"आर्टिकल ३७० चा राजकीय थरार"

प्रचंड सहमत...

नवफुरोगामीवाममार्गीवमनप्रवीणबद्धकोष्टीहिंदूद्वेष्टेश्मश्रूप्रेमीवराहवंशीश्वानवृत्तीविचारवंत धावून येणार !!!

भारी लेख !
जातीय सलोख्यावर कृत्रीम पद्धतीने बनवलेले हास्यास्पद सिनेमा पेक्षा असे सिनेमे बघणं भारी असतं
असाच बारावी नापास बघायचा राहिलाय, तो ही बघायला हवा.

रच्याकने, हा लेख कायप्पावर वाचल्या सारखं वाटतंय !
कुणी लिहिलं ते नाव नव्हतं

कालच बघीतला! खूप आवडला!!

इथे या चित्रपटाचा परिचय करून दिल्याबद्दल अनेक आभार. (वर्तमानपत्रे, बातम्या वगैरे बघत नसल्याने असा चित्रपट आला असल्याचे माहितीही नव्हते). उद्या परवाच चित्रपट बघण्याचे ठरवले आहे. असे चित्रपट मुद्दाम चित्रपटगृहात जाऊन बघणे हेही एक राष्ट्रीय कर्तव्यच आहे, असे मी समजतो - म्हणूनच 'केरला स्टोरी' पण बघितला होता.
कृपया चांगले चित्रपट, आणि टीव्हीवरील चांगल्या कार्यक्रमांविषयी माहिती देत रहावी. अनेक आभार.

परखड विचार

प्रथम गुप्तचर विभागात काम करणारी २५ ते ३० वयाची मुलगी नंतर राष्ट्रीय अन्वेषण संस्थेची अध्यक्ष होते आणि अक्ख्या राज्याचा गुप्तचर विभाग तिच्या हाताखाली येतो आणि त्यानंतर ती कमांडो सारखी असॉल्ट रायफल घेऊन दहशवाद्यांचा खात्मा करण्यासाठी केवळ दोन गाड्या घेऊन जाते. यासारखा सत्याचा विपर्यास कोणत्याही सिनेमात केलेला नसावा.

शिवाय काश्मीरच्या मुख्यमंत्र्यांच्या संरक्षणासाठी केवळ एक चिलखती गाडी असावी आणि शेवटी हातघाईची लढाई असावी इतका तद्दन बाजारू आणि भंपकपणा दुसऱ्या भागात भरल्यामुळे पहिल्या भागात अपेक्षा उंचावल्यावर एकदम खड्ड्यात पडल्यासारखे वाटले.

त्यातून घटनेच्या दुरुस्तीचे कलम फक्त काश्मीरच्या एका वाचनालयातच असावे आणि भारतभर कुठेही नसावं. त्यासाठी तीच मुलगी जाऊन त्या वाचनालयातून घेऊन यावं आणि भारताच्या पंतप्रधान आणि गृहमंत्र्यांना ते माहिती नसावं इतक्या भंपक पातळीवर हा चित्रपट जातो.

३७० कलम रद्द केल्यावर काश्मिरात हिंसाचार होऊ नये याची जबाबदारी सुद्धा याच मुलीवर असावी? भंपकपणाची पातळी किती खाली उतरवावी?
काश्मिरात लष्कराचे ३ लाख ३० हजार सैनिक तैनात आहेत आणि निदान लाख डिड लाख केनरीय अर्धसैनिक बलाचे जवान तैनात आहेत

सर्वोच्च न्यायालयात टिकाव लागेल असा कायदा तयार करण्यात आणि ३७० कलम रद्द करण्यासाठी किती कायदा विभागातील अधिकारी, कायदे तज्ज्ञ आणि विधी विशेषज्ञ यांनी कष्ट घेतले आहेत याची हा सिनेमा पाहिल्यावर किंचितही कल्पना येणार नाही. सर्व बाजूनी विचार करून केलेले हे जगड्व्याळ काम एका मुलीच्या हिरोईनगिरी वर उभे केलेलं पाहणे हा केवल अत्याचार आहे

एका मुलीच्या हिरोईनगिरीवर "अख्खा सिनेमा" उभा केला आहे.

उगाच ३७० नाव वाचून गेलो होतो टिपिकल बॉलिवूड छाप बाजारीकरण केलेला सिनेमा वाटला.

अर्थात सिनेमा चित्रपटगृहात चालणे आणि सत्य यांचा काहीही संबंध नाही.

केवळ दोन चार सत्य घटनांचा उल्लेख करून सत्याचा पार अपलाप केलेला माझ्या सारख्या निवृत्त लष्करी अधिकाऱ्याला पाहवत नाही.

हॉलिवूड काय अन बॉलीवुड काय, बहुतेक पिच्चरात फालतू फिल्लमबाजीच असते. मात्र पैसे खर्चून बघायचे, तर शारूक-सलम्याच्या फालतूगिरीपेक्षा असे पिच्चर बघावेत असे आम्हास वाटते.

राष्ट्रवादी सिनेमांमध्ये खरे खोटे वैगरे काही विचारायचे नसते. फक्त गोरिला सारखे छाती पिटत पिटत बाहेर पडायचे असते.

