग लोकप्रियता. तरी बरं हे सरकारी रुग्णालय होते त्यामुळे निदान पैशासाठी केलं असा म्हणता येणार नाही. खाजगी रुग्णालये संपावर जात नाहीत आणी गेली तरी त्यांना कुणी विचारत नाहीत. ठाण्यात श्री आनंद दिघे यांच्या मृत्यू नंतर रेमंड्स (आत बट्ट्यात/ तोट्यात असूनही ते जन हितार्थ चालवीत होते) चालवीत असलेल्या रुग्णालयात शिवसैनिकांनी जाळपोळ केली. यामुळे त्या प्रशासनाने ते रुग्णालय कायमचे बंद केले आणी ठाण्यातील जनतेची फार मोठी गैरसोय झाली. पण लक्षात कोण घेतो? राहिली गोष्ट निष्काळजीपणा हा ठरवायचा कोणी? एक तर पोलीस किंवा तज्ञ समिती. त्याअगोदर रुग्ण कायदा हातात घेऊन आपल्या बाजूने निकाल लावायचा प्रयत्न करीत आहेत आणी याला सामान्य माणसे सार्वजनिक न्यासावर कोणतीही शहानिशा न करता ढकल पत्रे पाठवून दुजोरा देत आहेत. यामुळे आज परिस्थिती अशी झाली आहे कि रुग्ण जास्त अत्यवस्थ असेल तर बरीचशी खाजगी रुग्णालये आमच्याकडे साधन सामग्री नाही, बेड रिकामा नाही, डॉक्टर सुटीवर आहे अशी कारणे दाखवून रुग्णांना सरकारी रुग्णालयात पाठवीत आहेत. पैसा मिळाला नाही तरी चालेल पण हि कटकट नको असा सर्वत्र सूर आहे. शेवटी यात सर्वसामान्य माणसांचेच नुकसान आहे. तेंव्हा सार्वजनिक न्यासावर कोणतीही शहानिशा न करता आपण मत देणे किती योग्य हे गंभीर पणे विचारात घ्यायची वेळ आली आहे. राहिली गोष्ट एखाद्या डॉक्टरने गरज नसताना एखादि शल्यक्रिया केली आणी रुग्ण दगावला तर त्यात असलेला निष्काळजी पणा हा पोलीस तज्ञ समिती किंवा न्यायालयाने सिद्ध केल्याशिवाय जर इतर डॉक्टर त्याला दोषी ठरवणार असतील तर त्यांच्यात आणी निरक्षर जनतेत फरक काय राहील? आणी असे सिद्ध झाले कि भारतीय वैद्यक संस्था त्यांच्यावर बंदी घालते.
↩ प्रतिसाद: वेल्लाभट
व
वेल्लाभट गुरुवार, 12/03/2015 - 09:52 नवीन
बरोबर आहे तुमचं. अ‍ॅग्रीड. अतिशय संतुलित प्रकारे बाजू समजवलीत. खरं म्हणजे, 'घ्या! म्हणजे तुम्हीही त्यातलेच डोक्टरांवर आरोप करणारे, मारहाण करणारे!' असा विक्षिप्त प्रतिसाद तुमच्याकडून येणार नाही याची खात्री होती. म्हणूनच विचारावसं वाटलं. बरेचदा इथं लोकं विपर्यास करताना दिसतात ना, म्हणून हे स्पष्टिकरण बाकी काही नाही. थंब्स अप.
↩ प्रतिसाद: सुबोध खरे
न
नेत्रेश Sat, 12/05/2015 - 04:12 नवीन
डॉक्टरनी वेल्लाभटांचा "अशा वेळीही डोक्टरांचंच समर्थन करावंसं वाटतं, की डोक्टर पेशातील माल्प्रॅक्टिसेस विरुद्ध एकत्र व्हावंसं वाटतं?" हा प्रश्न मात्र टाळलाच. मलातरी वाटत नाही की मिपावरचा कुठलाही डॉक्टर या प्रश्नांची उत्तरे देउ धजेल.
