मटण करताना आईने शिकवलेल्या काही गोष्टी

आतड्याच्या भागाला वझडी म्हणतात ना बहुतेक? बाकी टिप्स चांगल्या. धन्यवाद.

जेडी,

मटनाची आटवन आनवून दिली म्हून धन्नेवाद. हितली इंग्लंडातली पब्लिक लई म्हंजी पारंच कर्मदरिद्री. यावडं बोकडाचं लुसलुशीत मटान आसतांना उगीच मेंढा खात बसत्यात. (संदर्ब : https://www.independent.co.uk/life-style/food-and-drink/features/goat-m… )

आ.न.,
-गा.पै.

मटणात मांदे असेल तर

मांदे म्हणजे काय ?

बाकी मटणाची आठवण करुन देवु नका राव . आम्हाला राजवर्धन , नीतीराज , बंडुभाऊ ची आठवण येते ! इकडे चांगले मटण अजुन तरी मिळाले नाहीये :( आता ह्या वीकेन्डला अवधला जाऊन येतो तिकडे किमान अलखनवी स्टाईलचे तरी चांगले मटण मिळेल अशी आशा आहे !

अवांतर : बाकी हा धागा वाचुन आमच्या जुन्या इच्छामटण ह्या धाग्याची आठवण झाली बरेच दिवस त्यात काहीच भर पडलेली नाही :( आणि हो दगडी वल्ली सरंच्या कोमल भुतदयाप्रेमी काळजाला होणार्‍या वेदनांचा हुंकार व्यक्त करणार हा एखाद्याचा जातो जीव धागा देखील आठवला =))))

काय छळ चाललाय सध्या पाककृती धाग्यावर सध्या.

छान टिप्स दिल्यात.
'बकर्याचे कान भाजून छान लागतात' हे नव्हते माहीत. म्हणजे कान खातात हेच माहीत नव्हते.

"मांद्याची फुले रस्यावर तरंगली पाहिजेत" क्या बात..

बोकडाच्या कानावरून लहानपणची १ गोष्ट आठवली. आमीन नावाचा एक मुसलमान होता. मी त्याला अमीनमामा म्हणायचो. माझं लय लाड करायचा. परिसरात कुठंबी बोकड कापलं कि माझ्यासाठी कान घेऊन यायचा. मग आई चुलीतले विस्थव बाजूला घेऊन कान भाजून द्यायची. वरची साल कडून कान कुरुमकरूम खायची मजा काही औरच.
आमच्या सांगली भागात बोकडाला बकऱ्या पेक्षा जास्त पसंती दिली जाते.माझा अनुभव असा आहे कि नदी केव्हां बोअर च्या पाण्यापेक्षा विहिरीच्या पाण्यात मटणाच्या रस्याला चांगली टेस्ट येते.

छान टिप्स.

चपखल टिप्स !
मटन शिजवण्याची पद्धत मॅरिनेशन पेक्षा फोडणीत कांदा आले-लसूण इ. घालून केले आणि अंगच्या पाण्यात शिजवले तर मटनाची मूळ चव न जाता अधिक खुलते.
तसेच मांदे कंपल्सरी हवेच. त्याशिवाय रश्श्याला तर्री येत नाही.

छान टीप्स. थोड अजून काही सांगायचे राहिले बहुतेक. जस की थंड पाणी ना टाकता पातेल्यावर ताटात पाणी ठेऊन टप्याटप्याने टाकत जायचं आम्हाला माहित आहे.
बाकी गुरुवार असल्याची वेळीच आठवण झाली म्हणून जिभेला आवर घातला.

जेडी,

तुम्हीच शिकवा मग लोकांना बोकड खायला,

हाहाहा !!! तेच्यासाटी आदुगर मटान तर भेटाया पायजेल न्हवं ! हितं लई बोकडं निस्ती कापून फेकून द्येत्यात. तेंचा मटान बनवून मारकीटाला धाडायची आयड्या निंगली न्हाई येकाबी डोस्क्यातनं. पब्लिक खात नाय म्हून मारकीट ओसाड, आन मारकीटला बकरं नाय म्हून पब्लिक खात नाय. बोला कवठ आदी की तलंग? कर्मदरिद्री म्हंतात त्ये ह्येच!

