कंटाळा आल्यावर घरच्या घरी तुम्ही काय खाता ?

का उपेक्षीत राहिली? एक ही प्रतिसाद नाही.

हल्ली फोटोविना पाकृ टाकायची टूम निघाली आहे. मिपावरच्या प्रघाताप्रमाणे हा फाऊल समजला जातो व प्रतिसाद मिळत नाहीत / कमी प्रतिसाद मिळतात.

करुन पाहायला हवा.

बाकी भात + तेल + तिखट या कॉम्बोमध्ये तिखटाऐवजी कांदा लसूण मसाला घालूनही भारी लागतं.

दही भात - ०भात + पाणी + दही + ( मोहरी-मिरची-कडीपत्ता) फोडणी

चीज (तुकडे, किसून नाही) टाकून ऑम्लेट

असेल त्या रस्सा भाजीमध्ये पाव (किंवा ब्रेड, मला लोकल ब्रेड आवडतो, ब्रँडेड-क्वालिटी, ब्रिटनिया, गोल्डन इत्यादी अजिबात नाही आवडत. फातिमानगरच्या डायमंड/क्राऊनचा ब्रेड ब्येष्ट) बुडवून खाणे

बारीक चिरलेला कांदा(उत्साह असल्यास टोमॅटोसुद्धा)+तेल+कांलम चपातीबरोबर

नाचणीच्या पिठाच्या झटपट आंबोळ्या !
दोन वाट्या नाचणीचे पीठ, अर्धी वाटी ज्वारीचे पीठ, चिमुटभर मीठ, असेल तर थोडे ताक , चिमुटभर धने जिरे पूड पाणी घालून भज्याच्या पीठासारखे सरसरीत भिजवावे. एक तासाने अर्धी वाटी पाणी घालून एकजीव करावे आणि नॉन स्टिक तव्यावर पातळ आंबोळ्या घालाव्या. मस्त कुरकुरीत होतात. बरोबर दही -मेतकूट, तूप- मेतकूट, शेंगदाणा चटणी जे काय असेल ते !
झटपट आणि पौष्टिक मेनू !

मस्त रेसिपी. नक्की करून बघणार

इंटरेस्टिंग आहे टोमॅटो भाताची रेसिपी. कधीतरी एकटा असताना करून बघणार!

तुम्ही कंटाळा आला तर काय अतरंगी खाता ते जरूर सांगा.

मूड असला तर पाव भाजी, पाणीपुरी, जीरा राईस + दाल तडका बनवायला आवडतात. पण कंटाळा आला असेल तर मात्र मऊभात+मेतकुट किंवा पटकन तयार होणारी मुगाच्या डाळीची खिचडी खाऊन वेळ निभाऊन नेतो :)

मला कंटाळा आला कि मी घरी जेवतो फॉर या चेंज म्हणून

सगळ्याचाच कंटाळा आला असेल तर पाणीपुरी ला पर्याय नाही ... अर्थात पाणीपुरी खाण्याचीही एक पद्धत आहे ...

प्रथम द्रोणात थोडा कांदा मागून घ्यावा
सुरवातीस पाणीपुरीवाल्या भैयाला (आता कल्याणभेळ मधला गांधी टोपी घातलेला मराठी गडी असला तरी पाणीपुरी पुरता भैयाच) ... तर भैयाला मिडीयम असं सांगावं ...
मग तो छान चिंचेचं आंबटगोड आणि पाणीपुरीच्या तिखट पाणी एकत्र करून देतो . त्यात चवीप्रमाणे कांदा टाकत राहावं ..

अशा ४-५ पुऱ्या उडवल्यानंतर "तिखा" अस म्हणावं ... आता पुण्यात जरी असलात तरी एकदा त्याला "भैया" असं संबोधल्यावर "तिखट" च्या ऐवजी "तिखा" या शब्दाला पर्याय नाही . मग तो चिंचेचे पाणी कट करून मस्त तिखट पुरी देतो. या पुरेश्या खाऊन झाल्या की द्रोणात साचलेलं तिखट पाणी, थोडं वाढवून घ्यावं आणि तोंड लावून मनापासून प्राशन करावं.
यानंतर उपसंहार म्हणून एक ड्राय पाणीपुरी मागून घ्यावी ...

याने कुठलाही कंटाळा दूर होतो

मुळात हे पाणीपुरी व्रत जर नियमपणे केलं तर कंटाळा तुमच्यापासून दूर राहतो

मुळात हे पाणीपुरी व्रत जर नियमपणे केलं तर कंटाळा तुमच्यापासून दूर राहतो
+1

घरी एकटेच असल्यावर पुरुषानं करता येणार सर्वात सोपा पदार्थ आम्लेट आणि त्या बरोबर पाव.
किंवा भेळ,फोडणीचा भात,
आणि अगदीच जास्त कंटाळा आला तर अंडे शिजवून खाणे.
अवघड पदार्थ पुरुष बनवू शकत नाहीत (अपवाद म्हणून १ दा असू शकतो)

घरी एकटेच असल्यावर पुरुषानं करता येणार सर्वात सोपा पदार्थ आम्लेट आणि त्या बरोबर पाव.
किंवा भेळ,फोडणीचा भात,
आणि अगदीच जास्त कंटाळा आला तर अंडे शिजवून खाणे.
अवघड पदार्थ पुरुष बनवू शकत नाहीत (अपवाद म्हणून १ दा असू शकतो)

टोमॅटो भात केला होता अगदी वर सांगितल्याप्रमाणे... अजिबात आवडला नाही.