↩ प्रतिसाद: वेल्लाभट
स
सुबोध खरे Sat, 12/05/2015 - 05:34 नवीन
नेत्रेश आण्णा डॉक्टरांची संघटना IMA हि वेळोवेळी माल्प्रॅक्टिसेस करणाऱ्या डॉक्टरन बोलावून "समज" देण्याचे किंवा समुपदेशन करण्याचे काम करीत असते. पण हि बहुतांशी माहिती "ऐकीव" असल्याने त्यावर ठोस असा उपाय त्यांना करत येत नाही किंवा ते त्यांच्या अखत्यारीत आणी कायद्यात बसत नाही. शिवाय एखादा डॉक्टर आपल्या कौशल्यापेक्षा "जास्त" काही करायचा प्रयत्न करीत असेल किंवा सरळ सरळ गैरप्रकार करीत असेल तर "मौखिक" प्रसिद्धीमुळे त्याच्या कडे आपले रुग्ण पाठविणे डॉक्टर स्वतः हून कमी करतात किंवा आपल्या माहितीतील लोकांना त्याविरुद्ध सल्ला देतात आणी डॉक्टर ने दिलेल्या अशा सल्ल्याची चार जणात प्रसिद्धी फार लवकर पसरते.परंतु इथे सुद्धा कोणतीही गोष्ट केवळ ऐकीव असल्याने प्रत्यक्ष कृती करणे अशक्य असते किंवा अशा गोष्टीला "प्रसिद्धी" देणे अशक्य असते. राहिली गोष्ट-- एखाद्या डॉक्टरला कायद्याप्रमाणे शिक्षा झाली तर ती बातमी पहिल्या पानावर वर्तमानपत्रात येतेच किंवा आपल्यासारखे लोक चविष्टपणे चघळतातच.
↩ प्रतिसाद: नेत्रेश
न
नेत्रेश Sun, 12/06/2015 - 07:17 नवीन
"किंवा आपल्यासारखे लोक चविष्टपणे चघळतातच." आपली ओळख किंवा काहीही पुरावा नसताना हे अनुमान आपला कौशल्यापेक्षा "जास्त" काही करायचा प्रयत्न वाटतो.
↩ प्रतिसाद: सुबोध खरे
इ
इरसाल कार्टं Sat, 03/18/2017 - 12:42 नवीन
+1111111
↩ प्रतिसाद: वेल्लाभट
प
प्रसाद१९७१ गुरुवार, 12/03/2015 - 08:07 नवीन
When a case happens where on account of an obvious negligence or an intentional act of a doctor, a patient loses his life or faces other painful medical consequences,
वेल्लाभट - कदाचित काही वेळेस डॉकटर ची चूक होऊ शकते, कधी कधी प्रचंड काम ( १६-१६ तास ) वगैरे कारणांमुळे क्वचित दुर्लक्ष पण होऊ शकते. पण इंटेंशनली / जाणीवपूर्वक डॉक्टर असे काही करेल असे अजिबात वाटत नाही. ( दुर्मीळातील दुर्मीळ केस चे उदाहरण देऊ नका ). पण अजिबात चुका न होणे हे शक्य आहे का? कोणाकडुन ही. आपण स्वता आपल्या कामात प्रत्येक दिवशी कीती प्रचंड चुका करतो. पण डॉक्टरांकडुन स्टॅटेस्टिकल्ली कीती चुका होतात? आणि ह्या सर्वात रुग्ण आणि त्याचे नातेवाईक ह्यांची काहीच जबाब्दारी नसते का? डॉक्टर नर्स वगैरेंना प्रश्न विचारणे, औषधे जी लिहीली आहेत तिच दिली जातायत का नाही ते बघणे इत्यादी इत्यादी करायला नको का? आणि शेवटी काही गोष्टी नशिब/ दैव वगैरे वर आपण सोडत नाही का? मी अमेरीकेत का जन्माला आलो नाही? नारायण मूर्तीचा मुलगा का झालो नाही? एखाद्या हिरो सारखा का दिसत नाही? अश्या गोष्टींनी काही जगावर राग काढतो का?
↩ प्रतिसाद: वेल्लाभट
व
वेल्लाभट गुरुवार, 12/03/2015 - 09:56 नवीन
एक मिनिट; तुमचे काही मुद्दे बरोबर असले तरी मी इथे फक्त शंका म्हणून डॉक्टरांना विचारलंय हो. मला वैयक्तिक काहीच मत द्यायचं नाहीये. आणि
पण इंटेंशनली / जाणीवपूर्वक डॉक्टर असे काही करेल असे अजिबात वाटत नाही.
हे जेंव्हा तुम्ही म्हणता तेंव्हा मला सांगा, पेपरमधे ते किडनी काढली, नॉर्मल होत असताना उगाच सीझर केली, काहीच न करता नुसते टाके घालून अँजिओप्लास्ट्री वगैरेचे पैसे घेतले... या बातम्या येतात त्या उगीचच्च नाही ना येत; असे प्रकारही होतात जगात; आपल्याकडे जास्त. सो; नो साइड इज कंप्लीटली राइट्/राँग असं म्हणेन.
