अराजकीय घडामोडी - ऑगस्ट २०२३

मराठी मुलांनी अशी कष्टाची कामे केली तर गळ्यात बैलासारखे तोडे घालून कोण मिरविणार ?
+१३०८२३

सध्या बाकू येथे बुद्धिबळ विश्व कप स्पर्धा सुरु आहे. (विश्वविजेता स्पर्धा वेगळी , ती या आधी झाली - डिंग लिरेन विश्वविजेता आहे).
विश्व कप स्पर्धा नॉक आउट पद्धतीने १२८ खेळाडुंमध्ये होत आहे. उप-उपांत्य फेरीचे आठापैकी सात खेळाडू निश्चित झाले आहेत.
त्यात तीन भारतीय आहेत, आणि उद्या विदित गुजराती जिंकला तर चार होतील !
१७ वर्षांचा गुकेश पुढचा सामना मॅग्नस कार्लसनशी खेळेल.
१८ वर्षांचा प्रग्नानन्द पुढचा सामना २० वर्ष्याच्या अर्जुनशी खेळेल. प्रग्नानन्दने मागील फेरीत जागतिक क्र. २ हिकारू चा पराभव केला.

शेवटच्या ४ महिला खेळाडूंमध्ये हरिका द्रोणवल्ली आहे.
पुढच्या दहा वर्षात भारतीय विश्वविजेता / विश्वविजेते पाहायला मिळू शकतात.

धाग्यासाठी धन्यवाद.
चांगले मुद्दे घेतले आहेत.
१) कळवा रुग्णालय बातमी. दोन गोष्टी संभवतात. एक - रुग्णांना प्रथम खाजगीत उपचार करून मग शेवटच्या क्षणी "मोठ्या हॉस्पीटलला न्या" सल्ला देतात. हे माहिती आहे. दोन - घातपात,औषध भेसळ असावी. अशी घटना केईम परळला झाली आहे. एका वार्डाचे पाचसहा पेशंट दगावले आणि डॉक्टरलाच शंका आली की औषधात गडबड/भेसळ आहे. तसंच निघालं.

२)अवकाशात अशी याने सोडण्यासाठीचे नियोजन करण्यासाठी कोणती मध्यवर्ती नियामक संस्था आहे काय? होय.
ती दोन याने आपटणार नाहीत. रशियाचे यान एक वर्ष काम करणार आहे,भारताचे पंधरा दिवस.

रशियाची चंद्र मोहीम लुना-२५ अपयशी ठरली.
त्या यानाची उड्डाण नियंत्रण यंत्रणा, ऐनवेळी संदेशवहन बंद पडल्यामुळे यानाचा वेग नियंत्रित करू शकली नाही आणि ते यान चंद्रावर कोसळले.‌

पण मानवाची ब्रम्हांड पदाकांत करण्याची महत्त्वकांक्षा पराभूत होणार नाही.

---

भारताच्या चांद्रयानाच्या पुढच्या टप्प्यासाठी शुभेच्छा.

नागपंचमी विशेष : अडीच दशकांत तब्बल २० हजार सापांना जीवदान, वन्यजीवरक्षकाची कर्करोगावर मात करून सर्पसेवा. ही बातमी
अकोला : सापांविषयीचा गैरसमज, अंधविश्वास दूर होऊन त्यांच्या रक्षणासह समाजात जनजागृती करण्याचे अनमोल कार्य अकोल्यातील ज्येष्ठ सर्पमित्र बाळ काळणे गत अडीच दशकांपासून करीत आहेत.

या काळात त्यांनी तब्बल २० हजारांवर सापांना जीवदान दिले. मानद वन्यजीव रक्षक बाळ काळणे यांच्यावर जीवघेण्या कर्करोगाने झडप घातली होती. कर्करोगाशी कडवी झुंज देतानाही त्यांनी सर्पसेवा अविरत ठेवली. कर्करोगावर मात केल्यावर आता ते निसर्गसृष्टीच्या संरक्षणासह समाजप्रबोधनाचे कार्यदेखील करतात. बाळ काळणेंनी कृतीतून समाजात आदर्श निर्माण केला आहे.

