तारखेवरून वार

मजेशीर आहे रे हे!
मस्तच.. :)
- (सर्वव्यापी)प्राजु
http://praaju.blogspot.com/

मजेदार प्रकार आहे. फक्त ते तोंडी करून उत्तर देताना चूक झाल्यास उगाच तोंड पोळले जाईल ;)

अशा अजुनही युक्त्या माहीती करून घेयला आवडतील.

अवांतरः
मधे मला काही हजार तारखा असेलेला विदा हा वारांवरून विश्लेषणासाठी वापरायचा होता. तेंव्हा लक्षात आले की एक्सेलमध्ये (अथव गुगल डॉक्स मधे) त्यातील एक "सेल" घेऊन त्याचा "फॉर्मॅट" "कस्टम" ठरवून "dddd" करायाचा! झाले तो दिवस येतो. मग ती सेल कॉपी करून खालच्या तारखांमधे "पेस्ट स्पेशल फॉर्मॅट ओन्ली" केले की झाले!

येस्स! मलाही हे सूत्र माहीत होतं. अनेक वर्षापूर्वी एकदा मटामध्ये आलं होतं!

तात्या.

अशाच प्रकारे... अजुन एक सुत्र आहे .... मनातील संख्या ओळ्खण्या साठी पण मला आता ते आठवत नाही ... कुणाला माहित असेल तर सांगावे....

कॅलक्युलेटरपेक्षा तो शोधणारा/बनवणारा श्रेष्ठ, तस्मात, तारखा-वार पाठ करणार्‍यापेक्षा अभिज्ञचं जास्त कौतुक.
(मला वाटत नाही मी हा फॉर्म्युला मुखोद्गत करेन; मला आजची तारीख नाही आठवत नीट!)

अदिती
स्वाक्षरीत प्रत्येक वेळी 'पंच' असावा असं थोडीच आहे?

खी खि खी

मस्तच आहे की रे हे!

एक प्रयत्न.
१ जानेवारी १९०० ला रविवार होता.नियमानुसार १ जानेवारी १९०२ ला सोमवार असणार्.मधे जर लीप वर्ष आले तर एक वार आणि पुढे.म्हणजे आता १ जानेवारी १९८५ म्हणजे रविवार +८५ दिवस झाले.बरोबर? त्यात लीप वर्ष चार वर्षातून एकदा.म्हणजे
१ जानेवारी १९८५ ला असणारा वार = रविवार +८५ दिवस्+१९८५ पर्यंत आलेल्या लीप वर्षान्ची सन्ख्या.बरोबर?

आता संगणकावरची दिनदर्शिका उघडा.तारीख घेवूया १ जानेवारी २००३.ह्या दिवशी बुधवार आहे.१ फेब्रुवारी २००३ ला शनिवार आहे.१ मार्च २००३ ला शनिवारच आहे.१ एप्रिल २००३ ला मंगळवार आहे,१ मे २००३ ला गुरुवार आहे....
म्हणजे १ फेब्रुवारीचा वार = १जानेवारीचा वार +३ दिवस(फेब्रुवारी =४)
१ मार्च चा वार = १ जानेवारीचा वार +३ दिवस(म्हणजे मार्च = ४)
१ एप्रिल चा वार = १ जानेवारीचा वार +६(म्हणजे एप्रिल = ७,सात दिवसांचा एक आठवडा म्हणून एप्रिल = ०)
१ मे चा वार = १ जानेवारीचा वार +१(म्हणजे मे = २)
.....
बहुदा वर हेच रीत वापरली असावी.
म्हणजे १५ ऑगस्ट १९८५ चा वार = रविवार +८५ दिवस्+१९८५ पर्यंत आलेल्या लीप वर्षान्ची सन्ख्या+१ ऑगस्ट पर्यंतचे दिवस+१५ दिवस. बरोबर?
(१.२५ ला गुणायचे म्हणजेच किती लीप वर्षे आली ते काढायचे.)