↩ प्रतिसाद: प्रसाद१९७१
प
प्रसाद१९७१ गुरुवार, 12/03/2015 - 10:26 नवीन
पेपरमधे ते किडनी काढली, नॉर्मल होत असताना उगाच सीझर केली, काहीच न करता नुसते टाके घालून अँजिओप्लास्ट्री वगैरेचे पैसे घेतले...
कीडनी काढणे, अवयवांचा व्यापार करणे ही गुन्हेगारी आहे, त्या बद्दल काहीच बोलणे नाही. तो डॉक्टर जरी असेल तरी गुन्हेगार आहे. पण दुसरी दोन उदाहरणे, सीझर आणि खोटी अँजिओप्लॅस्टी : ह्या दोन गोष्टींमुळे तुम्ही डॉक्टरांना जो प्रश्न विचारला होता ( रुग्णाचा मृत्यु किंवा अपंगत्व ) नाही येणार . ही पैश्याची फसवणुक आहे . रुग्णाचे पैसे फक्त जास्त जातात. म्हणुनच मी काही जबाब्दारी रुग्ण आणि नातेवाईकांवर पण टाकली होती. अपघात वगैरे प्रसंग सोडता, आपल्याला अशी फसवणुक न करणारे हॉस्पिटल आणि डॉक्टरची माहीती असायला हवी. किंवा जेंव्हा गरज पडेल तेंव्हा ती मिळवायला हवी.
↩ प्रतिसाद: वेल्लाभट
व
वेल्लाभट गुरुवार, 12/03/2015 - 10:29 नवीन
राइट आहे.
↩ प्रतिसाद: प्रसाद१९७१
स
संदीप डांगे गुरुवार, 12/03/2015 - 10:36 नवीन
सीझर प्रसादजी, सिझरमधे फक्त पैसे जातात याला तीव्र आक्षेप. सिझरमुळे अनेक आरोग्य समस्यांना स्त्रियांना सामोरे जावे लागते. जीवन-मरणाच्या प्रसंगातच सीझर योग्य असते. पण हल्ली सर्वांच्या सोयीखातर याचे प्रमाण वाढले आहे. याचे दूरगामी परिणाम स्त्रियांना भोगावे लागतात. याबद्दल अधिक माहिती घ्यावी अशी विनंती. अनवधनानेही कुणी सिझर ला साधी शस्त्रक्रिया समजू नये.
↩ प्रतिसाद: प्रसाद१९७१
प
प्रसाद१९७१ गुरुवार, 12/03/2015 - 10:41 नवीन
मान्य संदीप जी.
↩ प्रतिसाद: संदीप डांगे
व
वेल्लाभट गुरुवार, 12/03/2015 - 10:50 नवीन
एक्झॅक्टली. माझ्या माहितीत एका व्यक्तीने डॉक्टरांचा चावटपणा (कृपया सरसकटीकरण समजू नये) ऐकून असल्याने डिलिव्हरी आधी डॉक्टरांना हे सांगितलं होतं, 'मी सीझरचे पैसे देईन; पण डिलिव्हरी नॉर्मलच करायची आहे' बाकी डांगे साहेबांचं म्हणणं किती खरं आहे ते वेगळं सांगायला नको.
