(जवळ जवळ) पेसरेट्टु (च)..

छान जमलाय.
पेसरेटू च्या वर पांढरा उपमा देतात हैद्राबाद मध्ये. १०-१२ वर्षांपूर्वी नाश्ता-लंच म्हणून पेसरेटू -उपमा खात असायचो .
मोड आलेले मुग यात नाही वापरतात.
(डिश चे नाव बरोबर खाली यायला हवे होते. )

इतका छान पेसरेट्टू मोडवणार नाही. पण तुमचे मनही मोडवणार नाही. त्यामुळे वाढल्यास खाल्ला जाईल. =))

बादवे, आख्ख्या मुगाची उसळ फार म्हणजे फार प्रिय असल्याने मोड-बीड न आणता न खाण्याची कल्पना फेटाळण्यात येत आहे.

कॅफे मद्रास मध्ये जाऊन खाणं जास्त tempting आहे.

सरळ मूगाचा चिल्ला कर ना. काहीच कटकट नाही..

सुंदर पाककृती ! अजून खाल्लेली नाही, पण मुगांची चव आवडत असल्याने चवही नक्की आवडेल.

कडधान्यांना नेहमी मोड येऊ द्यावेत आणि मगच ते खावेत. मोड न आलेल्या कडधान्यात काही हानिकारक घटक असतात म्हणे.

मोड न आलेल्या कडधान्यांमध्ये काही हानीकारक घटक असतात हे शास्त्रियरित्या खरे नाही. तसे असते तर, भिजत न ठेवता रोजच्या भारतिय जेवणात मुख्य पदार्थाच्या रुपाने शेकडो वर्षे वापरल्या जाण्यार्‍या डाळींमुळे (ज्या मूळात कडधान्येच असतात) आतापर्यंत फार मोठा धोका झालेला दिसायला हवा होता, नाही का ?! (नेहमीच्या वापरात नसलेल्या एखाद्या विशिष्ट कडधान्याबद्दल तसे मत असल्यास माहीत नाही.)

कडधान्यांना मोड येताना तेव्हा नवीन झाडाच्या वाढीसाठी आवश्यक असणारे अनेक उपयोगी घटक त्यांच्यात निर्माण होतात. शिवाय मोड आलेल्या कडधान्यांची चव जास्त चांगली लागते. मोड आलेली कच्ची कडधान्ये खाल्ली तर ते घटक आपल्याला मिळू शकतात. जास्त शिजवल्यावर त्यातले असे बरेचसे घटक नष्ट होतात. त्यामुळे, कच्च्या व अर्धकच्च्या कडधान्यांत (उदा. चीनी पदार्थांतली कुरकुरीत कडधान्ये) अधिक पोषणमुल्ये असतात असे म्हणणे योग्य होईल.

मात्र, कोणत्याही प्रकारचे (शाकाहारी / मांसाहारी) अर्धकच्चे अन्न स्वच्छतेची पुरेशी काळजी न घेता बनवले तर त्यांत नैसर्गिक अथवा अनैसर्गिकरित्या असणार्‍या जंतूचा प्रादुर्भाव कायम राहून धोका होऊ शकतो. त्यामुळे, कच्चे अन्न खाताना याबाबत खबरदारी घेणे आवश्यक आहे.

मी जेव्हाही करते तेव्हा मोड आलेल्या मुगाचेच करते. मस्त लागतात.

मी नुसते मूग किव्वा साल असलेली मूगडाळ भिजवून त्याचे दोषे बनवते.
आता या पद्धतीने तांदूळ वापरून बनवून बघेन. छान जमलेत तुझे डोसे!

बाकी खाणारे आपणच , त्यामुळे कुरकुरीत डोसा होवो वा धिरडी, कि फरक पेंदा ;)

छान ! आवडले. थोडं धीरडया सारखं दिस्तंय हे पेसरटट्टू !

-दिलीप बिरुटे

शीवधनुष्य उचललस बै
(संदर्भ होसुमियाघ)

मस्तं दिसताहेत पेसरटट्टू.

छान जमलंय ग! पण फसले असते तर जास्त मजा आली असती! :P

चांगलं दिसतंय की!!

चांगलं दिसतय. मला आवडतं व बरोबर उपमा असतो तोही.

पेसरट्टु छान दिसत आहेत, माझा आवडीचा पदार्थ.
स्वाती

छान पदार्थ. यात थोडा रवा घातला तरी चालते. कुरकुरीत पणा साठी थोडे कच्चे पोहे घालावेत.