ह्या शतकासाठी वरिल पद्धत वापरायची असेल तर वारांचे स्थिरांक बदलावे लागतील.
समजा १५ ऑगस्ट २०११ ला कुठला वार येतो हे पाहयचे आहे.
तर- पद्धतीप्रमाणे- ११*१.२५ = १३.७५ ह्यातले केवळ १३ घेतले. १३+१५ = २८ + ३(महिन्याचा स्थिरांक) = ३१.
३१ला ७ ने भागले की बाकी ऊरली-३ . आता वारांचे स्थिरांक पाहिलेत तर रविवार =१ आहे.१जानेवारी १९०० ला रविवार होता म्हणून रविवार =१ असावा. ह्या शतकासाठी बदल करावा लागेल कारण १ जाने २००० ला शनिवार होता.
म्हणजे-
शुक्रवार =०
शनिवार = १
रविवार = २..
गुरुवार = ६
बाकी ३ उरली म्हणजे सोमवार्.संगणकाच्या दिनदर्शिकेत पाहिलेत तर १५ ऑगस्ट २०११ ला सोमवारच आहे.

भेन्डि
क्ष्^न + य्^न = झ्^न

या वर्षी ४ एप्रिलला शनिवार आहे.
तर
४/४, ६/६, ८/८, १०/१०, १२/१२,
५/९, ९/५, ११/७, ७/११,
आणि फेब्रुवारीचा शेवटचा दिवस
या सर्व तारखांना तोच वार म्हणजे शनिवार असणार आहे. (आणि असे हे दर वर्षी असते.)
एवढ्या ज्ञानावरून थोडे पुढेमागे करून चालू वर्षातील कुठल्याही महिन्यातील (१२ पैकी १० महिने तर इथेच मिळाले) कोणत्याही तारखेचा वार शोधून काढणे सोपे आहे.
वाईट एकच की यात कसलीही आकडेमोड नाही त्यामुळे या पद्धतीला अजिबात ग्लॅमर नाहीये.
- दिगम्भा

उगाच असल्या गोष्टींना उत्तेजन देऊ नये.
ज्ञानदीप कार्यक्रमात १५-२० वर्षांपूर्वी ठीक आहे. आज ते निरुपयोगी आहे. त्याचा पुनर्शोध (रेइन्वेन्टिंग द व्हील) कशाला?
गारगोटीने विस्तव पेटवून दाखवणार्‍याचे आपण कौतुक करू काय?
खराटा
(रंग माझा वेगळा)

अभिज्ञजी,आपण दिलेली माहिती छान आहे.

खुप छान............ !!!

किति हुशार आहात !!!

आम्हि फएन

चांगली माहिती.

भेण्डीबाजार, तुम्ही सांगितले तसेच सूत्र मी भरपूर वेळा वापरतो.
तुमच्या पहिल्या वाक्यात १ जानेवारी १९०० ला रविवार होता.नियमानुसार १ जानेवारी १९०२ ला सोमवार असणार. असे म्हटले आहेत. ते १ जानेवारी १९०१ ला सोमवार पाहिजे असे मला वाटते.

खराटा, तुमचे म्हणणे पटले नाही.
याचा अर्थ असा घ्यावयाचा का? कि आजकालच्या मोबाईलच्या जमान्यात कोणीहि कुठलाच दुरध्वनी क्रमांक पाठ करू नये?
होय. अर्थातच. मी स्वतः लोकांचे फोन नंबर लक्षात ठेवीत असे. ते लक्षात ठेवण्यासाठी काही ट्रिकही शोधल्या होत्या. पण आता मी ते लक्षात ठेवत नाही.
ह्यात जर मोबाईल/संगणक बिघडला तर ते दूरध्वनी क्रमांक कोठून मिळणार? जर ते लक्षात असतील तर चांगले आहेच ना? तसेच तंत्रज्ञानातील प्रगतीची सुरूवात ही जुन्या काळातील असल्या सूत्रांचा वापर करूनच झाली आहे. अजूनही भरपूर ठिकाणी असल्या प्रकारची सूत्रे संगणकात भरूनच तो वापरला जातो. अर्थात त्यात नवीन पद्धती आल्या असतीलच पण जुने विसरून जाणे खटकते.

इथे कोणाला वारावरून तारीख सांगायचं सूत्र माहिती आहे का? :?
_____________________________
कुठे संत तुकाराम? कुठे शांताराम आठवले?