↩ प्रतिसाद: संदीप डांगे
स
सुबोध खरे गुरुवार, 12/03/2015 - 14:52 नवीन
सिझेरियनचे प्रमाण सरकारी रुग्णालयात साधारण २५ % आहे. तेच खाजगी रुग्णालयात ४० ते ४५ % आहे. याची अनेक कारणे आहेत.( हि आकडेवारी २०१३ ची आहे) सरकारी रुग्णालयात गरीब स्त्रिया जास्त असतात त्यात एक पेक्षा जास्त मुले असणार्यांचे प्रमाण खूप आहे यात साधारण प्रसूती जास्त सोपी असते. त्यातून या स्त्रिया बर्याच तरुण असतात आणि कळा देण्याची मानसिक तयारीही त्यांची जास्त असते(त्यांच्या जवळ पर्याय नसतोच).बालकांचे वजन जन्मतः सरासरीने कमी असते( आईच्या कुपोषणामुळे) त्यामुळेही साधारण प्रसूती जास्त प्रमाणात होताना आढळते. या उलट खाजगी दवाखान्यात जास्त वयाच्या (३०+) स्त्रियांचे प्रमाण जास्त आहे. शिवाय वरच्या आर्थिक स्तरातील स्त्रियांचे प्रमाणही बरेच जास्त आहे. यांची कळा देण्याची मानसिक तयारी आणि क्षमता बरीच कमी असल्याचे आढळते. त्यातून मोठ्या रुग्णालयात हुच्च्भ्रू आणि अद्ययावत स्त्रिया यान्च्यात हे प्रमाण फारच जास्त आहे. मध्यम आणि उच्च वर्गातील स्त्रियांच्या बालकांचे जन्मतः वजन मातेच्या उत्तम पोषणामुळे जास्त असते. शिवाय जर प्रसूती गुंतागुंतीची असेल तर लोक स्त्रीला ( सरकारी अनास्थे मुळे) खाजगी रुग्णालयात नेणे पसंत करतात वरील कारणांमुळे खाजगी रुग्णालयात सरकारी रुग्णालयांपेक्षा सिझेरीयनचे प्रमाण १०-१२ % जास्त असते. यापेक्षा अधिक असणारे प्रमाण हे सिझेरियन साठी प्रत्यक्ष वेळ कमी लागतो रात्री बेरात्री यावे लागत नाही आणि पैसे जास्त मिळतात हि वस्तु स्थिती आहे. प्रसुतीच्या दरम्यान आईचा रक्तदाब, गर्भाशयाची स्थिती यावर पूर्ण नियंत्रण ठेवता येते त्यामुळे सिझेरियन हे गुंतागुंतीच्या प्रसूती मध्ये आई आणि मुलासाठी जास्त सुरक्षित असते. खाजगी रुग्णालयात सुरुवातीला डॉक्टरला अपयश घेणे कठीण जाते त्यामुळे सिझेरीयन कडे कल वाढतो. यातून एक चक्र निर्माण होते. गुंतागुंतीची प्रसूती नको म्हणून सिझेरियन आणि जास्त सिझेरियन केल्यामुळे अशा प्रसूती बद्दल अनुभव कमी म्हणून परत सुरक्षिततेचा उपाय म्हणून सिझेरियन हि वृत्ती वाढते. मी अशी काही रुग्णालये पाहिली आहेत जेथे सिझेरियन आणि साधारण प्रसूतीसाठी तोच दर आहे. पण तेथेही सिझेरियनचे प्रमाण वरील कारणांमुळे जास्त आढळले. हि परिस्थिती काही वेळेस इतकी टोकास जाते कि ७५ ते ८०% प्रसूती सिझेरियनने होऊ लागतात. बर्याच शहरात असे एखादे रुग्णालय असे आढळते ज्याची "कीर्ती " येथे गेलात तर सिझेरियनच होईल अशी आहे. उदा. माझ्या माहितीतील एका रुग्णालयातील एक महिला स्त्री रोग तज्ञ. त्यांचे डॉक्टर यजमान वारल्यानंतर एक गुंतागुंतीची केस आली आणि त्यात काही गुंतागुंत झाली या सर्व बाबी त्यांनी एकट्याने हाताळल्या. परंतु आता दोन मुलीना रात्री एकटे सोडायचे नाही आणि उगाच धोका नको म्हणून जराशी सुद्धा वेगळी केस असेल तर सिझेरीयनच करतात.साधारण प्रसूती आणी सिझेरियन चा दर एकच आणी रास्त आहे. वि. सू.-- मी स्त्री रोग तज्ञ नाही, माझे रुग्णालय नाही. हे केवळ वस्तुस्थितीचे विश्लेषण आहे यात कोणतेही समर्थन नाही.
↩ प्रतिसाद: वेल्लाभट
म
मार्मिक गोडसे गुरुवार, 12/03/2015 - 15:42 नवीन
गुंतागुंतीची प्रसूती नको म्हणून सिझेरियन आणि जास्त सिझेरियन केल्यामुळे अशा प्रसूती बद्दल अनुभव कमी म्हणून परत सुरक्षिततेचा उपाय म्हणून सिझेरियन हि वृत्ती वाढते
हे मुख्य कारण आहे. मुहुर्तावर बाळाच्या जन्माचा अट्टाहास हे ही एक कारण आहे
↩ प्रतिसाद: सुबोध खरे
स
सुबोध खरे गुरुवार, 12/03/2015 - 15:48 नवीन
अरे हो हे कारण तर विसरलोच. हिरानंदानी रुग्णालयात एका उच्चभ्रू रुग्णाच्या स्वामीजींनी सांगितले होते कि अमुक दिवशी पहाटे पाच ते साडे सहा हि बालकाच्या जन्मासाठी उत्तम वेळ आहे. तेंव्हा त्यांनी त्या वेळेत सिझेरियन ची मागणी केली होती. तेंव्हा त्यावर चारवीत चर्वण होऊन त्यांना तातडीच्या शाल्य्क्रीयेसाठीचे दर द्यावे लागतील हे सांगितले होते. ते द्यायची अर्थातच त्यांची तयारी होती पण जन्म "त्या वेळेतच" झाला पाहिजे ( हा अनुभव मी एकदा लिहिलेला आहे ).
