'मुर्ग तंगडी छाल-के-साथ'. अर्थात - चिकन आळशी!

फ्लिकरवर जो एम्बेड कोड मधे निबंध येतो तो सगळा घेऊ नका. त्यातला कामाचा फार थोडा भाग असतो. गूगल फोटो शेअर वगैरे नीट करत असाल तर गूगलवरून फोटो इथे देणे जरा जास्त सोपे असावे.

पण स्किनसकट चिकन लेगपीस खायची छाती होत नाहीये

मनमुराद हसलो ह्यावर

नका हरभऱ्यावर चढवू!

बाकी वापर दोन सप्ताहाचा असला तरी लपवावर (lurking) बरेच दिवस चालू होते.

"...भाषिक दर्जा अप्रतिम आहे. ...जागांसाठी आपणास मस्तानी (पेय) देण्यात येईल"

फारच झालं. पण धन्यवाद.
शेवटची मस्तानी प्यायल्याला कैक वर्षे झाल्या आहेत (जमलं का क्रियापद? कि पाठभेद अंगवळणी पडेस्तोवर अश्या ठेचा लागत राहणार? ;) )

त्याच कांदे कापण्याच्या फोटूखाली, टोटल ५ लॉलिपॉप पीसपैकी ३ ची स्कीण काढून ठेवलेली मला आंधळ्यालाही दिसते आहे. उगंच २ पीस थोड्या स्किनसकट टाकून गम्मत करायलात. :रागः

पण आनंदी गोपाळांनी खणखणीत प्रतिसाद देऊन माझा निर्धार मोडीत काढला.
तर मिपावर धाग्याच्याबाबत 'पहिलटकरिण' असल्याच्या हक्काने तुमच्या प्रतिसादातल्या एकेक मुद्द्याला आमचा गुद्दा (ह. घ्या. :))

"इंड्यात पुढं लिवलंय ते बेसिक आहे. खटक्याला नीट समजतं."

भारतात कोंबडी विकत घ्यायचा अनुभव नसल्याने उद्भवलेला अडाणीपणा अश्या ठिकाणी उघडा पडतो. चूभूद्याघ्या :(

"सीना"

नाय जमलं. हिंदी/उर्दू आहे. मांस न खाणाऱ्या लोकांच्या डोक्यावरून जाईल नई का?
मला प्रतिशब्द मुख्यत्वेकरून मराठी आंतरजालावरच्या वापराकरता हवा आहे.
जो नंतर मराठी शब्दकोशात पाठवता येईल.
'सोच बडी होनी चाहिये' - अज्ञात

"स्किनसकट चिकन खाताना पिस मोठ्ठा दिसतो, पण भरपूर फॅट देखिल वाढते. लीन चिकन = स्किनलेस चिकन. "

खरं आहे.
पण व्यायाम करत असाल तर थोडेसे संपृक्त स्निग्ध (saturated fats) पचवणे जड नाही असे वाटते.
आणि कोंबडीच्या त्वचेमधील सगळीच स्निग्ध संपृक्त नसतात. ह्याबाबत जिज्ञासूंनी हार्वर्ड विद्यापीठाच्या एका ब्लॉग वरती दिलेली माहिती येथे पाहावी.
पण शेवटी हे प्रत्येकाच्या आहार, व्यायाम आणि सवयिंवर अवलंबून आहे.
हा प्रयोग चवीकरता केला होता. आहारमूल्यसंवर्धनाकरिता नाही.

"लेगपीस ब्रेस्टपेक्षा महाग का असतो?"

ह्यावर तुम्ही केलेली मीमांसा आवडली नि मांस नरम असण्याचे कारण पटले.
भावातल्या फरकाविषयी माझे दोन आणे -
एकाच पक्ष्याच्या दोन भागाच्या किमती वेगळ्या असण्याची आर्थिक, सामाजिक (आणि कदाचित राजकीय देखील) कारणे आहेत.
त्यावर स्वतंत्र संशोधनच होऊ शकते; गेला बाजार इकडे एखादा धागा तरी सहज निघू शकतो.

