वालाची उसळ

वरचे नावाचे बॅनर जबरदस्त टाकलेत हो अकुकाका. फ्लेक्सांच्या धंद्यात येतायत का?
ते प्रणालीज किचन म्हणजे तुमचेच किचन ना? मग हरकत नाही.

याला बिरडं (बिरडे) म्हणतात. उसळ म्हणजे सुकी भाजी.

हि उसळ खूपच छान लागते चवीला . इथे मुंबईत ऑफिसमध्ये कुणाचा सेंड ऑफ असला की जेवणाच्या मेनूत हि भाजी असतेच . कोकण भागात हि उसळ जास्त केली जाते . पण तुम्ही प्रमाण नाही संगीतलात साहित्याचे

कडधान्याची उसळ करताना त्यातच पालकांच्या अर्ध्या पेंढीची मिक्सरातून ग्रेवी करून टाकायची

ह्याला बिरडं म्हणतात, कडवे वालाचे ओले खोबरे आणि कोकम घालून केलेले बिरडे भाताबरोबर अप्रतिम लागते.

बिरडं! आहा हा! आपले जीव की प्राण आहे. मी रोज म्हटलं तरी खाऊ शकतो.

आज केले होते. हिरव्या मिर्चा घालुन केले होते. लाल तिखट घातले नव्हते. त्यामुळे पिवळा काविळी रंग आला होता. चवीला अगदी सुरेख झाले होते.

एक शंका आहे. कुकरमध्ये शिजवल्यावर त्याची सालटी वर तरंगून आली. ती मी वेचुन वेचून काढून टाकली. ती अगोदरच काढायची असतात, नन्तर काढायची असतात , की तीही उसळीत घालून खायची असतात ?

एक शंका आहे. कुकरमध्ये शिजवल्यावर त्याची सालटी वर तरंगून आली. ती मी वेचुन वेचून काढून टाकली. ती अगोदरच काढायची असतात, नन्तर काढायची असतात , की तीही उसळीत घालून खायची असतात ?
वालाला मोड आले की बोटाने वाल दाबून त्याची सालं काढायची असतात. पटकन निघतात सालं, मजा येते वाल साफ करायला.

मस्त पदार्थ, अर्थात ते शिजण अगदी नेमके हवे, कमी अथवा अधिक शिजू नए असे वाटते. पुलेशु.

आता विषय निघालाच आहे आणि पाऊस लागला आहे तर माझा जुना वालाचं बिरडं - मिसळ प्रयोग पाहा.
लिलि: https://www.misalpav.com/node/28384

वरचा वालाची उसळ फोटो झकास.
उसळ/आमटी/बिरडं तिन्ही वेगळं आणि तिन्ही आवडतं. लग्नसमारंभाच्या बुफेत ही उसळ असतेच.