↩ प्रतिसाद: मार्मिक गोडसे
स
सुबोध खरे गुरुवार, 12/03/2015 - 05:57 नवीन
कोलेस्टीरोलचे प्रमाण रक्तात २५० पेक्षा कमी असावे असे वैद्यकीय महाविद्यालयात शिकवले जात असे आता हे २०० पेक्षा कमी असेल तर अजूनच चांगले असे शिकवले जाते. डॉक्टर जगमान्य पाठ्यपुस्तकात येणाऱ्या नवीन संशोधनाप्रमाणे आपला सल्ला देत असतात. जसे जसे नवीन संशोधन पुढे येते तसे जुन्या गोष्टी मागे पडत जातात. सामान्य माणसाने काय करायचे हा प्रश्न माझ्यासारख्या सामान्य डॉक्टरने काय करायचे या सारखाच आहे. यात औषध कंपन्या आपल्या फायद्या साठी गैरसमज पसरवण्याचे काम नियमितपणे करीत असतात. वैद्यकीय संशोधनामध्ये त्यांनी कोणाकडून मदत घेतली आहे हे जाहीर करणे आवश्यक असते आणी तसे ते केलेही जाते परंतु होणारे प्रत्येक संशोधन १००% काळाच्या कसोटीवर टिकेल याची खात्री कुणीच देऊ शकत नाही. मुळात आपल्या डाव्या हाताच्या अंगठ्याचा ठसा उजव्या हाताच्या अंगठ्याच्या ठशा शी जुळत नाही मग दोन माणसे एकाच औषधाला तसाच प्रतिसाद देतील हेही शक्य नाही म्हणून वैद्यक हे संगणकासारखे काटेकोर नाही. बहुतांश लोकांची अशी अपेक्षा असते कि मी डॉक्टरला लक्षणे सांगितली आता त्याने मला स्वस्तात संपूर्ण सल्ला द्यायला हवा आणी तो मला १००% लागू पडायला हवा तेही कोणताही साईड इफेक्ट न होता आणी तोही किमान वेळात. आता हे बहुसंख्य लोकांच्या बाबतीत होत नाही मग डॉक्टर चोर आहेत,पैसे काढतात ई ई आरोप खाजगीत आणी उघडपणे होतात. यात भर म्हणून बड्या औषध कंपन्या नामांकित डॉक्टर ना भरगच्च आमिष दाखवून आपल्या जाळ्यात ओढून आपल्याला फायदेशीर असे सल्ले देण्यास उद्युक्त करतात हि उघड गोष्ट आहे. म्हणून आमच्यासारखे सामान्य डॉक्टर केवळ पाठ्य पुस्तकात दिलेल्या गोष्टींवर विश्वास ठेवतात. आता या पुस्तकात येणाऱ्या गोष्टी बहुतांश काळाच्या कसोटीवर टिकलेल्या असतात पण त्या ४-५ वर्षे जुन्या असतात. आजची जालीय पिढी एवढे "जुने" ज्ञान टाकून देण्यास इतकी उत्सुक आहे कि बर्याच वेळेस जगाच्या कोणत्यातरी कोपर्यात आलेल्या कुठल्याशा आरोग्यविषयक नियतकालिकात आलेले अद्ययावत संशोधन आपल्या डॉक्टरना दाखवून त्याच्याबद्दल शंकानिरसन करण्याचा प्रयत्न करतात. जे त्या डॉक्टर ने मुळात वाचलेले नाही कि त्यावर त्याने विचार केलेला नाही तो डॉक्टर लगेच कालबाह्य झालेला असतो. राहिली गोष्ट -- खाद्य आणी औषध कंपन्या करत असणार्या जाहिराती -- ९९ % जाहिरातीमध्ये फुगवलेले आणी चढवलेले दावे असतात. मग त्यात डोक्याला लावायचे नारळाचे तेल असो कि मुलांना द्यायचे दुधात घालण्याचे पौष्टिक पदार्थ असोत कि फेअर आणी लव्हली असो. त्यातून आधुनिक वैद्यक शास्त्र , आयुर्वेद आणी होमियो पथी हे तीन वेगवेगळ्या दिशा दाखवतात. यात सामान्य माणसाने काय करायचे? जसे वेगवेगळ्या विमा कंपन्या किंवा गुंतवणूक करणाऱ्या पेढ्या किंवा जालीय विक्रय करणाऱ्या कंपन्या आपल्याला वेगवेगळी आमिषे दाखवून गळाला लावतात तेंव्हा आपण जे करतो तेच करायचे. सारासार बुद्धी वापरायची. या प्रश्नाला साधे सोपे उत्तर नाही.
