काणकोण, दक्षिण गोवा येथे घालवायचे दिवस - काय काय करावे/ करू नये

किंवा गोव्यातच प्रथमच जात आहे. तरीही काही मंत्र न ठेवता जायचं आणि आपलं आपण अनुभवायचं. मग पुढेही प्रथमच गेल्यासारखं जायचं. परवडेल/झेपेल ते ते सर्व करायचं.
( आगावू सल्ला)

झेपत असेल तरच फेणी हा प्रकाराच्या वाटेला जावे.
मात्र "उराक" नक्की चाखावी

हाॅटेल मध्ये सामान टाका

टु व्हीलर भाड्याने घ्या

मॅप घ्या

आणि फिरा

गोवा हे कॅलिडोस्कोपिक राज्य आहे

त्यामुळे, कसेही आणि कुठेही भटका, दरवेळी वेगवेगळे पैलू दाखवेल

आणि अजून एक, गावातील लोकंच उत्तम हाॅटेल (खानावळ) सुचवतात

कधी कधी ऐनवेळी, कुठल्या तरी हाॅटेल मधून, खमंग वास येतो, तिथेच जेवा...

बियर आणि मासे, आवडीने खात असाल तर, गोवा म्हणजे स्वर्ग आहे....

कारवार आणि गोकर्ण धरा. जवळ आहे. कारण कारवार'ला सर्व ट्रेन्स थांबतात. गोव्यात टु विलर भाड्याने / taxi पर्याय आहेच.

काणकोणमध्ये अगोंडा आणि पालोलेमचे समुद्रकिनारे खूप सुंदर आहेत. ते बघाच. मी अगोंडा आणि पालोलेमच्या दक्षिणेला असलेल्या पाटणेच्या समुद्रकिनार्‍याजवळ राहिलो आहे. पालोलेमच्या समुद्रकिनार्‍यावर त्यामानाने गर्दी असते- त्या मानाने म्हणजे बागा किंवा कळंगूटसारखी गर्दी तिथे नक्कीच नसते पण दक्षिण गोव्याच्या मानाने कोलवा आणि पालोलेमला जास्त गर्दी असते. त्यामुळे पालोलेमला राहिलो नाही तर नुसताच तो समुद्रकिनारा बघितला. पालोलेमच्या समुद्रकिनार्‍यावर द्रौपदी म्हणून एक रेस्टॉरंट-बीच शॅक आहे. तिकडचे खाणे आवडले.

अगोंड्याचा समुद्रकिनारा अगदीच दृष्ट लागावा असा आहे. त्या समुद्रकिनार्‍याला समांतर असलेला रस्ता एखाद्या चित्रात दाखवलेला असतो तसा आखीव रेखीव आणि देखणा आहे. त्या रस्त्यावर अनेक कॅफे आणि रेस्टॉरंट्स आहेत. मी तिथे ५ वर्षांपूर्वी गेलो होतो. त्यावेळी अगोंड्यात व्होडाफोन आणि एअरटेलचे नेटवर्क अजिबात येत नव्हते. त्यामुळे मोबाईल डेटासाठी त्या कॅफे आणि रेस्टॉरंट्सच्या वायफायचा उपयोग व्हायचा. फोनवर एकदा वायफाय पकडले असेल तर नंतर आपोआप ते वायफाय पकडले जाते त्यामुळे त्या कॅफे आणि रेस्टॉरंट्सच्या वायफायचा वापर करता यावा म्हणून त्यांच्या बाहेर लोक थांबले आहेत आणि फोनवर कायप्पा किंवा अन्य काही बघत आहेत हे चित्र अनेकदा दिसले होते. अगोंड्यात व्होल्टेज कमीजास्त व्हायचा प्रकार खूप होतो. त्यामुळे फोन चार्ज करताना बॅटरीवर परिणाम होऊ शकेल. म्हणून तिथे राहायचे असल्यास पॉवर बँक चार्ज करून त्याद्वारे फोन चार्ज केलेला चांगला. अर्थात ही ५ वर्षांपूर्वीची स्थिती आहे. सध्याचे माहित नाही.

काणकोणपासून जवळ असलेले नेत्रावळीचे अभयारण्य चांगले आहे असे ऐकले आहे. मला ते बघायला मिळाले नाही. दूधसागर धबधबा काणकोणपासून जवळ नाही तरी अगदी अगोंडा-पालोलेमला उतरलेले लोकही तो बघायला जातात असे ऐकले आहे. तो धबधबा बघायचा तर त्यासाठी जाणे-येणे, तिकडच्या वेळा वगैरे धरून बराच वेळ जातो. तितका वेळ त्या धबधब्यासाठी घालविण्याइतका काही तो नायगारा नाही.

गोव्यात पहिल्यांदाच जात असाल तर सावधानतेचा इशारा. कधीकधी समुद्रकिनार्‍यावर 'आम्ही नवीन रिसॉर्ट उघडले आहे ते चेक करायला या आम्ही गाडी पाठवतो' असे सांगत कोणी आले तर त्या माणसाचा किमान शब्दात कमाल अपमान करून त्याला हाकलून द्या. असे कुठेतरी जाणे म्हणजे अर्धा दिवस बरबाद करणे आणि कदाचित लुटालुटीलाही आमंत्रण देण्यासारखे आहे.