आ.न.,
-गा.पै.

काही ठिकाणी मट्ण शिजवताना कच्ची पपईचा गर लावतात असे वाचले आहे . प्रयोग केला नाही. कोणाला काही अनुभव ?

लई भारी ! जेवण झाल्यावरसुद्धा परत भूक खवळवणारा धागा !

मसाला करताना कांदा कच्चा घातलेला कधीच चालायचा नाही तर कांदे चुलीत किंवा gas वर भरीताला वांगे भाजतो तसा भाजायचा. त्यामुळे छानच चव येते. हे एकदम मस्टं आहे... आणि त्याबरोबर आईकडे दोन जास्तीचे कांदे भाजायचा हट्ट असे... त्यांची चव काय अप्रतिम असते !

छान माहिती, तोंपासु, हे वे सां न ला.
चिकन बनवतांना सुद्धा आई ने काही गोष्टी सांगितल्या असतील तर त्या सुद्धा येऊ द्या इथे.

वरील कोल्हापुरी पध्दत आणि विदर्भातील मटन बनवण्याची पध्दत सुरूवातीला म्हणजे मटन शिजवताना सारखीच असलेली दिसते.
मटन उकडताना तेलात हळद घालून शिजवतात सोबत आलं लसूनपेस्ट असते. सुरूवातीला मटनाच्या पाण्यानेच मटन शिजते. ते तसे शिजले तरच चव येते. वरून पाणी घालायचे असल्यास भांड्यावर ठेवलेल्या परातीत पाणी घालून मग गरम झाल्यावर ते खाली उलटवून देने.
मटनाच्या उकडाचा रस्सा लयीच खास लागतो. लहान मुलांना हा रस्सा द्यावा असे म्हणतात.
बाकी चरबी बाबत हे निरिक्षण दिसते की नवीन लोक चरबी टाळतात. जूने खवय्ये मात्र चरबी पाहिजेच आणि त्याशिवाय चव येत नाही असे सांगतात.

साधारतः बोकडाचे आतडे वगैरे खाल्या जात नाहीत मात्र एका वर्गाला याच भागाच्या भाजींचे मटन खाताना पाहिले आहे. याला वजडी, कंदुरी किंवा हलकी भाजी असे म्हणतात. प्रत्यक्षात हे खाण्याचा योग आला नाही. मराठवाड्यात बंजारा लोक याच भागाची सळई नावाची भाजी बनवतात असे ऐकून आहे.
बाकी मटन खावे ते बंजारा लोकांनीच. ते लोक किलो दोन किलो मध्ये रमत नाही. त्यांची मोजनी बकरा या एककाने होते. म्हणजे काल तीन बकरे कापले. त्याला कारण सुध्दा असे की संपुर्ण तांडा जेवायला असल्यावर किलोचा हिशेब कसा जमायचा? :)

एक असेही ऐकले आहे की बोकड एकाच पातेल्यात शिजवल्यास त्याची चव सुध्दा वेगळी लागते.

तुम्ही दिलेल्या टिप्स आवडल्या. जाणकारांनी अधीक प्रकाश टाकावा म्हणजे मटनाची चव अधीक वाढेल.

सामिष पाककृतींविषयी फारशी माहिती मराठीत नाही. अशी माहिती संकलित होऊन तिचे दस्तऐवजीकरण झाले पाहिजे. मराठी संस्कृतीची चौफेरता आणि विविधता जगासमोर आली पाहिजे. या लेखातले कित्येक तपशील मी ऐकलेसुद्धा नव्हते. बकऱ्याचे कान खातात हेही माहीत नव्हते. खरे तर बोकड आणि बकरा हे एकच की दोन वेगवेगळे प्राणी हेही माहीत नाही. शाकाहारी पाककृतींमधल्या क्रिया, जसे आसडणे, करचळणे तळसवणे, कोचवणे ह्या माहीत असतात पण सामिष कृतींसाठीचा शब्दसंग्रह शब्दकोशातसुद्धा दिसत नाही. हे डॉक्युमेंटेशन कुणीतरी केले पाहिजे. भाषेच्या आणि संस्कृतीच्या संवर्धनाचाच हा एक भाग आहे.