प
पैसा गुरुवार, 12/03/2015 - 06:20 नवीन
प्रतिसाद आवडला.
↩ प्रतिसाद: सुबोध खरे
स
संदीप डांगे गुरुवार, 12/03/2015 - 06:23 नवीन
प्रतिसाद आवडला. दुर्दवाने सारासार विवेकाची उपलब्धता दुर्मिळ आहे.
↩ प्रतिसाद: सुबोध खरे
प
प्रसाद१९७१ गुरुवार, 12/03/2015 - 06:28 नवीन
डॉक्टर साहेब - प्रतिसाद नेहमी प्रमाणेच उत्तम. पण कोलेस्ट्रॉल ह्या विषयावर तुम्ही एक लेख लिहाना सोप्या भाषेत. जालावर नको ती माहीती असते आणि त्या मागचा इंटेंम/ उद्देश पण काहीही असु शकतो. जर तुम्ही समजणार्‍या भाषेत कोलेस्ट्रॉल वर काही लिहीलेत तर फार बरे होइल. कारण त्यात सुद्धा चांगले कोलेस्ट्रॉल , वाईट कोलेस्ट्रॉल वगैरे मारा झाल्यामुळे मी पार गोंधळुन गेलो आहे. तसेच मधु-मेहा बद्दल पण लिहा. त्यात पण नव-नविन प्रकार वाचायला / ऐकायला मिळत आहेत. सामान्य माणसाला जितकी गरज आहे तितकेच लिहा. पण लिहा.
↩ प्रतिसाद: सुबोध खरे
म
मांत्रिक गुरुवार, 12/03/2015 - 06:29 नवीन
सहमत! डॉक्टरसाहेबांनी लेख लिहावा अशी नम्र विनंती!
↩ प्रतिसाद: प्रसाद१९७१
स
सुबोध खरे गुरुवार, 12/03/2015 - 07:58 नवीन
मधुमेहाबद्दल ते आयुर्हीत एवढ्या कळकळीने लिहित होते त्यांना तुम्ही पळता भुई थोडी केलीत!!!!
↩ प्रतिसाद: प्रसाद१९७१
प
प्रसाद१९७१ गुरुवार, 12/03/2015 - 08:11 नवीन
मधुमेहाबद्दल ते आयुर्हीत एवढ्या कळकळीने लिहित होते त्यांना तुम्ही पळता भुई थोडी केलीत!!!!
मी डॉक्टर लोकांनी लिहावे अशी अपेक्षा केली आहे. माझ्यामते डॉकटर फक्त मॉडर्न मेडीसीन चाच असतो ( जे चुक असेल पण माझे मत आहे ) कोणीही काहीही लिहायला माझी अजिबात हरकत नाही. पण ह्या बाबतीत खर्‍या डॉक्टर कडुन समजेत असे काहीतरी वाचायचे आहे, आणि समजुन घ्यायचे आहे.
↩ प्रतिसाद: सुबोध खरे
आ
आनन्दा गुरुवार, 12/03/2015 - 11:05 नवीन
बाकी सगळे ठीक आहे. फक्त एक मत इथे मांडू इच्छितो. तुम्ही जे म्हणता तसे बहुतांश महत्वाचे विषय आयुर्वेदिक डॉ. ना पण शिकवले जातात. त्यामुळे बर्‍यच वेळेस हे डॉ. मिश्र पॅथी असतात. ते औषध कदाचित आयुर्वेदिक देत असतील. पण त्यांचे निदान सर्वसामान्यपणे मॉडर्न मेडिसिनला धरूनच असते. असो, मला या वादात उतरायचे नाही. फक्त एक पिंक टाकली.
