व्यवसाय - आपला बहुमोल सल्ला

दुकान आहे कुठे?

पण अर्धंगिनीने पाठबळ दिले, हिंमत दिली. म्हणाली करून बघा तुमची इच्छा आहे तर !
योग्य मेहनत घेतल्यास यश नक्कीच येईल !

खुप खुप नशीबवान आहात आपण साहेब. घरच्या लक्ष्मी ने कौल देणे ही मोठी बाब असते तुमची खुप भरभराट होणार हे मी खात्रीने सांगतो. :)

हा स्वानुभव आहे (धंदा नाही पण नोकरी बदलण्याच्या संदर्भात अनुभव आहे आम्हाला)

बाकी तज्ञ लोक तुम्हाला मार्केटिंग अन ब्रांडबिल्ड़िंग बद्दल तांत्रिक मदत देतील

मी फ़क्त शुभेच्छा देऊ शकतो. त्या तेवढ्या स्वीकाराव्यात __/\__

मी ही अजुन फक्त विचारच करतीये, सुरुवात कुठुन करावी ते कळत नाहीये, सध्या तरी नोकरी सोडुन व्यवसाय करणे शक्य नाही पण साईड बाय साईड काही करता येईल. तुम्ही सुरुवात कशी केली. व्यवसायाला लागणारे भांडवल, जागा, काम करण्यासाठी आवश्यक साधन सामुग्री, जोडीला मदतीला लागणारी माणसे. कच्च्या मालाची माहीती, स्वस्तात कुठुन मीळतात वगैरे यासारखी माहीती पुरवा म्हणजे बाकीच्यांनाही थोडीफार मदत होईल.

पिंपळे सौदागर, पुणे

नवीन व्यवसायाला खूप शुभेच्छा! मिपाकरांमधे या स्वरूपाची कामे करणारे काही व्यावसायिक आहेत. त्यांच्याकडून तुम्हाला काही उपयुक्त सूचना मिळू शकतील. आमच्याकडून मनःपूर्वक शुभेच्छा!

नाना स्कॉच, पैसा खूप खूप आभारी आहे.

कविता ताई हो लिहितो

साई व्हीजन मध्ये शॉप नंबर 120.

शुभेच्छा! शाळाकॉलेज किंवा स्पर्धा परीक्षा देणारी तरुण मुले भरपूर असतील जवळ्पास तर मस्त चाल्तो कॅफे.

बाकी, मला आय्टी कंपनीबाहेर चहासिगारेट्ची टपरी टाकणे जबरदस्त व्यवसाय वाटतो. ;)

येऊ कधी तुमच्या दुकानावर. शुभेच्छा पुढील वाटचालीसाठी.

कॅफे आणि झेरॉक्सला अनुकुल ईतर जोड व्यवसाय तुम्ही सुरु केले आहेत, आणखी काही जोड धंदा केला तर तुमच्यावर ताण येईल ,त्यापेक्षा आता जे चालू आहे ते नेटाने करा म्हणजे झालं.

तुमचे शिक्षण, कलागुण, कॉम्पुटर चा अनुभव, बेसिक भांडवल, मॅनपॉवर आणि जागेचे स्वरुप सांगा.
मग डिटेल मार्ग सांगतो ह्याच धंद्यात पैसे मिळवायचे.
ह्या धन्द्याचे माझ्याकडून टेक्स्ट्बुक मिळेल, प्रश्नपत्रिका मिळणार नाही.
धन्यवाद. सिरीयसली करणार असताल तर जमेल तेवढी मदतीसहित शुभेच्छा.

सायबर कॅफेला जोडधंदा म्हणजे हार्डवेअर मेन्टेनन्स /रिपेअर, कॉम्प्युटर व मोबाईलशी संबंधित स्टेशनरी विकणे
उदा: पेन ड्राईव, मेमरी कार्ड, कार्ड अडॅप्टर , सीडी, डीवीडी, माऊस, कीबोर्ड विकणे, मोबाईल केस/कवर, केबल्स, चार्जर , कॅमेरासाठी मिळणार्‍या टेलिस्कोप्स, सेल्फी स्टीक्स विकणे, झालेच तर ऑनलाईन स्टोअर्स मध्ये (खासकरुन शॉपक्लूज) अनेक गमतीदार व स्वस्त इलेक्ट्रॉनिक वस्तू विक्रीस असतात. त्यातील काही स्वतः (शक्यतो सेल मध्ये) खरेदी करुन कॅफेमध्ये काही नफा आकारुन विकायला ठेवा. ऑनलाईन शॉपिंग न करणार्‍या लोकांना त्या वस्तू आकर्षित करु शकतील.
असेंबल्ड कॉम्प्युटर विकणे, कॉम्प्युटर दुरुस्ती, OS Installation ई., टायपिंग

काही गोष्टींचे भान ठेवा
१) ज्या वस्तू विकताय त्यांची बाजारातली किंमत , दुकानात तसेच ऑनलाईन तपासून पहा
२) तुमचे तांत्रिक ज्ञान उत्तम आणि सेवा/वस्तू योग्य दरात असली की आपोआप जाहिरात होत राहिल.