या आधी आलेल्या राष्ट्रवादी सिनेमा केरळ स्टोरी मध्ये पण काही गोष्टी मनाजोगत्या दाखवल्या होत्या. तसे लिहिल्यावर ह्या संस्थळावरचे काही सन्माननीय सदस्य "हागणारे, निर्लज्ज" अश्या भाषेत उत्तरे लिहीत होते.

छान

'आर्टिकल ३७०' पाहिला!
सध्या सचिन तेंडुलकरचे काश्मिरचे एकाहून एक सुंदर व्हिडिओ पाहिले.एका रहिवासी महिलेचे पर्यटनबाबत सकारात्मक मत ऐकले.मागच्या वर्षीच आत्या काश्मीरमध्ये मस्त ट्रीप करून आली होती. तेव्हा प्रश्न पडतो.इतक्या सुंदर काश्मिरला अतिरेक्यांनी नजर लावलीच कशी?आणि लावावी तरी का?
तर पाहयला जायचं होता ड्यून सिनेमा पण कोणीच बरोबर येईना मग ३७० बघायला जाऊ या ठरवलं.मी काश्मीर फाईल आणि केरळा स्टोरी कमकुवत हृदयामुळे थिएटरमध्ये पाहायला जाणं शक्यच नव्हतं.दोन्ही नंतर ओटीटीवर पाहिले तेव्हा खूप भडक वाटले.पण ३७० बघू शकणार कारण यात एक सकारात्मक घटना दाखविली आहे.
नेहमी जुन्या राजकीय घटनांचे सिनेमा पाहतांना या ऐतिहासिक क्षणाचे आपण साक्षीदार नव्हतो हे वाटतं राहते.पण केवळ भारतात असूनही वेगळे असणारे हे काश्मिर ३७० मुळे कसे अनेक धूर्त राजकरण्यांचे दगडफेक, सैनिकांवर हल्ले करणे यासाठी मोब तयार करून वापरणे,धर्माचा धाक दाखवत प्रगतीही नाकारणे,गुप्तपणे पाकिस्तानची चाटूगिरी करणे इत्यादी असे अनेक कारनामे समजले.
३७० हटवण्यासाठी कायदेशीर तयारी कशी झाली यात दाखवली खरी पण खरचं ते एक कलम का डिलीट केलं होतं याचा भुंगा आता डोक्यात शिरला आहे.कालांतराने वाचनातून याची उत्तरं मिळतीलही.पण हे ३७० हटवण्यासाठी इतकं वर्ष कोणाचीच आस्था का नव्हती हाही प्रश्न पडला.
वरील प्रतिसादात डॉ.खरे यांनी म्हटल्याप्रमाणे इतक्या महत्त्वाच्या कारवाईमध्ये इतकं कमी सैनिक घेऊन जावं ही कुजबुज आम्ही उभयंता थिएटरमध्ये करत बसलो होतो :)
बाकी थिएटर पूर्ण भरलं होतं.अनेक प्रसंगांना टाळ्या पडत होत्या.ते रामाचा अभिनय करणारे अरूण गोविंद मोदीच ओळखले जातील ;)
आणि किरण करमरकर,वैभव तत्ववादी या मराठी गुणी कलाकारांना उत्कृष्ट अभिनयासाठी १०/१० गुम देईन.
भारत हा विविधतेने नटलेला देश आहे असं लहानपणापासून शिकवलं आहे .या भारतीय साम्राज्याच्या मुकुटमणी जम्मू आणि काश्मिर भारताला शोभून दिसत होता ,राहिल आणि राहणार.

Artcle 370 रद्द करण्यात आले हे भारतातल्या व काश्मिरच्या जनतेला ही कळत आहे, त्याचे सकारत्मक, फायदे व बदल हा कळत आहे.

पण मला व्यक्तीशा: विचारायचे आहे: "काही वर्षांपुर्वी मला जो ट्रेन मध्ये, मुंबईला खासकरुन, प्रवास करताना असुरक्षितपणा जाणवायचा, बॅग दीसली की भीती, सर्व स्टेशन वर मिलिटरी व पोलिस चेकींग साठी." हे सर्व चित्र आता का पुर्ण बंद झाले आहे व तेव्हा एवढे सहज, नियमितपणे व सरासर का चाललेले?

का चाललेले? .........का चाललेले?

मी प्रधानमंत्री कार्यालयात असताना माननीय ए एस दुलत ( एक्स. रॉ) आणि एम के नारायणनच्या अखत्यारीत कार्य केले आहे. एवढेच म्हणेन सिनेमा हा अतिरंजित असतो. आपल्या दर्शकांना तसाच आवडतो. ३७० समाप्त झाल्याने फक्त काश्मीर नाही तर पंजाब सहित संपूर्ण हिमालयीन भाग वाचला आहे.

सिनेमाचा महा भंपक पणा मान्य केला तरी एक वस्तुस्थिती मान्य करावीच लागेल

ती म्हणजे सामान्य जनतेला शाहरुख खान आणि अक्षय कुमार किंवा सैफ अली खान बद्दल जशी भरपूर माहिती असते तशी डॉ रघुनाथराव माशेलकर, एस सोमनाथ किंवा डॉ होमी भाभा यांच्याबद्दल असत नाही.

त्यामुळे अशा काश्मीर, ३७० कलम, केरळ स्टोरी अशा गोष्टींबद्दल जनतेला माहिती होण्यासाठी सिनेमा हे माध्यम नक्कीच अत्यंत प्रभावी आहे.