↩ प्रतिसाद: प्रसाद१९७१
स
सर्वसाक्षी गुरुवार, 12/03/2015 - 08:49 नवीन
जरी जुने असले तरी सामान्य माणसापेक्षा समृद्ध असते आणि आपल्याला आपल्या वर्तुळात ताज्या घडामोडी, नवे उपचार, नवे तंत्रज्ञान हे समजत असते. काही देशात डॉक्टर, अभियंते, स्थापत्यकार यांना काही कालावधीतुन एकदा आपल्या क्षेत्रातील सुधारणा, नवे शोध, नवे तंत्र याचा अभ्यास करणे बंधनकारक आहे असे ऐकुन आहे. जाहिराती पाहुन आहार वा औषधे घेणे इष्ट नाहीच. आपल्या डॉक्टरचा सल्ला घेणे आवश्यक. जालावर वाचून डॉक्टरला ज्ञान देणे हे अतिरेकी पण जर सामान्य माणसाने रुढ समजा व्यतिरिक्त किंबहुना रुढ वैद्यकाला छेद देणारे असे काही वाचले की तो आपल्या सारख्या डॉक्टरलाच विचारणार. जे आम्ही वाचतो, ऐकतो ते आपणही वाचत, ऐकत असालच आणि अर्थातच वैद्यकिय व्यावसायिक या नात्याने तत्संबंधी अधिक वाचन / संकलन करणार हे निश्चित. अशा गोष्टींवर आपण आणि आपले सहव्यावसायिक यांच्यात चर्चाही होत असतील. यासाठी वरील शंकाबाबत आपले मत मह्त्वाचे
↩ प्रतिसाद: सुबोध खरे
व
वेल्लाभट गुरुवार, 12/03/2015 - 06:17 नवीन
डोक्टर म्हणाले ते बरोबर आहे. कसं आहे की जगातली कुठलीही गोष्ट घ्या. त्यासंबंधी दोन परस्पर विरुद्ध मतं तुम्हाला नक्कीच वाचायला मिळतील. कुणी म्हणतं चहा विष आहे; कुणी रिसर्च करतं की चहा आरोग्याला उत्तम, कुणी म्हणतो दारू वाईट तर कुणी म्हणतो नियमित दारू आरोग्याला चांगली. कार्डियो करावा न करावा, भात खावा, न खावा. काहीही घ्या; उलटसुलट सिद्धांत मिळणार. तेंव्हा तुमचं तुम्ही; डॉक्टर म्हणाले त्याप्रमाणे तुमचा विवेक वापरून ठरवा.
ग
गवि गुरुवार, 12/03/2015 - 06:30 नवीन
आयुर्वेदिक मत सध्या बाजूला ठेवू. बाकीची माहिती नक्कीच प्रश्न पाडणारी आहे. पण "असं वाचनात आलं" किंवा "असंही मत आहे की" असे उल्लेख आहेत. ते नेमकं कोणी कुठे मांडलंय आणि त्याला आधुनिक वैद्यकशास्त्राच्या किती तज्ञांनी मान्यता दिलीय यावर बरंचसं अवलंबून आहे. नाहीतर बुचकळ्यात पडण्याचं कारण वाटत नाही.
व
वेल्लाभट गुरुवार, 12/03/2015 - 06:39 नवीन
बहुतांश मतांनुसार कोलेस्टरॉल जास्त असेल तर धोक्याचं असतं, असं मानून काही माहिती असलेल्या गोष्टी सांगतो. कोलेस्टरॉल हा एक मेणासारखा घटक असून तो शरीराच्या अनेक प्रक्रियांकरता गरजेचा असतो. सामान्यपणे कोलेस्टरॉल जे म्हटलं जातं त्याला 'लायपोप्रोटीन' असं नाव आहे. याचे दोन प्रकार असतात. एलडीएल म्हणजे लो डेन्सिटी लायपोप्रोटीन व एचडीएल म्हणजे अर्थात हाय डेन्सिटी लायपोप्रोटीन एलडीएल हे वाईट. पण एचडीएल हे सर्वार्थाने चांगलंच असं नव्हे. तरीही एचडीएल वाईट नाही. सॅच्युरेटेड फॅट्स वाईट; त्या एलडीएल चं प्रमाण वाढवतात अनसॅच्युरेटेड फॅट्स कमी वाईट; त्या एलडीएल वाढवत नाहीत ढोबळपणे पदार्थ जितका कठीण तितका त्यातला फॅट कंटेंट सॅच्युरेटेड. त्यामुळे तेलातील फॅट्स या बहुतांशी अनसॅच्युरेटेड असतात. अपवाद, पाम तेल, नारळाचं तेल, ऑलिव्ह ऑईल, फिश ऑईल चांगलं का, तर ते ओव्हरऑल कोलेस्टरॉल लेव्हल्स कमी करताना एचडीएल लेव्हल्स कमी होऊ न देण्यास मदत करतं. बर्‍याच गोष्टी आहेत. पण मी तज्ञ नव्हे. तेंव्हा, बाऊ करू नका टेस्ट बिस्ट करून. खाण्याबद्दल थोडं वाचा, थोडं डॉक्टरांना विचारा, आणि खा. व्यायाम कराच कुठलातरी. बाकी काय नाय टेन्शन घ्यायचं. फार विचार केला की काहीच कळेनासं होतं.
