एक दिवस पाऊस सर्व सुष्टी जलमय

लोकवस्ती बारक्या गावातून मोठ्या गावाकडे सरकत आहे. हेच कारण आहे. पाणी वाहून जाण्यासाठी मिळणारी जागा अडवली गेली आहे. त्यामुळे मोठा प्रवाह लवकर वाहत नाही, पाणी त़ुंबते.

आपण नदी पात्रावर अतिक्रमण करतो, जमिनीतून पाणी उपसून गटारीच्या माध्यमान नदीत ओततो. नदीला नियंत्रित करतो.परिणाम भोगावे लागणार.

आणि आताच बातमी ऐकली की एका दिवसात पुर्ण भरल्यामुळे एका धरणाचे ९ दरवाजे उघडले गेलेत

एका दिवसात धरण कस काय भरु शकतं ? कोणतं धरण आहे हे भातुकलीच्या खेळातलं ?

तर्कवादी बातम्या पहा.
पूर्णा प्रकलपाचे सगळे ९ दरवाजे एक सेटींमीटर ने उघडलेत.
पिंगळाई नदी आणि कोकणातल्या सर्व नद्या भरून वाहत आहेत.
तसेच कोल्हापूर मधील पंचगंगा नदी चे पाच प्रकल्प पूर्ण भरून वाहू लागलेत. एका रात्रीत १७ फूट उंची गाठली आहे.
मुबंईतील पवई तलाव वाहू लागलाय. सर्व धबधबे ओसंडून वाहू लागलेत.

सहमत
पाण्याचा निचरा होण्यासाठी जमीन नाही, डोंगर उंच / सखल भागात वाढलेल्या वस्त्यांंमुळे पावसाचे पाणी नद्या / नाल्यांमधे मिळण्याची सोय नाही. कित्येक नाले तर बुजवले गेले आहेत. वर लिहिल्याप्रमाणे गाळ काढला जात नाही आणि उलट नदीपात्रात भराव घातले जात आहेत.

१. शहरात नाले बुजवुन किवा बाजुबाजुने भराव घालुन वाट लावली जात आहे. पुण्यातील मोठे उदाहरण म्हणजे आंबील ओढा. दोन वर्षांपुर्वीच्या पावसात ओढा इतका पसरला की आजुबाजुची सगळी वस्ती इतकेच काय मोठमोठ्या इमारतीसुद्धा धोक्यात आल्या. तळघरातील पार्किंगमध्ये शेकडो गाड्या अडकल्या. पाण्याची वाट अडवली की ते कुठुनही वाट शोधणारच. पुण्यात रामनदी किवा मुंबईत मिठि नदी हा सुद्धा असाच एक नेहमी चर्चेचा विषय. तिला नदी का म्हणायचे कोणास ठाउक.
२. गावात पाणथळ जमिनी,गायराने अशा पाणी साठायच्या जागा भराव घालुन किवा कुंपण घालुन बळकावल्या जात आहेत.
३. जंगलतोडीमुळे धरणात जास्त गाळ वाहुन येत आहे आणि त्यांची साठवण क्षमता कमी कमी होत आहे. त्यामुळे धरणे लवकर भरतात.
४. सर्वपक्षीय राजकारणी आणि बिल्डर लॉबीची नजर आता राहिलेल्या टेकड्यांवर आहे. काही ना काही नियम बदलुन तिथे जागा बळकावायची लगबग चालु आहे.

हल्ली ग्लोबल वॉर्मिंग मुळे पाऊस सुद्धा एका दिवसातच भरपूर पडतो. ढगफुटीसम वर्षाव होण्याचे प्रमाण वाढले आहे.
काही ठिकाणी एका दिवसातच १०० मिमी पाऊस पडतो.
इतक्या त्वरेने पाण्याचा निचरा जमिनीत होऊ शकत नाही.
यात भर म्हणजे पाणी जमिनीत मुरण्यासाठीच्या वाटा आपण सिमेंटचे रस्ते बनवून बंद केलेले आहेत.
त्यामुळे नदी देखील इतके पाणी पचवू शकत नाही.

पूर हा आज काल जास्त येतो असा म्हणण्याची पद्धत पडली आहे.

चिपळूण शहरात १९२५ पासून दर वर्षी पूर येत असे असे आमचे आजोबा सांगत असत आणि वसिष्ठी नदीवर फरशी (पाण्याच्या पातळीपेक्षा थोडासा उंच असा पूल ) यावरून दर वर्षी निदान एक दोन माणसे वाहून जात असत. फरशींवरून पाणी वाहत असताना त्यावर वाहने चालवू नयेत असा बोर्ड मी तेथे पाहिलेला आहे.

बाकी झाडी तुटल्यामुळे ग्लोबल वॉर्मिंग झाले यामुळे पाऊस कमी झाला पासून अतिवृष्टी आणि ढगफुटी होते पर्यंत सर्व दावे वाचनात येतात

चालायचेच

आमच्या भागातल्या जमिनिवर सोसायत्या झाल्या. पावसाळ्यात कमरेभर पाणी रस्त्यावर साठते. वाहातुक कोन्डि होते पण तीन तीन णगर्सेवक ,आमदार काहिही करत नाही..