विनाकारण ऑफिस मध्येच तोंडाला पाणी सुटून कामाचा बोऱ्या वाजत आहे.... आता घरी गेल्यावर पहिला डबा घेऊन मटणाच्या दुकानात जाणार ( कॅरीबॅग बंदी असल्यामुळे डबा न्यावा लागतो)

वजडी म्हणजे किडनी असं ऐकलं होतं. आतडी हा अर्थ नवीन आहे.

जे काय खाल्लं ते चविष्ट होतं. किडनी असो वा आतडे.

बाकी "घोंगडी पिप्पाणी" हे काय आहे यावर कोणीतरी प्रकाश टाकावा.

आतडी काढून उभा छेद देउन चुन्याच्या पाण्यात व्यवस्थित धुवावी लागतात . मग त्याचे बारीक पीस करून भाजी करतात.

वजडी जमली नाही तर कडू लागते.

कळवण्यास अत्यंत दु:ख होते कि आजपर्यंत जे काहि मटन खाण्यात आलं (हॉटेलात आणि मित्र परिवाराच्या घरी सुद्धा) त्यापैकी कुणाचच कौतुक करावं असं काहि वाटलं नाहि. मला मटन प्रकार आवडत नाहि... आणि याची शिक्षा म्हणुन मला कुत्सीक नजरांचा सामन कराव लागला आहे. आमचे 'बैठकीतले' मित्र मला 'एक दुर्दैवी जीव' याच भावनेने बघतात.

अंगच्या पाण्यात शिजू दे हे मटण चिकन सगळ्यांंनाच लागू आहे. मासे पण सवताळून त्याच सुटणार्या पाण्यात आधी होऊ दिले तर चव राहते. नाहीतर पाणीदार होतं सगळं.

मटण रान खाल्ले आहे का कोणी ? चौफुलामधला तुळजा भवानी फेमस आहे .

मटनात गोडे किम्वा गोडाचे मटन खाल्लंय का कोणी.
मी एकदा मधात मुरवून नंतर तंदूर केलेले चिकन आणि मटन दोन्ही खाल्लंय.
एका अस्सल कोल्हापुरकर मित्राच्या घरी. त्या नंतर पुन्हा कुठेच दिसला नाही तो प्रकार

हे सोलापूरचं लै काळ सहन करत आलोय. फार झालं आता.

आता मी येतोय तिथे. तीन चार दिवस तर तीन चार दिवस.
आता जाणं भाग आहे. बस्स. आलोच.

वऱ्हाडी मटनाची ही पाककृती अस्सल आहे का उगाच अहवाल भरती इतकं सांगाल का? घरी जमवावं म्हणतोय एकदा घाट

सोलापूर चिकन पुणे येथे हॉटेल स्वराज, शुक्रवार पेठ आहे तिथे मिल्ते. ७ प्रकारच एका थालित.

वा वा जेडि, क्या बात हे. अभ्यास पक्का आहे तुमचा.
मी अजुन विद्यार्थि दशेत आहे.
तुमचि फक्कड रेसिपि येउ द्यात प्लिज

मटण खाणं हा अत्यंत जिव्हाळ्याचा प्रांत आहे.
त्यातल्या प्रयोगाची आणि पाककृतींची माहिती मिळाली
धन्यवाद.
गम्मत म्हणजे मटणाची आठवण आली कि हा धागा पुन्हा पुन्हा वाचून काढतो
आणि बायकोलाही ऐकवतो

कृपया मटण रस्सा रेसिपी आईच्या पद्धतीने टाकू शकाल का

कुकर मध्ये मटण शिजवल्यास तितकेसे चवदार लागत नाही हे मात्र खरे आहे.

मटण शिजवण्याची पारंपरिक पद्धत हीच आहे,शेफ संस्कृती उदयाला आल्यावरचा बदल म्हणजे मरणाला आले लसूण लावून ठेवणे
रक्ती आमच्यकडे वेगळ्या पद्धतीने केली जाते.वजरी म्हणजे जठर,हे पोटदुखीच्या विकारांवर प्रभावी असते.आतडी म्हणजे फेर.वजरी बद्दल जास्त माहिती हवी असेल तर ही लिंक उघडून पहा, https://m.facebook.com/story.php?story_fbid=895164620970507&id=24068943…