ग
गवि गुरुवार, 12/03/2015 - 06:50 नवीन
फार विचार केला की काहीच कळेनासं होतं.
अॅनॅलिसिस पॅरॅलिसिस..
↩ प्रतिसाद: वेल्लाभट
स
सर्वसाक्षी गुरुवार, 12/03/2015 - 09:00 नवीन
पण उगाच अनावश्यक औषधोपचार घेण्यापेक्षा रुग्णाने मुळात चांगल्या आणि विश्वासार्ह डॉकटरकडुन खातर्जमा करुन घेणे उत्तम. कुठल्याही दिर्घकालीन उपचाराला कमी वा अधिक पण अन्य परिणाम हे असतातच. समजा जर कोलेस्टेरॉल आणि ह्रूदयविकार यांचा संबंध नसेल तर ते कमी करायचे उपचार का घ्यावे? जर मधुमेहाचे प्रमाण १४० असेल तर ११० च्या व्यक्तिने उपचार का घ्यावेत?
↩ प्रतिसाद: गवि
स
संदीप डांगे गुरुवार, 12/03/2015 - 09:07 नवीन
चांगल्या आणि विश्वासार्ह डॉकटरकडुन हाच तरी नेहमीचाच कळीचा मुद्दा आहे. नेमके हे ठरवायचे कसे यावरच मागे किती चर्चा झाल्या आहेत.
↩ प्रतिसाद: सर्वसाक्षी
म
मोदक गुरुवार, 12/03/2015 - 13:22 नवीन
चांगल्या आणि विश्वासार्ह डॉकटरकडुन डांगेसाहेब.. ही तक्रार तुमच्याकडून अनेकवेळा ऐकली आहे म्हणून सहज एक सुचवतो आहे. आपण अनोळखी वैमानिक, रेल्वे मोटरमन आणि कॅब ड्रायव्हरवर विश्वास ठेवतोच ना? तसेच एक डॉक्टर निवडायचा आणि विश्वास ठेवायचा. आपल्याला निवडायचा 'चॉईस' असला की आपण जास्ती चिकित्सा करतो आणि गोंधळतो. वैमानिकाचा ट्रॅक रेकॉर्ड, त्याच्या परफॉर्मन्सविषयीचे शेरे आपल्याला माहिती होण्याची सुतराम शक्यता नसते, ठरलेले रूळाचे मार्ग, 'डेड मॅन्स हँडल' वगैरे सुरक्षितता असली तरीही रेल्वे मोटरमन चुका करतात, आणि सगळ्या गोष्टींची काळजी घेतली तरी एखाद्या छोट्याश्या कारणाने विमाने कोसळतात आणि रेल्वे अपघात होतातच. मग आपणच निवडलेल्या डॉक्टरांवर शंका घेवून काय फायदा? तुमचा मुद्दा एकदम रास्त आहे, "डॉक्टरच्या लबाडपणामुळे मला पैसा आणि शरिराचे नुकसान होणार आहे" मग ते टाळण्याचा उपाय काय? मी स्वतः डॉक्टर होत नाही तोपर्यंत माझा दुसर्‍या डॉक्टरांनी दिलेल्या उपचारांवर विश्वास बसणार नाही आणि जरी इथून पुढे डॉक्टर झालो तरी सगळ्याच क्षेत्रांमध्ये स्पेशलायझेशन शक्य नाही. तुम्हाला किंवा मला, कुठेतरी विश्वास ठेवावा लागणारच आहे!
↩ प्रतिसाद: संदीप डांगे