त्याचप्रमाणे इतर काही सर्विसेस देवू शकता. आजकाल मनी ट्रान्सफर अनेक ठिकाणी पाहिले आहे. ते नेमके कसे चालते त्याचे ग्राहक कोण हे माहीत नाही.

जमल्यास जुन्या वस्तू (मोबाइल, डेटा कार्ड, मॉनिटर ) विकत घेणे /विकणे हे ही करु शकता.

बाकी मोठा धंदा करण्यसाठी शाळा , कॉलेज , ऑफिस, क्लासेस यांच्याशी संपर्क करा त्याना लागणार्‍या स्टेशनरी पुरवण्याचे काम मिळते का ते बघा.

प्रतीसादान बद्दल धन्यवाद.

शिक्षण: कॉमर्स ग्रॅज़ूएट
कलागुण: COREL DRAW, PHOTOSHOP बर्‍या पैकी येते.
कॉम्पुटर चा अनुभव: १५ वर्षांचा अनुभव आहे.
बेसिक भांडवल: 4 LAC
मॅनपॉवर आणि जागेचे स्वरुप: सध्या वन म्यान शो. २०० स्के. फूट.

नवीन व्यवसायातल्या प्रगतीसाठी अनेकानेक शुभेच्छा !

इथे तुमच्यासारख्या व इतर व्यवसायातले अनेक अनुभवी सदस्य आहेत, त्यांच्याकडून अगोदरच अनेक सूचना आल्या आहेत अजूनही अनेक उपयोगी सुचना नक्कीच मिळतील.

जमल्यास जुन्या वस्तू (मोबाइल, डेटा कार्ड, मॉनिटर ) विकत घेणे /विकणे हे ही करु शकता.

बाकी सगळे ठीक आहे सर, पण हा धंदा लैच वंगाळ आहे बघा.

म्हणजे हार्डवेयरचा धंदा उत्तम आहे फ़क्त ते मोबाईल सेकंड हैण्ड किंवा मेमोरी कार्ड वगैरे लै वंगाळ, कायदेशीर प्रॉब्लम होतात बहुदा, आमच्या एक ओळखीचा मोबाइलवाला सांगत होता सेकंडचे मोबाइल विकताना पोलिस त्रास देतात हफ्ते लागतात अन काय काय कारण नुसता तोंडी व्यवहारा वर मोबाइल विकला जातो, IMEI जुन्याच मालकाच्या नावं राहतो सुरक्षा प्रश्न म्हणून पोलिस ताबड़तात सेकंड मोबाइल घेणारे गिर्हाइक असले चॅप्टर तर ते कुठं वापरेल तो मोबाइल ते ही सांगता येत नाही ! परत जुनी मालकं जर मातब्बर असली तर ती येऊन दुकान अन मालक तीन टाइम फोडायचे एक दोन किस्से ठावुक आहेत म्हणून सांगितले हो! गैरसमज नसावा :)

खूपच चांगली माहिती मिळतेय जोड व्यवसायाबदद्ल.

व्यवसायाची जाहिरात कशी करावी याबद्दल च्या प्रतिसादांची वाट पाहतोय.

व्यवसायासाठी लागणार्‍या भांडवलाबद्दल कुणी माहीती देउ शकतं का? कुठल्या बॅंकेतुन लोन घेणे फायदेशीर ठरु शकते. व्याज , परतावा याबद्दल माहीती हवी. महिलासाठी काही विशेष सवलती अशा काही योजनेअंतर्गत भांडवल उपलब्ध होउ शकतं का?

दे आसरा नावाची संस्था, सेनापती बापट मार्गावर कार्यालय आहे. पर्सिस्टट चे प्रमुख या संस्थेचे कार्य बघतात ( सामाजिक उत्तरदायित्व).
ही संस्था प्रकल्प निर्मिती, बाजाराची माहिती, बीज भांडवल इत्यादी साठी मदत करते. शासकिय योजना, कर्ज उभारणी इत्यादी जरूर संपर्क करावा.

+ १

मला वाटते की जागा/परिसराची गरज ओळखून व्यवसायवाढीसाठी प्रयत्न करावा/चालू ठेवावा.

यासाठी मला स्वत:ला, आयडियल म्हणून वाटणारे एक जम्बो झेरॉक्स या नावाने आकुर्डीत सुपरिचित असणारे दुकान लगेच आठवते. इतकी चांगली या दुकानाची भराभराटी या डोळ्यांनी पाहिली आहे की बस्स! व्यवसाय करावा तो असाच, असे मनात रुजून बसले आहे. म्हणजे, सुरुवातीला एक झेरॉक्स मशीन, नंतर दोन, नंतर एक ल्यामिनेशन मशीन, नंतर कॉम्प्यूटर टायपिंग, पुढे, अजून नवी मशिन्स आणी नव्या मोठ्या जागेत शिफ्टिंग, नंतर मोठ्या प्रिण्ट साठी प्लॉटर वगैरे आणि बरंच काही!