आज सकाळिच दक्षिण गोव्यातुन परत आलो आहे. पालोलेमला राहिलेलो, गर्दि फारशी नाही आहे.
जेवनात सीओना, सिन्ग धाबा, रायन, साई प्रसाद हे सर्व पालोलेमला, अगोन्दामध्ये बान्देकरच बेस्ट आहे

दक्षिण गोव्यात पाळोळे बीच किंवा पालोलीम बीच सुंदर आहे. आम्ही तिथे राहिलो होतो. मी आमच्या सायकल दौऱ्याविषयी लिहिताना राहण्याच्या जागेविषयी इथे लिहिले होते.
गोवा एका वेगळ्या रुपात अंतिम भाग

नेत्रावळी जंगल आणि तिथला धबधबा सुंदर आहे. काणकोण पासून फक्त ३५ किमी अंतरावर आहे. साधारण तीन ते चार तासात पाहून परत येता येईल. अगोंडा बीच जवळ आहे आणि सुंदर आहे. कदंबाची पूर्वीची राजधानी असणारे चांदोर शहर देखील जवळ आहे. तिथे ब्रेगेंझा हाऊस हे जुन्या पोर्तुगीझ पद्धतीचे घर आहे. दूधसागर मात्र लांब पडेल. एका दिवसात बघता येईल पण पूर्ण दिवस जाईल.

तसेच प्रचेतस यांनी सांगितल्याप्रमाणे वेताळाचे मंदिर देखील जवळच आहे.

मार्मगावो?

पाळोले शेजारी पाटणे बीच आहे , तो अजून निवांत आणि सुंदर आहे

काणकोण मध्ये आमचे एक मित्र होते त्यामुळे बराच काळ तिथे मी जाऊन राहिले आहे. काणकोण मध्ये अनेक वेताळ मंदिरे/भग्नावशेष आहेत पाहू शकता. मोठे वेताळ मंदिर पैगीण मध्ये आहे. जवळच कारवार हे कर्नाटकी बंदर आहे तिथे जावे तिथे टागोर समुद्रकिनारा आहे, रॉक गार्डन आहे ते पाहावे, अमृत हॉटेल मध्ये मासे खावे. त्यानंतर गोव्यांत पोळे मध्ये काही मासे वाली बार आणि रेस्टोरंट आहेत तिथे मासे खावेत. गाल्जीबाग चा समुद्रकिनारा अत्यंत निरव आणि शांत आहे. अजिबात गर्दी नसते. तिथे कासवांचे कॉन्सर्व्हेशन आहे पण मी कधी कासव पहिले नाहीत. पैगीण मध्ये छोटी छोटी चहाची दुकाने आहेत तिथे चहा ढोसावा. बेकरी मधून गरम गरम पाव आणि उंडे घ्यावेत. गोव्याची केळी सुद्धा जास्त स्वादिष्ट असतात.

अगोंडा, काबा दे राम (काणकोण जवळ आहे) आणि पाळोळे हे बीच मस्त आहेत. पाळोळे हा मोठा गजबजलेला बीच आहे कलंगुट प्रमाणे. इथे शक्यतो पैसे खर्च करूच नयेत. बामणबुडी हा धबधबा थोडा अत्यंत ग्रामीण भागांत आहे पण तुम्हाला तिथे जाणे शक्य झाल्यास जा.

आपले वाहन असल्यास आणि दिवसाला १ तास कम्युट शक्य असल्यास कारवार मध्ये राहा आणि सकाळी उठून काणकोण मध्ये प्रवेश करा. कारवार मध्ये जास्त चांगली हॉटेल्स असतात आणि फार स्वस्त असतात असा अनुभव आहे.

बाकी
१. वाहने जपून चालावा. वाहनातून कचरा बाहेर फेकू नका.
२. दारू पिऊन नका गाडी चालवू. (फेणी माझ्या मते अत्यंत ओव्हर रेटेड आहे)
३. काजू घेताना फक्त झांट्ये चे सफेद वाले बिन मिठाचे घ्या. सर्वांत महाग असले तरी अत्यंत उच्च दर्जाचे असतात.
४. टॅक्सी वाले एक नंबरचे लबाड आहेत.
५. शक्यतो सौम्य कपडे घाला. लक्षवेधी काही करू नका.
६. बहुतेक बेकायदेशीर वाटणाऱ्या गोष्ट पूर्णता ट्रॅप्स असतात. सापडू नका.
७. गोव्यांत जागो जागी ATMs आहेत त्यामुळे जास्त कॅश ठेवण्याची गरज नाही.

काय काय खजिना सापडला कळेलच.

करमाळा, सोलापुर जिल्हा येथे येत्या १५-२० दिवसात किमान २-३ दिवस घालवण्याचा विचार आहे... सोलापुर जिल्ह्यात प्रथमच जात आहे. तरी जाणकारांनी काय काय करू शकतो ( कुठल्या स्थळांना भेटी दयाव्यात, खाण्याची उत्तम ठिकाणे, तिकडे घ्यावयाची काळजी वैगरे वैगरे) या बद्दल सल्ला द्यावा.

पंढरपुर , भिगवण , अकलुज , उजनी आणी बॅक वॉटर हि ठिकाणे करमाळ्यापासुन जवळ आहेत .