एक मतप्रवाह असा आहे कि अमेरिकेन लोक फारच प्राणीप्रेमी(!) असल्याने इकडे एकंदर जे मांस खाल्ले जाते ते मूळ प्राण्यांसारखे दिसलेले त्यांना आवडत नाही. म्हणून कोंबडीचे तुकडे असे काही करून शिजवतात कि दिसायला छान-छान पांढरेशुभ्र दिसते.
मग ते सॅण्डविचात भरून खातात (भारतात सबवे मध्ये असेच चिकन मिळते).
बहुतेक सगळ्या पदार्थात (पिझ्झा, पास्ता अगदी चिकन बर्गर) शक्यतोवर चिकन ब्रेस्टच वापरतात.
अर्थात ह्याला अपवाद आहेत. पण थोडकेच.
अश्या परिस्थितीत कोंबडीच्या ब्रेस्टपीसला मागणी असली तरी तिच्या दोन-दोन पायांचा कोणी वाली उरत नाही.
तद्वत मोठ्याबाजारात लेगपीस नेहमीच स्वस्त असतात.
भारतात मात्र ह्याउलट परिस्थिती - लेगपीसची हौस, मागणी आणि किंमत सगळेच जास्त!

वास्तविक भारत आणि अमेरिका हे एकाच पक्ष्याच्या वेगवेगळ्या भागावर प्रेम करत असल्याने 'इकडचे सीने तिकडे आणि तिकडचे पाय इकडे' वळवणे सहज शक्य आहे. पण ह्यात भारतीय कुक्कुटपालन महासंघ, जागतिक व्यापार संस्था (WTO) इत्यादी प्रभुतींच्या तंगड्या अडकल्या आहेत.
जिज्ञासूंनी ह्या विषयावरील हा रोचक लेख वाचावा. आणि मग अमेरिकन प्रसारमाध्यमे त्यांच्या देशाला फायदेशीर असणाऱ्या गोष्टींना कशी छान फिरकी (spin) देऊन सादर करतात ते इथे पहा. विस्तारभयास्तव इथेच थांबतो.

"ब्रायनिंग करताहात. अन "आळश्याचे" काम म्हणताहात"

इकडे तुम्ही ब्रायनिंग शब्दशः घेतलेत आणि घोळ झाला
माझे 'ब्रायनिंग' म्हणजे कोंबडीचे समुद्रातून खारट पाण्यात विसर्जन करून तासभर व्यायाम करायला जाणे; नि आलो कि सरळ पाणी फेकून देऊन मांस वापरणे. मी काही पाणी उकळून रीतसर ब्रायनिंग करत नाही.

"कांदे/मिरच्या/लसूण जो कापलाय, ते सराईत बल्लवाचे काम आहे"

छे हो, इतके काही छान नाही कापलेले. पण तरी धन्यवाद :)

"उग्गं अमॅच्युरिश आव आणल्याबद्दल निषेढ!"

बिनबुडाचा आरोप!
हौशी असल्याचा आव आणला नसून आळशी असण्याचा भाव व्यक्त केला आहे :)
पहा, परिच्छेद तिसरा, वाक्य पहिले - '.... रस्से/मसाले बनवायचा आळस आला...'
इथे लेखक नियमित स्वयंपाक करत असल्याचे सपष्ट होते.

"बाकी पाकृ तोंपासु. केव्हा येऊ खायला? ;)"

म्हणाल तेव्हा! पाककृतीचे इतके सूक्ष्म वाचन करून उत्तम अभिप्राय दिल्याबद्दल तुम्हाला एक ट्रीट ड्यू आहे

आपले,
आषाढ_दर्द_गाणे

ता. क.
सूड ह्यांनी माझ्यासाठी राखलेली 'मस्तानी' एखादा कट्टा करून तुम्हाला देता येईल किंवा कसे?