माझ्या मते तर हा सगळा जागेचा महिमा!

Sandy

https://www.google.com/maps/@18.5924772,73.8018888,20z/data=!3m1!1e3

अनिरुद्ध सायबर कॅफे अँड झेरोक्स

नवीन व्यवसाया साठी खूप शुभेच्छा
ह्या व्यवसायात तुम्हाला भरपूर यश मिळाव हि सदिच्छा

माझ्या दुकाना जवळ एक सायबर कॅफे आहे. त्या व्यक्तीने ऑनलाइन फॉर्म भरून देणे आणि प्रिंटिंग सुरु केलेले आहे. ऑनलाइन फॉर्म भरण्यासाठी एक मुलगा ठेवलाय. मुलाचा पगार 50₹ प्रत्येक फॉर्म साठी. आणि तो गिराईकास 100 - 150 ₹ च्या दरम्यान लावतो.
ऑनलाइन फॉर्म = बँक, स्पर्धा परीक्षा ई. ई.
अस काही तुमच्या दुकानात करता येईल का ते बघा.

तुम्ही फ्लेक्सच सुद्धा काम वाढवू शकता. गुंठा मंत्री शोधा. फक्त पैसे आधीच घ्यायला विसरू नका.

वरती एका प्रतिसादात दिल्या प्रमाणे सेल्फी स्टिक, मेमरी कार्ड, मोबाइल कव्हर ई. वस्तू एकदम जोरात विकल्या जातात. परंतु त्या साठी किंमत एकदम आकर्षक हवी. इंडिया मार्ट किंवा शॉप क्लूज सारखे संकेत स्थळावर ठोक विक्रेते भेटतील.

जाहिरात करण्या साठी, फ्लेक्स छापा.. २x3 फूट आकाराचे, दुकानाच्या 1ते 1.5 किलोमीटर परिघात लटकवून द्या. मस्त जाहिरात होते. आणि खूप काळासाठी जाहिरात होत राहते. मात्र या साठी मनपाची परवानगी आवश्यक आहे.

फ्लेक्स ऑटो रिक्षाच्या मागे सुद्धा चिटकवता येतात. औरंगाबाद मध्ये 100 ₹ एक रिक्षा एका महिन्या साठी असा दर आहे. आपल्या दुकानाच नाव भरपूर ठिकाणी होत. तुमच्या विभागातले दर बघा आणि जाहिरात करा.

सगळ्यात महत्वाचं :- उधार आणि मोलभाव अज्जिबात नको. माझा स्वतःचा अनुभव आहे. उधारी आणि मोलभाव करणारं गिऱ्हाईक वापस गेलं तरी आपलं काहीही नुकसान होत नाही.

बाकी नवीन व्यवसायाच्या शुभेच्छा.

डिझायनिंग प्रिंटिंगचा व्यवसाय उत्तमच आहे फक्त उधारीवाल्या क्लाएंटना जास्त वरचढ होऊ देऊ नका (जरा कसरतच असते.. पण जमणे आवश्यकच)

दुकान भाड्याचं आहे की स्वतःचं? सगळं भांडवल एकदम खर्च करू नका. आतापर्यंत नक्की काय काय equipments विकत घेतली आहेत? - थोडक्यात, व्यवसायाचा अंदाज यायला वर्षभर पण जाऊ शकतं, भांडवल शिल्लक ठेवा.

फुकट जाहिरात करण्यासाठी justdial, olx, quikr, Google local business, Facebook वापरा. व्यवसायाच्या नावाने Facebook page तयार करा. जमलं तर रोज नाहीतर किमान २-३ दिवसांमधून एकदा तरी facebook page वर post टाका.
How to market your business with facebook गूगलून बघा. अजून बरीच माहिती मिळेल.

सायबर कॅफे त्या ठिकाणी (तुम्ही लिंक दिलेल्या) किती चालेल काही अंदाज नाही कारण त्या भागात बहुतांश "Post Graduation students" किंवा "0 to 2 years experienced" आयटी पब्लिक राहतं, यांच्याकडे बहुधा तगडा नेटपॅक / डोंगल असतं.

त्या भागात सकाळी जवळपासचे लोक पोहे, उप्पीट, चहा इ. चे स्टॉल लावतात आणी premium rates लावून पैसे कमवतात. (मी स्वतः गेल्या वर्षी सप्टेंबरात सकाळी ८:३० - ९:०० वा. तिथे चहा, पोहे खाल्लेत) तुम्ही पण जोडधंदा म्हणून हे नक्की करू शकता.

महत्त्वाचं : तुमचं या भागातलं वास्तव्य किती? या भागात तुमचे मित्र / वेळप्रसंगी नक्की मदत करू शकतील असे कुणी आहेत का? कारण पिंपळे सौदागर, रहाटणी, बोपोडी वगैरे ठिकाणी खाद्यपदार्थ / सायबर कॅफे / उपाहारगृह इ. चालकांना लोकल गावगुंड बर्‍याच वेळेस त्रास देतात असं समजलंय / अनुभवलंय.