काय करावे

काय करावे प्रतिसाद द्यावा की नको
लेखन हिट झाल्याचा संदेश जात आहे

काय करावे? लेखन उचंबळून आले आहे,
पण लोक काहीबाही कमेंटत आहेत.

काय करावे पुन्हा जिलेबी
एकेक जिलेबी वाढत आहे !

निरपेक्ष - निर्लिप्त रहावे

किती करावे, किती भरावे,
कितीदा संचित रिते करावे?

किती नडावे, किती रडावे,
कोणा द्यावे किती पुरावे?

किती फसावे, किती हसावे,
डोळ्यांचे दव किती पुसावे?

किती वळावे, किती पळावे,
आयुष्याला किती छळावे?

किती हरावे, किती स्मरावे,
तेल संपता किती जळावे?

किती जुळावे, किती गळावे,
शब्दांशी या किती जुगावे?