भेळ. फार काही चटण्या वगैरे पण नकोत. कांदा, टोमॅटो कापून, हिरवी मिरची आणि कोथिंबीर अगदी बारीक कापून. हे सारे आणि कुरमुरे, फरसाण आणि शेंगदाणे एकत्र करायचे. थोडेसे तिखट, चवीला मीठ. बास.
किंवा
रेडिमेड सूप.
किंवा
काळी कॉफी.
किंवा
गरमागरम चहा, त्यात वरून कुरमुरे पेरायचे. चमच्याने चहा - कुरमुरे खायला मजा येते.
किंवा
पोळी( चपाती) चा चिवडा. मोहरी, कांद्याची फोडणी करून पोळीचे बारीक तुकडे करून परतायचे आणि वरून थोडी कोथींबीर.

वा वा वा...
हा प्रकार मला प्रचंड आवडतो.

बाकी मला चहात भिजवून (!!) पार्लेजी, बटर (लोणी नाही, बेकरीवालं), आणि विशेषतः खारी लै आवडते.

गाय छाप.

बटाटा किसून, पाण्यातून काढून पिळून घ्यायचा, पाणी पूर्णपणे निथळले की त्यात तिखट, हळद, गरमा मसाला, थोडे बेसन आणि चवीपुरते मीठ, साखरेची चिमूट टाकायची. कोथींबीर, पुदिना बारीक चिरून. एकत्र करायचे. गरज असली तर अगदी जरुरीपुरते पाणी. लाडूसारखे वळून, जरा चपटे करून शॅलो फ्राय करायचे. जरा वेळ लागतो पण कंफर्ट फूड आहे.

बिबडया, कच्चे शेंगदाणे भिजवून त्यात कांदा, शेंगदाण्याची चटणी, तेल टाकून ५ मिनिटात तयार. (दुपारच्या वेळी खाण्यासाठी मस्त.)
(बिबड्या : जळगांव भागात बहुतेक शेतकरी घरांमध्ये साधारण फेब्रुवारीत वर्षभरासाठीच्या बिबड्या तयार करतात. यासाठी ज्वारी, गहू वेगवेगळे भिजवून त्याचा चीक काढल्या जातो. नंतर तो शिजवून गरम असतांनाच धोतरावर पापडासारखे थापून त्याच्या बिबड्या तयार केल्या जातात. या भाजून अथवा तळूनही जेवणाबरोबर खाल्ल्या जातात .}

झटपट चीज पाव ( ओपन ग्रिल )
१) साधा प्रकार " पावाच्या लादी वर चीज ची एक लादी किंवा किसलेले चीज घालून ग्रिल खाली भाजणे. चीज जरा खरपूस हुन त्याचा रंग बदले पर्यंत.
पटकन होते .
यात महत्वाचे असे कि हे ग्रिल खालीच जमते तव्यावर नाही आणि ओव्हन मध्ये शक्यतो नाही ( त्याचा वरील ग्रिलर वापरावा) कारण आच वरून असावी लागते आणि ती सुद्धा चीज ला न चिकटता, आणि हे सँडविच नव्हे
आणि यात दुसरे महत्वाचे म्हणजे कोणत्या प्रकारचे चीज, शक्यतो थोडेसे खारट प्रकार कडे झुकणारे "टेस्टी" जातीचे चीज उत्तम
२) याचा भारतीय प्रकार, चटणी किंवा लोणचे हलके वरून घालणे ( भाजायचा आधी)
३) पाश्चिमात्य प्रकार + = ऑलिव्ह किंवा वाळलेले टोमॅटो ( सून ड्राईड) घालावे

हल्ली चायनीज मसाला मिळायला लागल्यापासून फोडणीचा भात घरातून हद्दपार व्हायला लागलाय आमच्या,
कारण आई, बायको आन पोरग (पोरगी लहान आहे म्हणून नायतर ती पण) सगळे पट्टीचे चायनीज खाणारे,
माझा बाप आन मी दोघांना भाकरी + शेंगदाण्याची चटणी आणि कांदा असलो कि आम्ही खुश सोबत कोवळी हिरवी मिरची पण भारी लागतीय. :)

हो. मलाही खूप आवडते. चटणी, तेल टाकून भाकरी तव्यावर कडक करून घेतली तर अजून छान लागते. असाच दुसरा प्रकार म्हणजे चिकणीचा पापड भाजून त्यावर चटणी, तेल टाकून खाणे.

आकबर : भो बिर्बला, सग्ळ्यात भारी फळं कोण्तं ?
बिर्बल : म्हाराज, येळला हाताशी येईल ते केळंच भारी !

तात्पर्य : कंटाळा आला म्हणजे काय होतं ? की अगदी काही बनवून खाण्याचा पण कंटाळा आला पाहिजे. अशावेळी अर्धा- एक डझन केळी विकत आणायची आन हाणायची !

कंटाळा आल्यावर घरच्या घरी तुम्ही काय खाता ?

खरं सांगायचं तर मिसळपाव सोबत डोके खातो(माझे नाही).

जवळ जवळ ६ वर्षांनंतर मिसळपाव वर आलोय, माहेरी आल्यासारखे वाटत आहे.
शेवटचा धागा मुद्दाम वर काढतोय. बाकी ६ वर्षात पुलाखालून भरपूर पाणी वाहून गेलं.

हल्ली कुरमुरे खातो.

गरमगरम तूप मेतकुटभात खाते.

गूळ शेंगदाणे खातो.

मिपाकरांचे फेव्हरिट :)