पौष्टिक पाककृती आवडली. दोसे करणे अवघड वाटत असल्याने मी उतप्पेच करतो. कधी तरी हे बनवण्याचा प्रयत्न करीन.

सा वा आणि पैसाक्का ना +१०००००००००००००००००

बाकी छान दिसताहेत ग पेसरट्टु

अरे वा सुगरणबई.. छानच की

बाकी ते उकडिच्या मोदकाचे कुठवरं आले. .. (पळा ... )

70 MM पेसरट्टु / 70 MM डोसा असाहि एक प्रकार हैदराबादला कामतमध्ये मिळतो .

वा छान !!! मी ही असाच करते.

जमलेत कि! कुरकुरीत व्हायला तांदुळपिठ वापर.पण मलाही असेच आवडतात.
आता एखादा अवघड पदार्थ करना!

डोसच्या पिठा मध्य मोड़ आलेले मुग मिक्सर मध्ये फिरवुन टाकावेत
त्याचे पण छान दोशे होतात

चटनी मध्ये मिठ मिर्ची टाकली नाही का

मस्त दिसतायत

एकंदरीत परदेश वारी पिराला सुगरण बनवणार

एकदम जोश मे हैं पिरा ;)

चांगला दिसतोय की पेसरट्टू! पेसरट्टूचं पीठ फक्त मुगाचं किंवा सालाच्या मुगडाळीचं असेल तर पेसरट्टू जाडसर आणि मऊच होतात आणि छान हिरवट रंग येतो. कांदा, आलं आणि मिरची पीठात न टाकता उत्तप्प्यासारखी वरून घालल्यास मस्त चव येते. बरोबर चटणीपेक्षा आंब्याचं किंवा आल्याचं लोणचं!

मस्त जमलेत की पेसारट्टू.फक्त चटणीत तिखटा साठी लाल सुक्या मिरच्या व चवीनुसार मीठ घालते मी.

हा आंध्र पदार्थ आहे. कानडी नाही.

तेलुगू घरात तुम्हाला जसा जमला आहे तसाच करतात. पेपर डोशासारखा कुरकुरीत नाही. त्यामुळे मस्त आनंद असावा की झकास जमला आहे.

उत्तप्पा करतात तसं यावर वरून कांदा आणि शिवाय हिरव्या मिरच्यांचे तुकडे आणि आल्याचे तुकडे. जिरे सुद्धा वरून घालतात.

कर्नाटकात अककी रोटी म्हणजे तांदळाची आणि रागी रोटी म्हणजे नाचणी ची केली जाते.

पेसरटटू शब्द पेसर पप्पू या तेलुगू शब्दावरून आला आहे. पप्पू म्हणजे डाळ. पेसर म्हणजे मूग.

विशाखापटणमची आठवण झाली.(१९९९) तेथे अत्यंत स्वस्त अशी "टिफिन्स' नामक रेस्टोरंट होती जेथे रुपये ६ ला दोन इडल्या किंवा रुपये ८ ला दोन मेंदू वडे सांबार चार चटण्यांसकट( नारळाची जाड वाटलेली पांढरी, नारळाची हिरवी मिरची घालून हिरवी चटणी,लाल मिरची घालून लाल चटणी आणि चौथी चिंचेची) इडली किंवा वडा खोल कप्पे असलेल्या प्लेट मध्ये घालून आणि चैतन्य बाहेर ठेवलेल्या पाहिजे तेवढ्या घ्या. तेथे ९ रुपयाला पेसराटू मिळत असे
२५-३० रुपयात मी पत्नी आणि दोन लहान मुले( ५ आणि २ वर्षे) असे चौघांचे व्यवस्थित आणि चविष्ट जेवण होत असे. तीन प्लेट टिफिन आणि दोन "कापी"
तेंव्हा मुंबईत २५-३० रुपयात १ प्लेट इडली मिळत असे.

भारी जमलाय बर का पिरा - ( द भीत भीत भावी सुगरण ) :प

मस्त झालेत. मला आधी डोसे पातळ, कुरकुरीत करण्याची फार हौस होती. मग नवर्‍याने सांगितले त्याच्या एका तमीळ मित्राच्या घरी डोसे जाडच असतात, मग तसेच करायला लागले, जरा वेळही वाचतो. शिवाय, जाड डोश्यांमध्ये जी जाळीची मजा आहे ती कुरकुरीत डोश्यांमध्ये नाही.

जमलंय का?

नुसते भिजवून वापरलेत.