तुला काय ठाऊक सजणी, तुझ्यावर कोण कोण मरतंय ...

लई भारी,

जवानीचा हाय मामला
जरा हळुहळू बोंबला
आमचा बी जीव
हिच्या करताच की हो टांगला

खालची तळटिप वाचल्यावर उलगडा झाला. ज्वानीच्याभरात मस्त उतरेली होती कविता...

असे दिसतय की फार फार वर्षांपूर्वी जेव्हा तुम्ही तरुण होता तेव्हा भलतेच रसिक होता.

असो... गेले ते दिवस राहिल्या त्या आठवणी...माधुरी जेव्हा नेने झाली तेव्हापासून आम्ही अशा कविता करणे बंद केले

पैजारबुवा,

फार फार वर्षांपूर्वी जेव्हा तुम्ही तरुण होता तेव्हा भलतेच रसिक होता.

ऑबजेक्षण यूवर हॉनर .... आता सत्तरीतही आम्ही तरूणपणाएवढेच, किंबहुना त्यापेक्षा कांकणभर अधिकच - रसिक आहोत. २०१२ साली ही कविता सुचली तेंव्हाही साठीत होतो.
एवढे बोलून खाली बसतो.
रसिकांना कविता आवडते आहे, हे बघून आनंदित आहे.

तुझ्या डाळींबी हसण्यावर
पाटील बी फिदा हाय
रानात म्हणं आता तो
डाळींब लावणार हाय

तेल्याचा राजा दुकानात फकस्त
फेअर अँड लवलीच ठिवतोय
तूच एक गिऱ्हाईक त्याचं
असं गावात बोन्बलतोय

"जांभूळलेलं डोळं तुझं
अन गाभाळलेली काया"
असलं कायबाय तुझ्यावर
गणा मास्तर बी लिव्हतोय

तुला काय ठाऊक सजणी
तुझ्यावर कोण कोण मरतंय
आख्खं गाव तुझ्यासाठी
रात्रंदिवस झुरतंय

चित्रगुप्त आणि गणेशा,
तुम्हां दोघांच्याही कविता आवडल्या!

छान

रामदास फुटण्यांची वात्रटिका आठवली.

आम्ही आयुष्यभर मारुतीला तेल वात केली
ती मात्र नेन्यांच्या श्रीराम मंदिरात गेली ...

@ चामुंडरायः कविता छान वाटली, चांगले वाटले.
रा.फुं.ची वात्रटिका मजेशीर.

माधुरीचे नाव निघताच
मंडळी सगळी चेकाळली
प्रत्येकाची प्रतिभा कशी
थुई थूई नाचू लागली

पाटिल लावतोय डाळिंब
अन तेली विकतोय लव्हली
पैलवान, सुतार मंडळीही
काम करायला लागली

कोणी म्हणे मी ताठ उभा
पतियाळा पेग रिचवूनही
हे सगळे कडाकडा बोटे मोडती
नेन्यांच्या नावाने अजूनही

धकधक गर्लचे गारुड
अजूनही काही उतरत नाही
तिचे जादुई हास्य बघताना
जगाचे भान उरत नाही

पैजारबुवा,

माधुरीच्या घरी पत्रीका पाठवली
होकार येणार होता
पण मंगळ आडवा आला
श्रीरामाचा जन्म झाला
म्हणून नेन्यांच्या घरी
दिवाळीचा पाडवा झाला
धीर नाही सोडला हिम्मत नाही हरलो
पुन्हा एकदा माधुरीच्या घरी पत्रीका धाडलो
पुन्हा एकदा शनी मंगळाची झटापट झाली
दिक्षीतांची नाही पण देशपांड्यांची आली

आमची बी माधुरीच.......

मिपावरी सांप्रतकाळी
m f हुसेनांची मांदियाळी
घालुनी आपापली कवळी
गजगामिनीस शोधिती

वाह वाह ... अनन्त्_यात्री आणी पैजारबुवा ... १ नंबर

बाकी चित्रगुप्त काकांची कविता आणी गणेशा ह्यांचे जोडकाव्य मस्तच .

चित्रगुप्त काकांचे माधुरी काव्य आणि पुढची जोड काव्ये लाजवाब.
असं झुरत बसू नका . अंतरा (त्म्या)ला साद घाला :-)

आम्हा मिलेनियल्सनी कुणा अप्सरेवर कवने करावित ब्रे?

चित्रकार काय टाक फिरवतात म्हणून पाहिलो तर खजिनाच आणि दारांवर नागांचा पहारा नाही.

तरुण असताना वगैरे बोचरी टीका सोडा आणि नवीन रतीब घाला.

-------
जाताजाता दोन चार नवीन कवीही भेटले. वा.