तैवानचे लाई चिंग ते यांच्या अमेरिका भेटीनंतर चीन ने तैवानच्या खाडीत युद्ध सराव केला.

https://www.livemint.com/politics/china-launches-drills-near-taiwan-aft…

चीनी अर्थव्यवस्थेवर आर्थिक मंदीचे काळे ढग.एव्हरग्रँड या बलाढ्य चीनी बांधकाम कंपनीने दिवाळ खोरी जाहीर केली. चीन ने आर्थिक संकटातून बाहेर पडण्यासाठी अधिकचे ५ ट्रिलियन डॉलर्स ओतले.
https://www.financialexpress.com/world-news/turbulence-in-chinas-econom…

दोन्ही बातम्या एकत्र वाचल्या तर --जनतेचे लक्ष महत्वाच्या मुद्द्यांवरुन भलतीकडे वळवुन आपली पोळी भाजुन घ्यायची हे राजकारण सार्वत्रिक आहे हे लक्षात येते.

इस्रोच्या शास्त्रज्ञांना धन्यवाद आणि भारतवासी यांचे अभिनंदन.
या मोहिमेच्या पुढील वाटचालीसाठी शुभेच्छा.

चांद्रयान मोहिमेत भाग घेतलेल्या चमूचे चंद्रबळ आज अपार होते :) मोहिमेच्या सफलतेबद्दल चमूचे हार्दिक अभिनंदन !
आजची काही मजेदार व्हॉटसअप स्टेटस :
१) चंद्रयान चाँद पर है लेकीन सारा भारत सातवे आसमान पर है |
२) किसी देश के ध्वज पर चाँद है तो कोई देश ही आज चाँद पर है |

भारताच्या दूरदृष्टी असलेल्या नेतृत्वाला सलाम.

आजच्या लोकसत्तातील अग्रलेख वाचला.
शिक्षण, क्रीडा, मनोरंजन अशा अनेक क्षेत्रांकडे पाहाणे सोडून आपण उत्तरदेशीयांवर मात करण्यास महत्त्व देत राहिलो. ते जमले नाहीच; पण हाती होते तेही गेले. एकंदरीत दक्षिण भारतीयांच्या तुलनेत महाराष्ट्र पिछाडत आहेत असा सुर आहे.

JEE, NEET वगैरे स्पर्धा परीक्षांसाठी प्रसिद्ध असलेल्या कोटा (राजस्थान) या शहरात गेल्या दोन दिवसांत दोन विद्यार्थ्यांनी आत्महत्या केल्याची बातमी दिसत आहे. अधिक वाचू गेले असता चालू वर्षात बावीस विद्यार्थ्यांनी तिथे आत्महत्या केल्याचे कळले. हे धक्कादायक आहेच पण अनेक विद्यार्थी तीन तीन वर्षे ही एंट्रन्स एक्झामची तयारी करत आहेत असेही दिसते.

क्लासेसच्या अनेक मॉक एक्झाम होत असतात. त्या कठीण गेल्याने फायनल परीक्षेत आपले काय? या तणावाखाली असे होत असेल का? तूर्त कोटा शहर व्यवस्थापनाने या सराव परीक्षा थांबवण्याचे आदेश क्लासेसना दिले आहेत. पोरांना असल्या क्लासेसना घालताना पालकांना घोरच आहे. एकीकडे मोटिवेशन म्हणून करेंगे या मरेंगे टाइप बिंबवले जाते. अनेक ठिकाणी there is no plan B असेही सुचवले जाते. एकच तारा समोर आणिक.. असे काहीसे करून मुले लढत असतात. नेमके काय प्रकारे यश मिळवणे आदर्श हे कळत नाही खरे.